ءتىلشىمىز حان جيڭ، ۇسىنىس ەتىلگەن ءتىلشى ساۋلەتقان مۇقتاربەك قىزى حابارلايدى. 30 - قاراشا كۇنى ايماقتىڭ پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ۇگىت - لەكسيا ۇيىرمەسى قوبىقسارى موڭعۇل اۆتونوميالى اۋدانىندا ۇگىت - لەكسيا جاسادى. ايماقتىق ۇگىت - لەكسيا ۇيىرمەسىنىڭ مۇشەسى، ايماقتىق پارتكوم ۇگىت ءبولىمىنىڭ ورىنباسار باستىعى اسەيىن سادىبەك ۇلى قازاق تىلىندە ۇگىت - لەكسيا سويلەدى.
اسەيىن سادىبەك ۇلى پارتيا 19 - قۇرىلتايى بايانداماسىنىڭ اۋەلگى نۇسقاسىمەن تىعىز ۇشتاستىرا وتىرىپ، پارتيا 19 - قۇرىلتايىنىڭ باستى تاقىرىبى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى، پارتيا 18 - قۇرىلتايىنان بەرگى پارتيا مەن مەملەكەت ىستەرىندە ءجۇز بەرگەن تاريحي سيپاتتى وزگەرىستەر، جۇڭگوشا سوتسياليزمنىڭ جاڭا داۋىرگە ءوتۋى سىندى جاقتاردان پارتيا 19 - قۇرىلتايىنىڭ رۋحى جونىندە جۇيەلى، ىشكەرىلەي تۇسىنىك جاسادى.
كوپشىلىك ۇگىت - لەكسيانى دەن قويا تىڭداپ، مۇقيات ەستەلىككە الىپ وتىردى. ۇگىت - لەكسيانى تىڭداعاننان كەيىن كوپشىلىك پارتيا 19 - قۇرىلتايىنىڭ رۋحىن ويداعىداي ۇيرەنۋ، ۇگىتتەۋ، دايەكتىلەندىرۋ، تياناقتاندىرۋدى كوز الداعى جانە مۇنان بىلايعى ءبىر مەزگىلدەگى باستى ساياسي مىندەت ساناپ، يدەيالىق تانىم مەن ارەكەتتى پارتيا 19 - قۇرىلتايىندا تۇراقتانعان ءتۇرلى قىزمەت مىندەتتەرىمەن بىرلىككە كەلتىرىپ، اۋەلگى ماقساتتى ۇمىتپاي، شي جينپيڭنىڭ جاڭا داۋىردە جۇڭگوشا سوتسياليزم يدەياسىن جەتەكشى ەتىپ، ءتۇرلى قىزمەتتىڭ جاڭا جاعدايىن قۇلشىنا جاراتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ۇلەس قوساتىندىقتارىن ءبىلدىرىستى.
قوبىقسارى اۋدانىنىڭ ءارقايسى ورىن، تاراۋ، اۋىل - قالاشىق، فەرمالارىنداعى قازاق كادرلارى، دەمالىسقا، پەنسياعا شىققان ءبىر ءبولىم ساقا كادرلار، حالىق اراسىنداعى قازاق ۇگىتشىلەر، نەگىزگى ساتىداعى ۇگىت كادرلارى ۇگىت - لەكسيانى تىڭدادى. اۋداندىق مادەنيەت ـ دەنەتاربيە، راديو-تەلەۆيزيا مەكەمەسىنىڭ كادرى مەيرامگۇل: « ۇگىت - لەكسيانى تىڭداعاننان كەيىن پارتيا 19 - قۇرىلتايىنىڭ رۋحى جونىندەگى تۇسىنىگىم ارتا ءتۇستى. الداعى قىزمەت بارىسىندا ءوز رولىمدى تولىق ساۋلەلەندىرىپ، كاسىپتەستەرىمە، كورشىلەرىمە پارتيا 19 - قۇرىلتايىنىڭ رۋحىن ۇگىتتەپ، پارتيا 19 - قۇرىلتايى رۋحىنىڭ جۇرت ساناسىنا تولىق ۇيالاۋىنا كەپىلدىك ەتەمىن» دەدى.
اۋداندىق اۋىل شارۋاشىلىق تەحنيكالىق مەكتەبىنىڭ كادرى گۇلزيا: « بۇگىنگى ۇگىت - لەكسيا اسا تارتىمدى ءارى دەركەزىندە جاسالىپ، نەگىزگى ساتىداعى ۇگىت - لەكسيا جاساۋشىلاردىڭ ءبىلىمىن تولىقتاي ءتۇستى. قايتىپ بارعان سوڭ بۇگىنگى ۇيرەنگەن بىلىمدەرىمنەن تولىق پايدالانىپ، پارتيا 19 - قۇرىلتايىنىڭ رۋحىن بارلىق وتباسىلارىنا جەتكىزۋگە كۇش سالامىن» دەدى.
سول كۇنى ايماقتىق ۇگىت-لەكسيا ۇيىرمەسىندەگىلەر يكىۇتىبۇلاق مال فەرماسىنىڭ شوعىرلى قىستاعىنا بارىپ، قىستاق « ەكى كوميتەتى» باسشىلىق القاسىنداعىلارمەن، « ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرىمەن، حالىق اراسىنداعى ۇگىتشىلەرمەن، ساقا پارتيا مۇشەلەرىمەن، ساقا كادرلار جانە قىستاق تۇرعىندارى ۋاكىلدەرىمەن اڭگىمە ءماجىلىسىن وتكىزىپ، پىكىر الماستىردى.
تالقىدا حالىق ونەرپازى ەرلانقان پارتيا 19 - قۇرىلتايىنىڭ رۋحىن ولەڭگە قوسىپ جەتكىزىپ، كوپشىلىكتىڭ قىزۋ قارسى الۋىنا بولەندى.
ەرلانقان «حالىق اراسىنداعى ۇگىتشى رەتىندە ءوز ەرەكشەلىگىمدى تولىق ساۋلەلەندىرىپ، پارتيا 19 - قۇرىلتايىنىڭ رۋحىن جاقسى ۇگىتتەپ، بۇقارانىڭ ساناسىنا ۇيالاتىپ، مالشىلارعا پارتيا ءۇنىن جەتكىزىپ، پارتيانىڭ ابزال ساياساتىن ۇگىتتەۋگە قۇلشىنامىن» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.