ەەڭ جاڭا مازمۇندار
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
ساياحات كاسىپ كۇيىن بايىتىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز
تارباعاتاي ايماقتىق پارتيا قۇرىلىسىن زەرتتەۋ قوعامى 4 -رەتكى مۇشەلەر قۇرىلتايىن اشتى
2022-جىلى 6-ايدىڭ 30 -كۇنى 145 ـ سان
جازداعى سالتاناتتى كەڭەس، ونان دا ماڭىزدىسى، كوكتەمگى ساپارعا اتتانۋ
شينجياڭ ساياحاتىندا ”قايتا اتتانۋدىڭ“ دابىلىن قاعايىق
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
ءسىز اتپەن كەلىپ ءبىزدى ساپارعا ۇزاتىپ سالعان ەدىڭىز، ءبىز جەڭىسپەن ورالىپ سىزگە قۇرمەت بىلدىرەمىز
قار - مۇز ساڭلاقتارى جۇڭگونىڭ قار قالاسىمەن رومانتيكالى كەزدەستى
شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلدى
شينجياڭ ساياحاتىندا ”قايتا اتتانۋدىڭ“ دابىلىن قاعايىق
اۆتونوميالى رايوننىڭ ساياحاتتى دامىتۋ جينالىسى اشىلدى
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
شيحۋ: ءتۇبىتتى ەشكى سوناۋ گۋاڭجوۋعا دەيىن ساتىلىپ، تاماشا كىرىس كوزىنە اينالدى
اۋىل شارۋاشىلىق سەيىل -سەرۋەن باقشاسى اشىلىپ، قوناقتاردى قارسى الدى
ارالاسۋ، ىشتەسۋ، توعىسۋ قيمىلىن ورىستەتىپ، ۇلتتار ىنتىماعىن بىرلىكتە تىلگە تيەك ەتتى
كوكباس جۇگەرى جيناستى
مالشىلاردىڭ قىرقىمىنا كومەكتەستى
2022-جىلى 6-ايدىڭ 29 -كۇنى 144 ـ سان

مەنىڭ اكەم جۋىندى جيناۋشى

جولدانعان ۋاقىتى : 2017/11/20 13:00:33

مو يان

  سول جىلى 16  جاستا بولاتىنمىن، اۋدانداعى ەڭ جاقسى ورتا مەكتەپكە ءوتتىم. جۇرت بۇل مەكتەپتە وقىعانىڭ جوعارى مەكتەپكە ءبىر قادام جاقىنداعانىڭ دەستى. سونداعى اكەمنىڭ قۋانعانىن كورسەڭىز عوي. ول ماعان:

  - بالام، ەندى، ءتىپتى، قۇلشىنا  وقىپ، جوعارى مەكتەپكە ءتۇسىپ، كەڭسەدە وتىرىپ جۇمىس ىستەيتىن بول. سوندا عانا «ارقا ەتىڭ ارشا، بورباي ەتىڭ بورشا» بولىپ، كۇنگە كۇيىپ، اتىزدا جۇمىس ىستەۋدەن قۇتىلاسىڭ،- دەپ قايتا - قايتا قۇلاعىما قۇيعانى بار ەدى.
 
  مۇنداي دا قيسىنى كەلەدى ەكەن؟ اۋدان قالاشىعىندا تۇراتىن تۋىسىمىز ولكە ورتالىعىنا كوشەتىن بولىپ، اكەمە ءۇيىن قاراپ تۇرۋدى ايتىپ، اۋدان قالاشىعىندا دوڭىز اسىراساڭ، اۋىلداعىداي ەمەس، اۋداندا ادام كوپ، تۇتىنۋ ورەسى جوعارى، قالايدا  اۋىل – قىستاقتان جاقسى، جوعارى باعا دا ساتىپ، اۋقاتتانۋىڭا بولادى دەپ كەڭەس بەرگەن ەكەن. بىرىنشىدەن، بۇل ءبىر جاقسى اقىل، ەكىنشىدەن، اۋدانعا بارىپ بالامنىڭ حال - كۇيىنەن حاباردار بولامىن دەگەن ويمەن اكەم دە قۇپ كورىپتى.

