ءتىلشىمىز ۋاڭ چۇنلين حابارلايدى. بيىلعى 10 - قىركۇيەك كۇنى - 33 ـ رەتكى وقىتۋشىلار مەرەكەسى. 9 - قىركۇيەك كۇنى ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى، وقۋ-اعارتۋ قىزمەت كوميتەتىنىڭ شۋجيى ليۋ لي جانە ايماقتىق وقۋ - اعارتۋ مەكەمەسىنىڭ جاۋاپتى جولداستارى ايماقتىق پارتكوم مەن اكىمشىلىك مەكەمەسى اتىنان ءبىرىنشى شەپتەگى وقىتۋشىلار مەن وقۋ - اعارتۋ قىزمەتكەرلەرىنەن حال سۇراپ، وقۋ - اعارتۋ شەبىندە تالىقپاي ەڭبەك ەتىپ جاتقان تۇتاس ايماعىمىزداعى قالىڭ وقىتۋشىلار مەن وقۋ - اعارتۋ قىزمەتكەرلەرىنىڭ مەرەكەلەرىنە قۇتتى بولسىن ايتتى ءارى شىنايى حال سۇرادى.
سول كۇنى ليۋ لي ايماقتىق 2 - ورتا مەكتەپتىڭ وقىتۋشىسى زۇلپىنۇر حالىق، ايماقتىق پەداگوگيكا مەكتەبىنىڭ وقىتۋشىسى ءدىلنۇر، ايماقتىق ەرەكشە وقىتۋ بالالار مەكتەبىنىڭ وقىتۋشىسى چى گۇيپيڭ، ايماقتىق جوعارى دارەجەلى 1- ورتا مەكتەپتىڭ وقىتۋشىسى فان شياۋيان جانە ايماقتىق جوعارى دارەجەلى 1 - ورتا مەكتەپكە كومەككە كەلگەن لياۋنيڭ ولكەلىك تاجىريبە ورتا مەكتەبىنىڭ وقىتۋشىسى جاڭ چۇنجى قاتارلىلاردان حال سۇرادى.
ليۋ لي بارعان جەرلەرىندە ءبىرىنشى شەپتە تاپجىلماي ىستەپ جاتقان وقىتۋشىلارمەن ىقىلاستى اڭگىمەلەسىپ، ايماعىمىزدىڭ مەكتەپ قۇرىلىسىن جانە دامۋ جاعدايىن، ساقتالعان قيىنشىلىقتاردى ەگجەي-تەگجەيلى ۇعىسىپ، وقىتۋشىلاردىڭ قىزمەت جانە تۇرمىس جاعدايىن سۇراپ، جۇرەك جاردى ۇندەرىن تىڭداپ، اۋىرتپاشىلىقتارىن ۇعىستى ءارى ولارعا حال سۇراۋ قاراجاتى مەن گۇل ۇسىندى.
حال سۇراۋ بارىسىندا ليۋ لي ايماقتىق پارتكوم مەن اكىمشىلىك مەكەمەسى جانە تۇتاس ايماعىمىزداعى ءار ۇلت بۇقاراسى اتىنان تۇتاس ايماعىمىزداعى قالىڭ وقىتۋشىلار مەن وقۋ - اعارتۋ قىزمەتكەرلەرىنىڭ ايماعىمىزدىڭ وقۋ - اعارتۋ ىستەرىنىڭ دامۋىنا قوسقان ۇلەستەرىنە راقىمەت ايتتى. ول بىلاي دەدى: « ايماعىمىز وقۋ - اعارتۋ ىستەرىنىڭ دامۋىنا ەجەلدەن وسكەلەڭ ءمان بەرىپ، وقۋ-اعارتۋدى باستان-اياق الدىمەن دامىتاتىن ستراتەگيالىق ورىنعا قويىپ كەلەدى. الداعى جەردە تۇتاس ايماعىمىزداعى قالىڭ وقىتۋشىلار مەن وقۋ - اعارتۋ قىزمەتكەرلەرىنىڭ ارقالاعان بورىشتارىن جەتە تانىپ، اۋەلگى ماقساتتى ۇمىتپاي، ۇزدىكسىز ۇيرەنىپ، اناعۇرلىم تاسقىنداعان جىگەرمەن قىزمەتكە كىرىسىپ، ايماعىمىزدىڭ وقۋ - اعارتۋ ورەسىن ۇزدىكسىز جوعارىلاتىپ، شينجياڭ كولەمىندە بەلگىلى ىقپالعا يە ءبىر نەشە مەكتەپ قۇرىپ، ايماعىمىزدىڭ ەكونوميكاسى مەن قوعام دامۋىنا اناعۇرلىم كوپتەگەن ۇزدىك دارىندىلاردى باۋلۋىن ءۇمىت ەتەمىز».
ليۋ لي مىنالاردى تالاپ ەتتى: ءارقايسى اۋدان، قالا جانە ايماققا توتە قاراستى قاتىستى تاراۋلار تۇتاس ايماعىمىزداعى قالىڭ وقىتۋشىلارعا اۋەلگىدەي كوڭىل ءبولىپ، وقۋ-اعارتۋعا قاراتىلعان ۇسىنىلىمدى ارتتىرىپ، وقۋ-وقىتۋ شارت-جاعدايىن جاقسارتىپ، تۇتاس قوعام وقىتۋشىلارعا قۇرمەت ەتەتىن ورتا قالىپتاستىرىپ، تۇتاس قوعام وقۋ - اعارتۋعا ءمان بەرەتىن، وقۋ - اعارتۋعا كوڭىل بولەتىن، وقۋ - اعارتۋعا قولداۋ كورسەتەتىن تاماشا سالت ورناتىپ، حالىق ريزا بولاتىن وقۋ-اعارتۋدى بىرلىكتە دامىتۋ كەرەك.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.