ەەڭ جاڭا مازمۇندار
2020-جىلى 7-ايدىڭ 10-كۇنى 143-سان
نەگىزگى زاڭدى ۇيرەنۋ ۇگىت-تاربيەسىن كۇشەيتىپ، ايماقتى زاڭمەن جونگە سالۋدى ىلگەرىلەتۋ كەرەك لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جەڭىسىنە باتىل قول جەتكىزىپ،ەكولوگيالىق ورتانى قورعاۋ كەرەك
كورىنىسى كوركەم ەگىنجاي
ايماقتىق حالىق قۇرىلتايى قىزمەت كوميتەتى 2020-جىلعى 2-رەتكى ءماجىلىسىن اشتى
شاعانتوعاي: كۇمىس شاعالانى قۇتقاردى
تومەنگى قاراۇڭگىر قىستاعى كىشى-گىرىم ىستەردەن ەلەۋلى ناتيجە جاراتتى
كەدەيلەردى سۇيەمەلدەۋ جولىندا شىنايى سۇيىسپەنشىلىگى ارقىلى بۇقارانىڭ سەنىمىنە يە بولدى
ساۋان اۋدانى رايون ىشىندەگى سەلبەستىك ارقىلى ءپايزاۋات اۋدانىنىڭ كەدەيلىكتەن ارىلتۋدان قامال الۋىنا كۇش ۇستەدى
ساقا پارتيا مۇشەلەرىنەن حال سۇرادى
قىستاق تۇرعىندارىنىڭ تازالىق دارەتحاناسىن سالۋىنا كومەكتەستى
«كەلىنى جاقسى ءۇيدىڭ كەرەگەسى التىن»
مىڭ مەترلىك گۇل ءدالىزىنىڭ كوركى كوز تارتادى
تەلەگراف الدامشىلىعىنان ساقتانۋ ۇگىتىن جۇرگىزدى
شي جينپيڭ جۇڭگو-اراب ەلدەرى سەلبەستىك تالقى مىنبەرىنىڭ 9-كەزەكتى مينيستر دارەجەلىلەر ماجىلىسىنە قۇتتىقتاۋ حات جولدادى
شاۋەشەك 995 شۇعىل جاعدايعا توتەپ بەرۋ بويىنشا قۇتقارۋ-كومەكتەسۋ اترەتى قۇرىلدى
شاعانتوعاي: «ۇيرەنۋدە قۋاتتى ەل» ۇيرەنۋ ىنتاسىن قاۋلاتتى
جوعارى مەكتەپ ەمتيحانى باستالدى
قىستاقتا تۇرىپ،بار زەيىنىمەن حالىقتىڭ مۇڭ-مۇقتاجىن شەشتى
ۇلتتار ىنتىماعىنداعى وزات كوللەكتيۆتەر مەن وزات جەكەلەردى ماداقتاپ-سيلادى
قوقىر-قوقسىقتى تۇرگە ايىرۋدى ۇگىتتەدى
بولماشى ءىس _ ارەكەتىمەن ىستىق مەيىرگە بولەپ،كەدەيلىكتەن ارىلۋعا دەم بەردى
وتباسىلارىن ارالاپ،اقىسىز تەكسەرۋ جۇرگىزدى
2020-جىلى 7-ايدىڭ 9-كۇنى 142-سان
ءبارى دە وسىناۋ جاسىل اۋماقتى قورعاۋدىڭ قامى ءۇشىن
رەفورماعا سۇيەنىپ وزگەرىستەرگە توتەپ بەرىپ، جاڭا جاعداي اشىپ، ەكونوميكالىق، قوعامدىق دامۋعا قوزعاۋشى كۇش قوسۋ،ومىرشەڭ كۇش ۇستەۋ كەرەك
شاۋەشەك قالاسى: 500 مەيىر جەتكىزۋ اۆتوموبيلى جوعارى مەكتەپ ەمتيحانىنا دەم بەردى
جوعارى مەكتەپ ەمتيحانى مايدانىنا جەتۋگە كومەك كورسەتىلدى
جازعى استىق جيناۋ-ساتىپ الۋ قىزمەتى ءساتتى جۇرىلۋدە
2020-جىلى 7-ايدىڭ 8-كۇنى 141-سان
عىلىم-تەحنيكا تۇرمىسقا جەتەكشىلىك ەتتى

«اقىن بولۋ ءوز ەركىڭ...»

