ەەڭ جاڭا مازمۇندار
شەكارا ساقشى بولىمشەسىندەگى سۋرەتتى تام قابىرعا
شينجياڭنان ءبىر توپ كوللەكتيۆ پەن جەكە تىزىمدىكتەن ورىن الدى
جىبەك جولى ەكونوميكالىق بەلدەۋى وزەكتى رايون قۇرىلىسىن ىلگەرىلەتۋگە ۇلەس قوسۋ كەرەك
شينجياڭنىڭ رەفورماسىنا، دامۋىنا، ورنىقتىلىعىنا اقىل - پاراسات، كۇش - قۋات ارناۋ كەرەك
تاماشا ورتا جاراتىپ، دامۋ سەنىمىن كۇشەيتىپ، حالىقتىق شارۋاشىلىقتىڭ جوعارى ساپالى دامۋىن ىلگەرىلەتۋ كەرەك
باس شۋجي شي جينپيڭنىڭ بريكس ەلدەرى سىرتقى ىستەر مينيسترلەرى كەڭەسىنىڭ اشىلۋ سالتىنداعى جانە الەمدىك ساۋدانى، قارجى قوسۋدى جەبەۋ جونىندەگى باسشىلار ماجىلىسىندەگى ماڭىزدى ارناۋ سوزدەرىنىڭ رۋحىن جەتكىزدى، دايەكتىلەندىردى
شي جينپيڭ بىرلەسكەن مەملەكەتتەر ۇيىمىنىڭ ادامدىق ۇقىق ىستەرى جونىندەگى جوعارى دارەجەلى ءمانساپتىسى باچەلەتپەن كەزدەستى
شي جينپيڭ مەملەكەتتىك قوعام حاۋىپسىزدىگى جۇيەسىندەگى قاھارمان ۇلگىلەردى، ەڭبەك كورسەتكەن كوللەكتيۆتەردى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەستى
ۇشقىش اپپارات ”كوزىندەگى“ قۇلىستاي ساحاراسى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
مەكەندەرىن كوركەيتتى
بيڭتۋان مەن جەرگىلىكتى ورىن”ىنتىماق ورمانىن“ بىرگە ەكتى
الەۋمەتتىك اۋماق تۇرعىندارىنىڭ جاناشىر جاقىنى
تارباعاتاي ايماقتىق پارتكومنىڭ 2022 -جىلدان 2026 -جىلعا دەيىنگى 2 -رەتكى شارلاپ تەكسەرۋى 1 - توپتاعى ورىندارعا جايعاسىپ بولدى
2022-جىلى 5-ايدىڭ 27 -كۇنى 117 ـ سان
«”جۇڭگو ەكونوميكاسىنىڭ دامۋ بولاشاعى، ءسوز جوق، اناعۇرلىم جارقىن بولادى“ − باس شۋجي شي جينپيڭنىڭ جوعارى ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاپ ىلگەرىلەتۋگە جەتەكشىلىك ەتكەندىگى جونىندە شولۋ»
جۇگەرى اتىزىن باپتاپ -باسقارۋدى كۇشەيتتى
شاڭحۋ قالاشىعى: ەرەكشەلىككە يە ەگىمشىلىك كىرىستى ارتتىرۋعا دەم بەردى
شيڭ ۋيجيە: ” التىن قايشى“ شارۋالاردىڭ الما باعىن جەمىسكە تولتىردى
اكىمشىلىك مەكەمەسى 2022 ـ جىلعى 12 ـ رەتكى پارتيا باسشىلىق گرۋپپاسى ءماجىلىسىن اشتى
ايماقتىق حالىق قۇرىلتايى قىزمەت كوميتەتى: نازاردى شينجياڭدى زاڭمەن جونگە سالۋعا شوعىرلاندىرىپ، جاڭا داۋىردەگى حالىق قۇرىلتايى قىزمەتىن ويداعىداي ىستەدى
بوحاي شىعاناعىنىڭ جاعالاۋىنداعى تىڭ تولقىن
2022-جىلى 5-ايدىڭ 26 -كۇنى 116 ـ سان
قالتقىسىز كومەك كورسەتىپ، قيماستىقپەن اتتاندى
جۇمىسشى قابىلداۋ قيمىلى وتكىزىلدى
ايماق تۇرعىندار وزدەرى سالعان ۇيلەردىڭ حاۋىپسىزدىگىن ارناۋلى رەتتەۋ -جونگە سالۋدى ىلگەرىلەتۋ ءماجىلىسىن اشتى
ايماقتىق ساياسي كەڭەس قىزمەت كوميتەتى: نازاردى شينجياڭدى زاڭمەن جونگە سالۋعا شوعىرلاندىرىپ، كەڭەسۋ، ۇكىمەت ءىسىن اقىلداسۋ قىزمەتىن ويداعىداي ىستەدى
نىسانا - مىندەتتەردى ايقىنداپ، جالپى ءماجىلىس رۋحىنىڭ تياناقتانىپ، ونىمدىلىك جاراتۋىن ىلگەرىلەتەمىز
جولداردى جاڭالادى
قۇلىستاي وڭىرىندە اراق اشىتاتىن ءجۇزىم سورتىن ەنگىزۋ جانە جەر - سۋ جاعدايىنا ۇيلەسىمدىلىگىن زەرتتەۋ نىسانى 168 -تۋانعا ىرگە تەپتى

