حالىق بۇقاراسىنىڭ باقىت كورسەتكىشىن جوعارىلاتتى

  ۇسىنىس ەتىلگەن ءتىلشى ءماريا نۇرزادا قىزى، ەرىكتى ءتىلشىءماديار ءناجات ۇلى حابارلايدى. شيحۋ قالاسىنداعى ءار دارەجەلى «ۇعىسۋ، تيىمدىلىك جاساۋ، توعىستىرۋ»  قيمىلى بويىنشا قىستاقتا تۇراتىن قىزمەت اترەتى ناقتىلى ءىس- ارەكەتى ارقىلى نەگىزگى ساتىداعى بۇقارانىڭ باقىت كورسەتكىشىن جوعارىلاتتى.

  شيداگوۋ قالاشىعى سالكىنتى مال فەرماسى شاعانوبا مالشىلار جاڭا قىستاعىنىڭ تۇرعىنى چياۋ لۇڭ وسى ەكى جىلدا شيحۋ قالالىق مادەنيەت- دەنە تاربيە، راديو- كينو- تەلەۆيزيا مەكەمەسىنىڭ قىستاقتا تۇراتىن قىزمەت اترەتىنىڭ كومەگىندە مال باقتى، قازىر ونىڭ باعىمشىلىق الاڭىنا ءبىر جىلدا 4 رەت مال كىرگىزىپ باعىپ، 500 باس مال ساۋدالايدى، ساۋدالاۋ كولەمى شينجياڭنىڭ جەر-جەرىن جانە شانشي، شىنجىن سياقتى جەرلەردى قامتيدى.

  قىستاق تۇرعىنى چياۋ لۇڭ : «مال شارۋاشىلىق كاسىبىمەن شۇعىلدانعاننان كەيىن،ءبىر جىلدىق كىرىسىم 200 مىڭ يۋان بولدى، ەگىن ەگىپ،مال باعىپ كىرىسىمدى ارتتىردىم،بۇدان كەيىن پارتيانىڭ ۇنىنە قۇلاق اسىپ،ۇلتتار  ىنتىماعىن كۇشەيتىپ،پارتياعا ىلەسەمىن» دەدى.
قىستاق تۇرعىنى مايراش جەڭىسپەك قىزى ءۇيىنىڭ ماڭىنان كاسىپتەنۋدى ويلاعان ەدى، قىزمەت اترەتى وسى جاعدايدى بىلگەننەن كەيىن بەلسەندىلىكپەن وعان قىزمەت قاراستىرىپ، چياۋ لۇڭنىڭ باعىمشىلىق الاڭىنا قىزمەتكە ورنالاستىردى، قازىر مايراش ايىنا 2000 يۋان كىرىس كىرگىزۋمەن قاتار، وسى زامانعى باعىمشىلىق تەحنيكاسىن ۇيرەنىپ، كاسىپ جاراتۋ سەنىمىن كۇشەيتتى.

  قىستاق تۇرعىنى مايراش جەڭىسپەك  قىزى: «قىزمەت اترەتى ءبىزدىڭ قيىنشىلىعىمىزدى بىلگەننەن كەيىن چياۋ لۇڭنىڭ باعىمشىلىق الاڭىنا قىزمەتكە ورنالاستىرىپ،قيىنشىلىعىمىزدى شەشىپ بەردى» دەدى.
شيحۋ قالالىق مادەنيەت- دەنە تاربيە، راديو-كينو-تەلەۆيزيا مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاققا تۇسكەن قىزمەت اترەتى اتالعان قىستاققا كەلگەننەن بەرى، قىستاق تۇرعىندارىنىڭ تۇرارجايىنىڭ توبەسىن، سۋ قۇبىرىن جاساپ، اعاش وتىرعىزىپ، قىستاقتىڭ بەت-بەينەسى كورىكتەنە ءتۇستى، فەرما، قىستاقتىڭ كادرلارى جانە قىستاقتا تۇراتىن قىزمەت اترەتىنىڭ مۇشەلەرى قىستاق تۇرعىندارىمەن تۋىستىق قاتىناس ورناتىپ، ەگىس داقىلدارىن ەگۋ تەحنيكاسىن ۇيرەتىپ، مالشىلاردىڭ ءداستۇرلى ءوندىرىس، تۇرمىس فورماسىن وزگەرتۋمەن بىرگە، مالشىلاردىڭ كىرىسىن ارتتىردى.

  قىستاق تۇرعىنى  جامالقان بايان قىزى:  «قىزمەت اترەتى توتەنشە جاقسى، قايسى ۇيدە قيىنشىلىق بولسا سول ۇيگە بارىپ كومەكتەسەدى، ءاربىر وتباسىنا بارىپ حال -جاي ۇعىسادى،ولارعا ايرىقشا العىس   ايتامىز» دەدى.
شيداگوۋ قالاشىعى سالكىنتى مال فەرماسى شاعانوبا مالشىلار جاڭا قىستاعى قىستاق تۇرعىندار كوميتەتىنىڭ ورىنباسار مەڭگەرۋشىسى سەرىك مايكەن ۇلى: «قىزمەت اترەتى قىستاعىمىزعا كەلگەننەن كەيىن ءتۇرلى قىزمەتتەردى تىڭعىلىقتى ىستەپ،بۇقارانىڭ   قيىنشىلىعىن شەشىم ەتتى، الداعى جەردە ءبىز پارتيا 19-قۇرىلتايىنىڭ رۋحىن جاقسى ۇيرەنىپ، بۇقارالارعا ۇگىتتەپ، سول ارقىلى تۇرمىسىمىزدى جاقسارتامىز» دەدى.

  شيحۋ قالالىق مادەنيەت- دەنە تاربيە، راديو- كينو- تەلەۆيزيا مەكەمەسىنىڭ سالكىنتى مال فەرماسى شاعانوبا مالشىلار جاڭا قىستاعىندا تۇراتىن قىزمەت اترەتىنىڭ ورىنباسار باستىعى سەرىك كادىربەك ۇلى: «ءبىز پارتيا 19-قۇرىلتايىنىڭ رۋحى مەن پارتيانىڭ ءتۇرلى حالىق تۇرمىسىنا ءتيىمدى ساياساتتارىن قىستاق تۇرعىندارىنا ۇگىتتەپ،ءتۇرلى قىزمەتتەردى تىڭعىلىقتى ىستەپ،بۇقارانىڭ باقىت كورسەتكىشىن جوعارىلاتۋعا قۇلشىنامىز» دەدى.

  رەداكتورى ؛ گۇلنۇر جۇماش قىزى.

   تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. 

   مىسالى« تارباعاتاي اقپارات تورابىنان الىندى »