ەەڭ جاڭا مازمۇندار
شاعانتوعاي اۋدانىنىڭ كوكتەمگى ءوندىرىسى ويداعىداي جۇرىلۋدە
ەگىنشى-مالشىلارعا كوركەمونەر ءنومىرىن جەتكىزىپ، كوڭىلدىلىك سيلادى
كوكتەمدە ەككەن قالامشا كورىك بەرىپ، قۇمدى القاپ جاسىلداندى كورىكتەنىپ
شاعانتوعاي اۋدانى «بارلىق باۋرايىندا» اتتى راديو باعدارلاماسىن اشتى
«قىزمەت اترەتى كوڭىلىمنىڭ كوكجيەگىن نۇرلاندىردى»
2018-جىلى 4-ايدىڭ 20-كۇنى
اكىمشىلىك مەكەمەسى 2018-جىلعى 9-رەتكى پارتگرۋپپا ءماجىلىسى مەن 2018-جىلعى 8-رەتكى ۋاليلەر قىزمەت ءماجىلىسىن اشتى
انجىحاي قالاشىعى قىزىل بۇرىش كاسىبىن جانداندىردى
جىل ەسەبى كوكتەمدە
وتاندى بولشەكتەيتىن ءسوز - ارەكەتتەرمەن باتىل كۇرەسەمىن
»ءۇش ءتۇرلى كۇشتىڭ»،«ەكىبەتكەيلەردىڭ» سۇرقيا كەيىپ - كەسپىرىن جەرىنە جەتە اشكەرەلەيىك
ءىس جۇزىندىك ارەكەتىم ارقىلى قوعام ورنىقتىلىعى مەن ۇلتتار ىنتىماعىن قورعايمىن
ايماقتىق پارتكوم مۇشەلەر (كەڭەيتىلگەن) ءماجىلىسىن اشىپ ءتوراعا ۋاڭ ياڭنىڭ شينجياڭدا قىزمەت تەكسەرگەن كەزدەگى ماڭىزدى ءسوزىنىڭ رۋحىن جەتكىزدى، ۇيرەندى
باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، نازاردى باس نىساناعا بۇلجىتپاي شوعىرلاندىرىپ، جاڭا داۋىردە رەفورما جاساپ، ەسىك اشۋدى ىلگەرىلەتەيىك
اكىمشىلىك مەكەمەسى 2018-جىلعى 8-رەتكى پارتگرۋپپا ءماجىلىسى مەن 2018-جىلعى 7-رەتكى ۋاليلەر قىزمەت ءماجىلىسىن اشتى
2018-جىلى 4-ايدىڭ 19-كۇنى
بۇقاراعا پارتيا 19-قۇرىلتايى رۋحى مەن ەكى ءماجىلىس رۋحىن ۇگىتتەدى
قىزمەت اترەتىندەگىلەر بۇقاراعا ەكى ءماجىلىس رۋحىن جەتكىزدى
كوكتەۋلىكتە كوتەرىلدى قىزىل تۋ
قوعام اماندىعىن جان-جاقتىلى وڭاۋ جونىنەن ۇگىت جۇرگىزدى
شۋە بين كوكتەمگى مىندەتتى اعاش ەگۋ قيمىلىنا قاتىناستى
ايماقتىق حالىق قۇرىلتايى قىزمەت كوميتەتى 2018-جىلعى اۋداندىق ( قالا ) حالىق قۇرىلتايى تۇراقتى كوميتەتتەرى قىزمەتى بايلانىس ءماجىلىسى جانە باتىل ءۇن قاتىپ، ايقىن پوزيتسيا ءبىلدىرۋ اڭگىمە ءماجىلىسىن اشتى
2018-جىلى 4-ايدىڭ 18-كۇنى
ۇلتتار ىنتىماعى گۇلىن ءار جۇرەكتە قۇلپىرتتى
دارىندىلاردى باعالاۋدىڭ جەتەكشىلىك رولى جاقسى ساۋلەلەندىرىلەدى
ۋاڭ ياڭ شينجياڭدا قىزمەت تەكسەرگەندە
2018-جىلىى 4-ايدىڭ 17-كۇنى
الدامكوستىكتەن ساقتانۋ جونىندە ۇگىت جۇرگىزدى
«ۇلتتار ىنتىماعىنىڭ بەرەكەلى شاڭىراعى» دوستىق قيمىلىن ورىستەتتى
اۋىل شارۋاشىلىق ماشينالارىنا تەكسەرۋ جۇرگىزدى

