ايماعىمىزداعى ءار ۇلت كادرلارى مەن جۇرتشىلىق ايماقتىق پارتكوم كەڭەيتىلگەن ءماجىلىسىنىڭ رۋحىن قىزعىن تالقىلادى
تىلشىلەرىمىز فان چۇنحاي، گاۋ گوۋي، ۋىن بو، ياڭ يىڭ حابارلايدى. 6-قاڭتار كۇنى ايماقتىق پارتكومنىڭ كەڭەيتىلگەن ءماجىلىسى اشىلعاننان كەيىن ايماعىمىزداعى ءار ۇلت كادرلار مەن جۇرتشىلىق ءتۇرلى فورمالارمەن ءماجىلىس رۋحىن ىشكەرىلەي ۇيرەندى. كوپشىلىكتىڭ جىگەرى تاسقىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن باتىل دايەكتىلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاراسىمدى، ەكولوگياسى كوركەم، قونىستانۋعا جايلى تارباعاتاي قۇرۋدىڭ جاڭا جاعدايىن قۇلشىنا جاراتاتىندىقتارىن ءبىلدىرىستى.
6-قاڭتار كۇنى تۇستەن كەيىن « تارباعاتاي گازەتى» مەكەمەسى پارتگرۋپپا ءماجىلىسىن اشىپ،ايماقتىق پارتكوم كەڭەيتىلگەن ءماجىلىسىنىڭ رۋحىن جەتكىزدى، ۇيرەندى. ماجىلىستە باسشىلىق القانىڭ مۇشەلەرى تالقى ورىستەتتى ءارى ءماجىلىس رۋحىن دايەكتىلەندىرۋ، تياناقتاندىرۋ جونىندە ورنالاستىرۋ جاسادى.
« تارباعاتاي گازەتى» مەكەمەسى پارتگرۋپپاسىنىڭ شۋجيى،باس رەداكتورى، ورىنباسار مەكەمە باستىعى چيۋ گۋاڭشين: «ايماقتىق پارتكومنىڭ كەڭەيتىلگەن ماجىلىسىندە شەپتى باتىل قورعاپ، يدەولوگيا قىزمەتىنەن تىڭ ونىمدىلىك جاراتۋعا قۇلشىنۋ العا قويىلدى. اقپارات ورىندارىنىڭ ءبىرى رەتىندە پارتيا گازەتىنىڭ جاۋاپكەرلىگى مەن بورىشىن ەسىمىزدە بەرىك ساقتاپ،ۇنامدى جاقتاعى ۇگىتتى بارىنشا مىقتى ۇستاپ،‹ تارباعاتاي گازەتىنىڭ› ءداستۇرلى نەگىزگى اقپارات قۇرالىندىق شەپتىك ابزالدىلىعىن تولىق ساۋلەلەندىرىپ،‹تارباعاتاي اقپارات تورابى›،‹تارباعاتاي گازەتى› ءۇنحات تەكشەسى سياقتى جاڭا مەديالاردان جاندى پايدالانىپ،پارتيا 19-قۇرىلتايىنىڭ رۋحىن،اۆتونوميالى رايوندىق پارتكومنىڭ باس نىسانانى تياناقتاندىرۋداعى جاڭا شارالارى مەن امالياتىن،ايماقتىق پارتكومنىڭ كەڭەيتىلگەن ماجىلىسىندە العا قويىلعان ءتۇرلى قىزمەت ورنالاستىرۋلارىن بار كۇشپەن ۇگىتتەپ،جاۋاپكەرلىكتىڭ ۇددەسىنەن شىعىپ، ارشىنداي العا باسقان نەگىزگى اۋەندى اسقاقتاتىپ،باس نىساناعا بارىنشا نازار اۋدارىپ،جاراسىمدى،ەكولوگياسى كوركەم، قونىستانۋعا جايلى تارباعاتاي قۇرۋدىڭ جاڭا جاعدايىن قۇلشىنا جاراتۋعا بىرىككەن كۇش توپتاۋعا قۇلشىنامىز» دەدى.
تولى اۋداندىق جەرگىلىكتى باجى مەكەمەسىنىڭ وشەتى اۋىلى مودىنوبا قىستاعىندا تۇراتىن قىزمەت اترەتىنىڭ ورىنباسار باستىعى گاۋ گوچياڭ: « ايماقتىق پارتكومنىڭ كەڭەيتىلگەن ماجىلىسىندە حالىقتىڭ مۇددەسىن بارىنەن جوعارى ورىنعا قويۋعا تاباندى بولىپ، حالىق تۇرمىسىن جاقسارتۋدان تىڭ ونىمدىلىك جاراتۋعا قۇلشىنۋ العا قويىلدى. قىستاقتا تۇرۋ قىزمەتىنىڭ ماقساتى _ حالىقتىڭ كوڭىلىنەن تەرەك ورىن الۋ،پارتيانىڭ ءار ۇلت بۇقاراسىنا دەگەن شەكسىز قامقورلىعىن ايگىلەۋ. 2018-جىلى قىستاقتا تۇرۋ قىزمەتىن جالعاستى ورىستەتىپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، حالىق تۇرمىسىن جاقسارتۋ، ۇلتتار ىنتىماعى، كەدەيلىكتەن قۇتىلدىرۋدىڭ جەتىستىگىن بەكەمدەۋ سياقتى قىزمەتتەردى جاقسى ىستەپ، حالىقتى ءتىپتى دە باقىتتى تۇرمىسقا كەنەلتۋگە قۇلشىنامىز» دەدى.
ايماقتىق ادەبيەت-كوركەمونەرشىلەر بىرلەستىگى پارتگرۋپپاسىنىڭ شۋجيى جاڭ دۇڭميڭ: « جاڭا جىلدا پارتيا 19- قۇرىلتايىنىڭ رۋحىن جەتەكشى ەتىپ، ايماعىمىزدىڭ ادەبيەت ـ كوركەمونەر سالاسىن ۇزدىك ادەبيەت ـ كوركەمونەر تۋىندىلارى ارقىلى تارباعاتاي ايماعىنداعى ءار ۇلت حالقى ىنتىماقتاسا كۇرەس جاساعان، ءار ۇلت مادەنيەتى توعىسا دامىعان جان تەبىرەنتەرلىك بەينەسىن جىرلاۋعا باستاپ،ادەبيەت-كوركەمونەر تۋىندىلارىمەن جانە ادەبيەت-كوركەمونەر قيمىلدارىمەن جۇرت تىلەگىن ۇيىستىرىپ،جىگەرىن تاسقىنداتىپ،ءار ۇلت كادر-بۇقاراسىن ىنتىماقتى، جاراسىمدى،گۇلدەنگەن،باي،وركەنيەتتى، العا باسقان،حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا تىڭ ۇلەستەر قوسۋعا جەتەلەيمىز» دەدى.
ءدوربىلجىن اۋدانى ءدوربىلجىن قالاشىعى ارشاتى جولى الەۋمەتتىك اۋماعىنىڭ ورىنباسار مەڭگەرۋشىسى جاڭ يۇيمەي: « ايماقتىق پارتكومنىڭ كەڭەيتىلگەن ماجىلىسىندە حالىققا تيىمدىلىك جەتكىزەتىن 9 ءتۇرلى ينجەنەريانى جالعاستى اتقارىپ، ءار ۇلت بۇقاراسىنىڭ تابىس سەزىمى مەن باقىت سەزىمىن ۇزدىكسىز جوعارىلاتۋ ايقىن العا قويىلدى. الەۋمەتتىك اۋماقتىڭ كادرى بولعان ءبىز ءماجىلىس رۋحىن ىشكەرىلەي ۇيرەنىپ، جەتە تۇسىنۋمەن بىرگە، قاراستىلىعىمىزداعى تۇرعىندارعا ءماجىلىس رۋحىن كەڭىنەن ۇگىتتەپ، قاتىستى ورىندارعا سايكەسە وتىرىپ، حالىققا ءتيىمدى ساياساتتاردى تياناقتاندىرىپ، ءار ۇلت بۇقاراسىن ءتىپتى دە باقىتتى تۇرمىسقا كەنەلتۋگە قۇلشىنامىز» دەدى.
رەداكتورى ؛ گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى« تارباعاتاي اقپارات تورابىنان الىندى »