ۇسىنىس ەتىلگەن ءتىلشى ريزا كامالبەك قىزى حابارلايدى. ايماعىمىز قاتىناس نەگىزگى قۇرىلعى قۇرىلىسىن كەمەلدەندىرۋ قىزمەتىن مىقتى ۇستاپ، جول سالۋدىڭ ءتيىمدى مەزگىلىن مىقتى يگەرىپ، جول قۇرىلىسىن قاۋىرت جۇرگىزۋدە.
كەزەكتە 2 ميلليارد 168 ميلليون يۋان قارجى قوسىلعان ولكە جولى 258 - لەنياسىنىڭ شيحۋ قالاسىنان تولى اۋدانىنىڭ ۇتى قالاشىعىنا دەيىنگى جول بولەگىن كەڭەيتىپ سالۋ نىسانىنىڭ قۇرىلىس جۇمىسى قاۋىرت ءجۇرىلىپ، تاس جول جۇمىسشىلارى كۇندى - تۇنگە جالعاپ قاربالاس جۇمىس ىستەۋدە.
ۇعىسۋعا قاراعاندا، بۇل نىسان قۇرىلىسىن جۇڭگو تەمىر جول مەكەمەسى 3 - توبى كوتەرەگە الىپ، جول جوباسى قاتاڭ اتقارىلىپ، قۇرىلىس جۇمىسى ءتارتىپتى جۇرىلۋدە ەكەن. شيحۋ قالاسىنان تولى اۋدانىنىڭ ۇتى قالاشىعىنا دەيىنگى كەڭەيتىپ سالىناتىن جول بولەگى 194.463 كيلومەتر بولىپ، قۇرىلىس 6 بولەككە ءبولىنىپ، ءبىر مەزگىلدە جۇمىس باستاعان. مەجەمەن بيىل جىل سوڭىنا دەيىن وسى جولدىڭ 40 كيلومەترى سالىنىپ بولادى ەكەن.
جۇڭگو تەمىر جول مەكەمەسى 3 - توبى سولتۇستىك شينجياڭ قولباسشىلىق شتابى 3 - نىسانىنىڭ جاۋاپتىسى ۋاڭ ميڭجىن: «بۇل نىساننىڭ شيحۋ قالاسىنا قاراستى بولەگى 107 كيلومەتر كەلىپ، 80 نەن استام سۋ اعارى، 7 كىشى تيۆتى، ءبىر ورتاشا تيۆتى جول كوپىرىن سالۋ جوبالانىپ، قۇرىلىس 6 بولەككە ءبولىنىپ، قۇرىلىستىڭ ساپاسى ماڭىزدى ورىنعا قويىلىپ، قۇرىلىس جۇمىسى قاۋىرت جۇرىلۋدە، مەجەمەن بيىل جىل سوڭىنا دەيىن شيحۋ قالاسىنا قاراستى جول بولەگىنىڭ 40 كيلومەترىن سالىپ بولماقشىمىز» دەدى.
شيحۋ قالالىق قاتىناس تاسىمال مەكەمەسىنىڭ ورىنباسار مەكەمە باستىعى ليۋجيان: «قالامىزدىڭ قاتىستى تاراۋلارى ولكە جولى 258 -لەنياسىنىڭ جول بولەگىن كەڭەيتىپ سالۋ قۇرىلىس جۇمىسىن جۇرگىزدە، قۇرىلىستىڭ ساپالى جۇرىلۋىنە كەپىلدىك ەتۋ ءۇشىن، قاتىستى مەكەمە باقىلاۋدى كۇشەيتىپ، بەلگىلى ۋاقىتتا مالىمەت بەرىپ، ماسەلە بايقالا قالسا دەر كەزىندە ءبىرجايلى ەتىپ، قۇرىلىستىڭ ساپالى جۇرىلۋىنە كەپىلدىك ەتتىك» دەدى.
ۇعىسۋعا قاراعاندا، وسى ينجەنەريا تولى اۋدانى مەن شيحۋ قالاسى ارالىعىنداعى تاس جول لەنياسى بولىپ،شيحۋ قالاسى سالىپ جاتقان ىلە وزەنى ولكە جولى 258 - لەنياسىنا تۇتاسادى ەكەن. تاس جول سالىنىپ بولعاننان كەيىن ولكە جولى 30 -لەنياسى جوعارى قارقىندى تاس جولىمەن سالىستىرعاندا جالپى ارالىعى 90 كيلومەتر قىسقارۋمەن بىرگە، شيحۋ قالاسىنىڭ 6 اۋىل، قالاشىعىن باسىپ ءوتىپ، جەرلىك ەكونوميكا مەن ساياحات كاسىبىنىڭ دامۋىن ىلگەرىلەتەدى.
ساۋان اۋدانى بيىل قالانىڭ تاس جول قۇرىلىسىن كەمەلدەندىرۋ قىزمەتىن مىقتى ۇستاپ، تۇرعىنداردىڭ ءجۇرىس - تۇرىسىنا قولايلى شارت - جاعداي جاراتتى. اۋدان قالاشىعى وڭتۇستىك جولىنىڭ لانجۋ - شينجياڭ تەمىر جولىمەن تۇتاساتىن بولەگىن سالۋ نىسانى بيىلعى ساۋان اۋدانىنىڭ ءتۇيىندى قالا تاس جولى نىسانىنىڭ ءبىرى بولىپ، بيىل مامىر ايىنىڭ سوڭىندا قۇرىلىس جۇمىسىن باستاپ، قازان ايىنىڭ ورتا شەنىندە ينجەنەريانى ءساتتى اياقتاتتى.
ۇعىسۋعا قاراعاندا، ايماعىمىز قازىرگە دەيىن قاتىناس نەگىزگى قۇرىلعى قۇرىلىسىنا 7 ميلليارد 712 ميلليون يۋان قارجى قوسىپ، مىندەتتى ٪129 ورىنداپ،قاتىناس نەگىزگى قۇرىلعى قۇرىلىسىنا جىلدىق قارجى قوسۋ مىندەتىن ورىنداۋدا شينجياڭ بويىنشا الدىڭعى ورىنعا شىعۋمەن بىرگە، تاس جول سالۋ قۇرىلىس مىندەتىن ورىنداۋ جاعىندا دا شينجياڭ بويىنشا اعالاپ العا شىققان ەكەن.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.