  ورتا مەكتەپتىڭ ءبىرىنشى ماۋسىمىن تاۋىسقانىمدا، اكەم دە  اۋدان قالاشىعىنان دوڭىز  باعاتىن  قورا  سالىپ ۇلگىردى ءارى  تورايلاردى دا  ساتىپ اكەلدى. باسقا كۇندەر مەكتەپ جاتاعىندا جاتامىن، سەنبى كۇنى اكەمنىڭ قاسىندا بولىپ، تورايلارعا قاراپ،  اكەمنىڭ اۋىلعا بارىپ جەم - ءشوپ ازىرلەۋىنە  ۋاقىت شىعارامىن.

  تورايلار دا ءجۇنى جىلتىراپ، جەتىلە  باستادى، اۋىلداعى ۇيدەگى جەم - ءشوپ تاقىر - تازا  تاۋسىلعان، تۋىستاردان ءۇيتىپ - ءبۇيتىپ سۇراپ العان جەم - ءشوپتىڭ ءتۇبى دە كورىندى. ساتىپ الا سالعانعا قولدا اقشا جوق، اكەمنىڭ ۋايىمى كۇن سايىن ارتتى. قاراداي قامىققان مەنىڭ قولىمنان كەلەر تۇك جوق. ءبىر كۇنى  مەكتەپ  اسحاناسىنان تاماقتانعالى بارعانىمدا، وقۋشىلاردىڭ جەمەگەن،  شالا  جەلىنگەن بۋنانداردى،   اۋزىنان  اسقان تاماقتاردى جۋىندىعا  توگەتىنىن بايقاپ  قالدىم. سودان ماعان وسى نارسەلەردى ۇيگە اپارىپ، دوڭىزدارعا بەرسەك بولماس پا؟ دەگەن وي ساپ  ەتە ءتۇستى.
ۇيگە بارعان سوڭ  اكەمە  ايتىپ ەدىم، قۋانعانىنان سانىن شاپالاقتاپ:

  -جارايسىڭ،  ۇلىم،  تابىلعان اقىل،- دەدى دە ەكىنشى كۇنى مەكتەپ اسحاناسىنداعى جۋىندىنى الۋعا باردى.

  اكەم ءۇشىن ءبىر ماسەلەنى شەشتىم دەپ ماسايراپ جۇرگەندە، كۇتپەگەن باس اۋرۋ ساپ ەتە تۇسەرىن قايدان بىلەيىن. اكەمنىڭ باسىنا وراعان، تەر ءسىڭىپ، كىردەن كوز اشپاعان قاپ -قارا ورامالى، البا -جۇلبا كيىمى، باربيعان ساۋساقتارى  مەكتەپ بالالارىنىڭ مازاعىنا اينالىپتى. « قارا  بانان»، « قايىرشىلار باسى» دەگەندەي، لاقامداردى قويىپ ۇلگىرىپتى جۇگىرمەكتەر.

  مەن تاۋلىقپىن، قىستاقتا تۋىپ، ەرجەتتىم، قيىنشىلىقتان، جاپادان قورىقپايمىن، جىعىلسام ءۇستىمدى قاعا سالىپ، قايتا تۇرامىن، ءبىراق، باسقالاردىڭ قورلاعانىنان، كەلەمەجىنەن قورقامىن. داۋدە بولسا ساباقتاستارىم ول كىسىنىڭ مەنىڭ اكەم ەكەنىن بىلمەيتىنى كورىم بولدى، مەن دە مۇمكىندىكتىڭ بارىنشا اكەمە جولامايمىن، ءار جولى ول كەلە جاتقاندا، اۋلاقتاپ، سىرتتاپ كەتىپ ءجۇردىم.

  ءبىراق باسقالار ءبىلىپ قالار دەگەن  ىشكى ارپالىس پەن كەمسىتەدى – اۋ دەيتىن ۇرەي كۇن وزعان سايىن بويىمدى بيلەپ بارا جاتتى. سودان ءبىر كۇنى اكەمە:

  -اكە،  بارماي-اق قويساڭىز قايتەدى، ساباقتاستارىم بىلسە، مازاقتايدى عوي، – دەدىم كىبىرتىكتەي...

  سوندا اكەمنىڭ جۇزىندەگى قۋانىش جەل ۇرلەگەن كوپىرشىكتەي لەزدە زىم - زيا جوق بولدى. قاراڭعىدا تەك قولىنداعى نايى قىزارىپ عانا تۇردى، ەداۋىر ۋاقىت وتكەن سوڭ اكەم:

  -بارايىن، بالام، ساعان سويلەمەسەم بولدى عوي. مىنا دوڭىزداردىڭ ەندى ەت الىپ كەلە جاتقان كەزى، ازىعىن توقتاتۋعا كەلمەيدى،- دەدى اقىرىن عانا.

  كوزىمنەن ىتقىپ شىققان ىستىق جاس ءجۇزىمدى  جۋىپ  بارادى. «كەشىرىڭىز، اكە، مەن ءسىزدى، شىنىندا،  جاقسى كورەمىن،  قالاي  عانا ءبىزدىڭ  مەكتەپتىڭ اسحاناسىنان   جۋىندى   ءجيىپ ءجۇرسىز، باسقالار كوزگە ىلمەيدى عوي دەپ  قورقامىن»  دەيمىن ىشتەي ەت باۋىرىم ەزىلىپ.

  وسىدان سوڭ، اكەم  مەكتەپ اسحاناسىنداعى جۋىندىنى جيناعانىن جالعاستىرا بەردى، مەن وقۋىمدى وقي بەردىم، ەش دىڭسىز ءوتىپ جاتتىق. اكەمنىڭ  وقۋشىلاردىڭ ناتيجەسىن جاپسىرعان قۇلاقتاندىرۋ تاقتاسىنا ءۇڭىلىپ قاراپ جۇرەتىنىن  كوزىم شالىپ ءجۇردى، ايتەۋ ناتيجەم جامان ەمەس، اكەم بايقۇس سوعان رازى.

  1966 -  جىلى  قىستا، ماۋسىمدىق ەمتيحاندا، مەنىڭ ناتيجەم جىلدىقتار بويىنشا الدىڭعى  ءۇشىنشى ورىندا تۇردى، ءبىرتالاي ماقالالار جاريالادىم،  سودان بىردەن- اق  مەكتەپ ىشىنە تانىلا باستادىم. كلاس جيىنىن اشاتىن بولىپ، مۇعالىم ماعان:

  -اكەڭ مەكتەپكە ءبىر كەلىپ قايتسىن، - دەدى.

  لەپىرگەن كوڭىلىم سۋ سەپكەندەي باسىلا قالدى، ساباقتاستارىم مەكتەپ اسحاناسىنان جۋىندى جيناپ جۇرگەن ادامنىڭ مەنىڭ اكەم ەكەنىن بىلسە قالاي سايقى - مازاق ەتەرىن كوز الدىما ەلەستەتۋدەن قورىقتىم. قارلى بوراندى ومبىلاي ۇيگە كەلدىم دە اكەمە:

  -اكە، ءسىز  بارماي – اق قويىڭىز، مۇعالىمعا ءسىزدى سىرقاتتانىپ قالدى دەي سالايىن،– دەدىم...

  اكەمنىڭ ءوڭى جاۋاتىن كۇندەي تۇنەرىپ، ءۇنسىز وتىرىپ قالدى.