اۆتونوميالى وبلىستىق 14-كەزەكتى حالىق قۇرىلتايىنىڭ 2 -ءماجىلىسى اشىلدى

جولدانعان ۋاقىتى : 2018/1/17 17:27:34

  ءتىلشىمىز جۇماجان بەگزاتقان ۇلى، ەرىكتى ءتىلشى جارقىن نۇرابىلدا ۇلى حابارلايدى. 14 - قاڭتار تۇستەن بۇرىن ىلە قازاق اۆتونوميالى وبلىستىق 14 - كەزەكتى حالىق قۇرىلتايىنىڭ 2 - ءماجىلسى قۇلجا قالاسىندا اشىلدى. وبلىسقا توتە قاراستى ورىنداردان، التاي، تارباعاتاي ايماقتارىنان كەلگەن ءار ۇلت قۇرىلتاي ۋاكىلدەرى تۇتاس وبلىس حالقىنىڭ ءۇمىتى مەن سەنىمىن ارقالاپ، نەگىزگى زاڭ مەن زاڭداردا بەلگىلەنگەن قاسيەتتى بورىشتارىن وتەپ، دامۋدىڭ ۇلى جوباسىن ورتاق كەڭەسىپ، جاڭا داۋىردەگى «جەر ۇيىعى» - جاڭا ىلەنى قۇرۋ ءۇشىن كۇرەس جاساماق.

  ءماجىلىستىڭ اتقارۋشى ءتوراعالارى مەن ءتوراعالار القاسىنىڭ تۇراقتى ءتوراعالارىنان جاۋ تيانجيە، لي جيانگو، ابدۇسالام سادىق، لي ميڭحۇي، تۇڭ رۇيچيڭ، رازيا ابليز، تالعات ءتالىم ۇلى، جۇمان بارشابەك ۇلى، سۇن پىڭ، مۇراتبەك نۇرعالي ۇلى ءتوراعالار مىنبەسىنىڭ الدىڭعى قاتارىنان ورىن الدى.

  قۇرماش سىرجان ۇلى، يان گوسان، سەرجان ۇعىباي ۇلى، ءانۋار ابدۇشكۇر، شى گاڭ، پان داۋجين، پارحات ءسايدي، ليۋ جيانگو، كۇلان سەيپىلقان قىزى، رازبەك قامزا ۇلى، جيا ي - شىڭ، لي شينجۇن، گاۋ تيانشان جانە تارباعاتاي،التاي ايماقتارىنىڭ حالىق قۇرىلتايى، اكىمشىلىك مەكەمەسىنىڭ باسشىلارى، وبلىستىق سوت، پروكۋراتۋرا مەكەمەسىنىڭ باسشىلارى مەن ءماجىلىس ءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى.

  اۆتونوميالى وبلىستىق 14 - كەزەكتى حالىق قۇرىلتايىنىڭ 2 - ماجىلىسىنە قاتىناسۋعا ءتيىستى ۋاكىل 453 ادام، قاتىناسقانى 396 ادام، بۇل  زاڭدا  بەلگىلەنگەن ادام سانىنا ۇيلەسەدى.
ءماجىلىستىڭ اشىلۋ سالتىن ابدۇسالام سادىق باسقاردى.

  ساعات 10 نان 30 مينۋت  وتكەندە ابدۇسالام سادىق ىلە قازاق  اۆتونوميالى وبلىستىق 14 -كەزەكتى حالىق قۇرىلتايى 2-ءماجىلىسىنىڭ اشىلعاندىعىن جاريالادى، كوپشىلىك ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت گيمنىن ورىندادى.

