شاۋەشەك قالاسى شاعجى مال فەرماسىنىڭ شارۋالارى قىسقى ارەدىك ۋاقىتتان پايدالانىپ كىرىستەرىن ارتتىردى
جولدانعان ۋاقىتى : 2017/12/11 17:22:06
ەرىكتى ءتىلشى دۇڭ چىڭ حابارلايدى. كەزەكتە كۇزگى جيىن-تەرىن قاربالاستىعى اياقتالعانىمەن، شاۋەشەك قالاسى شاعجى مال فەرماسىنىڭ شارۋالارى قىسقى ارەدىك ۋاقىتتى بوس وتكىزبەي، باعىمشىلىقپەن شۇعىلدانۋ، زاۆودتارعا كىرىپ جۇمىس ىستەۋ سياقتى جولدارمەن كىرىستەرىن ارتتىردى.
قازان ايىنىڭ اياق شەنىندە ەگىس جۇمىسىن اياقتاتقان قىرىققۇدىق قىستاعىنىڭ تۇرعىنى ياڭ شى-يۇڭ جاقىن ماڭداعى جيفىڭ سۋلياۋ ماتەريالدار شەكتى سەرىكتىگىنە بارىپ جۇمىس ىستەدى. ونىڭ قىسقى ارەدىك ۋاقىتتا وسى ارادا جۇمىس ىستەگەنىنە 4 جىل بولىپتى.
ياڭ شى-يۇڭ: «ءار جىلى قىستا وسى زاۆودتا جۇمىس ىستەيمىن، جۇمىس اۋىر بولعانىمەن، قىستاي 30 مىڭ يۋاننان ارتىق اقشا تابامىن» دەدى.
شاعجى مال فەرماسىنداعى جيفىڭ سۋلياۋ ماتەريالدار شەكتى سەرىكتىگىنىڭ جاۋاپتىسى نيە شيۋبو: « قاراشا ايىنىڭ باس شەنىنە دەيىن 30 عا تارتا جۇمىسشى قابىلدادىق، مۇنىڭ التاۋى ۇزاق ۋاقىتتىق جۇمىسكەر، ولار بۇل ارادا جۇمىس ىستەپ كىرىستەرىن ارتتىرۋدان تىس، كاسىپورىنىمىزدىڭ جۇمىسشى جەتىسپەۋ قيىنشىلىعىن دا شەشىمدەدى» دەدى.
جۋىق جىلداردان بەرى شاعجى مال فەرماسى قارجى قوسۋ ورتاسىن ساپالىلاندىرىپ، تيىمدىلىك ساياساتتاردى كەمەلدەندىرىپ، حالىق باسقارۋىنداعى كوپتەگەن كاسىپورىنداردى وسى اراعا كەلىپ ىرگە تەبۋگە باۋرادى. كاسىپورىندار شاعجى مال فەرماسىنا كەلىپ ىرگە تەپكەننەن كەيىن، جەرگىلىكتى ورىنداعى جۇرتشىلىقتىڭ 2-، 3- كاسىپپەن شۇعىلدانۋىنا وراي جاراتىپ بەردى.
ارتىق ەڭبەككۇشتەردىڭ كاسىپتەنۋگە قاتىستى تەحنيكانى يگەرۋى ءۇشىن، شاعجى مال فەرماسى ءار جىلى شاۋەشەك قالالىق ەڭبەككۇش جانە قوعامدىق قامتاماسىزداندىرۋ مەكەمەسىمەن سەلبەستىك ورناتىپ، قىستاقتا ءتۇرلى تەحنيكالىق كۋرستارىن اشىپ، قىستاق تۇرعىندارىنا تەحنيكانىڭ تەتىگىن ۇيرەتىپ، تۇرعىنداردىڭ كىرىستەرىن ارتتىرۋىنا نەگىز قالادى.
شاعجى مال فەرماسى پارتكومىنىڭ مۇشەسى، قارۋلى ءبولىمنىڭ باستىعى حوۋ جىچياڭ: «پارتيا 19-قۇرىلتايىندا كاسىپتەندىرۋ ەڭ ماڭىزدى حالىق تۇرمىسى دەپ اتاپ كورسەتىلگەن. كەزەكتە پارتيا 19-قۇرىلتايى رۋحىن ىشكەرىلەي ۇيرەنۋمەن قاتار، فەرما پارتكومى قىس ماۋسىمىنداعى تاربيەلەۋ قيمىلىن كۇش سالا ورىستەتىپ، ارتىق ەڭبەككۇشتەردى اسپازدىق ونەرىن، ءتۇرلى بالگۇلشە ءپىسىرۋ ونەرىن، رەمونتشىلىق ونەرىن ۇيرەنۋ كۋرستەرىنە قاتىناسۋعا ۇيىمداستىردى. سونىمەن بىرگە، ‹ۇعىسۋ، تيىمدىلىك جاساۋ، توعىستىرۋ› قيمىلى بويىنشا قىستاقتا تۇراتىن قىزمەت اترەتىمەن تىعىز سايكەسىپ، كۋرسكە قاتىناسقانداردىڭ ءىس جۇزىندىك جاعدايىنا ۇشتاستىرىپ، فەرماداعى جانە جاقىن ماڭداعى جۇمىسكەر قاجەت ەتىپ وتىرعان ورىندارمەن دەر كەزىندە بايلانىس جاساپ، كاسىپتەنگىسى كەلەتىن ەڭبەككۇشتەردى باسقا سالاعا جوتكەپ كاسىپتەندىرىپ، ءتۇرلى جولدارمەن كىرىستەرىن ارتتىرۋىنا، ءتورت ماۋسىمدا دا اقشا تابۋىنا كومەكتەسىپ وتىرمىز» دەدى.
ر
ەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.