ءتىلشىمىز ليۋ پىڭ حابارلايدى. جاقىننان بەرى ءدوربىلجىن اۋدانىنداعى « ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتتەرى پارتيا 19-قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋمەن بىرگە، «حالىقتى جاقىنىنا بالاۋ، حالىققا قىزمەت وتەۋ، حالىققا تيىمدىلىك جاساۋ، حالىققا كومەكتەسۋ، حالىقتىڭ كوڭىلىن ورنىقتىرۋدى» مازمۇن ەتكەن كومەكتەسۋ قيمىلىن ورىستەتىپ، قوعامداعى ءالسىز توپتارعا پارتيا 19-قۇرىلتايى رۋحىنىڭ تيىمدىلىكتەرىن جەتكىزدى.
كومىر جەتكىزىپ بەردى. 63 جاسقا كەلگەن الىمجان تەمىرعالي ۇلى ءدوربىلجىن اۋدانى ەمىل مال فەرماسى نۇرشاشتى قىستاعىنداعى تۇرمىسىندا قيىنشىلىعى بار تۇرعىن ەدى. قىستا جاعاتىن كومىر الا الماي وتىرعانىن كورىپ، اۋداندىق مادەنيەت-دەنە تاربيە، راديو-كينو-تەلەۆيزيا مەكەمەسىنىڭ قىستاقتا تۇراتىن قىزمەت اترەتى ەكى توننا كومىر بەلەتىن بەرەدى، كاريا اسەرلەنە: «قىزمەت اترەتى ۇلكەن كومەك كورسەتتى، ەندى قىستان وتۋدەن الاڭدامايتىن بولدىق» دەدى. قىزمەت اترەتىنىڭ باستىعى دۇڭ حۇڭ: «قىزمەت اترەتى بيىل تۇرمىسىندا قيىنشىلىعى بار 27 وتباسىنا قۇنى 16 مىڭ يۋانعا تۋرا كەلەتىن كومىر جەتكىزىپ بەرىپ، قيىنشىلىعى بار قىستاق تۇرعىندارىنىڭ قىستان الاڭسىز شىعۋىنا كومەكتەستى» دەدى.
«دوستىق شەڭبەرى» ارقىلى تۇرعىنداردىڭ قاز ساتۋىنا كومەكتەستى. بيىل قاراەمىل قالاشىعى ۇكىمەتىنىڭ كومەگىندە، جولبۇلاق 3-قىستاعىندا تۇراتىن 64 جاستاعى توقتار قايىرباي ۇلى جەرلىك قاز باعادى. الايدا بىردە بىرەۋىن وتكىزە الماي قاتتى ابىرجيدى. ايماقتىق قازىنا مەكەمەسىنىڭ قىستاقتا تۇراتىن كادرلارى «دوستىق شەڭبەرىنەن» پايدالانىپ، ساتا الماي وتىرعان قازدارىن جاقسى باعادا ساتىپ بەرەدى. قىستاقتا تۇراتىن كادرلار اكەلىپ بەرگەن 3 مىڭ يۋان اقشا قولىنا تيگەندە كاريا قاتتى قۋانىپ، قايتا-قايتا العىسىن جاۋدىردى.
«قىزمەت وتەۋ پۋنكتى» مالشىلاردىڭ كوشى-قون جۇمىسىنا قىزمەت وتەدى. كوشىپ بارا جاتقان مالشىلاردىڭ جولدا تاماقتانۋىنا قولايلىلىق جاراتۋ ءۇشىن، اۋداندىق مال شارۋاشىلىق-مال شيپاگەرلىك مەكەمەسىنىڭ ەمىلعولين موڭعۇل ۇلتتىق اۋىلى تەرەكتى مال فەرماسىندا تۇراتىن قىزمەت اترەتى جول بويىنا ۋاقىتتىق قىزمەت وتەۋ پۋنكتىن قۇرىپ، تۇرمىستىق تۇتىنۋ بۇيىمداردى، سونداي-اق ۇنەمى پايدالانىلاتىن ءدارى - دارمەكتەردى ازىرلەپ، مالشىلاردىڭ دەم الۋ، تاماقتانۋىن قامتاماسىزداندىردى. مالشى جاماي: «قىزمەت اترەتىنىڭ كوشى-قون جۇمىسىمىزعا قىزمەت وتەپ، قاجەتتى جەم-ءشوپ، اۋىز سۋ قاتارلى قاجەتىمىزدى شەشىم ەتۋىمەن 5 مىڭ تۇياق مال كوشى-قون بارىسىندا شىعىنعا ۇشىرامادى» دەدى.
وزدەرى قارجى شىعارىپ كوشە جولدارىن جوندەدى. قالاماڭى اۋىلى بارلىقكۇرە 1- قىستاعىنداعى 8 كيلومەتر جول جاڭبىر جاۋعان كەزدەرى ءجۇرىپ-تۇرۋعا اسا قولايسىز بولاتىن، اۋداندىق بيڭحى قۇرىلىس باسقارۋ مەكەمەسى مەن تەلەگراف مەكەمەسىنىڭ قىستاقتا تۇراتىن قىزمەت اترەتى مەن قىستاق «ەكى كوميتەتى» قارجى توپتاۋ جانە قاراجات سايكەستىرۋ سياقتى تاسىلدەرمەن 57 مىڭ يۋان قارجى دايىنداپ، كۇن-ءتۇن دەمەي جولدى جوندەيدى. جول ماسەلەسى شەشىم ەتىلگەننەن كەيىن قىستاق تۇرعىندارى: «قىستاقتا تۇراتىن كادرلار ىسىمىزگە كۇيىنىپ، ۋاعىندا جول سالىپ بەردى» دەدى.
اۋىل شارۋاشىلىق تەحنيكتەرى ەگىندى عىلىمي جولمەن ەگۋگە كومەكتەستى. شاڭحۋ قالاشىعى قۇماق 3-قىستاعىندا ەگىستىك جەر از بولعاندىقتان، شارۋالاردىڭ عىلىمي جولمەن ەگىن ەگىپ، ورتانى قورعاپ، ەرتەرەك اۋقاتتانۋعا جاعداي جاراتۋ ءۇشىن، اۋداندىق سۋ يگىلىگى مەكەمەسىنىڭ قىستاقتا تۇراتىن قىزمەت اترەتى اگرونومداردى ۇسىنىس ەتىپ، شارۋالاردىڭ نورما اتىزدارىنىڭ توپىراعىنا ۇلگى الىپ تەكسەرۋ جۇرگىزىپ، توپىراق قۇرامىنا قاراي بەرىلەتىن تىڭايتقىشتاردى تۇراقتاندىرىپ، قىستاق تۇرعىندارىن الاڭداۋشىلىقتان ارىلتتى. قىستاق تۇرعىنى ليۋ جيان: « بۇرىن تاجىريبەگە سۇيەنىپ تىڭايتقىش بەرەتىنبىز دە تۇسەر قۇنى جوعارى بولىپ قالماستان، تىڭايتقىش تا كوپ سارىپ بولاتىن. مۇنان بىلاي مامانداردىڭ تالابى بويىنشا اۋلا تىڭايتقىشى مەن قوسپا تىڭايتقىش بەرىپ، بىرلىك ءونىمدى ارتتىرامىن» دەدى.
تۇرعىنداردىڭ زات ساتىپ الۋىنا قولايلىلىق جاراتتى. ءۇشقاراسۋ قالاشىعى قاراعاش 1-قىستاعىندا ساۋدا دۇكەنى جوق بولعاندىقتان، تۇرعىنداردىڭ تۇرمىستىق كەرەك-جاراق الۋىنا قولايسىز بولىپ كەلگەن ەدى. ايماقتىق بولىمشە پروكۋراتۋرا مەكەمەسىنىڭ قىستاقتا تۇراتىن قىزمەت اترەتى 150 مىڭ يۋان قارجى قوسىپ، 60 شارشى مەترلىك ساۋدا دۇكەنىن سالدىرىپ، تۇرعىندارعا قولايلىلىق جاراتىپ، القاۋعا بولەندى. قىستاق تۇرعىنى تاڭنۇر مۇقاش قىزى: « دۇكەن سالىنىپ بولعاننان كەيىن تابانان، جۇمىرتقا، ءسۇت سياقتى ونىمدەرىمىزدى ساتىپ، اقشا تابا الاتىن بولدىق» دەدى.
ۇعىسۋعا قاراعاندا، قاراشا ايىنان بەرى ءدوربىلجىن اۋدانىنداعى قىستاقتا تۇراتىن 124 قىزمەت اترەتى ءار ۇلت جۇرتشىلىعىنا 240 تان استام يگى ءىس ىستەپ بەرىپ، 100 مىڭنان استام ادام يگىلىگىن كورگەن.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.