جانىمحان مازاي ۇلى
كومپارتيام ءبىزدى العا باستاعان،
رەفورما العا قادام تاستاعان.
كۇللى الەمدى تاڭداندىردىڭ سەن بۇگىن،
سەنىڭ اتىڭ ماڭگى بىزگە اسقاق ءان.
مەن ءوزىڭنىڭ ءبىر مۇشەڭمىن تۇلەتكەن،
ماڭدايىمنان ازات تاڭنىڭ نۇرى وپكەن.
قىزىل قايىق رۋحىنان شابىت اپ،
جىر تولعايمىن كىرسىز تازا جۇرەكپەن.
ۋا، پارتيام نۇرلاندىردىڭ سەن جولدى،
تۋرا باستاپ ءتۇسىندىردىڭ وڭ-سولدى.
جۇڭگو ارمانىن ارقالاتىپ بىزدەرگە،
تىڭ جورىققا اتتاندىردىڭ ەرشىمدى.
كومپارتيام شۋاق شاشقان باتپاس كۇن،
ءوزىڭ باردا مەن ءارقاشان اسقاقپىن،
«ءبىر جول مەنەن ءبىر بەلدەۋدى» بويلاتىپ،
بولاشاققا نىق قادامدى تاستاتتىڭ.
ماركسيزم اقيقاتىن جالعادىڭ،
تالعارلارعا جەتەلەدى تالعامىڭ.
مەدەت الىپ قاھارماندار رۋحىنان،
جۇڭگو ارمانىن ىسكە اسىرۋ ارمانىم.
سوتسياليزم جولىندامىز جۇڭگوشا،
بولاشاعىم كەشەگىدەن نۇرلى اسا.
ۋا، جەڭىمپاز كوممۋنيستىك پارتيام،
حالقىمىزدىڭ باقىتى ءۇشىن مىڭ جاسا!
سەن جوق كەزدە تالاي اۋىر جىل ءوتتى،
جۇڭگو حالقىن اۋىر ازاپ جۇدەتتى.
پارتيانىڭ ارقاسىندا ەلىمدى،
ارايلانعان التىن شۋاق كۇن ءوپتى.
«دامۋ دەگەن داۋ جۇرمەيتىن شىندىق» ەد،
ول ءارقاشان قۇدىرەتىن بىلدىرەد.
كومپارتياداي كوشباسشىمىز تۇرعاندا،
اسپانىمنان ماڭگىلىككە كۇن كۇلەد.
مىندەت اۋىر، جوسپار ۇلى، كۇش جويقىن،
جۇرەتۇعىن داڭعىل سارا جول ايقىن.
قۇرىلتايدان قۋات الىپ سارقىلماس،
جەڭىستەردى يەلەيمىز تالاي تىڭ.
ۋا، پارتيام قاستەرلى عوي ۇلى اتىڭ،
مۇقالماسىن بيىكتەگى مۇراتىڭ.
« قوس ءجۇز جىلدىق» نىساناعا جەتۋگە،
سەندىرەدى سەنىڭ الىپ قۋاتىڭ.
قۇرىلتايدان قۋات الىپ مىنە ءبىز،
پارتياعا ماڭگى قۇلاق تۇرەمىز.
قولىمىزدا قىزىل قايىق ەسكەگى،
ارمانداردىڭ ايدىنىندا جۇزەمىز.
رەداكتورى ؛ گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى؛ « تارباعاتاي اقپارات تورابىنان »الىندى