ءتىلشىمىز لي يانرۇڭ حابارلايدى. 12-جەلتوقسان كۇنى شيحۋ قالاسى باسىحۋ اۋىلى كاڭجياجۋاڭزى قىستاعىنىڭ تۇرعىنى ادىلبەك كەنەسارى ۇلىنىڭ وتباسىنداعىلار تۋىسى لي ميڭنىڭ پارتيا 19ـ قۇرىلتايىنىڭ رۋحىنان جاساعان ۇگىت-لەكسياسىن ىجداعاتتىقپەن تىڭدادى.
ادىلبەك بيىل 58 جاستا، وتباسىنا تاۋەلدى 21 مۋ جەردى كوتەرمەگە بەرىپ، كوتەرمە جۇمىسپەن شۇعىلدانادى. جۇبايى بۇلشىق ەت سولۋ اۋرۋىنا شالدىققاندىقتان، ۇزاق ۋاقىت توسەك تارتىپ جاتىپ قالعان. « تۋىستاسۋ اپتالىعى» قيمىلى باستالعاننان بەرى تۋىستارى بارىپ، كوپتەگەن جۇمىستارىنا قولعابىس ەتتى.
ادىلبەك: « بىرنەشە كۇننەن بەرى تۋىستارىمىز ۇيىمىزدە جاتىپ، كيىم-كەشەكتەرىمىزدى جۋىپ، تاماق ىستەپ، ناۋقاس ايەلىمە قارايلاسۋدان سىرت، پارتيا 19-قۇرىلتايىنىڭ رۋحى مەن ابزال ساياساتتاردى ۇگىتتەدى. ولارعا شىنايى العىس ايتامىز» دەدى.
45 جاستاعى لي ميڭ شيحۋ قالالىق قورا- جاي باسقارۋ مەكەمەسىنىڭ كادرى ەدى. « تۋىستاسۋ اپتالىعى» قيمىلى وعان دا تەرەڭ اسەر قالدىرعان.
ول: « تۋىسىمنىڭ ۇيىندە جاتىپ، ولاردىڭ وتباسى جاعدايى مەن عۇرىپ-ادەتىن تۇسىنۋدەن سىرت، پالاۋ جاساۋ مەن ءسۇتتى شاي قايناتۋدى ۇيرەندىم. ءبىز پارتيا 19ـ قۇرىلتايىنىڭ رۋحى مەن حالىققا ءتيىمدى ساياساتتاردى بىرگە ۇيرەندىك. تۋىستاسۋ قيمىلى بەرەكەمىزدى ارتتىرا ءتۇستى» دەدى.
جاقىنعى كۇندەردەن بەرى شيحۋ قالاسى ۇلتتار ىنتىماعى بويىنشا « تۋىستاسۋ اپتالىعى» قيمىلىن تياناقتى ورىستەتىپ، ءار ۇلت كادرلارى بۇقارامەن بىرگە جاتىپ، بىرگە تۇرىپ، بىرگە تاماقتانىپ، بىرگە ەڭبەك ىستەپ، بىرگە ۇيرەنىپ، پارتيا 19-قۇرىلتايىنىڭ رۋحىنان ۇگىت-لەكسيا جاساپ، بۇقارالىق قىزمەتتى قۇلشىنا جاقسى ىستەپ، تۋىستارىنا شىنايى، ناقتى ىستەر تىندىرىپ بەردى.
باسىحۋ اۋىلى پارتيا 19-قۇرىلتايى بايانداماسىنىڭ اق تىستى كىتابى، قۇرىلتاي رۋحى جيناعى، جاڭادان قۇراستىرىلعان پارتيا ۋستاۆى سياقتىلاردان 1000 نۇسقا ازىرلەپ، كادرلاردىڭ تۋىستارىنا ساۋعا رەتىندە ۇسىندى.
ۇعىسۋعا قاراعاندا، 10 ـ جولتوقسان كۇنىنەن باستاپ شيحۋ قالاسىنداعى ءار ۇلت كادر، جۇمىسشى -قىزمەتشىلەردى 3 توپقا ءبولىپ، نەگىزگى ساتىعا بارىپ « تۋىستاسۋ اپتالىعى» قيمىلىن وزدىرعان. ءبىرىنشى توپتاعى 1200 كادر تۇگەلدەي تۋىستارىنىڭ ۇيىنە بارىپ، ۇلتتار ىنتىماعىنىڭ بەرەكەسىن ارتتىرا ءتۇستى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.