جولدانعان ۋاقىتى : 2017/9/15 13:10:13

گۇلسىناي تۇقان قىزى

  «ايتىس» دەسە ەلەڭ ەتپەيتىن قازاق جوق شىعار. ايتىس - قازاق حالقىنىڭ  قانىنا بىتكەن، بوگەنايى بولەك ورەلى ونەردىڭ ءبىرى.

  ايتىس - بابادان قالعان اياۋلى ونەردىڭ ءالقيساسى. ايتىستى تەگەۋرىنى تەنتەك، جانارى وتتى قىران قۇس دەسەك، سول قىراننىڭ توماعاسىن - تەك قازاق قانا سىپىرعان. «ەرىم دەيتىن ەل بولماسا، ەلىم دەيتىن ەر قايدان شىقسىن» دەپ، ءتاڭىر بەرگەن تالانتىن تاڭدايىنا سيدىرىپ، ۇناسىمدى تابيعاتىن، وتكىر ءتىلىن، ويلامدى ويىن ورتاعا سالاتىن كەيىپكەردى ءبىز اقىن دەيمىز.

  «ءبىر اقىننىڭ ساۋ بولسا ءتىل مەن جاعى، مىڭ ادامنىڭ ايتىلار مۇڭى مەن زارى» دەگەندەي، حالىقتىڭ قۋانىشى مەن جۇبانىشىن، كوڭىل تولعانىسىن ولەڭگە سيدىرىپ، ەلمەن بىرگە كۇلەدە، جىلايدا ءبىلۋ كىم كورىنگەننىڭ قولىنان كەلمەيدى.

  اقىن ءارى ەڭ باتىر، ءارى ەڭ نازىك كەيىپكەر. ول حالىقتىڭ قالاۋى ءۇشىن قيان - كەسكى ءسوز سايىسى ورتاسىندا قىزىل ءتىل مەن جۇرەگىنە تەك ەلىنىڭ نامىسىن جالاۋ ەتىپ، جان قيارلىقپەن اتوي سالۋعا قاشاندا ءازىر. ونىڭ ۇرانى  «جەڭىس»، ۇلى ءانى «نامىس»، ال باتىرلىعى ول ءبىر توبە. ونىڭ نازىكتىگى سونشا، ءباز ءبىر قارا كۇشتىڭ يەسى، ويلامسىزدىڭ وركەنى ويلاپ تا قويماعان كىلەڭسىزدىكتى كوزى شالعاندى قويىپ، قۇلاعى سىبىرىن ەستىپ قالسا، ەسى كەتە ەسەڭگىرەيتىن، جۇرەگىمەن جىلايتىن، قىلدان دا ءالسىز نازىكتىگىن قايتەرسىز.

  اتام زاماننان بەرى، بەسىكتەگى بالاسىن الديلەگەندە، اق اجەمنىڭ اق تىلەگى سول بەسىك جىرىندا جاتپاۋشى ما ەدى:  «سوزدەن مارجان توگەتىن اقىن بولار ما ەكەنسىڭ... ءالدي-ءالدي،ءالدي-اي» ...

  اقىنىن ارداقتاعان، اسىلىن قورلاتپاعان قازاق دەيتىن ەلدەنبىز دەپ اۋىلىنا اقىن كەلسە اق سارباسىن ايتىپ، التى الاشقا ات شاپتىرىپ، ايتىستىرىپ، جەڭگەنىنە جولىن بەرىپ، قىل اياعى ونەرىنە تابىنعانى سونشا، جاۋقازىنداي جەتىلىپ كەلە جاتقان جەتكىنشەكتەرىنە اقىننىڭ «جولىن بەرسىن» دەپ اۋزىنا تۇكىرتىپ، الدىنا جۇگىندىرىپ، باتا سۇراتىپ بايەك بولعان دالاداي دارقان ەلدىڭ ۇرپاعىمىز.

  كەشەگى اسەت، ءبىرجان، سارا، ءسۇيىنبايداي ءسوز سۇلەيلەرىنىڭ سارقىنى بولعان بۇگىنگى اقىندار جايلى نە ايتقىڭىز كەلەدى؟

  كەشەگى تاس تۇنەك قوعامدا بۇعاۋعا تۇنشىعىپ، ءتۇرلى سەبەپتەر سەنىمىنە سەلكەۋ سالسا دا، حالىق اراسىندا ءار ايتقان ءسوزى حالىق انىندەي حالىقپەن بىرگە ءسىڭىپ، جۇرەگىندە جاتتاۋلى، ايتىس  ونەرىن بۇگىنگە جالعاعان سول  ارنالى اقىنداردىڭ ەڭبەگى بولار.

  ال بۇگىندەرى باياشات تۇرمىس،  زىمىران ءداۋىر، جوعارى وقۋ، زيالى  كورەرمەن ورتاسىندا حان قىزىنداي نايقالعان كەي اقىندارىمىزدان سۇبەلى جىر، سۇمبىلە ولەڭ تابا الماي دال بولاتىنىمىز ايانىشتى-اق. ساحناعا شىعارى   شىعىپ الىپ، نە ەل تۇسىنبەيتىن، نە ءوزى تۇسىنبەيتىن، شۇبىرتپالى تولعاۋ تەكتەس ءبىر ولەڭدى باستاپ الىپ، سوڭىن دوعارا الماي، ءوزى قارا تەرگە مالىنىپ، كورەرمەننىڭ دە  زىقىسىن الىپ، زەرىكتىرىپ الاتىنى قارنىڭدى اشتىرادى.

  «زورلاپ قوسقان تازى تۇلكى الماس»  دەپ قامشىلاتا بەرۋ شاباننىڭ ءىسى عوي. اقىندىق تالانت، ەڭ اۋەلى، اناڭنىڭ اق سۇتىمەن بويىڭا دارىعان تۋما قابىلەت بولسا عانا، قالعان بولەگىن اۋىلدىڭ القالى تۇرمىسىنان، كەڭ كوسىلگەن جازيرالى جايلاۋدان، قاباعى تۇكسيگەن قارا تاۋدان، اساۋ وزەننەن تولىقتاپ الۋعا بولار ەدى.

  امال نە؟ بۇل كۇندەرى ون شۋماق ولەڭ جاتتاپ اقىن اتالىپ، ماڭايىنا ماڭعازدانا قاراپ، كەشەگى اقىننىڭ جىرىمەن، دالا تاريحىنىڭ سىرىمەن ساناسپايتىن ءبىر توپ اقىنعا جاقىندار پايدا بولعالى، ايتىستىڭ دا قۇنى كەتىپ بارا   جاتقان سياقتانا بەرەدى.

  اقىن، ەڭ اۋەلى، قارا قوستىڭ قاسيەتىن سەزىنەر قاراپايىمدىلىعىمەن، اۋىلدىڭ اۋاسىن سۇيەر ماحابباتىمەن، وتكەندى زەرتتەيتىن زەردەسىمەن، بولاشاعىن بولجار ومىرشەڭ تەڭدەسىمەن سىنالار. بۇل عانا ەمەس، اقىندا ەل تۇسىنگىسى كەلەتىن «تەرەڭدىك»، ۇيرەنگىسى، ۇلگى ەتكىسى كەلەتىن دارالىق مەنمۇندالاپ تۇرسا قانداي كەرەمەت بولار ەدى.

  ساحناداعى جىرى مەن قوعامداعى ورنى قابىسىپ،تىڭدارمانى تامسانىپ،حالقى قارسى الىپ تۇراتىن اقىن بولۋ ءار تىڭدارمان ءۇشىن دە ماقتانىش شىعار.

  «اقىن بولۋ ءوز ەركىڭ، ازامات بولۋ بورىشىڭ» دەگەندەي، «ايتىس» سىندى كۇردەلى ونەرگە قىزىققان ءارى سول ونەردى بويتۇمار ەتكىسى كەلەتىن ونەرپازدار، اۋەلى، وسى ونەردىڭ قاسيەتىن ۇلاعاتتاپ، كەۋدەسى التىن ساندىق قاريالاردان بابا زاڭىن جاتتاپ، دالا زاڭىن زەرتتەپ، ازاماتتىق ارمانىن جەلەۋ ەتىپ، اقىندىق اردا ونەردى العا سۇيرەپ، سوڭعىلارعا ۇلگى، حالىققا ماقتانىش بولسا، نۇر ۇستىنە نۇر بولار ەدى.

  ونەردىڭ ولكەسى كەڭ، ولەڭنىڭ ورداسى قاسيەتتى. تەك قارا قوستىڭ قاسيەتىن بويىنا سىڭىرگەن، دالانىڭ  دارقاندىعىن سەزىنگەن، تابيعي تالانتىن تىلىنە تيەك قىلعان، تاپ بەرمەنىڭ يەسى، قارا ولەڭنىڭ جۇيەسى بولار اقىندارىمىز مولايا بەرسىن، ايتىس دەگەن شىن ساپارعا جول الا بەرسىن.
 
(تارباعاتاي ايماقتىق مادەنيەت سارايى)

 
  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn