ەەڭ جاڭا مازمۇندار
2020-جىلى 7-ايدىڭ 10-كۇنى 143-سان
نەگىزگى زاڭدى ۇيرەنۋ ۇگىت-تاربيەسىن كۇشەيتىپ، ايماقتى زاڭمەن جونگە سالۋدى ىلگەرىلەتۋ كەرەك لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جەڭىسىنە باتىل قول جەتكىزىپ،ەكولوگيالىق ورتانى قورعاۋ كەرەك
كورىنىسى كوركەم ەگىنجاي
ايماقتىق حالىق قۇرىلتايى قىزمەت كوميتەتى 2020-جىلعى 2-رەتكى ءماجىلىسىن اشتى
شاعانتوعاي: كۇمىس شاعالانى قۇتقاردى
تومەنگى قاراۇڭگىر قىستاعى كىشى-گىرىم ىستەردەن ەلەۋلى ناتيجە جاراتتى
كەدەيلەردى سۇيەمەلدەۋ جولىندا شىنايى سۇيىسپەنشىلىگى ارقىلى بۇقارانىڭ سەنىمىنە يە بولدى
ساۋان اۋدانى رايون ىشىندەگى سەلبەستىك ارقىلى ءپايزاۋات اۋدانىنىڭ كەدەيلىكتەن ارىلتۋدان قامال الۋىنا كۇش ۇستەدى
ساقا پارتيا مۇشەلەرىنەن حال سۇرادى
قىستاق تۇرعىندارىنىڭ تازالىق دارەتحاناسىن سالۋىنا كومەكتەستى
«كەلىنى جاقسى ءۇيدىڭ كەرەگەسى التىن»
مىڭ مەترلىك گۇل ءدالىزىنىڭ كوركى كوز تارتادى
تەلەگراف الدامشىلىعىنان ساقتانۋ ۇگىتىن جۇرگىزدى
شي جينپيڭ جۇڭگو-اراب ەلدەرى سەلبەستىك تالقى مىنبەرىنىڭ 9-كەزەكتى مينيستر دارەجەلىلەر ماجىلىسىنە قۇتتىقتاۋ حات جولدادى
شاۋەشەك 995 شۇعىل جاعدايعا توتەپ بەرۋ بويىنشا قۇتقارۋ-كومەكتەسۋ اترەتى قۇرىلدى
شاعانتوعاي: «ۇيرەنۋدە قۋاتتى ەل» ۇيرەنۋ ىنتاسىن قاۋلاتتى
جوعارى مەكتەپ ەمتيحانى باستالدى
قىستاقتا تۇرىپ،بار زەيىنىمەن حالىقتىڭ مۇڭ-مۇقتاجىن شەشتى
ۇلتتار ىنتىماعىنداعى وزات كوللەكتيۆتەر مەن وزات جەكەلەردى ماداقتاپ-سيلادى
قوقىر-قوقسىقتى تۇرگە ايىرۋدى ۇگىتتەدى
بولماشى ءىس _ ارەكەتىمەن ىستىق مەيىرگە بولەپ،كەدەيلىكتەن ارىلۋعا دەم بەردى
وتباسىلارىن ارالاپ،اقىسىز تەكسەرۋ جۇرگىزدى
2020-جىلى 7-ايدىڭ 9-كۇنى 142-سان
ءبارى دە وسىناۋ جاسىل اۋماقتى قورعاۋدىڭ قامى ءۇشىن
رەفورماعا سۇيەنىپ وزگەرىستەرگە توتەپ بەرىپ، جاڭا جاعداي اشىپ، ەكونوميكالىق، قوعامدىق دامۋعا قوزعاۋشى كۇش قوسۋ،ومىرشەڭ كۇش ۇستەۋ كەرەك
شاۋەشەك قالاسى: 500 مەيىر جەتكىزۋ اۆتوموبيلى جوعارى مەكتەپ ەمتيحانىنا دەم بەردى
جوعارى مەكتەپ ەمتيحانى مايدانىنا جەتۋگە كومەك كورسەتىلدى
جازعى استىق جيناۋ-ساتىپ الۋ قىزمەتى ءساتتى جۇرىلۋدە
2020-جىلى 7-ايدىڭ 8-كۇنى 141-سان
عىلىم-تەحنيكا تۇرمىسقا جەتەكشىلىك ەتتى

بالالار، باقىتتى قاستەرلەي بىلەيىك

جولدانعان ۋاقىتى : 2018/1/23 14:07:24

ءباتىش اقىن قىزى

  بالالار توتەنشە باقىتتىسىڭدار، داڭقتى پارتيانى، ۇلى وتاندى، ءار ۇلت حالقىنىڭ ۇلى ىنتىماعىن قىزۋ ءسۇيىپ، بۇگىنگى شات زاماننىڭ باقىتىن قاستەرلەيىك، ايالايىق قادىرىنە جەتەيىك.

