ەەڭ جاڭا مازمۇندار
2022-جىلى 7-ايدىڭ 6-كۇنى 150-سان
2022-جىلى 7-ايدىڭ 6 -كۇنى 150 ـ سان
قىزىل قايىق رۋحىن اسقاقتاتىپ، جاڭا ءداۋىردىڭ نۇر-شۇعىلاسىن ايگىلەدى
ايماعىمىز تۇڭعىش كەزەكتى كاسىپتىك شەبەرلىك باسەكەسىن وزدىردى
لي جۇڭچياڭ: ساقشىلىق ارمانىن سىندارلى ناتيجەسىمەن ۇشتاي ءتۇستى
ەرىكتى قىزمەت وتەۋ ماقساتىن ەستە بەرىك ساقتاپ، جاسىل تاۋ، تۇنىق سۋدى جانىنداي قورعادى
ايماق 4-كەزەكتى باسشى كادرلاردىڭ ەكونوميكانىڭ جوعارى ساپالى دامۋىن ىلگەرىلەتۋ قابىلەتىن، ساپاسىن جوعارىلاتۋ ارناۋلى كۋرسىن وتكىزدى
تەاتر كوركەمونەرىن ايگىلەپ، كوركەمونەر اۋىس -كۇيىسىن ىلگەرىلەتتى
قۇربان ايت مۋزيكا كەشى وتكىزىلدى
120 ءتۇرلى سالىق جيناۋ كاسىبىن شوعىرلى ۇلگىدە شينجياڭ بويىنشا ءبىر تۇتاس ءبىتىرۋ جۇزەگە استى
«شي جينپيڭ ەل باسقارۋ جونىندە» 4 - تومى شياڭگاڭدا تاراتىلدى
اۋلاسىندا ارا باعىپ اۋقاتتاندى
سۇرلەمدىك جۇگەرىگە وراق سالىندى
جەمىس جۇگەرى بازارعا سالىندى
شىعىس سولتۇستىك ازاتتىق رايونىنا اتتانۋ بۇراڭ دا شۇعىلالى ساپاردى ايگىلەدى
جاڭ يانجۇي: اۋا رايىن بارلاۋشى مامان
شيحۋ: بالىق اۋلاۋدى دانەكەر ەتىپ، اۋىل - قىستاق ساياحاتىن ىلگەرىلەتتى
ايماقتىق حالىق قۇرىلتايى قىزمەت كوميتەتى 2022 -جىلعى 2 -رەتكى ءماجىلىسىن اشتى
تارباعاتاي ايماعى 2 - توپتاعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ جانە الدىڭعى جارىم جىلداعى ساۋداگەر شاقىرىپ، قارجى ەنگىزۋ قىزمەتىن قورىتىندىلاۋ ءماجىلىسىن اشتى
2022-جىلى 7-ايدىڭ 5 -كۇنى 149 ـ سان
”ءبىر ەل، ەكى ءتۇزىم“ − جاقسى ءتۇزىم، وعان، ءسوز جوق، ۇزاق ۋاقىت تاباندى بولۋ كەرەك
العىس جىرىن پارتياعا ارنادى
”ياۋجانزىنى تانىستىرۋشىنىڭ“ ەستەلىگى
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى حىبەيدا ۇيرەنۋدە، تەكسەرۋدە بولدى
تيانشان الابى جاراسىمدىلىق كارتيناسىمەن كەستەلەندى
پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
شي جينپيڭ شياڭگاڭ عىلىم باقشاسىندا قىزمەت تەكسەردى
شياڭگاڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ شياڭگاڭعا باردى
2022-جىلى 7-ايدىڭ 4 -كۇنى 148 ـ سان

ەرتەك ەستىگەننىڭ ەرتەڭى جارىق

جولدانعان ۋاقىتى : 2017/11/13 17:49:47

وجەت ايدارقان ۇلى

  ەرتەك - ۇلتىمىزدىڭ اۋىز ادەبيەتىنىڭ ىشىندەگى قورى ەڭ مول تىم ارىدان جالعاسىپ كەلە جاتقان بايىرعى ءبىر سالاسى. قازاق ەرتەگىلەرىندە بەرەكە-بىرلىك، قايىرىمدىلىق، ادالدىق، ەڭبەكشىل، قاجىرلى، قاراپايىم، كىشى پەيىل، شىنشىل، ۇنەمشىل، ءادىل، ەرجۇرەك بولۋعا باۋلۋ سىندى سان سالالى مازمۇندار قامتىلىپ جاتادى. ەرتەك وسىنداي ەرەكشەلىگى مەن اسا ومىرشەڭدىك كۇشكە يە بولىپ، ءالميساقتان بەرى ۇزىلمەي ءوز جالعاسىن تاۋىپ كەلەدى.

