ەەڭ جاڭا مازمۇندار
الۋان ءتۇرلى قيمىلدارمەن ” 1 ـ شىلدەنى“ قارسى الدى
2022-جىلى 7-ايدىڭ 1 -كۇنى 146 ـ سان
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
«شياڭگاڭنىڭ ۇزاق ۋاقىت گۇلدەنۋىن، ورنىقتىلىعىن بۇلجىماستان قورعادى − باس شۋجي شي جينپيڭ ”ءبىر ەل، ەكى ءتۇزىمنىڭ“ شياڭگاڭداعى امالياتىنىڭ ورنىقتى قاداممەن الىسقا جەتۋىنە جەتەكشىلىك ەتتى»
عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، ەلىمىز دامۋىنىڭ دەربەستىگىن، ءوزىن -ءوزى باسقارۋىن، حاۋىپسىزدىگىن ۇزدىكسىز جوعارىلاتۋ كەرەك
شىنايى قامقورلىق تيانشاندى مەيىرگە بولەدى، ىقىلاستى تاپسىرما العا باسۋعا ۇندەدى
ءتۇيىندى يگەرىپ، ولقىلىقتاردى تولىقتاپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارايىق
بۇكىل رايوننىڭ ارىز - ارمان قىزمەتى ءماجىلىسى اشىلدى
شينجياڭ ۇيعۇر اۆتونوميالى رايونىنان جۇڭگو كوممۋنيستىك پارتياسى مەملەكەتتىك 20 - قۇرىلتايىنا قاتىناساتىن ۋاكىلدەر سايلانىپ شىقتى
مەيىرگە شومعان تيانشاننىڭ بار الابىنان كوكتەم لەبى ەستى
جۇڭگو كوممۋنيستىك پارتياسى ورتالىق كوميتەتى كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارى وكىلەتتى قۇرىلىمدارىنىڭ قىزمەت ەرەجەسىن» باسىپ تاراتتى
قالىڭ شاعىن شارۋالاردى استىقتى كوپتەپ ەگۋگە، جاقسى استىق ەگۋگە جەتەكتەپ، مەملەكەتتىڭ استىق حاۋىپسىزدىگىنە بىرگە كۇش قوسىڭىزدار
ساياحات كاسىپ كۇيىن بايىتىپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتەمىز
تارباعاتاي ايماقتىق پارتيا قۇرىلىسىن زەرتتەۋ قوعامى 4 -رەتكى مۇشەلەر قۇرىلتايىن اشتى
2022-جىلى 6-ايدىڭ 30 -كۇنى 145 ـ سان
جازداعى سالتاناتتى كەڭەس، ونان دا ماڭىزدىسى، كوكتەمگى ساپارعا اتتانۋ
شينجياڭ ساياحاتىندا ”قايتا اتتانۋدىڭ“ دابىلىن قاعايىق
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
ءسىز اتپەن كەلىپ ءبىزدى ساپارعا ۇزاتىپ سالعان ەدىڭىز، ءبىز جەڭىسپەن ورالىپ سىزگە قۇرمەت بىلدىرەمىز
قار - مۇز ساڭلاقتارى جۇڭگونىڭ قار قالاسىمەن رومانتيكالى كەزدەستى
شينجياڭ ورتا، شاعىن كاسىپورىندارعا فينانستىق قىزمەت وتەۋ تۇعىرى رەسمي ىسكە قوسىلدى
شينجياڭ ساياحاتىندا ”قايتا اتتانۋدىڭ“ دابىلىن قاعايىق
اۆتونوميالى رايوننىڭ ساياحاتتى دامىتۋ جينالىسى اشىلدى
زىجيڭ گۇلى قۇلپىرا اشىلدى، اسقاق جىگەرمەن قايراتتانا ۇمتىلىپ، جاڭا ساپارعا اتتاندى
شيحۋ: ءتۇبىتتى ەشكى سوناۋ گۋاڭجوۋعا دەيىن ساتىلىپ، تاماشا كىرىس كوزىنە اينالدى
اۋىل شارۋاشىلىق سەيىل -سەرۋەن باقشاسى اشىلىپ، قوناقتاردى قارسى الدى
ارالاسۋ، ىشتەسۋ، توعىسۋ قيمىلىن ورىستەتىپ، ۇلتتار ىنتىماعىن بىرلىكتە تىلگە تيەك ەتتى
كوكباس جۇگەرى جيناستى
مالشىلاردىڭ قىرقىمىنا كومەكتەستى
2022-جىلى 6-ايدىڭ 29 -كۇنى 144 ـ سان

وتىرىكتىڭ سىباعاسى

جولدانعان ۋاقىتى : 2017/12/12 18:17:01

ايبەك كولباي ۇلى

  ارايلى كۇننىڭ شۇلەن شۋاعىنا مالىنىپ القىزىل بوياۋعا ارالاسقان جارىق ساۋلەلەر اقشا بۇلتتىڭ قاناتىنا جان بىتىرگەندەي، وسىناۋ تىرشىلىك الەمىنىڭ التىن كىرپىگىنە ءىلىنىپ، جەر جۇزىنە كۇلىمسىرەي قارايدى، الىستان كەلە جاتقان جالعىز جولاۋشى استىنداعى كەر توبەلگە قوسارلاپ العان الا اياق اتتىڭ ۇستىندەگى بوس ەرگە ءالسىن-ءالى كوز توقتاتىپ، مۇرتىنان جىميعان سايىن ىشىنە بۇككەن ماقساتىنا تاياي تۇسكەندەي، ۇزاق جولدان شارشاعانىن ۇمىتىپ، جانى سەرگىپ سالا بەردى، توقىم سارى التىنمەن اپتالىپ، قاپتالى قايىڭنان شاۋىپ الىنعان، بەلدىك اعاشى ادەمى قيۋلاستىرىلىپ، قاستىڭ جيەگىنە كوزدىڭ جاۋىن الاتىن ايشىقتى ويۋلار كۇمىسپەن زەرلەنگەن، كەرسەنى بولسا ايەلدەرگە ارنالىپ كەڭ دە جاتىق جاسالعان، ال باسقى بولەگى اي پىشىندەس كەلىپ، نارقىن تانىعان جانعا بارماعىنان بال تامعان ناعىز حاس شەبەردىڭ  قولىنان شىققاندىعى مەنمۇندالايدى.

  تالاي جولدى ارتقا تاستاعان جولاۋشى سارقىرامانىڭ شەتىنە ىلىنگەن  كەزدە  ءتۇس اۋىپ كەتكەن بولاتىن، ول ورىستە جايىلعان قيساپسىز قىزىل  قاسقا  قويلاردىڭ سىرت جاعىندا تۇرعان ەكى ادامدى كورىپ،اتىنىڭ باسىن سولاي قاراي بۇردى، ونىڭ ءبىرى باسباي، ەندى ءبىرى كاتتەباي ەدى. قاستارىنا تاياپ كەلگەن جولاۋشىنىڭ الدىنان شىققان كاتتەباي اتتىڭ باسىن ۇستاپ، جولاۋشىنىڭ قولتىعىنان دەمەپ، اتىنان تۇسىرگەن سوڭ، سالەم جاساپ حال-جاعدايىن سۇرادى، مىناۋ بەيتانىس قوناقتىڭ ءوزىن ارنايى ىزدەپ كەلگەنىن بىلگەن باسباي:

  _  ءاي، كاتتەباي، كەلگەن قوناققا قىمىز قۇيىپ، ءشولىن قاندىرىڭدار، الىستان شارشاپ كەلدى عوي، الدىمەن اسىقپاي تىنىعىپ السىن،-دەپ بۇيىرا سويلەدى.
كاتتەباي كەلگەن قوناقتى سارقىرامانىڭ تەپسەڭىنە تىگىلگەن التى قانات اق ورداعا قاراي باستادى.

  ىمىرت ۇيىرىلە ۇيگە قايتىپ ورالعان باسباي قوناعىنا ارناپ مال سويدىرتىپ، قوناعاسى ازىرلەتتى، اس ءىشىلىپ، داستارقان جيىلعاننان كەيىن كەلگەن قوناعىنىڭ تەگىن سۇراپ، اۋىل جاعدايىن ۇعىسۋدان ارىعا بارماعان باسباي ەرتەرەك جاتىن ورىن سالدىرىتىپ، قوناعىن دەم الدىردى.