  وتكەن جىلى 18 - قازان كۇنى جۇڭگو كوممۋنيستىك پارتياسىنىڭ 19 - قۇرىلتايى جەڭىسپەن اشىلىپ، تابىسپەن اياقتادى. قۇرىلتايعا دۇنيە ءجۇزى كوز تىكتى، جۇڭگوداعى ءار ۇلت حالقى شاتتىققا بولەندى، جۇرەك جارا قۋاندى، ءار ۇلت     ورەندەرى الاقايلاپ باقىتتى بالالار ەكەندىكتەرىنە ماقتاندى. كوسەمىمىز ماۋ زىدۇڭ جاستار بەينە تاڭەرتەڭگى كوتەرىلگەن سەگىز، توعىزدارداعى كۇنگە ۇقسايدى، دۇنيە سىزدەردىكى ءارى بىزدەردىكى، سايىپ كەلگەندە سىزدەردىكى دەگەن ەدى؛ ال دىڭ شياۋپيڭ جاستاردى رەفورمانىڭ اتويشىلارى بولۋعا ۇندەدى، شي جينپيڭ قۇرىلتايدا «جاستار كوركەيسە مەملەكەتتە گۇلدەنەدى، جاستار قۇدىرەتتەنسە ەل قۇدىرەتتەنەدى» دەپ زور ءۇمىت ارتتى، جاستار سىزدەر قۇرىلتايدا العا قويىلعان باس نىسانانىڭ بولاشاق اتقارۋشىلارى، قۇدىرەتتى قىسىم كۇش، اتويشىلارى ەكەندىكتەرىڭىزدى ەستەن شىعارماۋلارىڭىز كەرەك. قۇرىلتايدا «اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى  جۇڭگو ارمانىن جۇزەگە اسىرۋ جولىندا قاجىماي، تالماي كۇرەس جۇرگىزۋ» باس نىساناسى العا قويىلدى.

  بالالار جۇڭگو ارمانى ءار ۇلت جاستارىنىڭ ۇلى ارمانى، باقىتتى ءومىردىڭ نۇرلى بولاشاعى. جۇڭگونىڭ مادەنيەتى، وقۋ - اعارتۋى دامىعان، زاڭى كەمەلدى، حالقى باي - باقىتتى، ەكولوگياسى كوركەم قۇدىرەتتى ەل ەتىپ قۇرۋدىڭ سارا جولى. مىنە وسىنداي قوعامدا عانا قوعام ورنىقتى، قارتتارى الاڭسىز، سابيلەردىڭ ۇيقىسى بولىنبەگەن، جاستارى قۇدىرەتتى بولا  الادى. سوندىقتان ءبىز باقىتتىڭ كۇرەسپەن كەلگەندىگىن ەستەرىمىزدە بەرىك ساقتاپ، داڭقتى پارتيانى، ۇلى وتاندى، ءار ۇلت حالقىنىڭ انارداي تىعىز ىنتىماعىن قىزۋ ءسۇيىپ، قوعام ورنىقتىلىعىنىڭ قۇدىرەتتى قوسىنى بولىپ، ۇلى وتانىمىزدىڭ ءبىر تال ءشوبىن جۇلۋعا، ءبىر شىمشىم توپىراعىن قوپسىتۋعا ۇرىنعان ءارقانداي بوگدە نيەت، جاۋ كۇشتەرىمەن اياۋسىز كۇرەس جاساۋىمىز، سوققى بەرىپ نالەت ايتۋىمىز كەرەك.

  وتان وتباسىنان باستالادى، بالالار تاماق توق، كيىم ءبۇتىن، ۋايىم - قايعى جوق مىنا جاقسى كۇندى قاستەرلەپ، اتا-انانى، ۇستازدى، انا مەكتەپتى  قىزۋ ءسۇيۋىمىز، مەيىرىمدى، قاناعاتشىل بولۋىمىز كەرەك. باقىتتى قاستەرلەۋ باقىتتى ەسكە الۋ تەك قارتتاردىڭ عانا ەلەسى ەمەس. باقىتتى سەزىنگەن سايىن، باقىتقا شومعان سايىن قادىرىنە جەتۋىمىز كەرەك. ءبىزدىڭ بۇگىنگى زامانىمىز زاڭى كەمەلدى، ابزال ساياساتى دايەكتىلەنگەن باقىتتى زامان. ءبىز قارتتار وتكەن كۇندەرىمىزدى ەسكە الامىزدا پارتياعا، وتانعا بورىشتارمىز دەپ سەزىنەمىز. تىرشىلىكتە باقىتتى سەزىنۋ ناعىز ادىلەتتىلىك. ول ءۇشىن ەڭبەكشىلدىك، قاناعات كەرەك. ويلاعاننىڭ ءبارى ويداعىداي بولىپ، بارلىعىنا قول جەتكىزۋ باقىت ەمەس، كۇرەسپەن، تەر توگۋمەن، ەڭبەكشىلدىكپەن كەلمەگەن راحات تەك تۇرمىستىڭ ەرمەگى. تايماس تالعام ەمەس، سىدىرعى سىرعىمالار، مۇز بەتىندەگى كورىنىستەر.

  بالالار بالالىق شاعىڭداعى كەيبىر وقيعالار ەستەن ۇنەمى شىقپايدى ەكەن. ءبىز قارتتار قازىر ۇمىتشاقپىز، بۇل زاڭدىلىق. دەسەدە مەنىڭ بالالىق شاعىمداعى كوڭىلسىز كۇندەرىم مەن جۇلدىزدى ساتتەرىم ويىما ورالادى دا تۇرادى. ول نەمەنە دەيسىزدەر عوي، جىرلاپ تا جازىپ تا كەلەمىن (بالالىق شاعىمدا).

  قىرداعى باستاۋىش مەكتەپكە تۇسكەن كەزىم، قۇراق سومكەمدى اسىنىپ مەكتەپ قاقپاسىنا قۋانا كىردىم، ول كەزدە بالا سانى ونعا تولماسادا مەكتەپكە اتتانادى. ساباقتار ارالاس وتىلە بەرەدى. تەك بالالار اراسىنداعى ايىرماشىلىعىمىز باي مەن كەدەيدىڭ بالالارى بولعاندىعىمىز بولدى. كەدەيدىڭ بالالارىنىڭ ورىندىعى ەكى، ءۇش لاي كەرپىش، ۇستەلى ەكى تىزەسى، قالام - قارىنداشى باي ماناپتاردىڭ بالالارىنىڭ جىرتىپ تاستاعان قاعازى، لاقتىرىپ تاستاعان قارىنداشتارىنىڭ تۇقىلى، الاقانىمىز ويىلسادا كەپىل قويىپ جازامىز. ايتەۋىر مۇعالىمىمىز بالالارعا تەڭ قارايتىن سانالى جاقسى ادام بولىپ كەزىكتى. مايشەكەر اتتى تەتە اپەكەم  ەكەۋىمىز ءبىر تون، ءبىر تىماقتى كەزەك كيىپ، ءبىرىمىز تۇستەن بۇرىن، ءبىرىمىز تۇستەن كەيىن بارىپ وقىپ جۇردىك. جاسي قويماعان ەدىك. ءبىر ءتۇنى شامنىڭ جارىعىنا تەسىلىپ قاقاعان سۋىق ۇيدە ساباق پىسىقتاپ وتىرعانىمىزدا تىماعىمىزدىڭ توبەسى كۇيىپ قالعان، شەشەم بايقۇس تۇندەلەتىپ جاماپ بەرگەن بولدى. ەسەيىپ قالعاندىعى ما سول كۇنى اپەكەم نامىستانىپ وقۋعا بارماي قويدى. مەن وعان قاراماي ەرتەسى مەكتەپكە جەتىپ باردىم.

  ارتىمدا بيىك ورىندىقتا وتىرعان سويديعان بايدىڭ ءبىر ۇلى باسىمداعى تىماعىمدى جۇلىپ الدى دا ايعايلاپ باسقالارعا كورسەتىپ الا سۇردى. جەتىمنىڭ دە جىگەرىن، نامىسىن كور دەگەندەي اتىلىپ باردىم دا تىماعىمدى جۇلىپ الىپ، كوزىنە شۇقىپ اقشيا ايعايلادىم، -ەي، بايدىڭ ماڭقاسى، مارسيما، سەن وقۋدا ءنولسىڭ، ءنول ءنول العانشا ءول، ال مەن وزات وقيمىن، مەن كەيىن سەنەن اسىپ تۇسەمىن، ۇلكەن مەكتەپتە وقيمىن. ال سەن مالىنىپ كيىنىپ، ماڭايدان اسا المايسىڭ، كيىمىڭ ءبۇتىن بولعانىمەن، سەنىڭ جۇرەگىڭ جىرتىق، قارا نيەتسىڭ !

