ماڭىزدى ءسوز رۋحىن مالشىلارعا جەتكىزدى

  ۇسىنىس ەتىلگەن ءتىلشى تاۋلە قۇماش ۇلى حابارلايدى. جۋىقتا شاعانتوعاي اۋداندىق حالىق ۇكىمەتى، مال شارۋاشىلىق - مال دارىگەرلىك مەكەمەسى، حالىق ىستەر مەكەمەسى سىندى ورىنداردان ۇيىمداسقان 6 ۇگىت جۇرگىزۋ گرۋپپاسى مال شارۋاشىلىق وڭىرىندەگى مالشىلاردىڭ جايلاۋ - كۇزەۋلىكتەرىن  ارالاپ، اۆتونوميالى رايوندىق پارتكومنىڭ شۋجيى چىن چۋانگونىڭ 30 - تامىزدا سويلەگەن ءسوزىنىڭ رۋحىن جەتكىزدى.

  ۇگىت جۇرگىزۋ گرۋپپاسى مالشىلاردى چىن چۋانگو شۋجيدىڭ ءسوزىنىڭ رۋحىن مۇقيات ۇيرەنۋگە ۇيىمداستىرىپ، «ءۇش تۇرلى جاۋ كۇشكە» باتىل قارسى تۇرىپ، قوعامنىڭ ورنىقتىلىعى مەن باياندى تىنىشتىعىن قورعاپ، ۇلتتار ىنتىماعىن دارىپتەپ، ىنتماقتاسا العا باسىپ، اقىل - پاراساتتى جۇمساپ، قوس قولعا سۇيەنىپ كاسپتەنىپ، پارتيا ورتالىق كوميتەتى العا قويىپ وتىرعان كەدەيلەردى سۇيەمەلدەۋگە قامال الۋ قىزمەتىنە بار كۇشپەن سەلبەسىپ، كەدەيلىكتەن قۇتىلۋعا جۇمىلدىردى. سونمەن بىرگە، مالشى وتباسىلارىن ارالاپ، ناقتىلى قيىنشىلىقتارىن سۇراپ ۇعىسىپ، سەلبەسىپ ەمدەلۋگە تولىق قاتىناسۋ، دەنساۋلىق  تەكسەرتۋگە ءمان بەرۋ جونىندە كەڭەس بەردى، سونداي-اق مالشىلارعا مالدى ىندەتتەن ساقتاۋ ۆاكسيناسىن قويدىرۋ، ۋانناعا سالۋ، ەرتە باستان جەم -ءشوپ جيناۋ، قورا- قالتقىنى جوندەۋ سياقتى كەزەكتەگى مال شارۋاشىلىق وندىرىسىنە قاتىستى جۇمىستارعا كوڭىل  ءبولۋدى ەسكەرتتى.

  قارابۋرا اۋىلى جالپاقتال قىستاعىنىڭ مالشسى قاتاي: «بۇگىن اۋدان جاعىنان ۇيىمداسقان ۇگىت جۇرگىزۋ گرۋپپاسى 6 ءتۇرلى ماڭىزدى قىزمەتتى ۇگتتەدى، قازىر ساياسات جاقسى، ورنىقتىلىق پەن باياندى تىنىشتىقتى قورعاۋدى، كەدەيلىكتەن قۇتىلۋدى العا قويىپ وتىر. ون ەكى مۇشەسى ساۋ ادام بۇگىنگىدەي باقىتتى قوعامدا كەدەيمىن دەپ كوپتەن كومەك سۇراعانى ۇيات، بالا- شاعالارعا قوس قولىڭا سۇيەنىپ، اقىل- پاراساتىڭدى جۇمساساڭ مىنا زىمىران ءداۋىردىڭ كوشىنەن قالمايسىڭ دەپ ناسيحاتتاپ وتىرامىن» دەدى. 
 

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.