ۇسىنىس ەتىلگەن ءتىلشى ريشات سابىرباي ۇلى حابارلايدى. تولى اۋدانىنداعى ءار ۇلت حالىق بۇقاراسى پارتيا 19 - قۇرىلتايى رۋحىن مۇقيات ۇيرەنىپ، جان - جاقتىلى ۇگىتتەدى.
تولى اۋدانى اقبەلدەۋ اۋىلى لابا قىستاعى ەگىنشى - مالشىلاردىڭ كەشكى مەكتەبىنەن ۇتىمدى پايدالانىپ، پارتيا 19 - قۇرىلتايى رۋحىن ۇيرەندى ءارى جەتكىزدى.
قىستاق تۇرعىنى مۇرات بىرنەشە جىلدان بەرى مەملەكەتتىڭ ءتيىمدى ساياساتىنان تولىق يگىلىكتەنىپ، ءوسىمسىز قارىز الىپ، تۇيە باعىمشىلىعىمەن شۇعىلدانۋمەن بىرگە، ەسىگىنىڭ الدىنان شاعىن دۇكەن اشىپ، شۇبات پەن تۇيە ەتىن ساۋدالاۋ ارقىلى تۇرمىسى كۇننەن - كۇنگە جاقسارعان ەدى. ول: «پارتيا 19 - قۇرىلتايى بايانداماسىندا كوپتەگەن ءتيىمدى ساياساتتار العا قويىلىپ، كوپشىلىك ەرەكشە شاتتاندى. بۇدان كەيىنگى تۇرمىسىمىز ءتىپتى دە جاقساراتىندىعىنا سەنىمىمىز كامىل» دەدى.
قىستاققا تۇسكەن قىزمەت اترەتىنىڭ باستىعى ءدىلنار تولەۋقان قىزى: « قۇرىلتاي بايانداماسىن تىڭداعاننان كەيىن كوڭىلىمىزگە شاتتىق ورناپ، جىگەرىمىز تاسقىنداي ءتۇستى. قىزمەت اترەتىنىڭ باستىعى بولعاندىعىم ءۇشىن كوپشىلىكتى باستاي وتىرىپ، پارتيا 19 - قۇرىلتايى رۋحىن ۇيرەنۋدى ىشكەرىلەي تياناقتاندىرىپ، قاراپايىم قىزمەت ورنىمدا وزىمە قاتاڭ تالاپتار قويىپ، پارتيالى كادر سالاۋاتىمدى تولىق ساۋلەلەندىرىپ، بۇقارا ءۇشىن ويداعىداي قىزمەت ىستەۋگە قۇلشىنامىن» دەدى. دولاتى اۋىلى قۇجىرتاي قىستاعىندا تۇراتىن قىزمەت اترەتىندەگىلەر مەن قىستاق «ەكى كوميتەتىندەگى» كادرلار پارتيا مۇشەلەرىن، حالىق جۇرتشىلىعىن ۇيىمداستىرىپ، پارتيا 19 - قۇرىلتايى رۋحىن ۇيرەندى.
ساقا پارتيا مۇشەسى داۋلەتقان قازىكەن ۇلى «مەملەكەتىمىزدىڭ ءتيىمدى ساياساتتارى كوڭىلىمىزگە نۇر قۇيدى. تەگىن باسپاناعا يە بولىپ، ەلەكتر تارتىلىپ، جولدارىمىز جوندەلىپ، ەرەكشە شاتتاندىق. بۇدان كەيىن دە پارتيانىڭ قامقورلىعىنا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسەمىز» دەدى.
قىستاقتىڭ ارتقى شەپ كادرى ءمارزيا دولان قىزى: « ءبىر ارتقى شەپ كادرى بولۋ تۇرعىسىنان قىستاق قىزمەتىنە بەلسەنە ات سالىسىپ، قۇجىرتاي قىستاعىنىڭ گۇلدەنىپ - كوركەيۋى ءۇشىن ءبىر كىسىلىك ۇلەسىمدى قوسامىن» دەدى.
پارتيا 19 - قۇرىلتايى بايانداماسى وشەتى اۋىلى قۇمتوبە قىستاعىنداعى تۇرعىنداردىڭ ءبىرقانشا كۇننەن بەرگى قىزۋ تالقىسىنا ايلاندى.
قىستاق مادەنيەت وتاۋىنىڭ مۇشەسى سۇن جۇنحۋا قاشاندا قىستاق كوميتەتىنە كەلىپ ءان ايتىپ، ءبي بيلەپ ورتانى دۋمانعا بولەۋشى ەدى. پارتيا 19 - قۇرىلتايى بايانداماسىن تىڭداعاننان كەيىن ونىڭ تۇرمىسىنا ءتىپتى دە ءسان قوسىلعانداي بولدى. ول: «وسى بىرنەشە جىلدان بەرى قىستاعىمىزدىڭ وزگەرىسى ەرەكشە زور. ەسىك الدىمىزعا دەيىن اسفالت جول توسەلىپ، كوشەلەرىمىزدە شىراق نۇرى جارقىرادى. قىستاعىمىزدا بارابان اترەتى قۇرىلىپ، تۇرمىسىمىز كۇننەن - كۇنگە جاقساردى. وسىنداي باقىتتى ساتتەردى بىزگە پارتيا سيلادى. ماڭگى پارتياعا ىلەسىپ، باي - باقىتتى كۇندەردى قادىرلەيمىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»