  كەلەسى كۇنى مەكتەپكە قايتا قايتتىم. كلاس جيىنى باستالىسىمەن كلاس ىشىندەگى شاپالاق ءۇنى تولاستاماي كوپكە سوزىلدى، كەرەڭ ادامشا مەڭىرەيىپ مەن وتىرمىن. قالتىراپ وتىرمىن، مۇنىم سۋىقتان ەمەس ەكەنى ايان. «اكە، نەگە عانا ديقان بولدىڭ ەكەن، نەگە عانا قۇرىپ قالعانداي  وسى  مەكتەپتىڭ اسحاناسىنان  جۋىندى  جيناپ  ءجۇر ەكەنسىڭ؟»

  وسى كەزدە، مۇعالىم مەن الدەبىرەۋدىڭ  سىرتتا سويلەسكەنىن قۇلاعىم شالىپ قالدى. ءتاڭىر- اۋ، اكەم عوي!  مەنىڭ اسحانانىڭ جۋىندىسىن جينايتىن اكەم تەرەزە سىرتىندا ەش قىبىرسىز مۇعالىم مەن باسقا اتا - انالاردىڭ سوزدەرىن ءمۇلت كەتىرمەي تىڭداپ تۇر، شۇرق - شۇرق ماقتالى مەشپەتىنىڭ ەكى ءوڭىرى اپپاق قار.

  كوزىمدەگى جاستى تەجەپ، ەندى بىلمەسكە سالىپ وتىرا بەرۋگە شاراسىزبىن، كلاستان اتىپ شىعىپ، اكەمدى قولىنان جەتەلەپ كلاسقا كىرگىزدىم دە مۇعالىمعا:

  -بۇل كىسى مەنىڭ اكەم، - دەدىم. كلاس ءىشىن كەرنەگەن شاپالاق كوپكە سوزىلدى.
 
  ۇيگە قايتار جولدا، اكەم يىناعاشپەن ەكى شەلەك بۋ نان مەن اسقان جۋىندىلاردى كوتەرىپ قايتتى.

  - شىنىن ايتقاندا، بالام، ءوزىڭدى قور ساناۋىڭنىڭ قاجەتى جوق، باسقالاردىڭ كەمسىتۋى ۋاقىتتىق شارۋا، ەر  ازامات  تەك قۇلشىنسا، باسقالاردا باردىڭ بارىنە  قول جەتكىزە الادى، – دەدى جول - جونەكەي.

  وسىدان سوڭ، اكەمدى ەشكىم كەلەمەجدەمەيتىن بولدى، قايتا سانالى تۇردە  اسقان  تاماقتارىن اكەمنىڭ شەلەگىنە اپارىپ قۇياتىن ەدى.

  1967 – جىلى التىن كۇز، اكەم مەنى ولكە ورتالىعىنا  ۋنيۆەرسيتەتكە اكەلدى. اۋىل ادامدارىمىز، كيىنىسىمىز قالالى جەردە كوزگە بىردەن قوراش كورىنگەنىمەن، وعان بولا قىمسىناتىن، نامىستاناتىن جان مەن ەمەسپىن. ويتكەنى بۇل دۇنيەدە  كەمسىتۋدەن اۋلاق بولۋ قيىن، باستىسى ءوزىڭدى ءوزىڭ قور ساناماۋىڭ كەرەك ەكەنىن ءتۇسىنىپ جەتكەندەي بولدىم. بەينە اكەم ايتقانداي:

  -باسقالاردىڭ كەمسىتۋى ۋاقىتتىق شارۋا، ەر ازامات قۇلشىنسا بولعانى بارىنە قولى جەتەدى.
 
  ومىرگە كەلىپ قاناتىمىز قاتايىپ، توپشىمىز جەتىلگەنشە، اكە - شەشەمىز اۋزىمىزعا ءدامدىسىن توسەپ، بار جاقسىسىن بىزگە ارناپ كەلدى. اكە -شەشەمىزدىڭ قاسىمىزدا بارىندا  ماڭداي تەر، اق ءسۇتىن اقتاۋعا ءتيىستىمىز. بالالىق بورىشىمىزدى ادا ەتەيىك!
  
اۋدارعان- ماحاببات قۇدايبەرگەن قىزى


 
  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn