ارميا مەن حالىقتىڭ سۇيىسپەنشىلىگى تەرەڭدەدى

  
    ۇسىنىس ەتىلگەن ءتىلشى ساۋلە كەنجەبەك قىزى حابارلايدى. جاڭا جىل كەلۋ قارساڭىندا ساۋان اۋدانى اۋدانداعى 70 تەن استام كوركەمونەر قىزمەتكەرلەرىن ساۋان اۋدانىنداعى ءمالىم ءبىر اسكەري بولىمگە بارىپ، كونسەرت نومىرلەرىن قويىپ،حال سۇراۋعا  ۇيىمداستىردى، اسكەري بولىمدەگى كوماندير-جاۋىنگەرلەر مەن ونەرپازدار ءبىر اراعا باس قوسىپ، جاڭا جىلدى قارسى الىپ، مەرەكەنىڭ مەرەيىن اسىردى.
  
         حال سۇراۋ قيمىلى «شىعىس قىزاردى»اتتى حورمەن شىمىلدىعىن اشتى. «كوممۋنيستىك جاستار وداعى جىرى» سىندى وتانشىلدىق اندەردى اسقاقتاتا شىرقاپ، «وتانىم» اتتى ولەڭدى ناشىنا كەلتىرىپ وقۋ سىندى باي مازمۇندى كونسەرت نومىرلەرى قويىلىپ، سول ورىنداعى ءار ۇلت جۇرتشىلىعى مەن ارميانىڭ بالىق پەن سۋداي ءبىر-بىرىنەن ايرىلا المايتىن ەتەنە سۇيىسپەنشىلىگى مەن جاڭا جىلعا دەگەن تىلەگىن بەينەلەدى.
  
   ساۋان اۋداندىق اييۋە حور ايتۋ ۇيىرمەسىنىڭ ارتيسى سۇن ۋيگى: «قاتتى اسەرلەنىپ تۇرمىن، كوركەمونەر قىزمەتكەرى بولۋ تۇرعىسىنان، بۇدان كەيىن اسكەري لاگەرگە كوبىرەك بارىپ، ءوزارا بارىس-كەلىس جاساپ، دوستىقتى تەرەڭدەتەمىز» دەدى.
  
  اۋداندىق مادەنيەت- دەنە تاربيە، راديو-كينو-تەلەۆيزيا مەكەمەسىنىڭ كادرى جاڭ ياۋ: «قاقاعان اياز بەن بۇرقاسىن بوراندا حالىق بۇقاراسى ءۇشىن تاپجىلماي قىزمەت ىستەپ، قوعام ورنىقتىلىعى مەن باياندى تىنىشتىعىن قورعاۋعا ەسەلى ەڭبەك ەتىپ كەلە جاتقان كوماندير-جاۋىنگەرلەردىڭ ەسىل ەڭبەگىنە العىس ايتىپ، كاسىپتەن سىرتقى مادەني تۇرمىسىن بايىتىپ، ىستىق ىقىلاسىمىزدى جەتكىزۋ ماقساتىمەن جاڭا جىل كەلۋ قارساڭىندا اسكەري كازارماعا بارىپ، ويىن قويىپ، كوماندير-جاۋىنگەرلەردىڭ ىستەرىنىڭ ىلگەرى، دەنساۋلىقتارىنىڭ مىقتى بولۋىنا تىلەكتەستىك بىلدىردىك» دەدى.

  رەداكتورى ؛ گۇلنۇر جۇماش قىزى
 
    تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. 
 
  مىسالى« تارباعاتاي اقپارات تورابىنان الىندى»