ەەڭ جاڭا مازمۇندار
2018 - جىلى 9 - ايدىڭ 19 - كۇنى 210 - سان
2018 - جىلى 9 - ايدىڭ 18 - كۇنى 209 -سان
2018 -جىلى 9 - ايدىڭ 17 - كۇنى 208 - سان
2018 - جىلى 9 - ايدىڭ 15 - كۇنى 207 - سان
2018 - جىلى 9 - ايدىڭ 14 - كۇنى 206 - سان
2018 - جىلى 9 - ايدىڭ 13 - كۇنى 205 - سان
2018 - جىلى 9 - ايدىڭ 12 - كۇنى 204 - سان
2018 - جىلى 9 - ايدىڭ 11 - كۇنى 203 - سان
2018 - جىلى 9 - ايدىڭ 10 - كۇنى 202 - سان
2018 - جىلى 9 -ايدىڭ 8 - كۇنى 201 - سان
2018 - جىلى 9 -ايدىڭ 7 - كۇنى 200 ـ سان
2018-جىلى 9 - ايدىڭ 6-كۇنى 199-سان
2018 ـ جىلى 9 ـ ايدىڭ 5 ـ كۇنى 198 ـ سان
2018 ـ جىلى 9 ـ ايدىڭ 4 ـ كۇنى 197- سان
2018 ـ جىلى 9 ـ ايدىڭ 3 ـ كۇنى 196 ـ سان
ۇستازىم ـ قورمالىم
ۇستاز جۇرەگى
جۇرتشىلىقتىڭ قىزۋ قارسى الۋىنا بولەندى
بۇقارانىڭ تۇندە جول ءجۇرۋ قيىنشىلىعىن شەشىم ەتتى
شارۋالار كىرىسىن ارتتىرۋدا باستاماشىلدىق رول اتقاردى
شارۋالار ارپادان مول ءونىم الىپ، كىرىستەرى ارتتى
قويان باعىمشىلىعى اۋقاتتانۋعا جارقىن جول اشتى
لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ جالپى بەتتىك جەڭىسىنە قول جەتكىزەيىك
«ءۇش ءتۇرلى كۇشكە» باتىل سوققى بەرىپ، «ەكىبەتكەيلەردى» تۇبەگەيلى الاستايمىن
قوعام ورنىقتىلىعىن قورعاۋ جاۋاپكەرشىلىگىن ناقتاپ تياناقتاندىرامىن
وتاندى بولشەكتەيتىن قاسكۇنەمدىك اتاۋلىنى باتىل تۇردە تاس-تالقان ەتەمىز
اۆتونوميالى رايونىمىز قامقورلىق جاسالاتىن وبيەكتىلەردىڭ قامقورلىق قاراجاتى مەن تۇرمىستىق جاردەماقىسىن تاعى جوعارىلاتتى
ورتالىق اۆتونوميالى رايونىمىزداعى قيىنشىلىعى بار بۇقاراعا 2 ميلليارد 470 ميلليون يۋان كومەك قارجى ءبولدى
«ءبىر بەلدەۋ، ءبىر جولدىڭ» 5 جىلداعى ساۋدا سوماسى 5 تريلليون دوللاردان استى
التىن كۇزدەگى سۇبەلى تابىستار

ەرتەڭنەن باستاپ...

جولدانعان ۋاقىتى : 2017/9/12 11:54:42

جەڭىسنۇر باتقوللاۆا
 
  ءيا، ەمتيحان مايدانى عوي، جازايىن با بىردەمە،سۇراققا ۇڭىلەمىن كەلىپ، مۇلدە، بەيتانىس سۇراقتار عوي، وقىدىم با وسى مازمۇندى وقىمادىم با؟ ماتەماتيكانىڭ سۇراقتارى بەينە قيلىسپايتىن تۇزۋلەر سەكىلدى، مەنىڭ ويىممەن دە، مۇلدە،قيلىسپاي، ەس تۇيسىگىممەن تۇيىلىسپەي  اق قويدى، سوسىن ەرىكسىز ەركىمدى باسقا جاققا بۇردىم.
  
