ايماقتىق پارتكومنىڭ وزەكتى گرۋپپاسى جيىرما التىنشى رەتكى كوللەكتيۆ ۇيرەنۋىن وتكىزدى

29-جەلتوقسان كۇنى شۋە بين ايماقتىق پارتكوم وزەكتى گرۋپپاسىنىڭ جيىرما التىنشى رەتكى كوللەكتيۆ ۇيرەنۋىن باسقاردى.

  
  تىلشىلەرىمىز چىن ۋىن ، حى لياڭ حابارلايدى. 29-جەلتوقسان كۇنى ايماقتىق پارتكومنىڭ شۋجيى شۋە بين ايماقتىق پارتكوم وزەكتى گرۋپپاسىنىڭ جيىرما التىنشى رەتكى كوللەكتيۆ ۇيرەنۋىن باسقاردى.

  ماجىلىستە ج ك پ ورتالىق كوميتەتى  ساياسي بيۋروسىنىڭ دەموكراتيالىق تۇرمىس جيىننىڭ جانە باس شۋجي شي جينپيڭنىڭ ماڭىزدى نۇسقاۋى رۋحىن، اۆتونوميالى رايوندىق پارتكوم تۇراقتى كوميتەتى (كەڭەيتىلگەن) ءماجىلىسىنىڭ،ورتالىقتىڭ ەكونوميكالىق قىزمەتى ءماجىلىسى رۋحىن جەتكىزۋ، ۇيرەنۋ، دايەكتىلەندىرۋىن، «جۇڭگو كوممۋنيستىك پارتياسىنىڭ پارتيا ىستەرىن جاريا ۇستاۋ ەرەجەسى (سىناق رەتىندە اتقارىلادى)»، «شي جينپيڭ ەل باسقارۋ جونىندە» اتتى كىتاپتىڭ 2-تومى سياقتى مازمۇنداردى جەتكىزدى، ۇيرەندى.

  شۋە بين مىنالاردى اتاپ كورسەتتى: ايماعىمىزداعى ءارقايسى اۋدان، قالا، تاراۋلار پارتيا 19-قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جالپى جاعدايى جانە ستراتەگيالىق تۇرعىسىنان بۇكىل پارتيادا تەكسەرىپ-زەرتتەۋ جۇرگىزۋگە باسا ءمان بەرۋدىڭ كەلەلى ءمانىن جەتە تانىپ، بارلىعىندا ءىس جۇزىندىكتى شىعار ءتۇيىن ەتۋگە تاباندى بولىپ، نازاريانى امالياتپەن ۇشتاستىرىپ، شىندىقتى ءىس جۇزىنەن ىزدەپ، تەكسەرىپ- زەرتتەۋدى ۇزدىكسىز كۇشەيتىپ جانە وزگەرىس ەنگىزىپ، شەشىم جاساۋدىڭ عىلىمي، قىزمەتتىڭ ناقتىلى بولۋىن شىنايى ورىنداۋلارى كەرەك. باسشىلىق باستاماشى بولۋعا تاباندى بولىپ، بۇقارانىڭ قيىنشىلىعىن كوبىرەك شەشىم ەتىپ بەرىپ، ايماقتىڭ جوعارى ساپالى دامۋىن ىلگەرىلەتۋگە كوبىرەك وي جەلىسىن كورسەتىپ، ءادىس-امال قاراستىرۋ؛ پارتيا 19-قۇرىلتايىنىڭ رۋحىن جانە ورتالىقتىڭ ەكونوميكالىق قىزمەت ءماجىلىسى رۋحىن دايەكتى تياناقتاندىرۋدى تىعىز توڭىرەكتەي وتىرىپ، ماسەلەنىڭ ءتۇيىنىن ءدال تاۋىپ، شەشىم ەتۋ جولىن قاراستىرىپ، سايكەستى ساياسات، شارالاردى زەرتتەپ كەمەلدەندىرۋ، ماسەلەنى نىشان ەتۋگە تاباندى بولىپ، تەكسەرىپ-زەرتتەۋ جۇرگىزۋدى بارىنشا قانات جايدىرىپ، «ءتورت ءتۇرلى بۇرىس ستيلدى»   تۇبەگەيلى وڭاپ، تىڭعىلىقتى ىستەۋ پوزيتسياسىمەن جۇمىستى بەرىلە ىستەپ، قىزمەتتى ىلگەرىلەتىپ، تياناقتاندىرۋدى مىقتى يگەرۋ كەرەك.

  شۋە بين مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ىستەرىن جاريا ۇستاۋ نەگىزگى پرينسيبىن مىقتى يگەرىپ، پارتيا ىستەرىن جاريا ۇستاۋدى جاڭا داۋىردەگى جۇڭگوشا سوتسياليزمگە تاباندى بولۋ جانە دامىتۋ، پارتيا قۇرىلىسىن ىلگەرىلەتۋدىڭ جاڭا ۇلى ينجەنەرياسى امالياتى بارىسىندا جوسپارلاپ جانە ىلگەرىلەتىپ، پارتيانىڭ باسشىلىعىندا تاباندى بولۋ جانە  كەمەلدەندىرۋ تالابىن پارتيا ىستەرىن جاريا ۇستاۋدىڭ تۇتاس بارىسىندا جانە ءارقايسى جاقتارىندا دايەكتىلەندىرۋ كەرەك.

  شۋە بين مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى ءوزى ونەگە بولىپ،ءوزى باستاماشى بولىپ تومەنگە جەتەكشىلىك ەتىپ، بۇكىل پارتيادا پارتيانىڭ ىشكى ساياسي تۇرمىسىن قاتاڭداستىرۋ جونىنەن  ۇلگى كورسەتتى. ءارقايسى اۋدان، قالا، تاراۋلار مۇقيات ۇيرەنىپ، ءوز قىزمەتتەرىمەن سالىستىرا وتىرىپ، بيىلعى جىلعى دەموكراتيالىق تۇرمىس جيىنىنىڭ مازمۇنى مەن فورماسى جاعىندا ج ك پ ورتالىق كوميتەتى ساياسي بيۋروسىنىڭ دەموكراتيالىق تۇرمىس جيىنىنا قاراپ ساپ تۇزەپ، جاڭا داۋىردەگى دەموكراتيالىق تۇرمىس جيىنىن جاڭا بەينەمەن، جوعارى ساپالى اشۋ كەرەك.

  شۋە بين مىنالاردى تالاپ ەتتى: شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن جەتەكشى ەتىپ، ەكونوميكالىق قىزمەتتىڭ جالپى تۇلعالىق تالابىن مىقتى يگەرىپ، قوعامداعى باستى قايشىلىقتىڭ وزگەرىسىنەن جازباي، قامداۋ جاعىندا قۇرىلىمدىق رەفورمانى نەگىزگى جەلى ەتىپ، ورنىقتى ارتتىرۋ، رەفورمانى ىلگەرىلەتۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ-قاتەردەن ساقتانۋداعى ءتۇرلى قىزمەتتى ءبىر تۇتاس جوسپارلاپ ىلگەرىلەتۋ كەرەك. جوعارى ساپالى دامۋ تالابىن جاپپاي دايەكتى تياناقتاندىرىپ، ساپانى ءبىرىنشى ورىنعا، ونىمدىلىكتى الدىڭعى ورىنعا قويۋعا تاباندى بولىپ، ەكونوميكانى دامىتۋداعى ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ،ءتىپتى دە جوعارى ساپالى دامۋدى جۇزەگە اسىرۋ كەرەك. ءىرى حاۋىپ-قاتەردەن ساقتانۋ، كەدەيلىكتەن دالمە-ءدال قۇتىلدىرۋ، لاستانۋدىڭ الدىن الۋ، تىزگىندەۋ ءۇش ءىرى قامال الۋ شايقاسىن،ءسوزسىز، جاقسى جۇرگىزىپ، دامۋ، ەكولوگيا جانە حالىق تۇرمىسى سىندى ءۇش تومەنگى شەكتى مىقتى يگەرىپ، 2018-جىلعى ەكونوميكالىق قىزمەتتە تاماشا جاعداي، جاقسى باستاما جاراتۋعا كەپىلدىك ەتۋ كەرەك. دۇرىس قىزمەت ناتيجەسى كوزقاراسىن بەرىك تىكتەپ، باستان-اياق جالپى جاعداي تۇرعىسىنان قىزمەتتى جوسپارلاپ ىلگەرىلەتىپ، باسىپ وزۋ نىساناسىن ىسكە اسىرۋ مەن جوعارى ساپالى دامۋدى ىلگەرىلەتۋدى ورگانيكالى تۇردە بىرلىككە كەلتىرىپ، تۇراقتىلىقتى ساقتاپ،قيىن-قىستاۋ جولداردى باسىپ، قيىنشىلىقتى جەڭىپ قامال الىپ، ايماعىمىزدىڭ ەكونوميكاسى مەن قوعامىنىڭ ءۇرتىس، اقاۋسىز دامۋىن ىلگەرىلەتۋ كەرەك.

