ءتىلشىمىز ۋاڭ چۇنلين حابارلايدى. 12 - قىركۇيەكتە ايماق اۆتونوميالى رايوننىڭ حاۋىپسىز ءوندىرىس جۇرگىزۋدى ارالاپ تەكسەرۋىن قارسى الۋ قىزمەتى ءماجىلىسىن اشىپ، كەزەكتەگى جانە مۇنان بىلايعى ءبىر مەزگىلدەگى حاۋىپسىز ءوندىرىس قىزمەتىن جاپپاي جاقسى ىستەۋ جونىندە قايتالاي ورنالاستىرۋ جاساپ، اۆتونوميالى رايوننىڭ حاۋىپسىز ءوندىرىس جۇرگىزۋدى ارالاپ تەكسەرۋىن قارسى الۋ قىزمەتىن جاقسى ىستەۋ جونىندە اتتانىسقا كەلتىردى.
ماجىلىستە ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات جارمۇحامبەت ۇلى مىنالاردى اتاپ كورسەتتى: وڭاۋ - تۇزەتۋ، تياناقتاندىرۋدى قاتاڭ مىقتى يگەرىپ، ءتۇرلى حاۋىپسىز ءوندىرىس شىرعالاڭدارىنىڭ تۋىلۋىنان جاپپاي ساقتانۋ كەرەك. كەزەكتە ءار دارەجەلى پارتكوم مەن ۇكىمەت «وڭاۋ - تۇزەتۋدىڭ دارمەنسىز بولۋى قىزمەت مىندەتىن اتقارماعاندىق، وڭاۋ - تۇزەتۋدى مىقتى ۇستاماۋ جاۋاپكەرسىزدىك ىستەگەندىك» دەيتىن تانىمدى بەرىك ورناتىپ، كوزالداعىنى تياناق ەتىپ، بولاشاقتى كوزدە ۇستاي، ىرىقتىلىقپەن ماسەلەنى ءداپ باسىپ يگەرىپ، ماسەلەنىڭ سەبەبىن ىزدەپ تاۋىپ، سايكەستى شارالاردى زەرتتەپ، ءارقايسى ءتۇر بويىنشا وڭاۋ - تۇزەتۋگە جاۋاپتى ادامدى، مىندەت سالماعىن، ۋاقىت كەستەسى مەن جوباسىن بەلگىلەپ، كۇشتى شوعىرلاندىرا وتىرىپ، حاۋىپسىز ءوندىرىس جۇرگىزۋدەن قامال الۋ شايقاسىندا، ءسوزسىز، جەڭىپ شىعۋ كەرەك. حاۋىپسىز ءوندىرىس جاۋاپكەرلىك ءتۇزىمى جۇيەسىن كەمەلدەندىرىپ، زاڭ بويىنشا اماندىق باسقارۋدى ىشكەرىلەي ورىستەتىپ، ءبىرشاما ءىرى شىرعالاڭداردىڭ تۋىلۋىنان قاتاڭ ساقتانىپ، ارناۋلى وڭاۋ - تۇزەتۋدى شوعىرلى ورىستەتىپ، حاۋىپسىزدىك نەگىزى قابىلەتى قۇرىلىسىن جوعارى ونىمدىلىكتە ىلگەرىلەتۋ كەرەك.
مۇقيات جارمۇحامبەت ۇلى مىنالاردى تالاپ ەتتى: ءبىر نيەتپەن سەلبەسە وتىرىپ، ارالاپ تەكسەرۋگە سايكەسۋ قىزمەتىن بار كۇشپەن جاقسى ىستەۋ كەرەك. پوزيتسيامىزدى دۇرىستاپ، تەكسەرۋدى شىن پەيىلىمىزبەن قابىلداۋىمىز؛ ناقتىلى شارالاردى كۇشەيتىپ، تەز ارادا وڭاپ - تۇزەتىپ، تياناقتاندىرۋىمىز؛ جان - جاقتىلى، جىڭىشكەلىكپەن ورنالاستىرىپ، سايكەستىرۋ، قامتاماسىزداندىرۋدى مىقتى ۇستاۋىمىز؛ قىزمەت جاۋاپكەرلىگىن ايقىنداپ، جاۋاپكەرلىگىن قۋزاستىرۋدى قاتاڭداستىرۋىمىز كەرەك.
ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ۋاليى حوۋ شيڭحۇي ءماجىلىستى باسقاردى.
اكىمشىلىك مەكەمەسىنىڭ ورىنباسار ۋاليى، ايماقتىق قوعام حاۋىپسىزدىگى مەكەمەسىنىڭ باستىعى يان فىڭ قارامايلىداعى «12 - قىركۇيەك» جول قاتىناس شىرعالاڭى جاعدايىن حابارلاندىردى. ايماققا توتە قاراستى ورىنداردىڭ جاۋاپتىلارى نەگىزگى ءماجىلىس زالىندا بەينە - ەكران ماجىلىسىنە قاتىناستى، ءارقايسى اۋدان، قالانىڭ باسشىلارى بولىمشە ءماجىلىس زالىندا بەينە - ەكران ماجىلىسىنە قاتىناستى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.