ۇسىنىس ەتىلگەن ءتىلشى ساۋلە كەنجەبەك قىزى حابارلايدى. جۋىق جىلداردان بەرى ساۋان اۋدانى باس نىسانانى تىعىز توڭىرەكتەي وتىرىپ، ەگىستىك جەردەن ورتاق يگىلىكتەنۋ تۇزىمىندەگى سەلبەستىك كووپەراتيۆتەردى دامىتۋ قىزمەتىن مىقتى ۇستاپ، شارۋالار كاسىپتىك سەلبەستىك كووپەراتيۆىنىڭ ءوندىرىستى دامىتۋ ورەسىن كۇش سالا جوعارىلاتىپ، ەگىنشى - مالشىلارعا يگىلىك جاراتىپ، كىرىسىن جوعارىلاتىپ، اۋقاتتانۋعا باستادى.
جۋىقتا قورقىس قالاشىعى سۇڭ شىڭگۇڭ قىستاعىنىڭ قىستاق كوميتەتى جينالىس زالىندا ءبىر جىل قاربالاس جۇمىس ىستەگەن كووپەراتيۆ مۇشەلەرى ءبىر اراعا باس قوسىپ، بيىلعى تابىس ۇلەسىن ءبولىستى. ولار اسەرلى سەزىممەن پارتيا 19 - قۇرىلتايىنىڭ رۋحىن مۇقيات ۇيرەنىپ، جان - جاقتىلى ۇگىتتەپ، يدەيا مەن ارەكەتتى قۇرىلتاي رۋحىمەن شىن مانىندە بىرلىككە كەلتىرىپ، باياندامادا العا قويىلعان ءبىرسىپىرا اۋىل شارۋاشىلىعىن دامىتۋعا قاتىستى ءتيىمدى ساياساتتار مەن وزىق تەحنيكالىق ادىستەردەن ۇتىمدى پايدالانىپ، ءداستۇرلى اۋىل شارۋاشىلىعىنان وسىزاماندانعان اۋىل شارۋاشىلىعىنا قاراي بۇرىلىس جاساپ، اۋىل شارۋاشىلىعىن ۇزدىكسىز وركەندەتۋگە كۇش سالاتىندىقتارىن ءبىلدىرىستى.
قورقىس قالاشىعى حۇڭجي شارۋالار كاسىپتىك سەلبەستىك كووپەراتيۆىنىڭ مۇشەسى ۋاڭ ۋىنحۋا: «پارتيا 19- قۇرىلتايى بايانداماسىندا اۋىل شارۋاشىلىعىن، اۋىل-قىستاقتى الدىمەن دامىتىپ، حالىق تۇرمىسىن ۇزدىكسىز جاقسارتۋ جونىندەگى ابزال ساياساتتار ورتاعا قويىلدى، بۇل ءبىزدىڭ جىگەرىمىزدى شىڭداپ، سەنىمىمىزدى بەكەمدەدى. ءبىرىنشى رەتكى تابىس بولىسىندە 84 مىڭ 960 يۋان الدىم، الداعى جەردە كووپەراتيۆتىڭ دامۋىنا كۇش سالىپ، ورتاق العا باسامىز» دەدى.
قورقىس قالاشىعى حۇڭجي شارۋالار كاسىپتىك سەلبەستىك كووپەراتيۆىنىڭ مۇشەسى گى ميڭجۇڭ: «ءبىرىنشى رەت تابىس ءبولىسىن الىپ قاتتى قۋاندىم، پارتيا 19 - قۇرىلتايى بايانداماسىندا ەگىستىك جەردى كوتەرمەگە بەرۋدى جالعاستى 30 جىلعا ۇزارتۋدى ورتاعا قويدى، بۇل بىزگە زور شابىت بولدى، پارتيانىڭ قامقورلىعى مەن مەيىرىنە ايرىقشا العىس ايتامىز» دەدى.
باس شۋجي شي جينپيڭ پارتيا 19 - قۇرىلتايىندا جاساعان بايانداماسىندا،كوللەكتيۆتىك مال- مۇلىك ۇقىعى ءتۇزىمى رەفورماسىن تەرەڭدەتىپ، كوللەكتيۆتىك شارۋاشىلىقتى كۇشەيتۋدى اتاپ كورسەتتى. بۇدان قورقىس قالاشىعى حۇڭجي شارۋالار كاسىپتىك سەلبەستىك كووپەراتيۆىنىڭ القا باستىعى حان بو تەرەڭ اسەر الدى.
قورقىس قالاشىعى حۇڭجي شارۋالار كاسىپتىك سەلبەستىك كووپەراتيۆىنىڭ القا باستىعى حان بو: «بۇدان كەيىن سەلبەستىك كووپەراتيۆتىڭ كولەمىن كەڭەيتىپ، ورتاق يگىلىكتەنۋ تۇزىمىندەگى ەگىستىك جەر اۋماعىن كەڭەيتىپ، وزىق تەحنيكالىق ادىستەردەن ۇتىمدى پايدالانىپ، اۋىل شارۋاشىلىعىن ۇزدىكسىز دامىتىپ، حالىق بۇقاراسىن اناعۇرلىم كوپتەگەن يگىلىكتەرگە كەنەلتىپ، كىرىستەرىن ارتتىرۋعا كۇش سالامىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.