  كەزەكتەگى قىزمەتتەرگە قاراتا، شۋە بين مىنالاردى باسا دارىپتەدى. باس نىسانانى تىعىز توڭىرەكتەي وتىرىپ، بىردە بوساڭسىپ، بىردە قاتاڭ بولۋ، سالعىرتسۋ، بويكۇيەزدىككە سالىنۋ يدەياسى مەن كەرەناۋ، شايقاستان جالىعۋشىلىق كوڭىل كۇيىن باتىل جەڭىپ،ءارقاشان بارىنشا قىراعىلىقتى  ساقتاپ،«ءۇشتىڭ سايكەسە قيمىلداۋىنا» تاباندى بولىپ، «ءۇش قيان-كەسكى شايقاس» پەن «ءبىر حالىقتىق  شايقاستا»،ءسوزسىز، جەڭىسكە جەتىپ،ءتىپتى دە  باتىل پوزيتسيامەن،ءتىپتى دە پارمەندى شارالارمەن ءتىپتى دە تىڭعىلىقتى ستيلمەن اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ كەشەندى شارالارىنىڭ تارباعاتايدا تولىق تياناقتانۋىنا كەپىلدىك ەتۋ كەرەك.

  شۋە بين مىنالاردى تالاپ ەتتى: قيىنشىلىعى بار جۇرتشىلىقتىڭ،ءالسىز توپتاردىڭ تۇرمىسىنا كوڭىل ءبولىپ، ولاردىڭ تۇرمىستاعى قيىنشىلىعىن دەر كەزىندە  شەشىم ەتۋ كەرەك. اپاتتان ساقتانۋ، اپاتتى ازايتۋ قىزمەتىن جاقسى ىستەپ، مالدىڭ قىستان امان شىعۋىنا، مالشىلاردىڭ مال-مۇلكىنىڭ شىعىنعا ۇشىراماۋىنا كەپىلدىك ەتۋ كەرەك. مەرەكە كۇندەرىندەگى قامداۋدى جاقسى ۇيىمداستىرىپ، مەرەكە كەزىندەگى بازار قامداۋىنىڭ جەتكىلىكتى  بولۋىنا كەپىلدىك ەتۋ كەرەك. حاۋىپسىز ءوندىرىس قىزمەتىن تيتتەي دە بوساڭسىتپاي، حالىق جۇرتشىلىعىنىڭ باس اماندىعى مەن مال-مۇلكىنىڭ حاۋىپسىزدىگىنە كەپىلدىك ەتۋ كەرەك. ءتۇرلى ءتارتىپ-بەلگىلەمەلەردى  قاتاڭ اتقارىپ، مەرەكەنى مادەنيەتتى، ۇنەمشىلدىكپەن وتكىزۋدى دارىپتەپ، مەرەكە كەزىندەگىءتۇرلى ءىرىپ-ءشىرۋ ىستەرىن قاتاڭ تەكسەرۋ كەرەك.

     ماجىلىستە تاعى باسقا ىستەردى زەرتتەپ-تالقىلادى.

  سالتانات عينايات قىزى، چىن جيانگو، حوۋ بىنجى، الميرا ءۋالقان قىزى، ياڭ جۇنشىڭ، جۋ گاڭ،چىن شىجۇڭ، ليۋ لي، شۇي جاۋبيڭ، مايسان زاعىپار ۇلى، جاڭ ياۋحۋا، جاڭ باۋدۇڭ، مۇرال ءابىلماجىن ۇلى قاتارلى ايماقتىق پارتكومنىڭ، ايماقتىق حالىق قۇرىلتايى قىزمەت كوميتەتىنىڭ، اكىمشىلىك مەكەمەسىنىڭ، ايماقتىق ساياسي كەڭەس قىزمەت كوميتەتىنىڭ باسشىلارى، ايماقتىق ورتا دارەجەلى حالىق سوتى مەكەمەسىنىڭ، ايماقتىق بولىمشە پروكۋراتۋرا مەكەمەسىنىڭ باسشىلارى، ايماققا توتە قاراستى قاتىستى ورىنداردىڭ جاۋاپتى جولداستارى كوللەكتيۆ  ۇيرەنۋگە قاتىناستى.

  رەداكتورى ؛ گۇلنۇر جۇماش قىزى.
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. 

  مىسالى« تارباعاتاي اقپارات تورابىنان الىندى»