ايماق 2017-جىلعى راديو-تەلەۆيزيا سارا تۋىندىلارىن باعالادى

سۋرەتتە: سارا تۋىندىلاردى باعالاۋدان ءبىر كورىنىس.

  ۇسىنىس ەتىلگەن ءتىلشى تاۋلە قۇماش ۇلى حابارلايدى. ايماقتىڭ 2017-جىلعى راديو-تەلەۆيزيا سارا تۋىندىلارىن باعالاۋ قيمىلى 26- قاراشادان 27-قاراشاعا دەيىن ءدوربىلجىن اۋدانىندا ءوتتى.
 
  بۇل رەتكى سارا تۋىندىلاردى باعالاۋ قيمىلىن  ايماقتىق مادەنيەت- دەنە تاربيە، راديو-كينو-تەلەۆيزيا مەكەمەسى پارتگرۋپپاسىنىڭ ورنالاستىرۋى بويىنشا، راديو- تەلەۆيزيا ستانسياسى مىندەتىنە الىپ جۇرگىزدى. ايماققا قاراستى اۋدان، قالانىڭ مادەنيەت-دەنە تاربيە، راديو-كينو-تەلەۆيزيا مەكەمەسى، راديو ستانسياسى مەن تەلەۆيزيا ستانسياسىنىڭ حانزۋ، قازاق، ۇيعۇر، موڭعۇل تىلشىلەرى دايىنداعان 234 تۋىندى باعالاۋعا قاتىناستى.
 
  باعالاۋ بارىسىندا اقپاراتتىق ۇگىت قۇنى جوعارى سارا تۋىندىلاردى شىندىقتى نەگىز ەتە وتىرىپ ءادىل باعالاپ شىعۋ ءۇشىن ايماقتىڭ راديو-تەلەۆيزيا ستانسيا باسشىلارى مەن اقپارات كاسىپ بولىمدەرىنىڭ جاۋاپتىلارى سونداي- اق ءارقايسى اۋدان، قالالارداعى اقپاراتتىق كاسىپتىك قابىلەتى جوعارى ءتىلشى، رەداكتورلاردى ۇسىنىس ەتىپ، 5 گرۋپپاعا ءبولىپ، راديو-تەلەۆيزيا تۋىندىلارىن ساننان كورى ساپانى نەگىز ەتىپ مۇقياتتىلىقپەن تىڭداپ، كورىپ باعالاۋ ارقىلى 158  تۋىندى سارالانىپ شىعىپ، ءۇش دارەجە بويىنشا سيلادى.
 
  ايماقتىق راديو-تەلەۆيزيا ستانسياسىنىڭ ورىنباسار باستىعى گۇلزات شەريازدان قىزى:  «ەكى كۇندىك ۋاقىتپەن وتكىزىلگەن تۋىندىلاردى باعالاۋ قيمىلىن ءدوربىلجىن اۋداندىق پارتكوم مەن حالىق ۇكىمەتىنىڭ قولداپ -  قۋاتتاۋىندا، قاتىستى تاراۋلاردىڭ قىزمەتىمىزگە سايكەسۋىندە، ۇزدىك تۋىندىلار سارالانىپ شىقتى. ءبىز وسى جولعى  تۋىندىلاردى باعالاۋشىلارعا دا قاتاڭ تالاپ قويىپ، شىندىقتى نەگىز ەتكەن، تاقىرىبى تىڭ، تەرەڭ ويلى، ۇگىتتىك رولى جوعارى بولعان تۋىندىلاردى باعالادىق. تىلشىلەرىمىز الداعى جەردە ايماعىمىزدىڭ سان سالالى شارۋاشىلىعىنىڭ دامۋ بەتالىسىن جان-جاقتىلى ۇگىتتەپ، ولكەلىك، مەملەكەتتىك سارا تۋىندى باسەكەسىنە ۇسىنۋعا دايىندالۋى كەرەك» دەدى.
 

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مسالى: «تارباعاتاي اقپارات تورابىنان» الىندى.