ءتىلشىمىز ۋاڭ چۇنلين حابارلايدى. پارتيا 19 - قۇرىلتايى اشىلعاننان كەيىن، ايماقتىق اۋىل شارۋاشىلىق ماشينالارى مەكەمەسى كادرلار مەن جۇمىسشى - قىزمەتشىلەردى 19 - قۇرىلتاي رۋحىن ىشكەرىلەي ۇيرەنۋگە بىرنەشە رەت ۇيىمداستىرىپ، بارلىق كادرلار مەن جۇمىسشى - قىزمەتشىلەردەن يدەيانى پارتيا 19 - قۇرىلتايى رۋحىمەن بىرلىككە كەلتىرىپ، ايماقتىڭ اۋىل شارۋاشىلىق ماشينالارى ىستەرىنىڭ دامۋ اياق الىسىن جەدەلدەتىپ، ايماق اۋىل شارۋاشىلىعىنىڭ كولەمدەنگەن تيجاراتىن ىلگەرىلەتۋدى تالاپ ەتتى.
ايماقتىق اۋىل شارۋاشىلىق ماشينالارى مەكەمەسىنىڭ باستىعى جۋ كايسۇڭ: « ايماقتىق اۋىل شارۋاشىلىق ماشينالارى مەكەمەسىندەگى كادرلار مەن جۇمىسشى - قىزمەتشىلەر 19 - قۇرىلتاي رۋحىن ۇيرەنۋدە ۇيرەنۋ مەن وي جۇگىرتۋدى، ۇيرەنۋ مەن قولدانۋدى، بىلگەندەرىن امالياتتا ىستەتە ءبىلۋدى بىرلەستىرۋگە تاباندى بولۋعا ءارى قۇرىلتاي رۋحىن ناقتىلى قىزمەت بارىسىندا تياناقتاندىرۋعا قۇلشىنۋدا. اۋىل شارۋاشىلىق ماشينالارى تاراۋى اۋىل شارۋاشىلىق ماشينالارىنىڭ جابدىقتالۋ ورەسىن جەدەل جوعارىلاتىپ، اۋىل شارۋاشىلىق ماشينالارىنىڭ سانىن مولايتۋدان ساپاسىن جوعارىلاتۋعا قاراي بۇرىلىس جاساۋى؛ قۇرىلىمى ءبىر سىدىرعى ماشينالاردان كوپ يقۋاتتى، قۇرامالى ماشينالارعا قاراي بۇرىلىس جاساۋى؛ ءداستۇرلى جۇمىس جۇرگىزۋ تاسىلىنەن ولشەمدەنگەن جۇمىس ۇلگىسىنە بۇرىلىس جاساۋى كەرەك. اۋىل شارۋاشىلىق ماشينالارىنىڭ جاڭا تەحنيكالارىن جالپىلاستىرۋدى مىقتى يگەرىپ، ون مىڭ مۋلىق اۋىل شارۋاشىلىق ماشينالارىنىڭ ولشەمدى جۇمىس جۇرگىزۋىنەن ۇلگى كورسەتۋ رايونى مەن باعىمشىلىقتى ماشينالاستىرۋدان ۇلگى كورسەتۋ بازاسىن قۇرىپ جانە كەمەلدەندىرىپ، التى ءتۇرلى اۋىل شارۋاشىلىق ماشيناسىن جالپىلاستىرۋدى تىڭىلىقتى ىستەپ، اۋىل شارۋاشىلىق ماشينالارىنىڭ ولشەمدى جۇمىس جۇرگىزۋ تەحنيكالارىنىڭ قولدانىلۋىن جەبەۋ كەرەك» دەدى.
تۇتاس ايماقتاعى ءار دارەجەلى اۋىل شارۋاشىلىق ماشينالارى تاراۋلارى اۋىل شارۋاشىلىق ماشينالارىنا قوسىمشا قاراجات بەرۋ ساياساتىن بار كۇشپەن ىلگەرىلەتىپ، ءتۇيىندى كورنەكتىلەندىرىپ، ەرەكشەلىككە يە داقىلداردى ءوسىرۋ بارىسىنداعى شەشۋشى ءالسىز بۋىنداردى شەشۋگە قاراي بەيىمدەلىپ، ولقىلىقتاردى تولىقتاپ، نەگىزگى تۇلعانى ۇلعايتۋعا كۇش سالادى. اۋىل بويىنشا، قىستاق بويىنشا ىلگەرىلەتۋ جولدارىن قاراستىرىپ، قولدانىلمالى ينفورماتسيا تەحنيكاسىن مىقتى يگەرەدى. اۋىل شارۋاشىلىعىن ماشينالاندىرۋ دارىندىلارىن تاربيەلەۋ قىزمەتى مەحانيزمىن جالعاستى كەمەلدەندىرىپ، ءبىر توپ تەحنيكا بىلەتىن، تيجاراتقا قانىق، باسقارۋعا شەبەر جاڭاشا اۋىل شارۋاشىلىق ماشينالارى شەبەرى مەن اۋىل شارۋاشىلىق ماشينالارى كووپەراتيۆى جەتەكشىلەرىن باۋلۋعا كۇش سالادى. سونىمەن ءبىر ۋاقىتتا، اۋىل شارۋاشىلىق ماشينالارى سەلبەستىك ۇيىمدارىن كۇش سالا جەتىلدىرىپ جانە قولداپ، ايماق دارەجەلى اۋىل شارۋاشىلىق ماشينالارىنان ۇلگى كورسەتۋ كووپەراتيۆىن قۇرۋدى ورىستەتىپ، سەلبەستىك كووپەراتيۆتەرىن كووپەراتيۆ - كاسپورىن وداعىن، كووپەراتيۆ بىرلەستىگىن قۇرۋ تاسىلدەرىمەن جاڭالىق اشا دامۋعا جىگەرلەندىرەدى.
ايماقتىق اۋىل شارۋاشىلىق مەكەمەسى اۋىل شارۋاشىلىق ماشينالارىنىڭ جۇمىس ساپاسى مەن اۋىل شارۋاشىلىق ماشينالارى ونىمدەرىنىڭ ساپاسىنا بولعان باقىلاۋدى ارتتىرىپ، اۋىل شارۋاشىلىق ماشينالارىن ساتۋ، رەمونتتاۋ، جۇمىس جۇرگىزۋ سىندى ءۇش ۇلكەن بازارىن جۇيەلىلەندرىپ، «حاۋىپسىز اۋىل شارۋاشىلىق ماشينالارىنان» ۇلگى كورسەتۋ قيمىلىن ورىستەتىپ، ايماقتىڭ اۋىل شارۋاشىلىق ماشينالارىنىڭ حاۋىپسىز ءوندىرىس جۇرگىزۋ جاعدايىنىڭ ورنىقتىلىعىنا شىنايى كەپىلدىك ەتەدى.
جۋ كايسۇڭ: « ءبىر سىپىرا قىزمەت وتەۋ شارالارى ارقىلى 19 - قۇرىلتاي رۋحىن دايەكتىلەندىرىپ، ايماق اۋىل شارۋاشىلىعىنىڭ ماشينالانۋ ورەسىن بارىنشا جوعارىلاتىپ، وسىزاماندانعان ەگىن، مال شارۋاشىلىعىن ىلگەرىلەتىپ، ەگىنشى، مالشىلاردىڭ كىرىسىن ارتتىرا تۇسەمىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.