ەەڭ جاڭا مازمۇندار
فاكتتىڭ جاي-جاپسارىن جىعا تانىپ،سۇرقيالىقتىڭ كەيىپ-كەسپىرىن اشىپ تاستايىق
امەريكانىڭ شينجياڭعا ساياتىن «زاڭ جوبا»نى ماقۇلداعاندىعىنا باتىل قارسى تۇرامىن
تاربيەلەۋ - باۋلۋ قىزمەتى ادامنىڭ ءتىپتى دە جاقسى دامۋىن جۇزەگە اسىرۋدىڭ شاراسى
شينجياڭ ءبىزدىڭ باقىتتى تۇرمىسىمىزدىڭ قۇتتى مەكەنى
ءوز بويىندا بىلىق-شىلىق بولا تۇرا،وزگەنى قالايشا جازعىرا الماق؟
جۇڭگونىڭ شينجياڭدى گۇلدەندىرۋ تابىستارىنا قيسىنسىز كۇيە جاعۋعا،بۇرمالاۋعا جول بەرمەيمىز
رايونىمىز اۋىل شارۋاشىلىعىندا تاعى دا مول ءونىم الدى
جۇڭگونىڭ شينجياڭدى گۇلدەندىرۋ تابىستارىنا قيسىنسىز كۇيە جاعۋعا،بۇرمالاۋعا جول بەرمەيمىز
قىزىعۋلارىڭا بولادى، كۇيە جاعۋلارىڭدى قابىلداي المايمىز
شينجياڭنىڭ تىنىش،بەرەكەلى اسا تاماشا جاعدايىنان كۇماندانۋ قاجەتسىز
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ،ەكونوميكانىڭ جوعارى ساپالى دامۋىن جانە پارتيانى جاپپاي قاتاڭ جونگە سالۋدى بۇلجىتپاي ىلگەرىلەتۋ كەرەك
شينجياڭداعى ءار ۇلت حالقىنىڭ ىنتىماقتى،قايراتتانا العا باسقان قادامىن ءارقانداي كۇش بوگەي المايدى
نازاردى «ەكىدەن تارىقتىرماۋ، ۇشتە قامتاماسىز ەتۋ»گە شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن باتىل قول جەتكىزۋ كەرەك
شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، اسپانى اشىق، جەرى جاسىل،سۋى تۇنىق كوركەم شينجياڭ قۇرۋ كەرەك
«ادامدىق ۇقىق» جەلەۋى سۇرقيا نيەتىن بۇركەمەلەي المايدى
جۇڭگونىڭ ىشكى ىسىنە كيلىككەن «زاڭ جوبا» ىشىنە ارام نيەت بۇككەن،اق پەن قارانى شاتاستىرعان
«دۇنيە جۇزىلىك ۇيعۇر قۇرىلتايى» لاڭكەستىكپەن استاسىپ وتىر
كاسىپتىك شەبەرلىككە تاربيەلەۋدى، باۋلۋدى ورىستەتۋ — شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ نەگىزگى كەپىلى
ادامدىق ۇقىق ماسەلەسىن سىلتاۋراتىپ،جۇڭگونىڭ ىشكى ىستەرىنە كيلىگۋ __ ەسەپشوتتى قاتە سوققاندىق
امەريكا ساياساتپازدارىنىڭ شينجياڭداعى ادامدىق ۇقىقتى قارالاۋ ارەكەتى كولگىرلىك،پاسىقتىق
امەريكا ماقۇلداعان شينجياڭعا ساياتىن «زاڭ جوبا»عا باتىل قارسى تۇراتىندىقتارىن جانە قاتاڭ جازعىراتىندىقتارىن ءبىلدىردى
اۋەلگى ماقساتتى، بورىشتى ەستە بەرىك ساقتاپ، نەگىزگى تاقىرىپتىق تاربيەنىڭ تابىستارىنان شىن مانىندە جاقسى پايدالانىپ، پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن ناقتى تياناقتاندىرايىق
نەگىزگى ساتى ۇيىمدىق قۇرىلىسىن كۇشەيتىپ، رەفورمانى جاپپاي تەرەڭدەتۋدى ىلگەرىلەتىپ، پارتيا ورتالىق كوميتەتىنىڭ شەشىمدەرىن، اۆتونوميالى رايوندىق پارتكومنىڭ ورنالاستىرۋلارىن ناقتى تياناقتاندىرايىق، ەگجەي-تەگجەيلى تياناقتاندىرايىق
2020-جىلعى ەكونوميكالىق قىزمەتكە تالداۋ جاسادى، زەرتتەۋ جۇرگىزدى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداسىپ، ورنالاستىردى
مەن ءتىپتى دە كوپ ادام كورىكتى شينجياڭعا ساياحاتتاپ كەلسە ەكەن دەپ ويلايمىن
تاربيەلەۋ-باۋلۋ ورتالىعى اداسقان مەنى تىڭ تىرشىلىككە يە ەتتى
كاسىپتىك شەبەرلىككە تاربيەلەۋ-باۋلۋ — ادامداردى قۇتقارۋداعى ەڭ زور يگى ءىس
شىندىقتى قيالمەن قيىستىرۋعا كەلمەيدى، شىندىق وتىرىكتى جەڭەدى
2019-جىلى 12-ايدىڭ 9-كۇنى 285-سان
شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ شاراسى ادىلەتتى شارا

اۋقاتتى اعانىڭ اۋىلىندا

جولدانعان ۋاقىتى : 2017/11/20 16:58:32

ءتۇسىرۋ
اۋقاتتى اعانىڭ اۋىلىندا
سۋرەتتە: كادىرقان مەن جۇبايى ءبيساعات تۇيە ساۋۋدا


تاۋلە قۇماش ۇلى

  قازان ايىنىڭ ورتا شەنى. تاڭ اتىسىمەن قۇت ۇيىعان قۇلىستايدى باسىپ وتەتىن اسفالت جولمەن شىعىسقا قاراي بەتالىپ بارامىز، تاڭ اتا جاۋىپ باسىلعان بيىلعى جىلدىڭ العاشقى قارى جول بويىنداعى بۇتا-بۇرگەن، ءشي، قامىستىڭ باسىن بۇركەپ، قوڭىر كۇزدىڭ قوڭىر سامالىمەن بىرگە اق جاۋلىق جامىلىپ، قول بۇلعاپ، جول بولسىن بالام دەگەن اناداي ىسپەتتى.

  جول بويىندا تالاي ەڭسەلى ءۇي، جىلى مال قورالاردى ساۋساقپەن ساناعانداي كەيىنگە تاستاپ كەلەمىز. بۇگىنگى بەتالىسىمىز كوپتەن بەرى كوڭىلىمىزدە جۇرگەن، قۇت ۇيىعان  قۇلىستايعا قونىستانعان، شاعانتوعاي اۋدانى  التىن ەمىل  اۋىلىنىڭ جاڭابۇلاق قىستاعىنىڭ مالشىسى كادىرقان ماكەن ۇلىنىڭ وتباسى ەدى.
 
  - اعا، ات باسىن تارتىڭىزشى، اناۋ كورىنگەن كوپ ءۇي بولماسىن،-دەدى. قالىڭ ءشي، قامىستىڭ اراسىنان توبەسى قىزىل قاڭىلتىرمەن قاپتالعان قالىڭ ءۇيدى نۇسقاپ، قاسىمداعى كورەگەن جاس ءتىلشى.

  ات باسىن سولاي بۇرىپ، بارعانىمىزدا، كادىرقان اعانىڭ ءۇيى ەكەن، الدىمىزدان ءبىر ازامات شىعىپ اتتان ءتۇسىرىپ، ات شىلبىرىن بەلدەۋىنە بايلاتىپ، امان-سالەمنەن سوڭ ءبىزدى ۇيگە باستاپ كىردى. ودان ارى  ۇيدەگى كىسىلەرمەن امان-سالەمنەن كەيىن داستارقان جايىلىپ، تاڭەرتەڭگى شاي قۇيىلدى، ەكى يىعىنا ەكى ازامات مىنگەندەي دەنەلى كادىرقان «اعامىز جۇگەرىنى مەن ورعىزىپ جينايىن، قىستىڭ ءتۇسىپ، قاردىڭ جاۋعانى وسى، مالدى ورىستەتىپ جايىپ، تۇسكى تاماقتى اۆتوكولىكپەن الماسىپ كەلىپ ىشىڭدەر» دەدى ءوزىنىڭ اياق جاعىندا شاي ءىشىپ وتىرعان ەكى جىگىتكە.