  شاتىرلاعان شاپالاق ءۇنى ىشىندە اۆتونوميالى وبلىستىڭ باستىعى قۇرماش سىرجان ۇلى اۆتونوميالى وبلىستىق حالىق ۇكىمەتى اتىنان ماجىلىسكە قىزمەتتەن بايانداما جاسادى. بايانداما ءۇش بولەكتەن قۇرالعان: ءبىرىنشى، 2017 - جىلعى قىزمەتتەردى قورىتىندىلاۋ؛ ەكىنشى، اۆتونوميالى وبلىستىق پارتكوم قىزمەت ءماجىلىسىنىڭ رۋحىن ىشكەرىلەي دايەكتى تياناقتاندىرىپ، بۇدان بىلايعى ءبىر مەزگىلدەگى ۇكىمەت قىزمەتىن كۇش سالا تىڭعىلىقتى ىستەۋ؛ ءۇشىنشى، 2018 - جىلعى قىزمەتتەر جونىندە ورنالاستىرۋ.

  قۇرماش سىرجان ۇلى بىلاي دەدى: ءبىر جىلدان بەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكوم مەن حالىق ۇكىمەتىنىڭ جانە اۆتونوميالى وبلىستىق پارتكومنىڭ پارمەندى باسشىلىعىندا اۆتونوميالى وبلىستىق حالىق ۇكىمەتى پارتيا 19 -قۇرىلتايىنىڭ رۋحىن جانە پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتى تياناقتاندىرىپ،قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ،ورنىقتىلىق پەن دامۋدا قوس «ءۇش مەزگىلدىڭ قاباتتاسۋى» سىندى قاتاڭ  سايىسقا كۇش سالا توتەپ بەرىپ، اۆتونوميالى وبلىستىڭ ءتۇرلى ىستەردە تىڭ ناتيجەلەرگە قول جەتكىزۋىن جەبەدى.

  ءبىر جىلدان بەرى تۇتاس وبلىستىڭ حالىق شارۋاشىلىعى ورنىقتى، اقاۋسىز دامىدى. وبلىس بويىنشا ءوندىرىستىڭ جالپى قۇنى 170 ميلليارد 570 ميلليون يۋانعا جەتىپ،%8.1 ارتاتىندىعى؛ ءوندىرىستىڭ جان باسىندىق جالپى ءونىم قۇنى 36 مىڭ 103 يۋانعا جەتىپ، %7.9 ارتاتىندىعى؛ ادەتتەگى الەۋمەتتىك مەجە ەسەپ كىرىسى 16 ميلليارد 660 ميلليون يۋانعا جەتىپ، %12.1 ارتاتىندىعى؛ تۇراقتى مۇلىككە قوسىلعان قارجى (شارۋالار قامتىلمايدى) 123 ميلليارد 760 ميلليون يۋانعا جەتىپ، %30.5 ارتاتىندىعى؛ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 38 ميلليارد 500 ميلليون يۋانعا جەتىپ،%9 ارتاتىندىعى؛ جەرگىلىكتى سىرتقى ساۋدا يمپورت - ەكسپورت جالپى سوماسى 2 ميلليارد 550 ميلليون دوللارعا جەتىپ، %23 ارتاتىندىعى؛ تۇرعىنداردىڭ تۇتىنۋ باعا كورسەتكىشى %2.7 جوعارىلايتىندىعى مەجەلەنىپ وتىر.

  حالىقتىڭ تۇرمىس دەڭگەيى اناعۇرلىم جوعارىلادى. قالا - قالاشىق تۇرعىندارىنىڭ جان باسىندىق تيەسىلى كىرىسى 28 مىڭ 95 يۋانعا جەتىپ، %7.2 ارتتى. اۋىل - قىستاق تۇرعىندارىنىڭ جان باسىندىق تيەسىلى كىرىسى 12 مىڭ 785 يۋانعا جەتىپ، %7.2 ارتتى. عىلىم - تەحنيكا، مادەنيەت، وقۋ -اعارتۋ، ەمدەۋ سياقتى قوعامدىق ىستەر جەدەل دامىپ، حالىقتىڭ يگىلىككە، باقىتقا كەنەلۋ سەزىمى اناعۇرلىم كۇشەيدى.