وقىرمانعا بازىنا

جولدانعان ۋاقىتى : 2017/11/20 12:27:29

مادەنيەت مۇقاتاي ۇلى
 
  قاراشا ايىنىڭ 17-كۇنى…ونسىزدا گازەت-جۋرنالعا جازىلۋدىڭ ۋاقىتى بىلىنبەي ءوتىپ جاتىر. قاتىستى جارناماسىن جاساعان بولدىق.ءبىزدىڭ شىعارعان ءونىمىمىزدى وقىرمان-«تۇتىنۋشى» قالاي قابىلدايدى. ولاردىڭ قاجەتىنەن،كۇتكەن ۇمىتىنەن شىعا الدىق پا، بۇرىن حات ارقىلى بولسادا، وي-پىكىرىن، ۇسىنىسىن ءبىلدىرىپ جاتۋشى ەدى. قازىر حابارلاسۋ  تەحنيكاسى جاقسارعان سايىن، ءوزىڭ ءبىل دەگەندەي ءۇنسىز بوپ بارادى. اۆتورلارىمىزدىڭ ءوزى شىعارما جولداعانى بولماسا،بۇرىنعىداي ىزدەپ وقىمايدى، جازىلمايدى. شىققان ماقالاسى قاي ساندا شىقتى ەكەن دەپ سۇراستىرىپ جۇرگەنىنە قاراعاندا قولىنا دەركەزىندە جەتپەگەندە بولۋى مۇمكىن. بالكىم، وقۋعا مۇرساتى شىقپاعان شىعار. نەدە بولسا گازەت-جۋرنالدىڭ، كىتاپتىڭ تارالىمىن سانالى قاۋىمنىڭ، ساناۋلى وقىرماننىڭ ەركىنە تاپسىرىپ وتىرمىز. ايتۋدان، ۇگىتتەۋدەن كەندە ەمەسپىز. قاتتى كەتكەن كەزىمىزدە، جۇمساقتاپ تۇسىندىرگەن كەزىمىزدە بولدى. وقۋ-جازىلۋ بەلسەندىلىگىن قوزعاۋ قيىن شارۋا. ۇقپايتىن، تۇسىنبەيتىن جاندار ەمەس. قايتا زامانعا ساي ۇعىم-تۇسىنىگى ارتىپ، وي–ساناسى اشىلىپ، بەرىلە وقىپ، گازەت-جۋرنال، كىتابىمىزدى قاداعالاپ، جاقسى شىعارمالار اۋدارمالار ۇسىنىپ، اقىل-كەڭەستە بولىپ، رۋحاني جاقتان ۇندەس، ساباقتاس، تىلەۋلەس بولۋى كەرەك قوي. ءبىز ءوستىپ وزەلەنىپ ايتىپ جاتىرمىز. ءۇنسىز، سىر بەرمەيتىندەردىڭ نە ايتپاقشى بولعانىن ءبىز قايدان بىلەمىز. ءبىز بالكىم ولاردىڭ دىتتەگەن جەرىنەن، كۇتكەن ۇمىتىنەن شىعا الماي جاتقان شىعارمىز. وقىرمانداردىڭ سانا-تالعامى بارعان سايىن جىكتەلىپ كۇردەلەسىپ بارادى. قىزىعۋى مەن ۇستانعان جولى دا ءار الۋان، رەداكتور كەيدە بەينە اس دايىنداۋشى سياقتى. ولارعا ءوزى تاڭداپ جەيتىن قالىڭ تاعام تىزىلگەن «ۇستەل» كەرەك سياقتى. اركىم ءوز قالاۋىن تابەتىنە قاراي جەيدى. بىلاي بولعاندا ىسىراپشىلدىقتا از بولادى. بىرەۋى اشتىعا قۇشتار بولسا، بىرەۋى قىشقىلعا، بىرەۋى تاتتىگە ءۇيىر دەگەندەي شارۋا.

  جالپى گازەت-جۋرنالدىڭ ورتاق ءبىر ماقساتى - حالىق ءۇشىن. سوتسياليزم ءۇشىن قىزمەت ەتۋ،«بارلىق گۇل شەشەك اتسىن،جالپى جارىسا ءۇن قاتسىن» تالابىنا تاباندى بولۋ. ماقسات-نىسانا ايقىن، كوزقاراس اشىق، حالىقتى بىلىمدەندىرۋ، ينفورماتسيا مەن قامداۋ، جاڭا وي-يدەيامەن قارۋلاندىرۋ، جاڭالىققا باستاۋ…

  گازەت-جۋرنال، كىتاپ وقۋ، ساتىپ الۋ - قوعامدىق ءومىردىڭ تالابى مەن قاجەتى، مادەنيەتتىلىكتىڭ بەلگىسى. رۋحاني قاجەتسىنۋ، تۇتىنۋ، جاڭا مەديانى كورۋ جانە ونان يگىلىكتەنۋدە قاجەتتىلىك جانە تالاپ-تالعام. تۇتىنۋداعى وزگەرىستىڭ ناتيجەسى. قاعازدىق ماتەريال بولسىن، جاڭا مەديا بولسىن ءبىلىم الىپ، ينفورماتسيا قابىلداۋداعى قۇرال،دانەكەر، ەكەۋىنىڭ پارقى وزىقتىق پەن مەشەۋلىكتىڭ ماسەلەسى ەمەس. تۇتىنۋداعى قاجەتتىلىكتەن تۋىنداعان، جاڭا مەديادا ادامنىڭ بارلىق رۋحاني قاجەتىن شەشىمدەپ كەتۋى ناعايىبل. ول ءۇشىن جاڭا تەحنيكانىڭ «جالىندا» ويناي ءبىلۋىمىز كەرەك. ادامنىڭ اقىل-وي قۋاتى شەكتى، جۇيكەسىنىڭ توزىمدىلىگى شامالى تەحنيكانىڭ قۇلى بولىپ ءومىر  وتكىزۋدى قالاي بەرمەيدى. ال، تەحنيكانىڭ قوجايىنى بولۋ ءۇشىن بارىس كەرەك. سول سياقتى ادامزاتتىڭ قازىرگە دەيىنگى مادەنيەتىنىڭ دامۋشىلىعىنىڭ كۋاسى بولعان قاعازدىق دۇنيەنى ءبىرجولا تارىك ەتىپ، «ءىرى ساندار قامباسىنا» اينالدىرۋدىڭ دا  ۋاقىتى الىس.