  بۇل كۇندەرى ەرتەك ايتاتىن،ايتىلعان ەرتەكتى تىڭدايتىن ادام جوقتىڭ قاسى دەۋگە بولادى. مۇنىڭ ەڭ باستى سەبەبى،وتباسىنداعى اتا-انالاردان تارتىپ بالاسىنا دەيىن تۇگەل بوس ۋاقىتتارى شىعا قالسا بولعانى تەلەۆيزورعا تەلمىرىپ، تەلەفوندى باس الماي شۇقىلاپ وتىرادى. وسىنىڭ سالدارىنان تاربيەلىك تاعىلىمى بيىك ەرتەگىلەرىمىز ەسكەرۋسىز قالۋدا. قاتىستى ماماندار  تەلەفونعا ۇزاق ۋاقىت تەلمىرۋدىڭ ادام دەنساۋلىعىنا ەرەكشە كەرى اسەر ەتەتىندىگىن،اسىرەسە جاستارمەن جاس وسپىرىمدەرگە زيانى ءتىپتى دە اۋىر بولاتىندىعىن قايتا-قايتا ەسكەرتۋدە.
 
  كەي ادامدار «بۇرىن تەلەۆيزور، قولفون بولماعاندىقتان،اينالىسىپ ەرمەك  ەتەتىن ەشتەمە تابا الماي ەرىگىپ، ۋاقىت وتكىزۋ ءۇشىن ەرتەك ايتاتىن بولعان» دەپ ۇرپاقتار ساناسىنا جاڭساق ۇعىم تۋدىرىپ ءجۇر، بۇل استە، ورىندى ەمەس.

  «ەرتەك ەستىگەن بالا ەستى كەلەدى»، ‹‹ەرتەك ەستىگەننىڭ ەرتەڭى جارىق» دەپ قاراعان حالقىمىز كوكەيگە قونىمدى تاربيەلىك قۇنى اسا جوعارى نە ءبىر تارتىمدى ەرتەكتەر جاراتىپ ءارى ونى، اسىرەسە جاستار مەن جاس وسپىرىمدەرگە ۇنەمى ايتىپ بەرىپ وتىرعان. وسىنىڭ اسەرىندە ۇلتىمىز ۇرپاقتارى ەرجۇرەك،باتىر، قايىرىمدى، قايسار، ءادىل دە ادال، ەستى بولىپ ەرجەتكەن. ءبىز بۇدان اتا-بابالارىمىز جاراتقان ەرتەكتىڭ ەشقانداي نەگىزسىز شىعارىلىپ، ەرىككەننىڭ ەرمەگى ءۇشىن ايتىلماعانىن كورە الامىز.

  راسىندا ەرتەكتىڭ تاربيەلىك ءمانى وتە جوعارى حالىقتتىق كوركەم ءسوز ونەرى. كەيبىر ەرتەكتەرىندە ءبىر ەمەس، بىرنەشە تاربيەلى مازمۇن قامتىلىپ كەلەدى. ماسەلەن، «ەتىك ىزدەۋ» دەيتىن شاعىن مىسال ەرتەگىنى ايتار بولساق.

  «ەرتە، ەرتە، ەرتەدە ءبىر ادام بازاردان ساتىپ العالى ءبىر رەتتە مايلانباي اق جۇلىق بولعان  ەتىگىن ءبىر كۇنى مايلاپتى،مايى ءبىر ەتىككە تولىق جەتىپ، ەندى ءبىر ەتىگىنىڭ قونىشىنا جەتىڭكىرەمەي قالىپتى دا ەرىنگەن يەسى قالعان جەرىن ەرتەڭ مايلارمىن دەپ ۇيىقتاپ قالىپتى. ءتۇننىڭ ءبىر ۋاعىندا ەكى ەتىگىنىڭ دابىرلاعان داۋىسىنان ويانعان ول، قۇلاق تۇرسە ەتىكتەرى قىزىل كەڭىردەك بولىپ داۋلاسىپ جاتىپتى، تولىق مايلانعان ەتىك ‹ سەنى يەمىز جاقسى كورمەيدى، سوندىقتان شالا - شارپى مايلاي سالدى. ال، مەنى جاقسى كورگەندىكتەن ەڭ الدىمەن مايلاپ جىلتىراتىپ قويدى › دەپ شالا مايلانعان ەتىكتى كەلەمەجدەپ جاتىر ەكەن. يەسى بىرەۋىن وڭ جاعىنا، بىرەۋىن سول جاعىنا قويىپ تاعى ۇيىقتاپ قالىپتى. تاڭەرتەڭ ورنىنان تۇرىپ  ەتىگىن كيەيىن دەسە الگى شالا مايلانعان ەتىگى جوق بولىپ شىعادى. سوسىن ەكى اياعىن ءبىر ەتىككە سۇعىپ ونى ىزدەپ شىعادى دا ىزدەي - ىزدەي ءبىر اۋىلدىڭ ۇستىنەن  تۇسەدى. ول اۋىل ۇلان - اسىر توي جاساپ جاتىر ەكەن، نەدە بولسا وسى اۋىلدان ەتىگىمدى سۇراستىرىپ ءارى تاماقتانىپ الايىن دەگەن ويمەن بۇرىلىپ بارسا، جوعالعان ەتىگى سول جەردە تاباق تارتىپ، كۇتۋشى بولىپ ءجۇر ەكەن، ‹سەن بەرمەگەن مايدى مەن بەرەيىن› دەپ ءبىر تاباق ەتتى الدىنا اكەلىپ تارتقاندا، ەتىكتىڭ يەسى ۇيالعانىنان كىرەرگە تەسىك تاپپاي قالىپتى» دەپ ايتىلاتىن وسى ەرتەكتىڭ استارىنا ۇڭىلەر بولساق، قولدا باردىڭ قادىرىن بىلۋگە، قارا قىلدى قاق جاراتىن ءادىل بولۋعا، وزىڭدە بار بولسا وزگەنى كەلەمەجدەپ باسىنباۋعا، ءتىپتى، «بەرمەگەندى بەرىپ ۇيالت» دەيتىن كوشەلى تاعىلىمدار قامتىپ جاتقانىن كورە  الامىز. وسى ەرتەكتى ەستىپ تۇسىنگەن بالا قولدا بار دۇنيە - مۇلىكتىڭ قادىرىنە جەتىپ قاستەرلەيتىن، ءبىر ىسكە وتە نازار اۋدارىپ، ءادىل باعالايتىن، جوق بولسا جاسىمايتىن، بار بولسا تاسىمايتىن، ورىنسىز ساراڭدىق ىستەمەيتىن، قولى اشىق بولۋداي ۇلتىمىزعا ءتان پسيحيكالىق تاماشا داعدى قالىپتاستىرادى.
 
  حالقىمىزدىڭ رۋحاني وركەنيەتى مەن زاتتىق وركەنيەتتەرى بولسىن، سالت - ساناسى، ءداستۇر، ىرىم - تيىمدارى بولسىن بارلىعى تۇگەلدەي بەلگىلى عىلىمي مانگە يە. بىلايشا ايتقاندا، اتا - بابالارىمىزدىڭ اقىل - پاراساتىنان تۋىنداپ، سان ءداۋىردىڭ سىناعىنان سۇرىنبەي ءوتىپ سارالانعان، ۇلتىمىز ۇرپاقتارىن باۋلىپ ساپالىلاندىرۋدا تۇنىپ تۇرعان تاربيەلىك مانگە يە التىن قور. ءبىز وسىلاردىڭ ءارقايسىسىنان قول ءۇزىپ قوجىراماي، قايتا ءوز اينىندە الىپ بارۋىمىز، ۇزبەي جالعاستىرىپ وتىرۋىمىز كەرەك.

  قىسقاسى، جوعارىدا ايتقانىمىزداي، تەلەۆيزورعا تەلمىرىپ، قولفونعا شەكتەن تىس قۇمارتۋ، اسىرەسە جاستار مەن جاس وسپىرىمدەردىڭ دەنساۋلىعىنا توتەنشە زياندى. ال، ەرتەگى بولسا ونىڭ ەشقانداي زيانى جوق، قايتا ۇرپاقتاردىڭ وي ساناسىن ۇشتاپ، جان-جاقتىلى جەتىلۋىنە  ماڭىزدى رول اتقارادى. سول ءۇشىن، ەڭ اۋەلى، اتا-انالار ەرتەكتىڭ ەرەكشەلىگىن دۇرىس ءتۇسىنىپ، قاشاندا ۇرپاقتارعا مازمۇنى اقاۋسىز، تاربيەلىك قۇنى جوعارى، سوناۋ ىقىلىم زاماننان بەرى جالعاسىپ كەلە جاتقان دانا حالقىمىزدىڭ اقىل-پاراساتىنان تۋىنداعان ەرتەگىلەردى ەسكەرۋسىز قالدىرماي، جاستارعا ءوز اينىندە كوبىرەك ايتىپ بەرۋگە، جاستارىمىز دا ۇلكەندەردىڭ ايتقان ەرتەگىسىنە قۇلاق ءتۇرىپ، جالپى قاۋىم جابال اتتانىسقا كەلىپ، ۇرپاقتاردىڭ ەرتەك تىڭداپ، ەستى ازامات بولىپ  جەتىلىپ، ۇلتىمىزدىڭ بولاشاقتا بۇدان دا ساپالى بولىپ، وزىق ۇلتتاردىڭ قاتارىنان قالماۋى ءۇشىن ايانباي ات سالىسۋلارى كەرەك.

 

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn