ۇسىنىس ەتىلگەن ءتىلشى ساۋلە كەنجەبەك قىزى، ەرىكتى ءتىلشى جانار بولسىن قىزى حابارلايدى. قوعامدىق ەكونوميكانىڭ دامۋى مەن قالا كولەمىنىڭ كەڭەيۋىنە ساي، لاس سۋدى ءبىر جايلى ەتۋ قالانىڭ باستى قيىن ماسەلەسىنە اينالىپ وتىر، لاس سۋ دەر كەزىندە ۇيلەسىمدى ءبىر جايلى ەتىلمەسە، قورشاعان ورتا تازالىعى، اۋا ساپاسى جانە تۇرعىنداردىڭ دەنساۋلىعىنا ىقپال جاساپ، اۋىر زارداپ تۋدىرادى. بۇل جاعدايدى كوزدە ۇستاعان ساۋان اۋدانى قالانىڭ دامۋ قاجەتى مەن ورتانى قورعاۋ قاجەتىنە ساي، ورتانى قورعاۋدا ۇزاق ۋاقىتتىق ونىمدىلىككە يە مەحانيزمىن ورناتىپ، لاس سۋدى ءبىر جايلى ەتۋ قىزمەتىنە باسا ءمان بەردى. 2015-جىلى ماۋسىم ايىندا ساۋان كىفا لاس سۋدى ءبىر جايلى ەتۋ زاۆودى داچۋان اۋىلىندا قۇرىلىسىن سالىپ، 2016-جىلى قازان ايىندا تەكسەرۋدەن ءوتىپ، رەسمي پايدالانۋعا بەرىلدى، قازىر بۇل زاۆود اينالىمعا ءتۇسىپ، جۇمىس جۇرگىزۋدە.
ساۋان كىفا لاس سۋدى ءبىر جايلى ەتۋ زاۆودى قازىر كۇنىنە 30 مىڭ كۋب مەتر لاس سۋدى ءبىر جايلى ەتىپ، قالانىڭ لاس سۋدى ءبىر جايلى ەتۋ ماسەلەسىن ءونىمدى تۇردە شەشىم ەتىپ، قورشاعان ورتا ساپاسىن جوعارىلاتۋعا كۇش سالۋدا.
ساۋان كىفا لاس سۋدى ءبىر جايلى ەتۋ زاۆودىنىڭ باستىعى باي حۋا: «قازىر ءبىز ءبىر جايلى ەتكەن سۋ ساپاسى مەملەكەتتىڭ لاس سۋدى ىعىستىرۋ ولشەمىندەگى 1-دارەجەسىنىڭ A تۇرىندەگى ولشەمگە جەتتى. ءبىز قالادان ىعىستىرىلعان لاس سۋدى قايتالاي تازارتىپ، ەگىستىك جەردى سۋارۋعا، قالانى جاسىلداندىرۋعا جانە جول قۇرىلىستارىنا پايدالانىپ، ساۋان اۋدانىنىڭ سۋ بايلىعىنان ءونىمدى پايدالانۋ سالىستىرماسىن جوعارى ولشەمگە جەتكىزىپ، قالانىڭ ورتا ماسەلەسىن ءبىر جايلى ەتۋگە كۇش سالدىق» دەدى.
قالادان شىعارىلعان لاس سۋ قۇبىر ارقىلى لاس سۋدى ءبىر جايلى ەتۋ زاۆودىنا جەتكىزىلىپ، تازارتۋدان وتكەن سوڭ ورتانى قورعاۋ ولشەمىنە جەتەتىن تازا سۋعا اينالادى، لاس سۋدى ءبىر جايلى ەتۋ زاۆودنىڭ وندىرىسكە قوسىلۋى لاس سۋدى ءبىر جايلى ەتۋ ماسەلەسىنىڭ ساۋان اۋدانىنىڭ جالپى تۇلعالىق جوباسى مەن ەكونوميكانى دامىتۋعا تۇساۋ بولعان جاعدايىن تۇبەگەيلى وزگەرتىپ، ساۋان اۋدانىنىڭ سۋ بايلىعىنان پايدالانۋ ونىمدىلىگىن ارتتىرىپ، قورشاعان ورتا ساپاسىن جوعارىلاتىپ، قالا ەكونوميكاسىنىڭ دامۋى مەن حالىق تۇرمىسىن جاقسارتۋعا بەرىك نەگىز قالادى.
ۇعىسۋعا قاراعاندا، ساۋان كىفا لاس سۋدى ءبىر جايلى ەتۋ زاۆودىنا جالپى 137ميلليون 352 مىڭ 500 يۋان قارجى قوسىلعان، زاۆودتىڭ يەلەگەن جەر كولەمى 59.58مۋ، قۇرىلىس كولەمى 5620.08 شارشى مەتر، قازىرگە دەيىن 4 ميلليون 158 مىڭ كۋب مەتردەن ارتىق لاس سۋدى ءبىر جايلى ەتىپ، تۇتاس اۋداننىڭ ەكونوميكانى دامىتۋ، قالانىڭ نەگىزدىك قۇرىلعى قۇرىلىسى، ونەركاسىپ كاسىپورىنداردىڭ قونىستانۋى سىندى قىزمەتتەرگە جان-جاقتىلى نەگىز قالاعان ەكەن.
ساۋان كىفا لاس سۋدى ءبىر جايلى ەتۋ زاۆودىنىڭ باستىعى باي حۋا: «ءبىزدىڭ زاۆودىمىزدىڭ جوسپارداعى ءار كۇنگى لاس سۋدى ءبىر جايلى ەتۋ سۋ مولشەرى 60 مىڭ كۋب مەتر بولاتىن، قازىر كۇنىنە 30 مىڭ كۋب مەتر لاس سۋدى تازارتۋ مىندەتىن ورىندادىق، ساۋان اۋداننىڭ ەكونوميكاسىنىڭ دامۋى مەن جان سانىنىڭ ارتۋىنا ساي، ىعىستىرىلعان لاس سۋ مولشەرى ارتۋدا، الداعى قىزمەتتە زاۆودتىڭ لاس سۋدى ءبىر جايلى ەتۋ مولشەرىن جالعاستى ارتتىرىپ، قورشاعان ورتا ساپاسىن جاقسارتىپ، ءار ۇلت بۇقاراسىنىڭ ءوندىرىس، تۇرمىسىنا قولايلىلىق جاراتىپ قالا ەكونوميكاسىنىڭ دامۋىن ىلگەرىلەتۋگە كۇش سالامىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.