راديو قابىلداعىش ءوز رولىن كورسەتتى

سۋرەتتە: قىزمەت اترەتىندەگى كادرلار قىستاق تۇرعىنىنا راديو قابىلداعىش ۇسىنۋدا  

  ۇسىنىس ەتىلگەن ءتىلشى ەرگۇل مۇقاتاي قىزى حابارلايدى. مالشى قاماي ماقان ۇلى: «پارتيا مەن ۇكىمەتكە راقىمەت، قىزمەت اترەتىندەگىلەردىڭ الا كەلگەن راديو قابىلداعىشىنا راقىمەت، ءبىز پارتيانىڭ ءۇنىن راديو قابىلداعىش ارقىلى ەستي الاتىن بولدىق، پارتيانىڭ ءتۇرلى ءتيىمدى ساياساتتارىن دەر كەزىندە  ۇعىنا الاتىن بولدىق» دەدى.
    
    قىزمەت اترەتىندەگىلەردىڭ بۇل شاعىن قيمىلى ءار ۇلت مالشى بۇقاراسىنىڭ قىزۋ قولداۋىنا يە بولدى. راديو قابىلداعىش ارقىلى مالشىلاردىڭ پارتيانىڭ ءۇنىن دەر كەزىندە تىڭداپ، رۋحاني تۇرمىستارىن بايىتۋعا تالپىندى.
   
  شاۋەشەك قالاسى قاراقاباق اۋىلىنىڭ فەرما قىستاعى مال شارۋاشىلىعىن نەگىز ەتەدى. مالشىلاردىڭ ينفورماتسيا قابىلداۋ ارنالارى شەكتى بولعاندىقتان، ايماقتىق پارتكوم بىرلىكساپ ءبولىمى، ايماقتىق ۇلت، ءدىن ىستەر كوميتەتى جانە ايماقتىق ساۋدا ونەركاسىپشىلەر بىرلەستىگىنەن قاراقاباق اۋىلىنىڭ فەرما قىستاعىنا تۇسكەن  قىزمەت اترەتىندەگىلەر 40 راديو قابىلداعىش ساتىپ الىپ، مالشىلارعا اقىسىز تاراتىپ بەردى.
   
  ايماقتىق بىرلىكساپ ءبولىمىنىڭ ورىنباسار  باستىعى، ايماقتىق ۇلت، ءدىن ىستەرى كوميتەتى پارتگرۋپپاسىنىڭ شۋجيى ۋ شۇيدۇڭ  قولىنداعى راديونى قارت كادر ورازقان مامي ۇلىنا ۇسىنىپ جاتىپ: «ءسىز فەرما قىستاعىنىڭ قارت كادرىسىز، قىستاقتىڭ دامۋى ءۇشىن كوپ ۇلەس قوستىڭىز، پارتيا 19 - قۇرىلتايى جەڭىسپەن اشىلدى. مەن پارتيا ۇيىمى اتىنان كوپ جىلداردان بەرگى قوسقان ەسەلى ەڭبەگىڭىزگە راقىمەت ايتامىن، بۇل راديو قابىلداعىش پارتيانىڭ سىزگە بەرگەن ساۋعاسى، قابىل الىڭىز، قارت پارتيا مۇشەسىندىك رولىڭىزدى جالعاستى ساۋلەلەندىرىڭىز، كەيىنگى ۇرپاقتاردى وتاندى سۇيەتىن، پارتياعا العىس ايتاتىن، پارتيانىڭ ءۇنىن تىڭدايتىن، پارتياعا ىلەسەتىن ەتىپ تاربيەلەۋگە ۇزبەي ۇلەس قوسىڭىز» دەدى.
   
  ورازقان قاريا: «پارتياعا راقىمەت، ۋ شۋجيعا راقىمەت، مەنىڭ جاسىم ۇلعايدى، دەنساۋلىعىم دا بۇرىنعىداي ەمەس، ءجۇرىپ - تۇرۋىمدا قولايسىز، پارتيانىڭ ءۇنىن راديو قابىلداعىشتان دەر كەزىندە ەستي الاتىن بولدىم» دەدى.
   
  مالشىلاردى وتىرىقتاندىرۋ ءتۇيىنى اۋىلدىق ۇكىمەتتەن 198 كيلومەتر شالعايعا ورنالاسقان، ونداعى ءاربىر وتباسى تۇرعىندارىنىڭ ارالىعى دا 2 دە 6 كيلومەتر قاشىقتىقتا بولىپ، ەلەكتر، حابارلاسۋ قۇرىلعىلارى كەمەلسىز، سيگنال قابىلداۋى ءالسىز بولعاندىقتان، مالشىلار جىلدار بويى ءتيىمدى ساياساتتار مەن جاڭا ينفورماتسيالاردان ۋاعىندا حاباردار بولا المايتىن ەدى، قىزمەت اترەتىندەگىلەر مالشى وتباسىلارىنا راديو قابىلداعىش تاراتىپ، مالشىلاردىڭ ينفورماتسيادان دەر كەزىندە يگىلىكتەنىپ، پارتيا 19-قۇرىلتايى رۋحىن، پارتيانىڭ ءتۇرلى حالىققا ءتيىمدى ساياساتتارىن دەر كەزىندە ۇيرەنۋىنە كومەكتەستى.
   
  مالشى ەرسىنگۇل جۇمان قىزى: « ءبىز ءبىر جىلدىڭ ءتورت ماۋسىمىندا دا مال باعىپ كۇنەلتەمىز، سىرتپەن بولعان بايلانىسىمىز وتە از، كوپ ۋاقىتتا تاۋدا تۇرامىز، بۇل راديو قابىلداعىشتان پايدالانىپ، ءارقانداي ۋاقىتتا دا پارتيانىڭ ءۇنىن ەستىپ، دەر كەزىندە جاڭا جاعدايلاردان حاباردار بولاتىن بولدىق، پارتيا مەن ۇكىمەتكە راقىمەت، قىزمەت اترەتىندەگىلەرگە كوپ راقىمەت» دەدى.
   
  شاعىن راديو قابىلداعىشتىڭ قۇنى نەبارىءجۇز يۋانعادا جەتپەيدى، الايدا ونىڭ  رولىن مولشەرلەي المايسىز، قىزمەت اترەتىندەگىلەردىڭ بۇل رەتكى قيمىلى ءار ۇلت مالشىلارىنىڭ جاقسى باعاسىنا يە بولىپ، جۇرت جۇرەگىن جىلىتتى.
  

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مسالى: «تارباعاتاي اقپارات تورابىنان» الىندى.