  جان - جاعىنا جالتاقتاپ قوستاۋشىسى بولماعاندىقتان، كەدەيدىڭ بالالارىنىڭ كەرگىلەۋىندە زىتىپ بەرگەنى. جابىرقاۋمەن جىلدار، كوڭىلسىزدىكپەن كۇندەر ءوتىپ جاتتى. مۇعالىمنىڭ تانىستىرۋىمەن ءدوربىلجىن اۋدانىنداعى ءبىر مەكتەپتىڭ قارماعىنداعى جەتىمدەر كلاسىنا وقۋعا ءتۇستىم. بالا بولىپ العاش قۋانعانىم كلاس بويىنشا تاراتىلعان كوك مالاقاي، كوك شاپان، كوك كويلەك بولدى. شىت جاڭا كيىم  كيىپ بارلىق جەتىم بالالار قۋانىپ قالدىق. شاپانىمدى شەشپەي ءبىر ءتۇن قۋانا كوز ىلمەگەنىم ەسىمنەن كەتەر مە؟ ەندى ءبىر ەستەن كەتپەس قۋانىشىم ورتالاۋ مەكتەپتى وزات ناتيجەمەن تاۋىسقان 1956 - جىل بولدى. سول جىلى قىزمەتكە قابىلدانىپ ورتالىق وداق مەكتەبىنە وقۋعا اتتاندىم، ۇلى كوسەمىمىز ماۋ زىدۇڭدى ءتورت رەت كورىپ قابىلداۋىندا بولدىق. سول مەكتەپتىڭ شينجياڭ كلاسىنداعى ءار ۇلت وقۋشىلارىنىڭ قۋانىشىندا شەك جوق ەدى. وقۋدى تامامداپ 1958 - جىلى ۇرىمجىگە قىزمەتكە ورنالاسىپ قالىپ قالدىم. 1959 - جىلى 5 - مامىر كۇنى 19 جاسىمدا داڭقپەن كوممۋنيستىك  پارتياعا مۇشە بولىپ قابىلدانعانىم ەڭ باقىتتى شاعىم بولدى. مىنە وسىنداي بالالىق، جاستىق شاعىمداعى شاعىنعان، شاتتانعان كەزدەرىم ەسىمنەن كوتەرىلمەيدى. بالالار باقىتتىڭ قادىرىنە جەتۋ ءۇشىن ءبىز كەشكەن كۇندەردى، كەشىرمەلەردى كەشۋ كەرەك دەمەكشى ەمەسپىن. قايتا باي - باقىتتى زامانداعى باسىمىزداعى باقىتتى، باقىتتى كۇندەردى ۇمىتپاۋىمىز، ەڭ باقىتتى جۇڭحۋا ۇلاندارى ەكەندىكتەرىمىزدى ەستەن شىعارماۋىمىز كەرەك دەمەكشىمىن. سەندەر ءار كۇنى جۇلدىزدى ساتتە سايران سالىپ جۇرسىڭدەر، باقىتتىسىڭدار! كەشەگى مەن سەكىلدى تەسىك وكپە، جالبىر توندى قارا قوستان شىققان ءبىر قازاق قىزىنىڭ بۇگىنگى كۇنى پارتيا بولعاندىقتان مەن بولدىم، ۇلى وتانىمنىڭ ايالاۋى بولعاندىقتان مەن بولدىم. قارا ورمانداي ءار ۇلت حالقىمنىڭ  مەيىر - شاپاعاتى بولعاندىقتان مەن بولدىم دەگىزدى. ۇلى جۇڭحۋانىڭ ءبىر قىزى بولعاندىعىما ماقتانامىن! بالالار بولاشاق باقىتتارىڭ ءالى الدا، دۇنيەنى جالت قاراتقان نۇرلى زامانا، جۇڭگو ارمانى شاتتىققا بولەيدى، باقىتتى قاستەرلەي بىلەيىك!
 
  رەداكتورى:  گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مىسالى: « تارباعاتاي اقپارات تورابىنان الىندى »

 
powered by IlgharCMS 3.2 www.ilghar.cn