ۇسىنىس ەتىلگەن ءتىلشى ساۋلە كەنجەبەك قىزى، ەرىكتى ءتىلشى ادەي جۇماعۇل ۇلى حابارلايدى. بۇكىل دۇنيە ءجۇزى كوز تىگىپ وتىرعان پارتيا 19-قۇرىلتايى اشىلعاننان بەرى ساۋان اۋدانى ءار ءتۇرلى فورمالار ارقىلى پارتيا 19-قۇرىلتايى رۋحىن سان مىڭداعان وتباسىلارىنا جەتكىزىپ، جان-جاقتىلى ۇگىتتەدى.
باس شۋجي شي جينپيڭ پارتيا 19-قۇرىلتايىندا جاساعان بايانداماسىندا «ۇرپاق ۇلاعاتتى بولسا، ەل قۋاتتى بولادى» دەپ اتاپ كورسەتتى، جۇڭگو كوممۋنيستىك جاستار وداعى ساۋان اۋداندىق كوميتەتى جىلجىمالى وداق كوميتەتى مەكتەبى قيمىلىن ورىستەتىپ، پارتيانىڭ ءۇنىن شالعايداعى مال شارۋاشىلىق رايوندارىنداعى جاستارعا دەر كەزىندە جەتكىزىپ، ولارعا پارتيا ورتالىق كوميتەتىنىڭ ءار ۇلت جاستارىنان كۇتكەن ءۇمىتى مەن قامقورلىعىن سەزىندىرىپ، ولاردى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي-تالماي قۇلشىنا كۇرەس جۇرگىزۋگە جىگەرلەندىردى.
جۇڭگو كوممۋنيستىك جاستار وداعى ساۋان اۋداندىق كوميتەتىنىڭ قىزمەتكەرلەرى اۋدان ورتالىعىنان اۆتوكولىككە وتىرىپ، بورتىنكو مال فەرماسىنىڭ مالشىسى كەنجەبەك ماناسقان ۇلىنىڭ وتباسىنا باردى، تاۋ جولى كۇدىر بولعاندىقتان، اۆتوكولىكپەن جالعاستى ىلگەرىلەۋگە مۇمكىندىك بولماي جەرگىلىكتى ورىنداعى جاستاردىڭ كومەگىندە، كوپشىلىك ات پەن تۇيەگە ءمىنىپ، كوزدەۋلى جەرگە جەتىپ، مال شارۋاشىلىق رايونىنداعى جاستارعا «شي جينپيڭنىڭ جاستار مەن جاس وسپىرىمدەر جانە كوممۋنيستىك جاستار وداعى قىزمەتى جونىندەگى بايىمداۋلارىنان ۇزىندىلەر»، «شي جينپيڭنىڭ جەتى جىلدىق زيالى جاس ءداۋىرى» قاتارلى قۇندى ماتەريالداردى الا بارىپ، پارتيا 19-قۇرىلتايىنىڭ بايانداماسىنداعى كىسىنى جەلپىندىرەتىن جاڭا يدەيا، جاڭا تۇجىرىم، جاڭا شەشىم-ورنالاستىرۋلارىن قوس تىلدە ءتۇسىندىردى.
ساۋان اۋدانى بورتىنكو مال فەرماسىنىڭ مالشىسى كەنجەبەك ماناسقان ۇلى: «وداق كوميتەتىندەگى كادرلار شالعاي تاۋلى رايوندارعا دەيىن كەلىپ، پارتيا 19-قۇرىلتايىنىڭ رۋحىن،سونداي – اق زاڭ – ءتۇزىم، حالىق تۇرمىسىنا ءتيىمدى ساياساتتى ۇگىتتەپ، بايانداما مازمۇنىن ءتۇسىندىردى، ولارعا ايرىقشا العىس ايتامىز، الداعى جەردە يدەيا مەن ارەكەتتى قۇرىلتاي رۋحىمەن بىرلىككە كەلتىرىپ، ۇلى وتانىمىزدىڭ گۇلدەنىپ-كوركەيىپ، قۇدىرەتتەنۋىنە جاستىق كوكتەمىمدى جانە كۇش - قۋاتىمدى ارنايمىن» دەدى.
جىلجىمالى وداق كوميتەتى مەكتەبىندەگىلەر ىلە-شالا بورتىنكو اۋىلى قۇلسىنتوعاي قىستاعىنا بارىپ، وندا كۇزگى جيىن-تەرىن جۇمىسىمەن ابىگەرلەنىپ جاتقان جاستار مەن قىستاق تۇرعىندارىنا پارتيا 19-قۇرىلتايى رۋحىن، قاراپايىم دا ۇعىنىقتى تىلمەن جەتكىزىپ، ولاردى قوس قولدارىنا سۇيەنىپ، قۇلشىنا ەڭبەك ەتىپ، شينجياڭنىڭ جاراسىمدى، ورنىقتىلىعى ءۇشىن، تيەسىلى ۇلەستەرىن قوسۋعا شابىتتاندىردى.
ساۋان اۋداندىق وداق كوميتەتىنىڭ شۋجيى قاھيرا ماناپ قىزى: «بۇدان كەيىنگى قىزمەت بارىسىندا، ءبىزدىڭ جىلجىمالى وداق مەكتەبىنىڭ قىزمەتكەرلەرى ەگىنشى-مالشى وتباسىلارىنا، جۇمىس باسىنا دەيىن بارىپ، بارلىق وداق مۇشەلەرى مەن جاستارعا پارتيا 19-قۇرىلتايى رۋحىن جەتكىزىپ، ۇگىتتەپ، ناقتىلى ءمانىن ۇعىندىرۋمەن بىرگە، جاستارعا باعدار سىلتەيتىن، شابىتتاندىراتىن ساياساتتىق،نازاريالىق قۇجاتتاردى جەتكىزىپ، ولاردى پارتياعا العىس ايتىپ، پارتيانىڭ ۇنىنە قۇلاق اسىپ،پارتياعا ىلەسىپ، ءداۋىردىڭ اتويشىلارىنان بولىپ،جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش-قۋاتتارىن ارناۋعا ۇندەيمىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.