  گازەت-جۋرنال، كىتاپتى رۋحاني جاۋھارىمىزعا بالاپ قاستەرلەۋ ادامزاتقا ورتاق قاسيەت. ءبىلىم كۇن سايىن جاڭالانعان، رۋحاني دۇنيە تولاسسىز جاڭعىرعان داۋىردە گازەت-جۋرنال، كىتاپ تا، جاڭا تەحنيكانىڭ جەمىسى بولعان جاڭا مەديادا اۋاداي قاجەت. ءبىرىن-ءبىرى تەرىستەۋدىڭ ورنىنا تولىقتايدى. بۇل ەكەۋىنىڭ پارقى ءبىر ينفورماتسيانىڭ جەتكىزىلۋ فورماسى مەن تاسىلىندە تۇر. ءارقايسىسىنىڭ ءوز رولى، ارتىقشىلىعى بار. ءبىرىنىڭ ورنىن ءبىرى بۇكىلدەي باسا المايدى. جاڭا تەحنيكانى، جاڭا مەديانى تولىق كادەگە جاراتامىز دەسەك، كىتابي ءبىلىمنىڭ ءبارى «ساندى مالىمەتكە» ەنۋى كەرەك. ياعني كومپيۋتەردەن تابىلۋ قاجەت. جاڭا تەحنيكا،جاڭا مەديا كوپ جاڭالىق الا كەلگەنىمەن كوپ دۇنيەنى وڭايلاستىرعانىمەن، ادامنىڭ قۋاتى جەتپەيتىن كوپ ءىستى تىندىرعانىمەن، ادامنىڭ اقىل-وي قۋاتىنا زور سالماق، جۇيكەسىنە ۇلكەن باسىم الا كەلەدى. ادام ءوزىنىڭ دارمەنسىزدىگىن شىنداپ سەزىنە باستادى. تەحنيكانى ادام جاراتقان. ال، ونىڭ جاڭالانۋىنا ىلەسۋ ءۇشىن دە ۇلكەن قابىلەت. جۇيكە، ءبىلىم قاجەت. ءبىلىمدى جۇيەلى الۋ ءۇشىن، جان-جاقتىلى جەتىلۋ  ءۇشىن جانەدە اعا بۋىنداردىڭ قالدىرعان تاجىريبەسىنە، جازىپ كەتكەن دۇنيەلەرىنە سۇيەنۋگە تۋرا كەلەدى. مۇنان باسقا شىعار جول جوق. بۇل دۇنيە وسىلاي جالعاسىمىن تابادى، داميدى.

  ءدال وسى جەرگە كەلگەندە، مۇنىڭ ءبارىن نەگە ايتىپ وتىرسىڭ،ءبارى ەل بىلەتىن ءجايت ەمەس پە دەۋىڭ ابدەن مۇمكىن،دۇرىس، ادامداردىڭ ۇعىم-تۇسىنىگى، سانا-تالعامى ءبىر كەلكى ەمەس. كەيبىرەۋدىڭ بەيىمدەلگىشتىگى مەن جاڭاشىلدىعى دا قىزىق. ساناسىن ءبىر ءتۇرلى مازاسىزدىق، قاربالاستىق مەڭزەپ العان. كەيدە ءبىر ۋاق بايىز تاۋىپ ويلانعىسى كەلمەيدى. الدەنەدەن قۇر قالىپ قالاتىنداي جىنىگەدى، مودا قۋالاپ، كوبەلەكشە گۇلدەن-گۇلگە قونىپ جۇرە بەرمەي، نەنى قادىرلەۋ،نەنى ۇيرەنۋ كەرەك ەكەنىن ەسكەرەتىن كەزدە جەتتى دەيمىز. كوبەلەكتىڭ گۇلدەن-گۇلگە قونۋى-ونىڭ تىرشىلىك ءتاسىلى. مودا قۋالاۋدا ادامنىڭ جاڭاشىلدىعى مەن بىرگە السىزدىگىن اڭعارتاتىن ءىس. جۇيكە جۇقارادى، قۋات قايتادى. ءبىراق دۇنيە جاڭالانا بەرەدى. ەندى قايتۋ كەرەك. ءبىر ۋاق كىتاپ وقى، گازەت-جۋرنالدى پاراقتا، رۋحاني جۇتاڭدىق ساناڭدى كەۋلەپ كەتپەسىن. وقۋ بىتىرگەندە  ءبارىن وقىپ ءبىتىرىپ، تىندىرىپ تاستاعانداي بوپ جۇرەتىن ازاماتتاردىڭ بالاسىنىڭ تاپسىرماسىن تۇزەپ بەرە الماي قىنجىلىپ وتىرعانىن كوپ جولىقتىرامىز.