  كەدەيلىكتەن قۇتىلدىرۋدان قامال الۋدىڭ تۇڭعىش شايقاسىندا كورنەكتى جەڭىسكە قول جەتكىزىلدى. 530 ميلليون يۋان كەدەيلەردى سۇيەمەلدەۋ ارناۋلى قارجىسىن جۇمساۋ ارقىلى كەدەيلەردى سۇيەمەلدەۋ نىسانىنان 601 ى اتقارىلدى. شاپشال سىبە اۆتونوميالى اۋدانىنىڭ، تولى اۋدانىنىڭ، شىڭگىل اۋدانىنىڭ كەدەيلىك قالپاعىن الىپ تاستاۋ مەملەكەتتىڭ باعالاپ تەكسەرىپ وتكىزىپ الۋىنان ءساتتى ءوتتى، 206 كەدەي قىستاق بەلگىلەنگەن مەرزىمدە كەدەيلىكتەن قۇتىلىپ، 56 مىڭ وتباسى، 198 مىڭ كەدەي جان سانى كەدەيلىكتەن قۇتىلدى. «ەكىدەن قامىقتىرماۋ، ءۇشتى قامتاماسىزداندىرۋ» نىساناسى نەگىزىنەن ورىندالىپ، كەدەيلىكتەن قۇتىلعان حالىق سانى تۇراقتانىپ ءارى جوعارىلاپ، جاپپاي دوڭگەلەك داۋلەتتى قوعام قۇرۋعا بەرىك نەگىز قالاندى.

   ەكولوگيالىق ورتا ۇزدىكسىز جاقساردى. موڭعۇلكۇرە اۋدانى مەملەكەت بويىنشا ەكولوگيالىق وركەنيەتتەن ۇلگى كورسەتەتىن، شاعانتوعاي اۋدانى اۆتونوميالى رايون بويىنشا ەكولوگيالىق وركەنيەتتەن ۇلگى كورسەتەتىن اۋدان بولدى. اۆتونوميالى رايون دارەجەلى 36 ەكولوگيالى اۋىل (قالاشىق)،366 ەكولوگيالى قىستاق قۇرىلدى. قۇلىستاي ويپاتىنداعى 4 اۋدان (قالا) مەملەكەتتىك ءتۇيىندى ەكولوگيالى يقۋاتتى رايونىنا ەنگىزىلدى،قوبىقسارى موڭعۇل اۆتونوميالى اۋدانىندا «مەملەكەتتىك شۇرات باقشاسى» قۇرىلدى. بىرلىك ءوڭىر ءوندىرىس جالپى ءونىم قۇنىنىڭ ەنەرگيا سارىپ ەتۋى مەن كومىرتەگى قوس توتىعىن ىعىستىرۋ كۇشەمەلىلىگى ءۇرتىس تومەندەپ، باستى لاس زاتتاردىڭ ىعىستىرىلۋ كۇشەمەلىلىگى  اۆتونوميالى رايون بەلگىلەگەن كورسەتكىش كولەمىندە تەجەلدى.

  قۇرماش سىرجان ۇلى ۇكىمەتتىڭ بىلتىرعى قىزمەتتەرىنە 9 جاقتان شولۋ جاساپ بىلاي دەدى: قوعام ورنىقتىلىعى كۇش سالا قورعالدى، ەكونوميكانىڭ دامۋى زور كۇشپەن ىلگەرىلەتىلدى،حالىققا ءتيىمدى 9 ءتۇرلى  ينجەنەريا كۇش سالا اتقارىلدى، رەفورمانى جاپپاي تەرەڭدەتۋ زور كۇشپەن ىلگەرىلەتىلدى، سىرتقا ەسىك اشۋدىڭ اياق الىسى جەدەلدەتىلدى، ۇلت -ءدىن قىزمەتى تىڭعىلىقتى ويداعىداي ىستەلدى، ەكولوگيالىق وركەنيەت قۇرىلىسىنىڭ تەبىنى ارتتىرىلدى، توعىسپالى دامۋ بار كۇشپەن جەبەلدى، ۇكىمەتتىڭ وزىندىك قۇرىلىسى كۇشەيتىلدى. وڭاي - وسپاق قولعا كەلمەگەن بۇل تابىستار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىنىڭ؛ اۆتونوميالى رايوندىق پارتكوم مەن حالىق ۇكىمەتىنىڭ جانە اۆتونوميالى وبلىستىق پارتكومنىڭ پارمەندى باسشىلىعىنىڭ؛ شينجياڭعا كومەكتەسەتىن ولكەلەردىڭ قالتقىسىز كومەك بەرگەندىگىنىڭ ناتيجەسى، سونداي-اق بۇكىل وبلىستاعى ءار ۇلت كادرلارى مەن بۇقاراسىنىڭ قۇلشىنا كۇرەس جۇرگىزۋىنىڭ ناتيجەسى.

  بۇل تابىستار مەن ناتيجەلەرگە حالىق قۇرىلتايى ۋاكىلدەرى مەن ساياسي كەڭەس مۇشەلەرىنىڭ اقىل - پاراساتى، وبلىستا تۇراتىن بيڭتۋان ديۆيزيالارىنىڭ، اسكەري بولىمدەر مەن ورىنداردىڭ ورنىقتىلىقتى بىرگە قورعاۋ مەن توعىسپالى دامۋ جاعىنداعى زور كۇش-قۋاتى شوعىرلانعان، شينجياڭعا كومەك بەرگەن ولكەلەردەگى حالىقتىڭ تەرەڭ سۇيىسپەنشىلىگى مەن شينجياڭعا كومەككە كەلگەن كادرلاردىڭ قاجىرلى ەڭبەگى سىڭگەن. وسى ورايدا مەن اۆتونوميالى وبلىستىق حالىق ۇكىمەتى اتىنان ءارقايسى شەپتە كۇرەس جاساپ جاتقان ءار ۇلت كادرلارى مەن بۇقاراسىنا، قوعام حاۋىپسىزدىگى حالىق ساقشىلارىنا، بيڭتۋانداعى جۇمىسشى-قىزمەتشىلەرگە،قوعامداعى ءار ۇلت،ءار سالا قايراتكەرلەرىنە، وبلىسىمىزدا تۇراتىن ازاتتىق ارميانىڭ، قارۋلى ساقشىنىڭ وفيتسەر-جاۋىنگەرلەرىنە، ورتالىقتىڭ، اۆتونوميالى رايوننىڭ وبلىسىمىزدا تۇراتىن ورىندارىنداعى كادرلارعا، جۇمىسشى - قىزمەتكەرلەرگە جانە شينجياڭعا كومەككە كەلگەن كادرلارعا شىنايى العىس ايتامىن ءارى وسكەلەڭ قۇرمەت بىلدىرەمىن.

  قۇرماش سىرجان ۇلى مىنانى اتاپ كورسەتتى: قول جەتكىزىلگەن ناتيجەلەردى تۇراقتاندىرۋمەن بىرگە، ءبىز ورىن تەۋىپ وتىرعان قيىنشىلىقتار مەن ماسەلەلەردى دە سەرگەكتىكپەن كورە ءبىلۋىمىز كەرەك: بىرىنشىدەن، لاڭكەستىككە قارسى تۇرىپ، ورنىقتىلىقتى قورعاۋداعى «ءۇش مەزگىل قاباتتاسقان» جاعداي تۇبەگەيلى وزگەرمەدى؛ ەكىنشىدەن، دامۋدىڭ بىركەلكى، تولىق بولماۋ ماسەلەسى ءبىرشاما كورنەكتى بولىپ وتىر؛ ۇشىنشىدەن، وقۋ-اعارتۋ، ەمدەۋ، مادەنيەت،قوعامدىق قامتاماسىزداندىرۋ سياقتى الەۋمەتتىك ونىمدەرمەن قامداۋ ساپاسى جوعارى ەمەس، كەدەيلىكتەن قۇتىلدىرۋدان قامال الۋ شايقاسىنداعى مىندەت اۋىر؛ تورتىنشىدەن، ەكولوگيالىق ورتانى قورعاۋ قىسىمى ءالى دە ءبىرشاما اۋىر؛ بەسىنشىدەن، ۇكىمەت قىزمەتى مەن جاڭا ءداۋىردىڭ تىڭ تالابى، حالىقتىڭ ارمان - تىلەگى اراسىندا ءالى دە پارىق بار. وسى ماسەلەلەرگە قاراتا،ءبىز نازاردى باس نىساناعا ءتىپتى دە شوعىرلاندىرۋدان جازباي، جاۋاپكەرلىك تانىمى مەن تاۋقىمەت تانىمىن شىنايى كۇشەيتىپ، ستراتەگيالىق بەكىمنەن جازباي، قۇرىلىمدى ساپالىلاندىرۋ، قوزعاۋشى كۇشتى نىعايتۋ، ولقىلىقتاردى تولىقتاۋ، حاۋىپ - قاتەردەن ساقتانۋ جاعىندا تىڭ ىلگەرىلەۋشىلىكتەرگە قول جەتكىزۋگە قۇلشىنۋىمىز كەرەك.

  قۇرماش سىرجان ۇلى بىلاي دەدى: بىلتىر جىل سوڭىندا اشىلعان اۆتونوميالى وبلىستىق پارتكومنىڭ قىزمەت ماجىلىسىندە اۆتونوميالى وبلىستىڭ بۇدان بىلايعى ءبىر مەزگىلدەگى كەزەڭدىك جوباسى، تاماشا بولاشاق كارتيناسى جانە دامۋ باعىتى ايقىن العا قويىلىپ،2018- جىلعى قىزمەتتەر جونىندە ناقتى ورنالاستىرۋلار جاسالدى. «التى ءتۇرلى تولعام»، «ءۇش ساتى»، «التى ىلە»، «التى ءوڭىردىڭ» ورتاعا قويىلۋى - اۆتونوميالى وبلىستىق پارتكوم قىزمەت ءماجىلىسىنىڭ قول جەتكىزگەن كەلەلى تابىسى،بۇل پارتيا 19-قۇرىلتاي رۋحىنا، ورتالىقتىڭ ەكونوميكالىق قىزمەت ءماجىلىسىنىڭ جانە ج ك پ اۆتونوميالى رايوندىق 9-كەزەكتى كوميتەتى ءتورتىنشى جالپى ءماجىلىسىنىڭ رۋحىنا بۇكىلدەي ۇيلەسەدى ءارى پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن اۆتونوميالى رايوندىق پارتكومنىڭ شەشىم - ورنالاستىرۋلارىن تياناقتاندىرۋدىڭ ىلەدەگى ناقتى ارەكەتى، ءداۋىر تىنىسىن ءداپ باسقان، وبلىستىڭ ءىس جۇزىندىك جاعدايىنا ۇيلەسەتىن، ىلەدەگى ءار ۇلت حالقىنىڭ تاماشا تۇرمىسقا دەگەن كوكەي تەستى تىلەگىنە بۇكىلدەي سايكەسەتىن، كەزەكتەگى جانە بۇدان بىلايعى ءبىر مەزگىلدەگى اۆتونوميالى وبلىسىمىزدىڭ ءتۇرلى قىزمەتىنە جەتەكشىلىك ەتەتىن جالپى نەگىز بولىپ تابىلادى.

  اۆتونوميالى وبلىستىق حالىق ۇكىمەتىنىڭ بۇدان بىلايعى ءبىر مەزگىلدەگى قىزمەت جالپى تالابى مىناداي: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە باستان-اياق تاباندى بولىپ، پارتيا 19-قۇرىلتايىنىڭ رۋحى مەن ج ك پ اۆتونوميالى رايوندىق 9-كەزەكتى كوميتەتى 4- جالپى ءماجىلىسىنىڭ، اۆتونوميالى وبلىستىق پارتكوم قىزمەت ءماجىلىسىنىڭ رۋحىن ىشكەرىلەي دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەي وتىرىپ، ورنىقتىلىق بارىسىندا ىلگەرىلەۋ قىزمەت نەگىزگى اۋەنىنەن، تىڭ دامۋ كوزقاراسىنان، حالىقتى وزەك ەتۋدەن جازباي،كوزقاراس ارقىلى جەتەكشىلىك ەتۋگە، ماسەلەنى نىشان ەتۋگە،امالياتتا قولدانۋعا، وي جەلىسىندە جاڭالىق جاراتۋعا تاباندى بولىپ، «بەستى ءبىر تۇلعالاندىرۋ» جالپى ورنالاستىرۋىن ءبىر تۇتاس ىلگەرىلەتۋ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ، ورنىقتىلىققا كەپىلدىك ەتۋ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن كۇش سالا ويداعىداي ىستەپ، «تىنىش ىلە، ىركىلىسسىز ىلە، كوركەم ىلە، پاراساتتى ىلە، اقاۋسىز ىلە، باقىتتى ىلە» قۇرۋ سىندى كوركەم بولاشاق كارتيناسىن قۇلشىنا ىسكە اسىرىپ، قوعام ورنىقتىلىعىنداعى ۇلگى ءوڭىردى، ەكولوگيالىق قۇرىلىستاعى جەتەكشى ءوڭىردى، ۇلتتار ىنتىماعىنداعى ۇلگى كورسەتەتىن ءوڭىردى، سىرتقا  ەسىك اشۋداعى جەتەكشى ءوڭىردى، ەكونوميكالىق دامۋداعى بەلدى ءوڭىردى، حالىق تۇرمىسىن جاقسارتۋداعى وزىق ءوڭىردى كۇش سالا قۇرىپ، «جەر ۇيىعى» - جاڭا ىلە قۇرۋ ۇلى نىساناسىن بەتكە الا ارشىندى قاداممەن العا باسۋ.