  جازيرالى جايلاۋدىڭ كەرىم قۇشاعىن ايمالاپ، ەركەلەي ەسكەن تاڭعى سامال  تابيعاتتىڭ  تىرشىلىك تىنىسىن تىڭداتقانداي، اينالانى جادىراتىپ، جايما شۋاق كۇننىڭ التىن نۇرى جەر بەتىنە جىلۋىن شاشىپ تۇر، تاڭعى استىڭ ۇستىندە باسباي:
_ الىستان ات ارىتىپ كەلگەنىڭە قاراعاندا تەگىن جۇرمەگەن سەكىلدىسىڭ، قانداي بۇيىمتايىڭ بار؟ – دەپ قوناعىنا سۇراق تاستادى.

  _  و،مارتەبەلىم! – دەدى قوناعى باسبايعا كىشىلىك تانىتىپ، – ءسىزدىڭ اتاق-داڭقىڭىزعا پاقىرىڭىز ەرتەدەن قانىق،حالىققا جاساعان قامقورلىعىڭىزعا العىسىمدى ايتايىن دەپ ارنايى كەلىپ وتىرمىن، ءورىسىم مالعا تولماسا دا ەكى قولىما سۇيەنىپ، ادال ەڭبەكپەن جانىمدى باققان اداممىن،ءسىزدىڭ بەدەلىڭىزدىڭ قۇرمەتىنە ۇسىناتىن ساۋعام بار ەدى، رۇقسات بولسا سونى كورسەتەيىن...
جولاۋشى سونى ايتتى دا جەڭىل قيمىلداپ الاياق اتتىڭ ۇستىندەگى ەردى الىپ كەلدى.

  _  مىنانى شىنىمەن ءوزىڭ جاسادىڭ با؟ - دەدى باسباي اسا شەبەرلىكپەن زەرلەنگەن  ەردەن  كوزىن  الماي.

  _  سولاي، مارتەبەلىم، ءوزىم جاسادىم، -دەپ جاۋاپ بەردى قوناعى.

  جولاۋشىنىڭ بەتىنە باجايلاپ قاراعان باسبايدىڭ كوكەيىنە كادىك ۇيالاي قالدى، ونىسىن قوناعىنا سەزدىرگىسى كەلمەي، «جارايسىڭ» دەگەندەي ساقالىنىڭ ۇشىن ساۋساقتارىمەن تاراپ، جىلى جىميىپ قويدى دا سىرتتا جۇرگەن كاتتەبايدى قاسىنا شاقىرىپ الىپ.

  _  ءبىزدىڭ اۋىلدىڭ تۇرمانشىلارىن شاقىر، ولار ەر- تۇرمان جاسايتىن سايماندارىن  الىپ وسىندا جەتسىن، – دەدى.

  باسبايدىڭ ايتقانى ورىندالىپ، تۇرمانشىلار  باسبايدىڭ ورداسىنا جينالعاندا كۇن توبەدەن اۋناپ قالعان بولاتىن، جولاۋشىنىڭ الىپ كەلگەن ەرىن ورتاعا قويدىرعان باسباي ءوزىنىڭ تۇرمانشىلارىنا قاراپ:
 
  _ مىنا ەرگە مەنىڭ كوڭىلىم تولىپ وتىر، سەندەردىڭ ونەرلەرىڭدى تومەن باعالاپ وتىرعانىم ەمەس، ءدال وسىدان اۋماعان ەردى قايسىڭ جاساي  الاسىڭدار دەيمىن؟ – دەدى.
 
  باسبايدىڭ سۇراعىنا وتىرعان تۇرمانشىلاردىڭ ەشكىمى دە جاۋاپ قاتپاي، باستارىن تومەن سالىپ، قىرلارىنان قىسىلدى، ال، جولاۋشى بولسا مىنالاردىڭ الدىندا بەدەلى اسىپ، دەسى باسقانداي ماڭعازدانا ءتۇستى.
 
  _ ءجا، قوناعىم ،-دەدى باسباي قاسىنداعى جولاۋشىعا قاراپ،- مىنانداي كەلىسكەن ەردى جاساۋ بايقاسام باسقالاردىڭ قولىنان كەلمەيتىن سەكىلدى، كەرەك-جاراقتىڭ بارلىعىن دايارلاتىپ قويدىم ، بۇل مىندەتتى  ەندى وزىڭە تاپسىرامىن.

  باعانادان مۇرتىنان جىميىپ، وزگەلەردى الىمسىنباي وتىرعان جولاۋشىنىڭ بەرەكەسى قاشىپ، سۇلكىنى ءتۇسىپ كەتتى، جوتاسىنان سۋىق تەر سورعالاپ، ەكى بەتى قۇلاعىنىڭ ۇشىنا دەيىن قىزارىپ، اۋزىنا ءسوز دە تۇسپەدى، قوناعىنىڭ بويىنداعى وزگەرىستى قالت جىبەرمەي بايقاعان  باسباي:
 
  _ مەنىڭ تالابىمدى جەرگە تاستامايتىن شىعارسىڭ؟ – دەپ الاقانىمەن جولاۋشىنىڭ يىعىنان اقىرىن قاعىپ قويدى.

  _  كە... كەشىرىڭىز، ...ما...ر...تەبەلىم، – دەدى جولاۋشى تۇتىعا سويلەپ، – ەردى جاساۋعا از كۇن كەتپەيدى.

  _  ونى عوي بىلەمىن، وسىنداي ەردەن ەندى بىرەۋىن جاساپ بەرسەڭ، قالاعان دۇنيەڭنىڭ ءبارىن بەرەمىن.

  _  جازدىم ،جاڭىلدىم، پاقىرىڭىزدىڭ وتىرىگىن كەشىرە كورىڭىز، بۇل مامىرازدىق زەرگەردىڭ قولىنان شىققان ەر ەدى! – ەندى شىنىنا كوشكەن جولاۋشى باسبايدىڭ اياعىنا باس ۇرىپ، جىلاپ جىبەردى.

  _ ءۇي، اكەڭنىڭ... كوتەر باسىڭدى دەيمىن، وسىنداي وتىرىكتەرىڭدى قويمايسىڭدار ما تەگى، ەندى قايتىپ مەنىڭ بوساعامدى اتتاپ باسۋشى بولما، ءوشىر قاراڭدى دەيمىن! – باسبايدىڭ ءوڭى اشۋدان تۇتىگىپ كەتتى.
بەتىمەن جەر باسىپ، ەسىن الىگە تولىق جيناپ ۇلگىرمەگەن جولاۋشى بوساعاعا سۇرىنە جىعىلىپ ەسىكتەن تىسقا قاراي قاشا جونەلدى. باسباي قاسىنداعى كاتتەبايعا قاراپ:
 
  _ اي،كاتتەباي، دەيمىن! بار، انانىڭ ارتىنان قۋىپ جەتىپ، مىنا ەرىن وزىنە قايتار، سودان اناۋ قۇلانىڭ تۇقىمىنان ءبىر تايدى جەتەكتەتىپ جىبەر، جالعاندىققا جانى ءۇيىر ادام نەنى ايتپايدى دەيمىن! «باسبايدىڭ قورلىعىنا ۇشىرادىم»  دەپ، ەلگە  وسەگىن  جايىپ جۇرەر، ال، ول « قىزتالاقتى» ەندى ماعان كورسەتپەڭدەر دەيمىن، وتىرىگىنىڭ سىباعاسى وسى بولسىن، – دەدى.

  جانارىنا الدەنەنى جاسىرىپ ايسىز اسپاندا جاۋتاڭداعان جۇلدىزدار جەر بەتىنە جابىرقاي قارايدى، ار- نامىستىڭ الدىندا اتاق قۇمارلىققا سالنىپ، سالىنى سۋعا كەتىپ، تالاي جولدى قالباڭداي باسقان جولاۋشى  ءالسىن-ءالى بارماعىن شايناپ، قاپ - قارا ءتۇننىڭ ىشىنە ءسىڭىپ  بارا جاتتى...

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn