ۇسىنىس ەتىلگەن ءتىلشى ساۋلە كەنجەبەك قىزى، ەرىكتى ءتىلشى جانار بولسىن قىزى حابارلايدى. پارتيا 18-قۇرىلتايىنان بەرى ورتالىق ورتانى قورعاۋ قىزمەتىنە باسا ءمان بەرىپ،ەكولوگيالىق وركەنيەت قۇرىلىسى مەن ورتانى قورعاۋ قىزمەتىن ماڭىزدى ستراتەگيالىق ورىنعا قويدى. وسىعان سايكەس ساۋان اۋدانى ورتالىقتىڭ ءتۇرلى قاتىستى شەشىم-ورنالاستىرۋلارىن بەلسەندى تياناقتاندىرىپ، ونەركاسىپ ەكونوميكاسىن دامىتۋمەن بىرگە، كاسىپورىننىڭ ورتانى قورعاۋ قىزمەتىن كۇش سالا ىلگەرىلەتىپ، ونەركاسىپ ەكونوميكاسىن ارتتىرۋدى جۇزەگە اسىرۋدا ورتانى قورعاۋدى باستى ورىنعا قويۋعا كەپىلدىك ەتتى.
ساۋان ونەركاسىپ باقشا رايونى جاسىل دامۋ پرينسيبىنە تاباندى بولىپ، ءتۇرلى نىسانداردى قونىستاندىرۋدان بۇرىن ورتانى قورعاۋدىڭ ۇزاق ونىمدىلىككە يە مەحانيزمىن قۇرىپ، باقشا رايونىنىڭ ورتا بىلعانىشىنان ساقتانىپ، دامۋ ساپاسىن جوعارىلاتىپ، جاسىل دامۋدى جۇزەگە اسىردى.
ساۋان ونەركاسىپ باقشا رايونىن باسقارۋ كوميتەتى جوبا مەكەمەسىنىڭ باستىعى چىن يۋان: «باقشا رايونىنا قونىستاناتىن نىساندار، ءسوز جوق، مەملەكەتىمىزدىڭ ورتانى قورعاۋ تالابىنا ۇيلەسۋى كەرەك، نىسان قۇرىلىپ، ورتانى قورعاۋ تەكسەرۋىنەن وتكەننەن كەيىن وندىرىسكە قوسىلادى» دەدى.
شينجياڭ شينتاي توقىماشىلىق شەكتى سەرىكتىگى ساۋان توقىماشىلىق باقشا رايونىنا ءبىرىنشى توپتا قونىستانعان كاسىپورىن. بۇل كاسىپورىن ورتانى قورعاۋ تانىمىن باستان-اياق كاسىپورىندى دامىتۋمەن بىردەي ورىنعا قويىپ، ءوندىرىس بارىسىندا ورتانى لاستاۋ جاعدايىن تۋدىرماۋعا كەپىلدىك ەتىپ، دامۋ ونىمدىلىگىن كۇش سالا جوعارىلاتتى. شينجياڭ شينتاي توقىماشىلىق شەكتى سەرىكتىگىنىڭ ورىنباسار ديرەكتورى مۋ ليجۇن: «ءبىز ءوندىرىس سەحىنە شاڭ سورعىش،سۇزگىش جانە اۋا تەڭشەگىش ورناتتىق، ءوندىرىس ورتاسىنىڭ تازالىعى مەن ونىمدەرىمىزدىڭ زالالسىزدىعىنا كەپىلدىك ەتەمىز» دەدى.
كاسىپورىننىڭ زاۆود رايونىنىڭ ورتاسىن جاقسارتۋ ءۇشىن، زاۆود رايونىنداعى بوس جەرلەردى جاسىلداندىرۋعا ءمان بەردى.
شينجياڭ شينتاي توقىماشىلىق شەكتى سەرىكتىگىنىڭ ورىنباسار ديرەكتورى مۋ ليجۇن: «كاسىپورىنىمىز ورتانى قورعاۋ باعالاۋ ولشەمى بويىنشا قۇرىلىپ، وندىرىسكە قوسىلدى، ءبىز زاۆود رايونىن بارىنشا جاسىلداندىرىپ، جۇمىسشىلارىمىزدىڭ تازا دا كوركەم ورتادا كوڭىلدى قىزمەت ىستەۋىنە كەپىلدىك ەتتىك» دەدى.
ۇعىسۋعا قاراعاندا،ساۋان اۋدانىنىڭ ونەركاسىپ ەكونوميكاسىنىڭ ارتۋ قۇنى 2011-جىلعى ءبىر ميلليارد 550 ميلليون يۋاننان 2016-جىلعى ەكى ميلليارد 300 ميلليون يۋانعا جەتكەن. وسى ارقىلى ونەركاسىپ رايونىن جاسىل دامىتۋ سەنىمى مەن ونەركاسىپ باقشا رايونىنا قونىستانعان كاسىپورىندارعا ساپالى قىزمەت وتەۋ سەنىمى بەكەمدەلىپ، وسىزاماندانعان ەكولوگيالىق ونەركاسىپ باقشا رايونىن قۇرۋعا نىق قادام تاستاپ، اۋداننىڭ ەكونوميكاسى مەن قوعامىنىڭ دامۋىن ىلگەرىلەتتى.
ساۋان ونەركاسىپ باقشا رايونىن باسقارۋ كوميتەتى جوبا مەكەمەسىنىڭ باستىعى چىن يۋان: «باقشا رايونىمىز جاسىل دامۋعا ءمان بەرۋمەن بىرگە، نەگىزدىك قۇرىلعىلاردى ۇزدىكسىز كەمەلدەندىرىپ، جول جاساۋ، جاسىلداندىرۋ، سۋ، ەلەكتر جانە گازبەن قامداۋ سىندى قۇرىلعىلار قۇرىلىسىن تىڭعىلىقتى ىلگەرىلەتىپ، باقشا رايونىنا قونىستانعان نىساندارعا ساپالى قىزمەت وتەپ، ايماعىمىزدىڭ ەكونوميكاسى مەن قوعامىنىڭ دامۋىنا تيەسىلى ۇلەس قوسۋعا كۇش سالدى» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.