  بۇدان بىلايعى ءبىر مەزگىلدەگى اۆتونوميالى وبلىستىق حالىق ۇكىمەتى قىزمەتىنىڭ ءتۇيىندى مىندەتتەرى: ورنىقتىلىق ءبارىن باسىپ تۇسەدى دەگەننەن جازباي، باياندى تىنىشتىققا كەپىلدىك ەتۋ؛تىڭ دامۋ كوزقاراسىندا تاباندى بولىپ، اۆتونوميالى وبلىس ەكونوميكاسىنىڭ جوعارى ساپادا دامۋىن ىلگەرىلەتۋ؛حالىقتى وزەك ەتۋگە تاباندى بولىپ،حالىق تۇرمىسىن قامتاماسىزداندىرۋ جانە جاقسارتۋ؛ ادام مەن  تابيعاتتىڭ جاراسىمدى تىرشىلىك ەتۋىنە تاباندى بولىپ، ەكولوگيالىق وركەنيەت قۇرىلىسىن ۇزدىكسىز كۇشەيتۋ؛ پارتيانىڭ ۇلت - ءدىن ساياساتىنا  تاباندى بولىپ، ۇلتتار ىنتىماعى مەن ءدىننىڭ جاراسىمدىلىعىن جەبەۋ؛ سوتسياليستىك وزەكتى قۇن كوزقاراسىنان جازباي، يدەولوگيا قىزمەتىن شىنايى كۇشەيتۋ؛ پارتيا باسشىلىعىنا تاباندى بولىپ، ۇكىمەتتىڭ وزىندىك قۇرىلىسىن ۇزدىكسىز كۇشەيتۋ.

  قۇرماش سىرجان ۇلى 2018 -جىلى —پارتيا 19-قۇرىلتايىنىڭ رۋحىن دايەكتىلەندىرەتىن باستاما جىل، رەفورما جاساپ، ەسىك اشۋدىڭ 40 جىلدىعى جانە جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە قول جەتكىزىپ،«13-بەسجىلدىق» جوبانى اتقارۋدا بۇرىنعىعا مۇراگەر بولىپ، كەيىنگىگە جول اشاتىن شەشۋشى جىل ءارى بەس جىلدا جاپپاي ورنىقتىرۋ نىساناسىن جۇزەگە اسىراتىن ماڭىزدى جىل، 2018 -جىلعى قىزمەتتەردى ويداعىداي ىستەۋ اسا  ماڭىزدى دەپ اتاپ كورسەتتى.

  2018 -جىلعى نەگىزگى مەجەلى نىسانالار: قوعامدىق جالپى جاعدايدىڭ ورنىقتىلىعىن ساقتاۋ. ورنىقتىلىق بارىسىندا ەكونوميكانى  دامىتىپ،ءوندىرىس جالپى قۇنىن %7.8؛ ادەتتەگى الەۋمەتتىك مەجە ەسەپ كىرىسىن %7.7؛ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىن %9؛ جەرگىلىكتى سىرتقى ساۋدا يمپورت - ەكسپورت جالپى سوماسىن %16؛ قالا -قالاشىق تۇرعىندارىنىڭ جان باسىندىق تيەسىلى كىرىسىن %7.5؛ اۋىل-قىستاق تۇرعىندارىنىڭ جان باسىندىق تيەسىلى كىرىسىن %7.8 ارتتىرۋ؛ تۇرعىنداردىڭ تۇتىنۋ باعاسىنىڭ جوعارىلاۋ جالپى دەڭگەيىن %3.5 كولەمىندە؛ قالا-قالاشىقتارداعى تىزىمگە الىنعان كاسىپسىزدىك مولشەرىن %4 كولەمىندە؛ جان سانىنىڭ تابيعي ارتۋ مولشەرىن %11 كولەمىندە تىزگىندەۋ؛ كەدەيلىكتەن قۇتىلدىرۋدان قامال الۋ تابىستارىن بەكەمدەپ، ەكولوگيالىق ورتانى ءۇرتىس جاقسارتىپ، ءتۇرلى ىستەردە تىڭ ىلگەرىلەۋشىلىكتەرگە قول جەتكىزۋ كەرەك.