  تەلەفون مەن كومپيۋتەردەگى بىلىمدەرمەن ينفورماتسيالار وقىپ  يگەرمەسەڭ وزىڭدىكى ەمەس،كىتاپتا سولاي، ءوز بىلىمىڭە اينالدىرىپ كادەگە جاراتۋ ءۇشىن ومىرلىك ۇيرەنۋ رۋحى بولۋى كەرەك. ءتىل ۇيرەنۋدە سولاي، ۇزبەي ىزدەنۋدى، وقۋدى قاجەت ەتەدى. عىلىم-ونەردىڭ جاڭالانۋى تەزدەگەن داۋىردە، قول تەلەفوننىڭ،كومپيۋتەردىڭ قانشا جاڭا بولۋى ەسەپ ەمەس، قايتا سوعان سايكەسەتىن يقۋات، قاجىر -ءتۇزىم دە قاجەت.

  ءوزىڭنىڭ اقىل-ەسىڭنىڭ كەمدىگىن،«قايتالاي نادانداسقانىڭدى» وزگەدەن كورە بەرۋدىڭ ءجونى جوق. ازامات رەتىندە نەنى ۇيرەنۋ، نەنى قادىرلەۋ، نەنى ساقتاپ قالۋعا دۇرىس شەشىم جاساي الماساڭ مىڭ جەردەن وكىنگەنىڭمەن بەكەر. ءومىر ءسۇرۋ مەن دامۋدىڭ كەڭىستىگىنەن يگىلىكتەنە الۋ-الماۋ ءوز ەركىڭ. جىگەرىڭە بايلانىستى ءىس. دۇنيەنى قۇرتاتىن نارسە-نەمقۇرايدىلىق،سالعىرتتىق. ۋاقىتپەن، تەحنيكانىڭ جاڭالانۋىمەن جارىسقان داۋىردە، وزىڭە ۋاقىت شىعارا ءبىلۋدىڭ ءوزى ۇلكەن ونەر. «بازار شارۋاشىلىعى ادامدى سۇرىپتايدى» دەگەن ايتىلىم بار. كەيدە وزگە حالىقتاردىڭ اقىل-پاراساتتىلىعىن، زەرەكتىگىن ايتىپ تامسانامىز. ءيا،ادام الدىعا قاراپ وسەدى، ارتىنا قاراپ ءتاۋباسىن شاقىرادى. اركىم ءوز مىنەزىمەن، بويىندا بار قاسيەتىمەن قادىرلى، بۇل ارا قاتىناستى دۇرىس شەشىم ەتىپ الۋ وتە ماڭىزدى. ادام ءوز قادىر-قاسيەتىن، رۋحاني قۇندىلىعىن ساقتاي الماسا، ونىڭ وزگەگە قاجەتى شامالى بولۋى مۇمكىن. الدا جولىققان كەدەرگى -  قيىنشىلىقتاردى سىناق رەتىندە قابىلداۋ، ونى جەڭىپ شىعۋ ءۇشىن باتىل شەشىمگە كەلۋ كوپ ادامنىڭ قولىنان  كەلە بەرمەيدى.

  سول ءۇشىن اباي اتامىز ايتقانداي وزىمىزدەن «ەسەپ الىپ تۇرۋىمىز» كەرەك سياقتى.

  عىلىم-ونەردىڭ دامۋىنا ىلەسىپ، ءبىر عىلىم سالاسىنىڭ ءوزى نەشە تارماققا جىكتەلىپ، ءبىر كاسىپ كوزىنىڭ ءوزى نەشە تاراۋعا، تارماققا ءبولىنىپ،كاسىپتىڭ ەرەكشەلىگى كورنەكتىلەنىپ، سول كاسىپپەن شۇعىلدانعان ادامعا قويىلعان تالاپ تا اۋىرلاي ءتۇستى. مۇنداي جاعدايدا وقۋ تاريحى، ستاجى، تاجىريبەسى بار بولۋمەن بىرگە تىنباي ىزدەنۋ قاجەت. وسى كاسىپپەن ونەردىڭ «جاڭا ساۋاتسىزدارى» قاتارىنان كورىنبەۋ ءۇشىن تالپىنۋ قاجەت بولدى. سىرتقى سەبەپتى ايتىپ، انا جاعداي، مىنا سىلتاۋدى كورسەتىپ رەالدىقتان قاشقالاقتاۋدىڭ ءجونى جوق. زامان اعىسىن باعامداۋ، ءداۋىردىڭ تالابىنا سايكەسۋ، قوعامنىڭ قاجەتىنەن شىعۋ ءۇشىن تۇرمىس ءتاسىلى، ويلاۋ ادەتى، قوعامدىق قارىم-قاتىناستان باستاپ ويلاستىرۋمەن بىرگە ومىرلىك ۇيرەنۋ، ۇزبەي وقۋ، ءوزى تۋرالى تولعانۋ اسا قاجەت.

  بۇل ءسوزدى گازەت-جۋرنال   وقىسىن، جازىلسىن، كىتاپ ساتىپ السىن ياكي جاڭا تەحنيكانى ەركىن مەڭگەرسىن، كومپيۋتەرى مەن قول فونىن جاڭالاپ تۇرسىن دەپ قانا ايتىپ تۇرعانىم جوق، زامان كوشىنە ىلەسە الماي، ىعىسىپ وقشاۋ قالماسىن، نەمقۇرايدىلىق، جالقاۋلىق، سالاقتىقتىڭ كەسىرىنەن ورنى تولماس وكىنىش ارقالاماسىن. كەمىندە نە قالالىق  ەمەس، نە دالالىق ەمەس، ەكى ورتادا مازاسىز كۇي كەشپەسىن دەپ وتىرمىن.

  پارتيامىزدىڭ شۇعىلالى ساياساتىنىڭ ارقاسىندا حالىققا كوپتەگەن ءتيىمدى ساياساتتار جاسالدى. ەل تۇرمىسى كۇن ساناپ جاقساردى. اۋىلدا تاس كەرپىشتى ۇيلەر قاز-قاتار ءتىزىلدى. قالادا ءزاۋلىم عيماراتتار بوي كوتەردى. قىستاقتا كىتاپحانا جالپىلاستى. جاڭا ۇيلەرىمىزدە كىتاپ سورەسى بار ما، كىتاپ بار ما، ءوز باسىمىز كىتاپحاناعا، كىتاپ دۇكەنىنە بارىپ كوردىك پە، راديو-تەلەۆيزورىمىز سايراپ تۇر، وسىنداي زاماندا ناداندىعىمىزدى، جالقاۋلىعىمىزدى كىمنەن كورەمىز. باسقانى قويعاندا اعا بۋىنداردىڭ ايتقان سوزدەرىن ەسىمىزگە الىپ كوردىك پە؟ رۋحاني جاقتاعى جۇتاڭداۋدىڭ ءبىر سەبەبى قاجىر-قايراتىمىزدىڭ قايسارلىعىمىزدىڭ كەمدىگىندە. ءوزىمىز جانە قوعام تۋرالى تانىمىمىزدىڭ جەتەرسىزدىگىندە. كوزالداعى پايدا-زيانمەن عانا ەسەپتەسىپ، ۇزاق بولاشاقتى ويلامايتىن تار ورىستىلىگىمىزدە تۇر.

  سوڭعى كەزدە گازەت-جۋرنال كىتاپتىڭ وقىرمانى ازايدى دەيمىز.

  ءاسىلى ازايعانى جوق، باسقا سالاعا ويىسىپ كەتتى. جاڭا مەدەيا، ءسوز، كەسكىن، سۋرەت توعىسقان جاڭا ونەر باۋرادى. تۇتىنۋشىنىڭ قاجەتىنە قاراي ءونىم شىعارۋ ءۇشىن بۇرىنعى ءوندىرىس تاسىلىنە بۇرىلىس جاساپ، كىتاپقا

  مازمۇن، قۇرىلىم، رەڭى، جازۋى، قاعازى، ماتەريال جاقتان وزگەرس ەنگىزۋ كەرەك بولدى، كىتاپتىڭ، ياعني قاعازدىق ماتەريالدىڭ دا ءوز ارتىقشىلىعى، اسەر-ىقپالى بار دەمەكشى، سونى كادەگە جاراتۋمەن بىرگە، اراسىنا باسقا دۇنيەلەر قوسىپ، جاڭا مەديا مەن توعىستىرىپ زامانعا، تۇتىنۋشىنىڭ قاجەتىنە سايكەستىرۋ كەرەك. مىنە، بۇل ءبىزدىڭ رەداكتورلار قوسىنىمىزعا تىڭ سىناق الا كەلدى، ياعني گازەت-جۋرنال،كىتاپ شىعاراتىن تاراۋلارعا رەفورما قاجەت بولدى.

  ادامزاتتىڭ مادەني مۇراسىن، رۋحاني قۇندىلىعىن، جاڭاشىلدىق قاسيەتىن ەرتەڭگە جالعاستىرۋ ۇلكەن مىندەت جاڭا تەحنيكا مەن جاڭا مەديانىڭ تابان تىرەر-تياناعى وقىرماندى باۋراۋ، قاجەتىن قاناعاتتاندىرۋ، ياعني تۇتىنۋشىلاردىڭ قاجەتىن قاناعاتتاندىرۋ ءۇشىن ولاردىڭ ءبىلىم قۇرىلىمىن، تالعام-تانىمىن قاداعالاۋ مەن بىرگە اۆتورلاردىڭ، ياعني زات جاساۋشى، جاسامپازداۋشىنىڭ دا ءبىلىم قۇرىلىمىن، بەيىمىن، جازعان شىعارمالارىنىڭ ەرەكشەلىگىن دە قاداعالاۋ وتە ماڭىزدى.

  جاڭا تەحنيكا مەن جاڭا مەديا كوپ مۇمكىندىكتەر الا كەلدى. ءبىر ادامنىڭ ياكي ءبىر توپ ادامنىڭ ءومىر بويى جيناپ-رەتتەيتىن زەرتتەيتىن جۇمىسىن لەزدە-اق تىندىرادى.

  بۇل ءۇشىن العى شارت-سول ماتەريالدار الدىمەن ساندى مالىمەت قامباسىنا ەنۋى كەرەك. ەلىمىزدە جانە حالىقارادا ۇلكەن ساندى مالىمەتتەر قامباسى قۇرىلىپ جاتىر. ەلىمىزدە قازاقشا كوپتەگەن جاڭا مەديالار، سايتتار، ءۇنحات تەكشەلەرى بارلىققا كەلدى. الدا ءبىر ءجونى بولار، باسپا سوزدەگى بۇل وزگەرىس، بەتبۇرىستارعا سايكەسۋ كەزەك كۇتتىرمەيتىن ءىس.

  بۇل دۇنيەنى جالقاۋلار جاراتقان دەگەن ءبىر ءسوز بار. جاتىپ الىپ بار جۇمىستى وڭايلاستىرۋدىڭ جولىن ويلايدى ەكەن-مىس. تەحنيكا ادامداردى جالقاۋلاستىردى. اقىل-ەس كىرۋى دە كەشەۋىلدەدى. ءومىر ادامنىڭ ەسىن جيعىزادى، ول بولماسا وقۋ، ادامداردىڭ وقىپ-ءبىلۋى ارقىلى دا وي-ساناسى اشىلادى، وي-ساناسىن تۇزەيدى، قازىرگى ادامداردىڭ قۇرالى مەن قازىناسىندا وزگەرىس بولدى، مولايدى،كەلىسكەن كومپيۋتەرى، قول تەلەفونى، قاجەتتى كىتاپ قورى...بولۋى كەرەك.

  ءار كۇنى جاڭالىقتى دەركەزىندە كورىپ، ءبىلىمىن جاڭالاپ اقىل-ويىن شىڭاۋ مەن بىرگە دەنە شىنىقتىرماسا بولمايدى. قوعام وزگەرىسى، جاڭالانۋى تەزدەدى. وي-سانانى سەرگەك ۇستاپ سايكەسۋ-سايكەسپەۋ ءوز ءىسىڭ.

  جوعارىدا ايتقانىمىزداي «جاڭا ساۋاتسىزدىقتان، نادانداسۋدان، رۋحاني جۇتاڭدىقتان» ساقتانۋدىڭ امالى كوپ بولۋى مۇمكىن. ءبىر امالى-كىتاپ وقۋ.

  گازەت-جۋرنالعا جازىلۋى، كىتاپ ساتىپ الۋ دەگەنىمىزدە ءبىر ءتۇرلى قارجى قوسۋ. ەسكەرە بىلسەڭ ونىڭ ءوسىمى بانكەنىڭ وسىمىنەن جوعارى، مۇنى اقىل-پاراساتتىق ۇسىنىلىم دەيمىز. بۇگىن جاقسى قارجى قوسىپ، شىعىندالساڭ، ەرتەڭ يگىلىگىن كورەسىڭ. العان ۇيىڭدە، ماشيناڭدا ەسكىرەدى، ءبىراق ارتىندا قالاتىنى اقىل-ويىڭ ءبىلىمىڭ، قابىلەتىڭ! جانە ونىڭ جاراتقان رۋحاني قۇندىلىعى.

  «اقىل-پاراساتتىق ۇسىنىلىم (قارجى)» ەرتەڭ ۇلكەن قۇن جاراتادى. ادام ءۇشىن ەڭ قاجەتتى ءىس - رۋحاني جاقتان تۇلەۋ، ءوسىپ-جەتىلۋ. اقىل-پاراساتقا قانشالىق قارجى قوسىپ جاتىرسىڭ؟-مۇنىڭ مازمۇنى كەڭ. وتباسىڭدا كىتاپ وقۋ، ۇيرەنۋ، جاڭالىققا تالپىنۋ «ادەتى» بارما!؟ايىنا  ءبىلىم الۋعا قانشا قاراجات جۇمسايسىڭ؟ ايىنا كىتاپ دۇكەنىنە، كىتاپحاناعا قانشا رەت باراسىڭ؟... بۇل سۇراقتار بەلگىلى ماعىنادان العاندا رۋحاني جاقتاعى تۇلەپ-ءوسۋىڭنىڭ، جاڭالىققا بەيىمدەلۋىڭنىڭ قانداي ەكەنىن اڭعارتادى.

  قازىرگى گازەت-جۋرنال رەداكسيالارىمىز باسپالارىمىز «ءوندىرىس تاراۋى» ساتۋشى رەتىندە وقىرمانداردىڭ وسى جاعدايىنا، اقىل-پاراساتقا قارجى قوسۋ احۋالىنا قالاي ءۇڭىلىپ جاتىر. كەرىسىنشە ءاربىر ازامات «تۇتىنۋشى» رەتىندە ءوزىنىڭ رۋحاني قاجەتىن قالاي سەزىنىپ، قالاي تولىقتاردىڭ قامىن جاساپ ءجۇر.

  بارىنەن دە ماڭىزدىسى سانالى وقىرمان رەتىندە وسى سۇراقتار توڭىرەگىندە ويلانۋىندا تۇر.

  گازەت-جۋرنالعا جازىلۋ ايىندا ءبىرتالاي ءىستىڭ باسىن شالىپ ايتقان بولدىق، بىرەۋ كورەر، بىرەۋ كورمەس. ساناۋلى اۆتوردان جاقسى شىعارما كۇتەمىز. سانالى وقىرمانعا، دامىعان قوعامعا سەنەمىز، كوپ ءىس سوڭىندا ءوز جۇلگەسىن، ءجونىن  تابادى.

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.