  تاپ -تازا كلاس ىشىندە تاڭەرتەڭگى تازا اۋا تەرەزەدەن اڭقىپ كىرىپ، كوك ءتۇستى پەردەنى كولبىرەتە ىرعايدى. كۇننىڭ كولبەۋ تۇسكەن ساۋلەسى كوزىمدى ۇيالتىپ ، بەينە ماتەماتيكانىڭ ساۋلەلەرىن تابا الماعانىما مازاق قىلعانداي،ەكى ساۋلە ەكى جاقتان جان دۇنيەمدى بۇرعىلاپ بارادى. اتتەڭ نەگە عانا تولىق ورتانى وقىدىم ەكەن دەشى، ءبىر جىلدان اسىپ، ەكىنشى جىلدىققا قادام تاستادىم. ەشتەمە يگەرە المادىم. ورتالاۋدى بىتىرە سالىپ، ماشينا رەمونتىن ۇيرەنىپ كەتەيىن دەسەم، شەشەم عوي ءبىر جاعىنان ايتەۋ الگى ءبىر دوسىنىڭ بالاسىمەن سالىستىرىپ، سەنىڭ ودان قاي جەرىڭ كەم، ۋنيۆەرسيتەت وقيسىڭ، ارنايى وقۋعا اتتانۋ تويىن جاساپ، مەندە ءبىر ەل الدىندا ەڭسەمدى كوتەرىپ قالسام، كولبىرەتىپ كويلەك كيىپ، شاشىمدى گۇلعىپ ءتۇيىپ، دوستارىمدى تۇگەل جيىپ، تۇرىپ قالسام، شىركىن، دەپ ارماندادى ەمەس پە اناشىم. سونىمەن  ەشتەمە ۇقپاسام دا وتىردىم عوي ايتەۋ. الدىمىزداعى قىزىل ءتۇستى وقىتۋشىلار مىنبەسىندە وتىرعان مۇعالىم دا سىربازدانىپ قارايدى بارىمىزگە ، ءيا، جانى جايساڭ، كيىمى رەتتى بۇل ۇستازىمىزعا ءبارىمىزدىڭ احۋالىمىز توپ-تولىق سايراپ تۇرعان بولۋ كەرەك. ۋاقىت قۇرعىر وتپەيدى-اۋ وسىندايدا، اناۋ  الدىڭعى قاتارداعى بىركەلكى جازىپ سىتىرلاتىپ وتىرعان وزات ساباقتاستارىما قاراسام ۋاقىتتارىن جەتكىزە الماي قاربالاس.       

  مەنىڭ الدىمداعى ساباق قاراۋدان باسقانى بىلمەيتىن، ادەتتەگى اڭگىمەنى دە ساباقپەن بىرلەستىرىپ سويلەيتىن ساباقتاسىما كومەكتەس دەپ ايتىپ قويعان ەدىم عوي، كومەكتەسەتىنى قايدا ؟ ءالى توسىپ وتىرمىن، ۇمىتىپ كەتكەن ۇقسايدى. اقىرىن اياعىممەن تەۋىپ قويامىن. جاۋاپ جوق.

  قارىنىم دا  اشىپ بارادى. تاڭەرتەڭ جاتاقتان جاي تۇرا سالىپ، تاماق ىشپەي كەلە سالاتىن بولعانىمىزعا قاي زامان. ەكى كوزىم ەلدە، سۇراق قاعازىنا قاراۋعا زاۋقىم مۇلدە جوق. تاعى دا باقىلاي باستادىم...

  اناۋ ءبىر ارتتا وتىرعان ۇزىنتۇرانى قاراشى، قالامدى قولىمەن شىر اينالدىرپ  ويناپ  وتىر. ۇنەمى ماتەماتيكا ساعاتىندا ۇيىقتاپ جاتاتىن، سودان بولار ول دا ۋاقىتىن وتكىزە الماي، ارتقى بالانىڭ قاعازىنا قاراپ قويادى. شىركىن، قاعاز جۇرەتىن بولساشى، ەلدىڭ قاعازى الدىما كەلىپ قوناتىن بولساشى دەپ ارمانداپ وتىرعانى اي.    
  
  ەسىك جاق گرۋپپانىڭ ورتاسىنا الا وتىرعان، شاشىن شوشايتىپ، تۇيىپ العان انەۋ ءبىر قىز ساباقتاسىم مەكتەپ كيىمىن، مۇلدە كيگىسى كەلمەيتىن سانقوي. ايتەۋ قاتاڭ تۇزىمگە بولا كيىپ الىپ شىعا سالىپ شەشىپ تاستاپ، مۇلدە باسقاشا بولىپ شىعا كەلەتىن. ال كلاسقا كىرگەندە جۋاسي، قالاتىن قۋدىڭ ءوزى. بۇگىن ونىڭ ەكى كوزى مۇعالىمدە، مۇعالىمدى اڭدىپ قانا ۋاقىت وتكىزىپ شارشادى.

  مۇعالىمنىڭءسال كوزى تايىپ كەتسە، قاسىنداعى سۇراققا قاراي قالادى، قاراشى، ءتىپتى ول دا شارشادى، مۇعالىم دە شارشادى بىلەم. ال ونىڭ قاسىنداعى جازدىق دەمالىستا شەشەسى اۋرۋ بولىپ اكەسىنە كومەكتەسىپ، جازداي قوي باققان، وقۋ باستالعاندا قاپ-قارا بولىپ كلاسقا ۇيالىپ ارەڭ كىرگەن قارا قىزدىڭ ەڭبەكقورلىعىنا امال جوق. ول بۇگىن ءوز ەڭبەگىنىڭ جەمىسىن كورۋ ءۇشىن كۇندىز-  ءتۇنى  جاتتاعان فورمۋلالارىن بىردەن ەسىنە ءتۇسىرىپ كۇبىرلەپ جازىپ وتىر.
 
  انە اناۋ مەنىڭ وسى كلاستاعى ەڭ جاقىن دوسىم، ول قۋشىكەش، كلاستى كۇلكىگە باتىرىپ جۇرەتىن قۋ. وعان قاراپ ءدال قازىر دە كۇلكىم  كەلدى، ورىندىعىن ادەيى جىلجىتىپ الىپتى. ءبىر سۇيەم بولسا دا جاقىنداي تۇسكىسى كەلەتىندەي الدىڭعى ساباقتاسقا، موينىم الدىعا پۇرجينا سەكىلدى سوزىلاتىن بولساشى دەپ ارمانداپ قوياتىنداي.
 
  « مۇعالىم شىقسام بولا ما؟ شىقسام بولا ما ؟» دەپ قاقساپ وتىرعان اناۋ ءبىر تەنتەك  شىققاندا نە تىندىرماقشى ەكەن، باياعى توراپحاناعا بارعانعا اسىعىپ وتىرعان شىعار.
 
  ەڭ الدىمدا وتىرعان قىز ساباقتاسىمدى ساباقتاستار مازاقتايتىن  سيىقسىز دەپ، وتباسىندا قيىنشىلىعى بار، باۋىرىن ءوزى جەتەلەپ قارايتىن سول ساباقتاسىما قاراپ جانىم اشىدى، ادەتتە مەنسىنبەي مازاقتايمىز عوي، ال ول بىلىمگە كەلگەندە بارمىزدەن مىقتى، « بىلەگى جۋان ءبىردى جىعار،ءبىلىمى جۋان مىڭدى جىعار» دەيتىن حالىق ماقالى وسىنداي شىندىقتان تۋعان شىعار.
  ويباي -اۋ، مەن نە قىلىپ وتىرمىن، جازايىنشى بىردەمە، جوق ەرتەڭنەن باستاپ قۇلشىنايىنشى...

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.