  قۇرماش سىرجان ۇلى مىنانى ءبىلدىردى: جوعارىداعى نىسانالاردى جۇزەگە اسىرۋ ءۇشىن ءبىز قوعام ورنىقتىلىعىن كۇش سالا قورعاۋ؛ ەكونوميكانىڭ باياندى، اقاۋسىز دامۋىن ىلگەرىلەتۋ؛ حالىق تۇرمىسىن كۇش سالا قامتاماسىزداندىرۋ جانە جاقسارتۋ؛ لاستانۋدان ساقتانۋ جانە ونى وڭاۋ قامال الۋ شايقاسىندا، ءسوزسىز، جەڭىسكە جەتۋ؛ ۇلتتار ىنتىماعى قىزمەتىن تەرەڭدەتۋ؛ ءدىن ىستەرىن زاڭ بويىنشا باسقارۋدى كۇشەيتۋ؛ جۇڭگوشا سوتسياليستىك مادەنيەتتىڭ كوركەيىپ-دامۋىن جەبەۋ؛ توعىسپالى دامۋدى جوعارى دەڭگەيدە ىلگەرىلەتۋ؛ ۇكىمەتتىڭ وزىندىك قۇرىلىسىن كۇشەيتۋ سىندى توعىز جاقتاعى قىزمەتتى ويداعىداي جاقسى ىستەۋىمىز كەرەك.

  قۇرماش سىرجان ۇلى سوڭىندا تۇتاس وبلىستاعى ءار ۇلت كادرلارى مەن بۇقارانى مىناعان ۇندەدى: ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، اۆتونوميالى رايوندىق پارتكوم مەن حالىق  ۇكىمەتىنىڭ جانە اۆتونوميالى وبلىستىق پارتكومنىڭ پارمەندى باسشىلىعىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اۋەلگى ماقساتتى ۇمىتپاي، العاشقى ويدى وزگەرتپەي، بورىشتى ەستە بەرىك ساقتاپ، ۇزدىكسىز العا ىلگەرىلەپ، قوعام ورنىقتىلىعى مەن باياندى تىنىشتىق جاڭا جاعدايىن جاراتىپ، «جەر ۇيىعى» - جاڭا ىلەنى كوركەيتۋ ءۇشىن قاجىماي - تالماي  كۇرەس جاسايىق.

  ءتوراعالار مىنبەسىنەن مەي يۇي، جاڭ جۇي، گاۋ چي، ەلشات تۇرسىنباي ۇلى، حى پيڭ، جاڭ ميڭحۋا، ابلكىم نۇرامبەك، ليۋ كىحۋا، پان شيڭكى، گۇلبارشىن سەرىكباي  قىزى، جالەلدىن كامال، لاگۋا سايبۇگجاپ، ليۋ چيڭحۋا، داۋكىش ءدۇزباي ۇلى قاتارلى وبلىس باسشىلارى ورىن الدى.

   ماجىلىستە اۆتونوميالى وبلىستىڭ 2017 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى وبلىستىڭ 2018 -جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداما، اۆتونوميالى وبلىستىڭ 2017 - جىلعى مەجە ەسەبىنىڭ اتقارىلۋ احۋالى جانە اۆتونوميالى وبلىستىڭ 2018 - جىلعى مەجە ەسەپ جوباسى جونىندەگى بايانداما باسىپ تاراتىلدى.

  مەملەكەتتىك حالىق قۇرىلتايىنىڭ ىلەدە  تۇراتىن ۋاكىلدەرى مەن وسى رەتكى ماجىلىسكە سىرتتاي قاتىناساتىن ۋاكىلدەر جانە  ساياسي كەڭەس اۆتونوميالى وبلىستىق 13 - كەزەكتى كوميتەتىنىڭ 2 - ماجىلىسىنە قاتىناسىپ جاتقان ساياسي كەڭەس مۇشەلەرى ماجىلىسكە سىرتتاي قاتىناستى.


  رەداكتورى: گۇلنۇر جۇماش قىزى
 
   تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز. 
 
  مىسالى: « تارباعاتاي اقپارات تورابىنان الىندى »  

 
 
  
 
 
 
 
 
 
 
 
 
 
 
 
 


 
powered by IlgharCMS 3.2 www.ilghar.cn