ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

جۇڭگولىقتارعا قۇلاق اسپايتىن ءداۋىر كەلمەسكە كەتتى

جولدانعان ۋاقىتى : 2017/11/13 13:15:39

  امەريكانىڭ  لوس – انجەلوس ۋاقىتى بويىنشا قاراشانىڭ 12 – كۇنى كەشتە، زەرلى جەيدە كيگەن كينو شولپانى چىڭ لۇڭ  امەريكا كينو كوركەمونەر جانە عىلىم ينستيتۋتى تاراتقان وسكار عۇمىرلىق تابىس سيلىعىن الدى. قولىنا كىشكەنە عانا التىن ادام سيلىعىن العان چىڭ لۇڭ – وسى سيلىقتى ەنشىلەگەن تۇڭعىش جۇڭگولىق ءارى  وسى سيلىققا يە بولعانداردىڭ ىشىندەگى ەڭ جاسى بولدى. ودان بۇرىن وسكار عۇمىرلىق تابىس سيلىعىن شارلز چاپلين، ۋات ديسنەي، پاۆەل نيەۋمان، اكيرا كۋروساۋا قاتارلى دۇنيەگە تانىمال كينو شولپاندارى العان.

  ءىس جۇزىندە وسى سيلىققا يە بولۋدان ىلگەرى چىڭ لۇڭ حالىقارادا الدەقاشان جۇڭگو مادەنيەتىنىڭ ۋاكىلدىك نىشانىنا اينالىپ ۇلگىرگەن – دى. لي شياۋلۇڭنان كەيىن كينو كوركەمونەرى الەمىندە ول سياقتى اتى اتالعاندا جۇڭگونى ەسىنە الاتىن؛ ونىڭ ەسىمىن ەسىنە الاتىن بىردە – ءبىر ادام بولعان ەمەس. سوندىقتان دا شىعار چىڭ لۇڭنىڭ سيلىق الۋى جۇڭگونىڭ كينو ىستەرىندەگى ساليقالى ساتكە اينالدى.  وسىعان وراي «حالىق گازەتىنىڭ»  ءتىلشىسىنىڭ وسكار سيلىعىن ەنشىلەپ كەلگەن چىڭ لۇڭمەن سۇحباتىن بەرىپ وتىرمىز.

«كەيدە ءتۇس كورگەندەي كۇي كەشەمىن»

  ليۋ ياڭ: تۇڭعىش رەت وسكار عۇمىرلىق تابىس سيلىعىن ەنشىلەگەن جۇڭگولىق ءارى وسى سيلىقتىڭ ەڭ جاس يەگەرى بولۋىڭىز تىم توسىن بولمادى  ما؟
چىڭ لۇڭ: شىنىندا قۋانىشتىمىن. كەيدە ءتۇس كورگەندەي كۇي كەشەمىن، باسىمنان از ىستەر وتكەن جوق، الەمدەگى ون ايگىلى جاس اتاعىن قامتىعان، تۇڭعىش رەت التىن اتەش سيلىعى بويىنشا ەڭ تاڭداۋلى ەر باس كەيىپكەر بوپ سارالانعان شياڭگاڭدىق ارتيس دەگەن ماراپاتتارعا يە بولدىم.... ءيا، كوپتەگەن ىستەردى ويلاپ تا كورمەگەم.

  ليۋ ياڭ: حولليۆودتا تۇڭعىش رەت كينو تۇسىرۋگە بارعان كەزىڭىز قاي كەز ەدى؟

  چىڭ لۇڭ: 22 جاس كەزىم ەدى، سەرىكتىك حالىقارالىق شولپان بولۋىما ماقۇلدىق ءبىلدىردى، وزىمشە حالىقارالىق شولپان بولۋ وڭاي - وسپاق شارۋا ەكەن دەپپىم دە امەريكاعا باردىم. الايدا اعىلشىن ءتىلىن بىلمەسەم قالايشا حالىقارالىق شولپان بولا قويايىن؟ سونىمەن امەريكادا 9 اي اعىلشىن ءتىلىن ۇيرەندىم، بۇدان وزگە تۇك تە تىندىرعام جوق.

  ليۋ ياڭ: سول كەزدە حولليۆودتا كينو الۋىڭىزعا قوسىلعان با ەدى؟

  چىڭ لۇڭ: سول كەزدە مەن امەريكادا ءوز ۇلگىم بويىنشا دامۋشىلىققا قول جەتكىزۋگە بولمايتىنىن اڭعاردىم. بۇدان بۇرىن شياڭگاڭدا الدەقاشان شولپان بولىپ ۇلگىردىم  عوي، ال  امەريكادا بولىمسىز كوزقاراس بىلدىرۋىمە دە بولمايتىن، ەشكىم دە قۇلاق اسىپ جاتقان جوق، قايدا بارسام دا ەتەگىمنەن تارتىپ وتىراتىن، كوپ جاقتان سىنالىپ – مىنەلىپ وتىراتىنمىن.

  قانشالىق كۇش سالعانىممەن، ولار جاقتىرماي، العان كورىنىستەرىمدى كەسۋمەن بولدى... ولار ماعان بىرەۋدى ۇرىپ جىعۋدى تاپسىرادى، ءبىراق مەن بۇلاي جۇدىرىق جۇمساۋدى كىم ىستەي المايدى دەگەن ويعا كەلىپ، وزىمشە كەدەرگىلەردەن سەكىرىپ ءوتۋ سياقتى ءبىرتالاي ارەكەتتەر جاسادىم، ولار مايمىلعا ۇقساپ كەتتىڭ دەپ تاعى دا جاقتىرمادى.

  ليۋ ياڭ: حولليۆود پەن ازيانىڭ پارقى سونشالىق الشاق قوي، ەندەشە ءوزىڭىزدى ولاردان تومەن سەزىنبەدىڭىز بە؟

  چىڭ لۇڭ: ارەكەتتەرىمدى دە مويىندامادى، اعىلشىن ءتىلىن دە بىلمەيمىن، تاڭداعان سەنەريام دا ءوز قالاۋىمداعى نارسە ەمەس. شىنىن ايتقاندا ساتسىزدىككە ۇشىراعانداي سەزىندىم، سەرىكتىك تە مەنىڭ كەيبىر ايگىلى شولپاندار تۇسىرەتىن كينوداعى ۇساق كەيىپكەرلەردى سومداۋىما قوسىلمادى، سول كەزدە  ءوزىمنىڭ  سونشالىقتى  ات – اتاقسىز شولپان ەكەنىمدى اڭعاردىم، تيتتەي دە سەنىمىم بولمادى دا كۇيرەپ قالعانداي بولدىم. سونىمەن ازياعا قايتىپ كەتەيىن، ءوزىمنىڭ وزگەرمەس ارمانىمدى جالعاي بەرەيىن، مەن ءالى دە سول ءوزىممىن، سەندەرگە سايكەسەمىن دەپ ءوز يدەيامدى وزگەرتە المايمىن دەگەن ويعا كەلدىم. ناتيجەدە قالاي بولدى دەيسىز عوي؟ 15 جىلدان كەيىن تۇتاس
 
امەريكا بويىنشا  چىڭ لۇڭ ستيلىندەگى ارەكەتتى ۇيرەنۋ باستالدى.
ل
  يۋ ياڭ: سولتۇستىك امەريكا  كورەرمەندەرىنىڭ كينودان ءلاززات الۋ داعدىسى ازيا كورەرمەندەرىمەن ۇقسامايتىن شىعار؟