  ءبىز دە وسى داستارقان ۇستىندە اڭگىمەلەسپەسەك، جۇمىسىنىڭ قاربالاستىعىن ءبىلىپ، كاكە اعا: «قازىر جالپى قوعامدا كەدەيلەردى كەدەيلىكتەن قۇتىلدىرۋدى، بۇكىل مەملەكەتتى دوڭگەلەك داۋلەتتى ورەگە جەتكىزۋدى دارىپتەپ جاتىر، وزىڭىزدەي اۋقاتتى اعالاردى ۇگىتتەسەك، كەدەيلەر دە ءسىزدىڭ اۋقاتتانعان داڭعىل جولىڭىزعا ءتۇسىپ، كەدەيلىكتەن قۇتىلسا بارىمىزگە قۋانىش قوي، قورا-جايىڭىزدى كورىپ، كىرىسىڭىزدىڭ قوماقتى ەكەندىگىن سەزگەندەي بولدىق. شىنىن ايتساق، ء سىز بۇنداي دەڭگەيدە دەپ ويلامادىق» دەگەندە، قارقىلداپ ءبىر كۇلىپ، الدىعا قاراي مالداستاپ ءبىر جىلجىدى دا: «بۇل سوزدەرىڭە سەنەمىن،ءتورت ماۋسىم كوشىپ-قونىپ، دالا جايىلىسىنا مىڭعىرتىپ مال باققان حالقىمىزعا بۇگىنگىدەي شارت-جاعدايى جاقسى، جانعا جايلى ورتادا مالدى قورادا باعۋ قانشا قيىن. ال، تەمىر  تۇلپاردىڭ تەتىگىن يگەرۋدى، تەحنيكا ۇيرەنىپ، ەگىن سالۋدى ايتساق، شۋ اساۋدى نوقتالاپ، ەر سالىپ، ەرلىگىن كورسەتىپ جۇرگەن ازاماتتارىمىزعا بۇل دا تاڭداي قاعىپ، تاڭعالارلىق ءىس ەمەس. وسىنداي قوعامى ورنىقتى، ۇلتتارى ىنتىماقتى، ساياساتى ءتيىمدى بۇگىنگى كۇندە تەحنيكا يگەرىپ، اتىزى دانگە، قوراسى مالعا تولىپ، تۇرمىس ورەسىن جوعارىلاتقان ۇلتىمىز ازاماتتارى بارشىلىق قوي، مالدى ورىسكە شىعاراتىن كەز بولدى، ونان كەيىن اڭگىمەلەسىپ جاتارمىز» دەدى.

  ءتورت تۇلىك مالدى مالشىلاردىڭ الدىنا سالىپ بەردى دە، «ال، جىگىتتەر تاعى نە ۇعىساسىڭدار» دەدى كاكەڭ.

  «مال باققا بىتپەيدى، باپقا بىتەدى» دەمەكشى، ءۇيىرلى جىلقى، قورالى قوي، تابىن سيىر جانە تۇيە شارۋاشىلىعىن شالقىتقان ەلەۋلى  ەڭبەگىڭىز جايلى ءسوز قوزعاساڭىز دەدىك.

  كاكەڭ «1984-جىلى مالدى جەكەلەرگە ءبولىپ، باعاعا سىندىرىپ بەرگەندە ەگىنشىلىك قىستاقتا بولىپ، بولىستەن مال  المادىم، كەيىن مال شارۋاشىلىق قىستاعىنا كوشىپ شىعىپ ءوز كۇشىمە سۇيەنىپ، اقىل-پاراساتىمدى جۇمساپ، ازداپ مال ءوسىرىپ، تۇرمىس ورەمىزدى جاقسارتۋعا قاراي بەتالدىق، مال وسكەنمەن جەر وسپەيدى، بەرتىنگى جىلى ۇيىمنىڭ بەكىتىپ، قولداپ-قۋاتتاۋىندا وسى قىستاۋدان كولەمدى قورا-جاي سالىپ، مالدى عىلىمي جولمەن باعۋعا كىرىستىم، جالپى قورا-جايدىڭ كولەمى 15 مۋ، 100 كۆادراتتىق ەڭسەلى ءۇي، 2300 كۆادرات مەتر كەلەتىن جىلقى قورا، سيىر قورا، قوي قورا، تۇيە قورالاردى زامان تالابىنا ۇيلەستىرە سالىپ، بۇعان 900 مىڭ يۋان قاراجات جۇمسالدى،300 مىڭ يۋاندى ءوز جانىمنان تولەدىم، قالعان بولەگىن ۇكىمەت كوتەرەتىن بولدى، قانداي ءتيىمدى ساياسات دەسەڭىزشى! ۇيىمنىڭ بەكىتۋىمەن 2014-جىلى ‹شاعانتوعاي اۋدانى اسقار تاۋ مال باعىمشىلىق سەلبەستىك كووپەراتيۆىن› قۇرىپ، ەگىنشىلىك قىستاقتاعى وتاۋلاردان 14 ادامدى كووپەراتيۆ مۇشەسىنە تاعايىنداپ، بارلىق مال مەن ەكونوميكاعا ءوزىم جاۋاپتى بولىپ جۇرگىزىپ كەلەمىن، بيىل 260 قوزى، 20 تايىنشا، 5 تايلاق، 7 جىلقى ساتىپ، قازىرگى قولداعى بار مالدى 40 جىلقى، 90 سيىر، 350 تۇياق ۇساق، 60 تۇيەگە ىقشامدادىم» دەدى.

