ءتىلشىمىز حى لياڭ حابارلايدى. 27-قاراشا كۇنى ايماقتىڭ پارتيا 19-قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ۇگىت-لەكسيا ۇيىرمەسى شاۋەشەك قالاسىندا ۇگىت-لەكسيا سويلەدى. ايماقتىق ۇگىت-لەكسيا ۇيىرمەسىنىڭ مۇشەسى، ايماقتىق پارتكوم پارتيا مەكتەبىنىڭ ورىنباسار باستىعى تاۋرات ءتۇسىپ ۇلى قازاق تىلىندە ارناۋلى ۇگىت-لەكسيا سويلەدى.
تاۋرات ءتۇسىپ ۇلى پارتيا 19-قۇرىلتايىنىڭ باستى تاقىرىبى مەن قول جەتكىزگەن جەتىستىكتەرى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى، وتكەن 5 جىلداعى تاريحي سيپاتتى ناتيجەلەر مەن تاريحي سيپاتتى وزگەرىستەر، جۇڭگوشا سوتسياليزمنىڭ جاڭا داۋىرگە قادام باسۋى، « قوس 100 جىلدىق» كۇرەس نىساناسىنىڭ ستراتەگيالىق ورنالاستىرۋلارى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن اۋىتقىماستان دايەكتىلەندىرۋ سىندى 10 جاقتان پارتيا 19-قۇرىلتايىنىڭ رۋحى جونىندە جۇيەلى، ىشكەرىلەي تۇسىنىك جاسادى.
ماجىلىسكە قاتىناسقاندار ۇگىت-لەكسيانى مۇقيات تىڭداپ، ەستەلىككە الدى. كوپشىلىك قىزمەت ورنىن تياناق ەتە وتىرىپ، پارتيا 19-قۇرىلتايىنىڭ رۋحىن جەتەكشى ەتىپ، ءتۇرلى قىزمەتتە ۇزدىكسىز جاڭا جاعداي جاراتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرۋعا ۇلەس قوساتىندىقتارىن ءبىلدىرىستى.
شاۋەشەك قالالىق قوعام حاۋىپسىزدىگى مەكەمەسى ءتارتىپ تەكسەرۋ كوميتەتىنىڭ ورىنباسار شۋجيى،ءتارتىپ تەكسەرۋ ءبولىمىنىڭ مەڭگەرۋشىسى ءجاننات شاماس قىزى: «ۇگىت-لەكسيانى تىڭداعاننان كەيىن، پارتيا 19-قۇرىلتايىنىڭ رۋحى جونىندەگى تۇسىنىگىم ارتا ءتۇستى. پارتيا 19-قۇرىلتايىنىڭ رۋحىن ىشكەرىلەي ۇيرەنۋمەن بىرگە، ەڭ ماڭىزدىسى، پارتيا 19-قۇرىلتايىنىڭ رۋحىن جاپپاي دايەكتى تياناقتاندىرۋىمىز كەرەك. مۇنان بىلاي قىزمەت جاۋاپكەرلىگىمدى مۇقيات ادا ەتىپ، باتىلدىقپەن جاۋاپكەرلىك ارقالاپ،حالىققا قىزمەت وتەۋگە قاتىستى ءتۇرلى قىزمەتتى بار كۇشپەن جاقسى ىستەپ، ۇزدىكسىز ۇلەس قوسۋعا قۇلشىنامىن» دەدى.
شاۋەشەك قالاسىنىڭ ءارقايسى ورىن، تاراۋ، اۋىل-قالاشىق، فەرمالارىنداعى قازاق كادرلار، دەمالىسقا-پەنسياعا شىققان ءبىر ءبولىم ساقا كادرلار، قازاق ۇگىت-لەكسياشىلار ۇگىت-لەكسيانى تىڭدادى.
سول كۇنى تۇستەن كەيىن ايماقتىق ۇگىت-لەكسيا ۇيىرمەسىنىڭ مۇشەلەرى شاۋەشەك قالاسى ەمىل اۋىلىنىڭ ءوبىسىن قىستاعىنا بارىپ، قىستاق «ەكى كوميتەتى» القاسىنىڭ مۇشەلەرىمەن، « ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىندەگىلەرمەن، حالىق اراسىنداعى ۇگىتشىلەرمەن، قىستاق تۇرعىندارىنىڭ ۋاكىلدەرىمەن اڭگىمە ءماجىلىسىن وتكىزىپ، تالقى ورىستەتتى.
تالقى بارىسىندا تاۋرات ءتۇسىپ ۇلى جاقىنعى جىلداردان بەرى اۋىل-قىستاقتا ءجۇز بەرگەن زور وزگەرىستەرمەن ۇشتاستىرا وتىرىپ، پارتيا 19-قۇرىلتايىنىڭ رۋحىن قاراپايىم، ۇعىنىقتى تىلمەن ءتۇسىندىرىپ، پارتيا 19-قۇرىلتايىنىڭ رۋحىن كوپشىلىكتىڭ ساناسىنا ۇيالاتتى.
قىستاق تۇرعىنى كادرقان: «جاقىنعى 5 جىلدان بەرى پارتيانىڭ ءتيىمدى ساياساتتارىنىڭ ارقاسىندا تۇرمىسىمىز بارعان سايىن جاقسارا ءتۇستى. قىستاعىمىزعا قۇبىر سۋ تارتىلىپ، توك جەتكىزىلىپ، بالالار باقشاسى سالىندى. بۇلاردىڭ بارلىعى پارتيانىڭ ابزال ساياساتىنىڭ ارقاسى. پارتيا 19-قۇرىلتايىندا كوپتەگەن جاڭا جوبالار العا قويىلدى. بۇكىل ىنتا-پەيىلىمىزبەن پارتياعا ىلەسىپ، پارتيانىڭ ۇنىنە قۇلاق اسار بولساق، ءسوزسىز، ءتىپتى دە نۇرلى بولاشاق جاراتا الامىز» دەدى.
تالقى بارىسىندا كوپشىلىك تاۋرات ءتۇسىپ ۇلىنا ءتۇرلى سۇراقتاردى قويدى، تاۋرات ولاردىڭ قويعان سۇراقتارىنا ءبىر-بىرلەپ جاۋاپ قايتارىپ وتىردى. تالقى جيىنى كەش باتقانعا دەيىن جالعاسىپ، كوپشىلىكتى مول بىلىممەن سۋسىنداتتى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.