  چىڭ لۇڭ: ۇقسامايدى. ولار كلينت يستۆۋد سياقتى مىلتىقپەن ءبىر اتىپ – اق بىرەۋدىڭ جانىن الاتىن، بىرەۋدى ءبىر جۇدىرىقپەن سۇلاتا سالاتىن ۇردا – جىقتاردى ۇناتادى، ولار وسىنداي  ۇرىسقا تۇسەتىندەردى ەر ازامات دەپ بىلەدى. ال مەنىڭ جۇدىرىق سىلتەۋ  ءتاسىلىم شى؟ توبەلەسىپ بولعان سوڭ ءوزىم دە قينالامىن، جۇدىرىق سىلتەپ العان سوڭ قولىمدى اۋزىما اپارىپ ۇرلەي بەرەمىن، مۇندايدا كورەرمەندەر مەنى قاھارمان دەپ سانامايدى، ءتىپتى، قابىلدامايدى. ولاردىڭ ۇناتاتىنى بىلىققان توبەلەس، ارەكەتتىك كينو  ەمەس، شىنىن ايتقاندا ەكەۋى ەكى دۇنيە دەسە دە بولادى.

  ليۋ ياڭ: سىزشە امەريكانىڭ ەرەن گەرويى مەن جۇڭگونىكىنىڭ ايىرماشىلىعى بار ما؟

  چىڭ لۇڭ: پارىق تىم الشاق. امەريكانىڭ ەرەن گەرويى شەتىنەن ۇشا الادى، ال ءبىز ۇشا المايمىز. ولار شەتىنەن امەريكا دۇنيەنى،بۇكىل ادامزاتتى قۇتقارادى دەيتىن «زور امەريكاشىلدار»، ال ءبىزدىڭ گەرويلارىمىز اۋلەتىن، قىستاقتى، مەملەكەتتى   قۇتقاراتىندار، ولاردىڭ دەنى مەملەكەتكە ىقىلاسى اۋعاندار، سوندىقتان دا بۇلاردىڭ اراسىنداعى پارىق تىم زور.

  «جاڭالىق اشۋ تىم قيىن، شاكەنە باسىم شاراداي بولدى» 

  ليۋ ياڭ: ارەكەت - قازىر چىڭ لۇڭ كينولارىنىڭ كورنەكتى بەلگىسىنە اينالدى دەۋگە بولادى، مۇنداي ستيلدەرىڭىزدە تۋ باستا – اق جوسپار، جوبا بولدى ما؟

  چىڭ لۇڭ: كينو الۋ بارىسى مەنى تىم تابيعي تۇردە بۇگىنگى ستيلىمە الىپ كەلدى دەپ بىلەمىن. مەن كوپشىلىكتىڭ ويىنداعىداي ونشالىقتى تالانتتى ەمەسپىن، بار بولعانى كۇندەگى ىستەرىمدى ۋاعىندا ورىندايتىنىم عانا.

  ءالى ەسىمدە ءبىر جولى يۋگوسلاۆيادا كينو تۇسىرگەندە تىم بيىكتەن قۇلاپ ءتۇستىم، سول كەزدە ادامنىڭ سونشالىق ءالسىز بولاتىنىن اڭعاردىم، سول ءبىر قاس قاعىم ءسات كوپتەگەن ويلارىمدى وزگەرتتى. بۇرىن مەن بولاشاقتا نەلەردى ىستەۋىم كەرەك دەگەندەردى ۇنەمى ويلايتىنمىن، سودان باستاپ ءوزىمنىڭ ءاربىر كۇندەرىم مەن ايلارىمدا نەلەردى ىستەيتىنىمدى عانا ويلايتىن بولدىم دا قالعانىنا تىم باس قاتىرىپ كەتپەيتىن بولدىم. مەنىڭ قىزمەتىمنىڭ حارەكتەرى سول كۇنى ەگەر وقىس جاعداي بولاتىن بولسا وتباسىما ورالا الماي قالاتىنىمدى ۇعىندىردى، سوندىقتان ءار كۇنگى ىستەرىمدى تىندىرسام عانا بولدى.

  كينو تۇسىرگەننەن بەرى ءوزىم   ۇناتاتىن حارەكتەرلەر بويىنشا ءوزىمدى كينوعا ءتۇسىرۋ جونىندە عانا ىزدەنىپ كەلدىم. شىندىعىنا كەلگەندە كينودا بولسىن، الدە سىرتتا بولسىن بارىندە دە مەن باياعى ءوزىممىن. جاسىمنىڭ ۇلعايۋىنا ىلەسە، كينولارىمدا دا وزگەرىستەر بولىپ جاتىر. 