  قوراڭىز ءتورت تۇلىككە تولعان، بيىل تاعى ءبىرتالاي مال ساتىپسىز، بانكەگە قانشا اقشا قويدىڭىز، قيىنشىلىعى بارلارعا كومەكتەسە الدىڭىز با دەگەنىمىزدە كاكەڭ: «قورا-جايعا 400 نەشە مىڭ يۋان جۇمسادىم،300 مىڭ يۋانداي قاراجات شىعارىپ ءبىر جەڭىل اۆتوكولىك، ءبىر جۇك اۆتوموبيلىن جانە ءبىر تراكتور، ءشوپ ماشينا، ءشوپ تايلاۋ قۇرىلعىلارىن ساتىپ الدىم، مالدىڭ ءار جىلعى جەم-ءشوبى تاعى بار، ەكى قىزىمدى ۇزاتتىم، 3 ۇلدى ۇيلەندىرىدىم. ولارعا ءۇي سالىپ، قىستاققا ءتۇسىرىپ، ەنشىلەرىن ءبولىپ بەردىم، ەندى ۇيلەنبەگەن كىشى ۇلىم باقىتقازى مەن ءبىر مالشى قىسى-جازى مالعا قارايدى، مەن سىرتتاي باس-كوز بولىپ ءجۇرمىن، قيىنشىلىعى بارلارعا اسىپ-توگىپ بەرمەسەك  تە شامامىزدىڭ كەلگەنىنشە الدىمىزعا كەلگەندەردىڭ قولىن  قاعىپ، بەتىن قايتارمادىق. حالىق - تارازى عوي، وزدەرى باعاسىن بەرىپ جاتادى، اتىن اتاپ،ءتۇسىن تۇستەپ نە قىلام» دەدى.

  كادىرقان ءار تۇلىك مالىن جازدا جايلاۋعا باقتىرسا، قىستا قولدا باعىپ، بىردە-ءبىر باس مالىن شىعىنعا ۇشىراتپايدى ەكەن، بۇنىڭ جاي-جاپسارىن ۇعىسقانىمىزدا: «مالدىڭ جىلى قوراسى بولىپ، ءار كەز قورانىڭ ءىشىن دەزينفەكسيالاپ تۇرۋ، سونىمەن بىرگە، قار ءتۇسىپ، كۇن سۋىتقانعا دەيىن مال دالا جايىلىسىندا بولۋ، ال قار جاۋىپ قىس تۇسكەننەن كەيىن قولعا قارايدى، بۇعان مول جەم-ءشوپ قاجەت، بيىل دا 15 توننا جەم، 6 مىڭ تاي ءشوپ دايىنداپ، كوتەرەگە العان قىستاۋلىقتاعى جەردى قورشاپ، قازىرگى قورشاعان ورتانى قورعاۋ ساياساتىنا ءبىر كىسىلىك ۇلەسىمىزدى قوسىپ وتىرمىز دەپ، ودان ارى ءسوزىن جالعاعان كادىرقان: «بالا كۇنىمىزدە قۇلىستايدىڭ بۇتا-بۇرگەن، ءشي، قامىسىنان سالتتى ادام اداساتىن، مال كوزدەۋ ءۇشىن ءۇيدىڭ توبەسى نەمەسە بيىك ءشوپ ماياعا شىعىپ  قارايتىنبىز، قازىر تۋلاق سۇيرەتكەندەي دەسەك ارتىق ايتقان بولمايمىز، جايىلىمدىق جەردى ۇكىمەت اقشا شىعارىپ قورشاپ بەردى، وسىنىڭ ارقاسىندا جايىلىم كۇننەن-كۇنگە جاقسارىپ كەلەدى، كوپ مالشىلاردىڭ قورشامالارى بۇزىلىپ، جايىلىم تۇياق كەستى بولعان ەدى، قازىر جاقسى،مەن ءوزىم قىستاۋداعى 2 مىڭ مۋ جەردى تۇگەل قورشاپ، كۇنىنە قورىپ  وتىرعاندىقتان، بۇتا-بۇرگەننەن قوي كورىنبەيدى» دەدى.

