جول جوندەلىپ،قىستاق تۇرعىندارى اۋقاتتانۋ جولىنا ءتۇستى

  ۇسىنىس ەتىلگەن ءتىلشى ريزا كامالبەك قىزى حابارلايدى. اۋىل-قىستاق جول قۇرىلىسىن كەمەلدەندىرۋ سوتسياليستىك جاڭاشا اۋىل- قىستاق قۇرۋدىڭ كەپىلى ءارى اۋىل-قىستاقتىڭ ەكونوميكالىق جاقتاعى دامۋى، مال شارۋاشىلىعى مەن ەگىن شارۋاشىلىعىنىڭ وركەندەۋى جانە قىستاق تۇرعىندارىنىڭ تۇرمىس ورەسىن جوعارىلاتۋدىڭ العى شارتى.  2013-جىلى مەملەكەتتىڭ اۋىل- قىستاقتى گۇلدەندىرۋ، اۋىل- قىستاق جول قۇرىلىسىن كەمەلدەندىرۋ ساياساتى ورتاعا قويىلعاننان كەيىن،ءدوربىلجىن اۋدانىنىڭ قالاماڭى اۋىلى سانليجۋاڭ قىستاعى 13 ميلليون 750 مىڭ يۋان اۋىل- قىستاق قۇرىلىسى نىسان قارجىسىنا يە بولىپ، مۇنىڭ ءبىر ميلليون يۋانعا جۋىعىن قىستاق جولىن جوندەۋگە پايدالانىپ، قىستاقتىڭ 2.11 كيلومەترلىك جولى كەڭەيتىلىپ سالىندى. قىستاق جولىن كەڭەيتىپ سالۋ ءۇشىن، جولدىڭ ەكى جاعالاۋىنا ورنالاسقان 60 تان استام قىستاق تۇرعىنى وزدەرىنە  تيەسىلى ەسىك الدىلارىنداعى جەرلەرىنىڭ 2 مەترىن جول سالۋعا تەگىن بەردى. قىستاق جولى جوندەلگەننەن كەيىن تۇرعىندارى ءتۇرلى كاسىپپەن شۇعىلدانىپ،كىرىستەرىن ارتتىرسا، قىستاق بەت-بەينەسىندە زور وزگەرىس تۋىلدى.
 
  سانليجۋاڭ قىستاعى قالاماڭىنا ورنالاسقان قىستاق بولىپ، قىستاق جولى  ۇزاق جىلداردان بەرى جوندەلمەگەندىكتەن ويلى-شۇڭقىر بولىپ، بۇقارانىڭ ءجۇرىس-تۇرىسى مەن كاسىپتەنۋىنە قىستاقتىڭ ەكونوميكالىق جاقتاعى دامۋى مەن  مادەنيەت قۇرىلىسىنا ىقپالىن تيگىزىپ  كەلگەن ەدى.
قىستاق تۇرعىنى ۋاڭ جىگاڭ: «بۇرىن قىستاق جولى وتە ناشار بولىپ، كۇن اشىق كۇندەرى شاڭ-توزاڭ باسسا، جاڭبىرلى كۇندەرى  باتپاققا اينالىپ،ءوندىرىس، تۇرمىسىمىزعا قولايسىزدىق تۋدىراتىن ەدى، جول كەڭەيتىلىپ، اسفاليت جاتقىزىلىپ، تۇرمىسىمىزعا وتە قولايلى بولدى. جول جوندەلگەن بىرنەشە جىلدان بەرى  وتباسى باعىمشىلىق كاسىبىمەن شۇعىلدانىپ،ءتۇرلى ەت، ءسۇت ونىمدەرىن بازارعا سالىپ، جىلدىق كىرىسىمىز جوعارىلاپ، اۋقاتتانۋ جولىنا تۇستىك، قازىر سىرت جەرلەردەن كەلەتىن قاريدارلاردا كوبەيدى» دەدى.
قىستاق جولى جوندەلگەننەن كەيىن جولدان وتەتىن جولاۋشىلار كوبەيگەندىكتەن جول جاعالاۋىنداعى تۇرعىندار اسحانا اشۋ سىندى كاسىپتەرمەن شۇعىلدانىپ،كىرىستەرىن ارتتىردى. قىستاق تۇرعىنى حان يۇچيىن اۋلاسىنان «شارۋالار شاتتىعى» تاعامجايىن اشىپ، ساۋداسى كۇسەت بولدى.

  قىستاق جولىنىڭ جوندەلۋى قىستاق بەت-بەينەسىنە زور وزگەرىس اكەلۋمەن بىرگە، قىستاقتىڭ ەكونوميكالىق كىرىسىن ارتتىرۋدا دا ماڭىزدى رول اتقاردى. بۇرىن وسى قىستاق جولىنىڭ قالاماڭى اۋىلى جولىمەن تۇيىلىسكەن جەرىندەگى بۇرىشى قوقىر-قوقسىق توگىلەتىن ورىن بولىپ، ورتانى لاستاپ، قىستاق بەت-بەينەسىنە ناشار ىقپال جاساعان ەدى.  قازىر قىستاق كوشەلەرىنە تۇگەلدەي قوقىر-قوقسىق ساندىقتارى قويىلىپ، ول ورىن تەگىستەلىپ، ساۋدا الاڭىنا اينالىپ، قىستاق مىنفۋشۇن  اۋىل شارۋاشىلىق كاسىپتىك سەلبەستىك كووپەراتيۆى وسى الاڭدا قۇرىلىپ،شارۋالاردىڭ  استىق كەپتىرۋ،  استىق ساتۋ جۇمىستارىنا دا قولايلى بولدى. قالاماڭى  اۋىلى سانليجۋاڭ قىستاعىندا 600 وتباسى بار بولىپ،  300 گە جۋىعى ساۋدا دۇكەنى،  اسحانا، ريمونتحانا جانە زات ساقتاۋ قويمالارىن اشۋ سىندى ءتۇرلى كاسىپتەرمەن شۇعىلداندى. 2016-جىلعى جان باسىندىق كىرىس 16 مىڭ 500 يۋان بولسا، 2017-جىلعى جان باسىندىق كىرىس 17 مىڭ يۋانعا جەتەتىندىگى مەجەلەنىپ وتىر.

  رەداكتورى ؛ گۇلنۇر جۇماش قىزى.

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. 

  مىسالى« تارباعاتاي اقپارات تورابىنان الىندى»