  ليۋ ياڭ: وسىنشا جىلدار ارەكەت كينولارىن تۇسىرگەنىڭىزدە، كورەرمەندەرىڭىزگە تىڭ ويلار، تىڭ يدەيالار بەرە الدىڭىز با؟

  چىڭ لۇڭ: جاڭالىق اشۋ تىم قيىن، شاكەنە باسىم شاراداي بولدى، ءار كۇنى سەنەريانىڭ جاعدايىن، ارتيستەردى سەپتەۋدى، ۇقساماعان ورتادا ارەكەتتەردى سايكەستىرۋدى ويلايمىن. شىندىعىنا كەلگەندە شىنايى ارەكەتتىڭ دە جاعدايى بەلگىلى بولىپ بارادى، ەرەن گەرويى جونىندە كينو تۇسىرەيىن دەسەڭ، كوپتەگەن كومپيۋتەر تەحنيكاسىنان پايدالانادى، ال ءبىزدىڭ مىنا قول – اياق سايىسكەرلىگىمىزدە زور وزگەرىس بولاتىنداي قايداعى ونشالىق كوپ كەڭىستىك دەيسىڭ. ماسەلەن، مەنىڭ ەڭ سۇڭعىلالىق تانىتقانىم «ون ەكى مۇشەل» فيلمىندەگى قول – اياعىمدى كروسىلونىڭ ۇستىندە سەرمەگەنىم سياقتى، راسىن ايتقاندا، ساحنادا، بولماسا ستولدىڭ ۇستىندە جۇدىرىق سىلتەسەڭ دە ۇقساس، ال ورتانى وزگەرتسەڭ ول كورەرمەندەرگە تىڭ نارسەدەي سەزىلەدى.

  تاماشا ءبىر ارەكەت فيلمىن ءتۇسىرۋ ءۇشىن اقشا، ۋاقىت، سايىسكەرلىك جەتەكشىسى، تاماشا رەجيسسەر، ەڭ بولماعاندا كوڭىلدەگىدەي ورتا كەرەك. بۇگىنگى كۇنى ءبىزدىڭ جۇڭگو نەلىكتەن تەك ءبىر – ەكى اداممەن عانا تاماشا ارەكەت فيلمدەرىن تۇسىرەدى، ويتكەنى مىنا شارتتار مۇلدە جوق. ال ەڭ سوڭىندا ءوزىم مونتاجداۋمەن بولامىن، مىنە بۇل ۇلكەن پارىق.

  ليۋ ياڭ: امەريكادا فيلمگە ءتۇسىرۋشى جاق ەڭ سوڭعى مونتاجداۋ ۇقىعىن وزدەرى يگەرەدى دە، رەجيسسەردە مۇنداي ۇقىقتىڭ بولۋى تىم سيرەك كەزدەسەدى، ال ارتيستەردە تىم سيرەك ۇشىرايدى.

  چىڭ لۇڭ: دۇرىس ايتاسىڭ، دەسەدە، مەنىڭ قازىرگى قول قويىسقان توقتامدارىمدا ەڭ سوڭعى مونتاجداۋ ۇقىعى مەندە بولادى، مۇنى تۋ باستا كەلىسىپ الامىن. مەن دە ادىلدىگىن ىستەيمىن، سەنىڭ مونتاجداعانىڭ جاقسى بولسا سەنىكى بويىنشا بولادى، ال جاقسى بولماسا، مەنىڭ ءتاسىلىم بويىنشا بولادى.