  كاكەڭنىڭ قورالى قويى باسباي اسىل تۇقىمدى ءناسىلى بولسا، سيىرى شينجياڭ  وراۋىز قوڭىردىڭ  ءناسىلى، جىلقىسى ىلە اسىل تۇقىمدى ناسىلىنە وزگەرتىلىپتى، مال باسىنىڭ ارتۋىنا اۋىلدىق پارتكوم مەن ۇكىمەت تە بارىنشا ءمان بەرىپ، جەر-سۋ، قورا-قالتقى جاقتارىندا پارتيانىڭ ءتيىمدى ساياساتتارىنان تولىق يگىلىكتەندىرىپ، ءار جىلى اۋىلدىڭ مال دارىگەرلەرى جىلقىنى نەگىز ەتىپ، مالدى ىندەتتەن ساقتاپ، ءناسىلىن جەتىستىرۋگە قان تيپىن تەكسەرىپ، ۇيىمدىق جاقتان جاردەمدەسىپ كەلەدى ەكەن.

  شوپاندار وتباسىندا بەرىك سەنىم، قايتپايتىن قايسارلىق، تايمايتىن جىگەر جانە بەرەكە-بىرلىك بولۋمەن بىرگە، مىنا زاماندا عىلىمي  ەسەپ جاساي دا ءبىلۋ كەرەك، وسى ءبىر اسىل قاسيەت كادىرقان اعانىڭ تۇلا بويىنان مەنمۇندالاپ تۇرعانىن كوردىك.

  كادىرقان اعا تاعى ءسوزىن جالعاپ: «قازىر ءبىر ءبولىم ەگىنشى-مالشىلارىمىز ۇيىمنىڭ جەم-ءشوپ ەگۋگە بەرگەن ازعانتاي ەگىستىك جەرىن اۋىلداستارعا ۇزىن جىلعا ارزان باعادا مايلاپ جىبەرگەندەرىن ويلاساق، اتتەگەن-اي دەيسىڭ، 50 مۋ جەردى باسقالارعا كوتەرتىپ كورمەدىم، بىرنەشە جىل شەكىلدەۋىكتى قاربىز ەكتىم، ءونىمى وتە جاقسى، ەكى جىل بولدى جۇگەرى ەگىپ جاتىرمىن، مولشەرمەن بيىل مۋىنان 1200 كيلوگرامداي ءونىم  الامىن،ء بىر ءبولىمىن ساتىپ، قالعاندارىن مالعا جەم عىپ بەرەمىن. مىسالى، مۋىن 500 يۋاننان كوتەرىپ السا، كوتەرمەگە  العان ادام ەڭ از دەگەندە  مۋىنان 300 دە 350 يۋان پايدا كورەدى، ودانشا ءوزىڭ ەكسەڭ شىعىنى از، كىرىسى مول» دەپ ەسەپ شوتىن سوعىپ، پايدا -  زيانىن كورسەتتى.

  تۇسكە تاياپ شۋداسى جەلپىلدەپ ساۋىن ىنگەندەر دە قوراعا كەلدى، تۇيە ساۋىپ جاتقان ءبيساعات جەڭگەي: «اعالارىڭ بارلىق ەڭبەكتى وزىنە جازدىرىپ جاتقان جوق پا؟ بولەۋ دەگەن بايدىڭ قىزىمىن، اعاڭا بايلىق قۇتىن مەن اكەلگەم دەپ ءبىر كۇلدى دە، ءبىزدىڭ وسىنداي دەڭگەيگە جەتۋىمىز پارتيانىڭ ءتيىمدى ساياساتى، وتباسىمىزدىڭ بەرەكەسى، وتاعاسىنىڭ پىسىقتىعى عوي. ساۋاتىن 15 تۇيە بار، كۇنىنە 60 كيلوگرامداي ءسۇتىن ساۋىپ، شۇباتتىڭ كيلوگرامىن 20   يۋاننان ساتامىز، جازدا تاعى 15 تۇيە بوتالايدى، بيىل 6 مىڭ يۋانعا ءبىر ساۋىن ماشينا ساتىپ اكەلدىك، كەلەر جىلى ءبىر ساۋىنشى  الىپ، تۇيەنى ماشينامەن ساۋامىز» دەدى.

  ءبىز ءتورت تۇلىگى ساي، اقىلعا باي  كادىرقان اعامەن بولعان سۇحباتىمىزدى اقىرلاستىرىپ، سىرتقا شىقساق، قىسقا كۇن ۇياسىنا باتۋعا ارقان بويى قالىپتى، اۋىلداستاردىڭ ءبارى اعا سىزدەي اۋقاتتى بولسىن دەپ اتتاندىق.
 
  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.
powered by IlgharCMS 3.2 www.ilghar.cn