ءار ۇلت بۇقاراسىن يگىلىككە كەنەلدىردى

  ءامينا كاكەن  قىزى حابارلايدى. بيىل شيحۋ قالالىق مادەنيەت-دەنە تاربيە،راديو -كينو-تەلەۆيزيا مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا شيداگۋ قالاشىعى حىبايانزى قىستاعىنا تۇسكەن قىزمەت اترەتى قىستاقتىڭ بەت-بەينەسىن وزگەرتىپ، قىستاق تۇرعىندارىنىڭ تۇرمىس ورەسىن جوعارىلاتۋ ءۇشىن، قىستاق كادرلارىنىڭ بەلسەنە سايكەسۋىندە، حالىققا تيىمدىلىك جاساۋ ينجەنەرياسى قارجىسىنان 500 مىڭ  يۋاندى ناقتىلى ورىنعا تياناقتاندىرىپ، اۋىل-قىستاق نەگىزدىك قۇرىلعى قۇرىلىسىن ىشكەرىلەي كۇشەيتىپ، نەگىزگى ساتى قىزمەت  وتەۋ فۋنكتسياسىن كەمەلدەندىرىپ، ءار ۇلت بۇقاراسىنىڭ باقىت كورسەتكىشىن جوعارىلاتتى.
 
  كەزەكتە قىستاقتىڭ جاسىلداندىرۋ قۇرىلىس نىسانى جۇرگىزىلۋدە. بۇل قۇرىلىس نىسانى ارىق-توعان قازۋ، كوشە جولدارىنا رەڭدى كەرپىش جاتقىزۋ، جاسىلداندىرۋ اۋماعىن كەڭەيتۋ جانە قىستاقتىڭ كوشە جولى قۇرىلىسىن قامتيدى ەكەن. ۇعىسۋعا قاراعاندا، نىسان اياقتالعاننان كەيىن قىستاقتىڭ ءوندىرىس-تۇرمىس شارت-جاعدايى كورنەكتى دارەجەدە جاقسارىپ، تۇرمىس ورتاسى ءتىپتى دە كورىكتەنە تۇسەدى ەكەن.

  شيداگوۋ قالاشىعى حىبايانزى قىستاعىنىڭ تۇرعىنى شى ۋانمەي: «قىستاعىمىزدىڭ بەت-بەينەسى بارعان سايىن جاقسارىپ،ءبىزدى  ەكونوميكالىق جاقتان زور تيىمدىلىككە كەنەلدىردى» دەدى.
 
  نىساننىڭ جاۋاپتىسى جاڭ جىلياڭ: «قۇرىلىس ۋاقىتى ءبىر جارىم اي، وسى ۋاقىت ىشىندە ساپاسىنا كەپىلدىك ەتىپ، مىندەتتى ۋاعىندا ورىنداۋعا كۇش سالامىز» دەدى.
  
  قالالىق مادەنيەت-دەنە تاربيە، راديو-كينو-تەلەۆيزيا مەكەمەسىنىڭ شيداگوۋ قالاشىعى حىبايانزى قىستاعىنا تۇسكەن قىزمەت اترەتى كادرلار ستيلىنە بۇرىلىس جاساۋ، ۇلتتار ىنتىماعىن كۇشەيتۋ، ءدىني جاراسىمدىلىقتى جەبەۋ، حالىق تۇرمىسىن جاقسارتۋ جاعىنداعى قىزمەتتەردى تىڭعىلىقتى ىستەپ، قوعام ورنىقتىلىعىن قورعاۋدى جاپپاي ىلگەرىلەتۋمەن بىرگە، بۇقارا ەرەكشە نازار  اۋدارىپ وتىرعان ءوندىرىس-تۇرمىسىنا ەڭ قاجەتتى، كوكەي تەستى ماسەلەلەردى دەر كەزىندە شەشىم ەتىپ، حالىققا تيىمدىلىك جاساۋ نىسان قىزمەتىن مىقتى ۇستاپ، نەگىزگى ساتىداعى ءار ۇلت جۇرتشىلىعىنىڭ تىنىش،ورنىقتى، ۇلتتارى ىنتىماقتى، جاراسىمدى ورتادا الاڭسىز ءومىر كەشىرۋىنە تاماشا شارت-جاعداي جاراتقان.

  قالالىق مادەنيەت-دەنە تاربيە، راديو- كينو-تەلەۆيزيا مەكەمەسىنىڭ شيداگوۋ قالاشىعى حىبايانزى قىستاعىنا تۇسكەن قىزمەت اترەتىنىڭ باستىعى،قىستاق پارتيا ياچەيكاسىنىڭ ءبىرىنشى شۋجيى ليۋ فاڭ: «قۇرىلىس جۇرگىزۋ بارىسىندا ءبىز قۇرىلىس جاۋاپتىلارىمەن اقىلداسىپ، قىستاق تۇرعىندارىنان جۇمىسكەر قابىلداۋدى ورتاعا قويىپ، قىستاقتاعى ارتىق ەڭبەككۇشتەردى كاسىپتەندىرىپ، شارۋالاردىڭ  كىرىسىن ارتتىردىق، نىسان اياقتالعاننان كەيىن نەگىزگى ساتىداعى ءار ۇلت حالقى يگىلىگىن كورەدى، وسى ارقىلى ءبىز ءار ۇلت حالقىنا پارتيانىڭ قامقورلىعى مەن مەيىرىن شىنايى سەزىندىرۋگە كۇش سالامىز» دەدى.

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.