  حولليۆودتىڭ تەحنيكالىق اياق الىسى تىم تەز، ءبىراق مەنىڭ فيلمدەرىمدى مونتاجداۋ ءوزىمىزدىڭ ءداستۇر بويىنشا بولادى، مۇنداي مونتاجداۋ شەبەرلىگى جۇڭگو سايىسكەرلىگىمەن بىرلەستىرۋدىڭ تالماۋ جەرى. ونىڭ ۇستىنە مەنىڭ سايىسكەرلىك ءتاسىلىم وزگەلەرگە ۇقسامايدى، كوپتەگەن ادامدار ءبىر جۇدىرىق سىلتەسە دە ءبىر ريتىم بويىنشا جۇمسايدى، مەنىڭ جۇدىرىق جۇمساۋىم بەينە مۋزيكا سياقتى ىرعاقتى كەلەدى، سوندىقتان كورەرمەندەرىم كورىپ وتىرىپ ىرعاققا ىلەسەدى دە، شابىتتانىپ كەتكەنىن ءوزى دە سەزبەي قالادى، ەگەر باستان – اياق ءبىر ريتىم بويىنشا بولاتىن بولسا، الدىڭعى بىرەر جۇدىرىعىن بولادى دەيىك، الايدا ون نەشە جۇدىرىق سىلتەگەننەن كەيىن كورەرمەن جالىعىپ قالادى.

  ليۋ ياڭ: چىڭ لۇڭ كينولارىنىڭ ستيلى كوپتەگەن بولماشى ەپيزوتتاردان سومدالادى، ەندەشە وسى بولىمسىز ەپيزوتتاردى دەرلىكتەي مۇقيات جوسپارلايسىز با؟

  چىڭ لۇڭ: ءيا، مۇنى ءوزىم تاپقىرلاعام. بۇلاردى بۇرىن ەشكىمگە ۇيرەتپەگەم، قازىر فيلمدەرىم ارقىلى بىرتىندەپ ۇيرەتىپ جاتىرمىن، ويتكەنى مۇنى جاستارعا ۇعىندىرسام دەيمىن. ماسەلەن، ارەكەتتىك فيلم بولعان سوڭ بىرەۋگە ءتۇسىندىرۋ ءۇشىن ارەكەتىڭ بولۋى كەرەك قوي، مۇندا از بولماعان بىلىمدەر جاتىر. مەنىڭ كينولارىمدا بىرەۋ سويلەي ءجۇرىپ ورىندىقتى ءبىر جاققا سىرعىتىپ، ودان تاعى يتەرگىشتەپ جاتادى، تاعى وعان وتىرا قالىپ شىر اينالادى... وسىلاردىڭ بارىندە ەستەتيكا جاتىر، ورىندىق قالاي اينالادى، قانشالىق اينالادى، نەمەن اينالدىرامىز دەگەندەي، مىنە وسى بولىمسىز ەپيزوتتاردىڭ ءبارىن جوسپارلاۋ كەرەك. 

  «دۇنيەگە بەت الدىرۋدىڭ»، شىنىندا، توتە جولى جوق
ل
  يۋ ياڭ: حولليۆودتا نەشە ونداعان جىل شىنىقتىڭىز، قازىرگى حولليۆودتىڭ جۇڭگو ارتيستەرىنە، جۇڭگو بازارىنا بولعان پوزيتسياسىندا بۇرىنعىعا ۇقسامايتىن قانداي پارىقتار بار، مۇنى ابدەن تۇسىنەسىز.

  چىڭ لۇڭ: مەن امەريكاعا جاڭا بارىپ كينو تۇسىرگەنىمدە، امەريكاندىقتار مەنىڭ ارەكەتىمدى مويىندامادى، ويلارىمدى ەسكەرمەدى، اۋەلى ايتقاندارىما دا قۇلاق اسقان جوق. كەيدە ولار ماعان تالاپتارىن ايتقاندا، مەن ولاي ىستەي المايتىنىمدى ايتامىن، ولار سەبەبىن سۇرايدى، مەن شياڭگاڭدا مۇندايدى كورەتىن ادام جوق دەسەم، ولار - شياڭگاڭ ءبىزدىڭ بازار ەمەس، ونىمەن جۇمىسىڭ بولماسىن دەيدى. شياڭگاڭ وتان قۇشاعىنا ورالعان سوڭ مەن تاعى دا جۇڭگو شياڭگاڭدى اۋىزعا الامىن، ولار باياعىسىنشا – جۇڭگو  ءبىزدىڭ بازارىمىز ەمەس، جۇڭگودا شارۋاڭ بولماسىن دەيدى... سول كەزدە مەن جۇڭگو سەندەردىڭ نىسانالى بازارلارىڭ بولماعانىمەن، جۇڭگونى كوزگە ىلمەۋلەرىڭە بولمايدى دەگەن ويعا كەلدىم.

  بۇگىنگى كۇنى ولار كينو تۇسىرگەن كەزدە مەنەن جۇڭگولىقتار نەنى ۇناتادى؟ سەنشە مىنا ەسىمدى قالاي وزگەرتسەك بولار ەكەن دەيدى؟ ءيا، ءارقانداي ىستە ولار جۇڭگوعا قارايتىن بولدى، ويتكەنى جۇڭگو قۇدىرەتتەندى، جۇڭگو كينوشىلىعى دا الۋەتتەنە ءتۇستى، جۇڭگو بازارى دۇنيەنىڭ الىپ قامباسىنا اينالدى، مەن، شىنىندا، ماقتانىش ەتەمىن. جۇڭگولىقتاردىڭ ايتقانىنا قۇلاق اسپايتىن ءداۋىر كەلمەسكە كەتتى.

  ليۋ ياڭ: دەگەنمەن قازىر جۇڭگو كينوسىنىڭ شەتەلدە قارسى الۋعا يە بولىپ وتىرعاندارى تاعى سول ارەكەت فيلمدەرى، الۋان تاقىرىپتاعى كينولاردى «شەتەلگە بەت الدىرۋ» ءالى دە قيىن بولىپ وتىر عوي.

  چىڭ لۇڭ: بۇل باستىسى ءتىل، مادەنيەت جاعىنداعى پارىقتاردان بولىپ وتىر. امەريكانىڭ كينو مادەنيەتى ءبىر عاسىرلىق تاريحقا يە، ولاردىڭ ءتىلى، مۋزيكاسى،جەنسي شالبارى كۇللى   الەمگە باياعىدا – اق تارالىپ كەتكەن.

  جۇڭگونىڭ سىرتقا ەسىك اشقان ۋاقىتى دا ۇزاق ەمەس، جۇڭگو مادەنيەتى مەن جۇڭگولىقتاردىڭ تۇرمىس ءتاسىلىن شەتەلگە تاراتۋ ءۇشىن ءالى دە كوپتەگەن ۋاقىت قاجەت. شىنىن ايتقاندا، مۇنداي شەتەلگە تاراتۋ ءىسى باستالىپ تا كەتتى،امەريكالىقتار جۇڭگوعا كەلىپ «سايىسكەر مىسىق ايۋ»،«حۋامۋلان» سياقتى جۇڭگو تاقىرىبىندا فيلمدەر ءتۇسىردى. ارينە، قازىر حالىقاراداعى تارالۋ قۋاتىنا يە جۇڭگو كينوسى ءالى دە ارەكەت فيلمدەرىن نەگىز ەتەدى،    اسىرەسە، مەنىڭ جانكەشتىلىكپەن  ويناعان ارەكەت فيلمدەرىم. ولار ءبىر ادامنىڭ سونشالىق جانكەشتىلىك ىستەپ جۇرگەنىن ويلاپ تا قويمايدى، ءبىراق مەن 50 نەشە جىلدان بەرى مۇنى توقتاتىپ كورگەن ەمەسپىن.

  ليۋ ياڭ: ءوزىڭىزدىڭ ايتەۋ ءبىر كۇنى جۇڭگو مادەنيەتىنىڭ نىشانىنا اينالاتىنىڭىزدى ويلاعان با ەدىڭىز؟

  چىڭ لۇڭ: ويلاپ كورگەم جوق. مەن وسى كاسىپكە كەلگەندە بالا شولپان بولاتىنمىن، ەسەيە كەلە ەرەكشە ۇسىنىس ەتىلەتىن ارتيس بولىپ، دەنەمە پىشاق سالىپ الىپ جاتامىن، جاڭبىردا مالمانداي  بولىپ جۇرەمىن، رەجيسسەر: «كوزىڭدى جىپىلىقتاتپا، قارىنىڭدى قوزعالتپا! قارىنىڭ ءالى قوزعالىپ تۇر!» دەپ ايعايلاپ جاتادى، مەن دەرەۋ قىبىر ەتپەي قالامىن. بۇگىن وسكار سيلىعىن الاتىنىمدى قايدان ويلايىن؟ مۇنى ايتۋ مۇلدە قيىن ەدى.

  ليۋ ياڭ: تاماشا كينو شولپانى حالىقارالىق مادەنيەت تارالىمىندا ەرەسەن تانىمالدىققا يە بولادى، امەريكادا كوپتەگەن حالىقاراعا اتى ايگىلى شولپاندار بار، الايدا جۇڭگودا تىم از، ساۋساقپەن سانارلىق قانا، سىزشە مۇنىڭ سەبەبى نە؟ 

  چىڭ لۇڭ: ءبىزدىڭ مادەنيەتىمىز شىنىن ايتقاندا شەتەلگە ءالى دە بەت الدىرىلعان جوق. ءبىر جولى مەن بىرەۋدىڭ ءبىزدىڭ وپەرالارىمىز امەريكادا قويىلعاندا تەاترحانادا ورىن قالمادى دەگەنىن ەستىپ، ودان وپەرا كورىپ وتىرعاندار جۇڭگولىقتار ما الدە شەتەلدىكتەر مە دەپ سۇراعان  ەدىم. ول ءبارى دە جۇڭگولىقتار دەدى. مەن  وندا بۇل ناعىز «شەتەلگە بەت الدىرۋ» بولمادى عوي، ەگەر وندا وتىرعانداردىڭ %70 تە، %80 تى امەريكالىقتار بولسا، وندا مۇنى ناعىز «شەتەلگە بەت الدىردىق» دەسەك بولار ەدى دەدىم.  بەينە بايلاۋحۇيدىڭ «مىسىق» وپەراسىندا ساحنادا ارتيس «اي ساۋلەسىن» شىرقاعاندا ساحنا استىنداعى كورەرمەندەردىڭ جۇڭگولىق بولعانى سياقتى، مىنە مۇنى ناعىز «شەتەلگە بەت الدىرۋ» دەۋگە بولادى.

  ءبىز حالىقاراعا تانىمال بولعان كەيبىر كينو، وپەرا، ءان، شولپان ...كەيبىر شىعارما، كەيىپكەرلەردى مادەنيەتىمىزدى تاراتۋ دانەكەرى ەتۋىمىز كەرەك. تاماشا شىعارما مەن تاماشا شولپان ۋاقىت اياسىندا ءوسىپ – جەتىلەدى جانە شىڭدالادى، مەن دە نەشە ونداعان جىلدار قۇلشىنۋ ارقىلى بۇگىنگە جەتىپ وتىرمىن، شىندىعىندا توتە جول جوق، قانشا اسىققان سايىن، ءاندى جاقسى شىرقاعان سايىن، كينوعا كوپ تۇسكەن سايىن جاقسى بولا بەرمەيدى، قايتا كەيبىر ۋاقىتتىڭ سىنىنان وتە الاتىن كەيبىر شىنايى شىعارمالاردى جاراتۋ كەرەك، مىنە بۇل مەنىڭ ىستەمەكشى بولعاندارىم. ءبىر عاسىردان كەيىن كەيبىرەۋلەردىڭ جۇڭگودا لي شياۋلۇڭ دەگەن ادام بولعان، تاعى چىڭ لۇڭ دا بولعان دەسە، سونىڭ ءوزى جەتىپ جاتىر.

اۋدارعان- تۇردان جاناقىن ۇلى 

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn