ەەڭ جاڭا مازمۇندار
ۇگىت لەكسيا ساناعا ءسىڭىپ، جۇرەككە ۇيالادى
كورىكتى اۋلا قۇردى
جاستىق كوكتەمنىڭ اقىل - پاراساتىمەن جانە ماڭداي تەرىمەن اناعۇرلىم كوركەم جۇڭگو قۇرۋعا ۇمتىلۋ كەرەك
حالىقتىق اۋە قورعانىسى بىلىمدەرى جۇرت كوڭىلىنە ۇيالادى
16-كەزەكتى شينجياڭ تارباعاتاي شاعانتوعاي تاۋ گۇلى مەرەكەسى باستالدى
اپاتتان ساقتانۋ، اپات زيانىن ازايتۋ، اپاتتان قۇتقارۋ تانىمىن جوعارىلاتىپ، شۇعىل جاعدايعا توتەپ بەرۋ، قۇتقارۋ ورەسىن ءوسىردى
ءدوربىلجىن: نىسان قۇرىلىستارى قاۋىرت جۇرىلۋدە
جاڭ يۇيلۇڭ: باقىت گۇلىن قۇلپىرتا ءتۇستى
شيحۋ: ءتۇرلى فورمالارمەن اپاتتان ساقتانۋ، اپات زيانىن ازايتۋ بىلىمدەرىن ۇگىتتەدى
ءورت ءسوندىرۋ - ورتتەن ساقتانۋ، قۇتقارۋ -كومەكتەسۋ بىلىمدەرىن مەكتەپكە جەتكىزدى
وتباسىلارىنان حال سۇراپ، سۇيىسپەنشىلىكتى ارتتىردى
2022-جىلى 5-ايدىڭ 17 -كۇنى 108 ـ سان
”جولاۋشىلاردى حاۋىپسىز جەتكىزۋ مەنىڭ جاۋاپكەرشىلىگىم“
ۋاڭ رۇي: 30 جىل وقىتۋشىلىقپەن شۇعىلدانىپ، شاتتىق پەن باقىت سيلادى
شي جينپيڭ اراب بىرىككەن امىرلىگىنىڭ جاڭادان تاعايىندالعان زۇڭتۇڭى مۇحاممەدكە قۇتتىقتاۋ تەلەگرامماسىن جولدادى
150 مىڭ مۋ جەرگە ماقسارى تۇقىمى سىڭىرىلە باستادى
جاستىق كوكتەم شەكسىز ءۇمىت تۋىنداتادى، جاستار كوركەم بولاشاق جاراتادى
5 -اي كىرىسىمەن شارۋالار ءتىپتى دە قاربالاستىققا ءتۇستى
شاعانتوعاي اۋدانى 9 ميلليون 10 مىڭ يۋان شەكارانى گۇلدەندىرىپ، حالىقتى اۋقاتتاندىرۋ نىسان قارجىسىنا يە بولدى
ايماقتىق پارتكومنىڭ نازاريا ۇيرەنۋ وزەكتى گرۋپپاسى 4-رەتكى توپتىق ۇيرەنۋىن وتكىزدى
اكىمشىلىك مەكەمەسى 2022 -جىلعى 11 - رەتكى پارتيا باسشىلىق گرۋپپاسى ءماجىلىسىن اشتى
اپات حاۋىپ -قاتەرىن ازايتىپ، كورىكتى مەكەندى قورعايىق
榜样力量
2022-جىلى 5-ايدىڭ 16-سان 107-سان
2022-جىلى 5-ايدىڭ 14-سان 106-سان
بيىل شينجياڭ تەمىر جولىنىڭ جۇك تاسىمال مولشەرى 72 ميلليون 320 مىڭ تونناعا جەتتى
رايونىمىزدا بيىل 424 مادەنيەت - ساياحات بويىنشا ءتۇيىندى ساۋداگەر شاقىرۋ نىسانى جەلىگە شىعارىلدى
تۇتاس كاسىپ سالاسى تىزبەگى 4500دەن استام ادامدى جۇمىستاندىردى
تولعانىس ساپارى، ۇمتىلىس ساپارى، تابىس ساپارى
كوكتەم سامالى العا جەبەدى

ءماجىلىس رۋحى جۇرت جۇرەگىنە تەرەڭ ۇيالادى

جولدانعان ۋاقىتى : 2018/1/23 19:30:10

ءتۇسىرۋ
ءماجىلىس رۋحى جۇرت جۇرەگىنە تەرەڭ ۇيالادى
  ءتىلشىمىز  جۇماجان  بەگزاتقان ۇلى  حابارلايدى. ىلە قازاق اۆتونوميالى وبلىستىق 14 - كەزەكتى حالىق قۇرىلتايىنىڭ 2 –ءماجىلىسى ءتۇرلى كۇن تارتىپتەرىن ورىنداپ، تابىسپەن اياقتالدى. ماجىلىسكە قاتىناسقان 396 ۋاكىل تۇتاس وبلىستاعى ءار ۇلت حالقىنىڭ تاپسىرماسىن ارقالاپ، وسكەلەڭ ساياسي قىزعىندىلىق جانە تاماشا  رۋحاني  بەت – بەينەمەن  نەگىزگى زاڭ مەن زاڭداردا بەلگىلەنگەن  مىندەت - بورىشتارىن ادالدىقپەن اتقارىپ، ءتۇرلى قىزمەت باياندامالارى مەن قاۋلىلاردى مۇقيات تىڭدادى جانە قاراپ ماقۇلدادى. اۆتونوميالى وبلىستىڭ ورنىقتىلىق، دامۋ، رەفورما ىستەرىنە جانە حالىق بۇقاراسىنىڭ ءتول مۇددەسىنە قاتىستى ءىرى ماسەلەلەر جونىندە كوپتەگەن قىمباتتى پىكىرلەر مەن  ۇسىنىستاردى ورتاعا قويدى. ولار ءبىر اۋىزدان وسى رەتكى ءماجىلىس دەموكراتيا ساۋلەلەنگەن، كۇش – قۋات شوعىرلانعان، بۇقارانىڭ اقىل - پاراساتى توپتالعان، دامۋدى بىرلىكتە جوسپارلاعان، رۋحتى، كوڭىلدى، ساياسي ەكولوگياسى جاڭالانعان ءماجىلىس بولدى دەپ ماقتاستى.

  شاۋەشەك قالاسى قارا ءدوڭ الەۋمەتتىك اۋماعى پارتيا ياچەيكاسىنىڭ شۋجيى باھارگۇل
 
  وبلىس باستىعى قۇرماش سىرجان ۇلى جاساعان بايانداما ءۇش ۇلكەن بولىمنەن  بولىنەدى. الدىمەن وتكەن جىلداعى قىزمەتتەر مۇقيات قورىتىندىلانىپ، ىستەلگەن قىزمەتتەرگە ءدال، دۇرىس باعا بەرىلگەن. ەكىنشىدەن، بۇدان بىلايعى ءبىر مەزگىلدەگى قىزمەتتەرگە ناقتىلاي ورنالاستىرۋلار جاسالعان اسىرەسە،«جەر ۇيىعى» جاڭا ىلە قۇرۋدىڭ ناقتىلى تالاپتارى، كوركەم بولاشاعى اتاپ كورسەتىلگەن. ۇشىنشىدەن، 2018 - جىلعى قىزمەتتەر توعىز جاقتان تاپتەشتەي ورنالاستىرىلعان، باياندامانىڭ مازمۇنى باي، وي ورەسى جوعارى، ءىس جۇزىندىككە ۇيلەسەدى، باياندامانىڭ مىنانداي بىرنەشە ەرەكشەلىگى بار دەۋگە بولادى: ءبىرىنشى، تاقىرىبى ايقىن، وندا، باس شۋجي شي جينپيڭنىڭ جاڭا ءداۋىر جۇڭگوشا سوتسياليزم يدەياسى، پارتيا ورتالىعىنىڭ شينجياڭدى جونگە سالۋ جالپى جوباسى، قوعام ورنىقتىلىعى مەن باياندى تىنىشتىق باس نىساناسى تولىق ايگىلەنگەن. ەكىنشىدەن، قىزمەت وي جەلىسى اشىق بولعان، جاڭا داۋىردە ەكونوميكانى قالاي وركەندەتۋ، قوعام ورنىقتىلىعى مەن باياندى تىنىشتىقتى قالاي جۇزەگە اسىرۋ، حالىق تۇرمىسىن قايتكەندە جاقسارتۋ، وقۋ - اعارتۋ، دەنساۋلىق ساقتاۋ، مادەنيەت ىستەرىن قالاي وركەندەتۋ سياقتى كەلەلى تاقىرىپتار ءدال، دۇرىس العا قويىلعان. ۇشىنشىدەن، نىسانا، شارا اشىق العا قويىلعان. بايانداما رۋحتى سەرپىلتىپ، جىگەردى تاسقىنداتادى. بۇل جيىن بۇدان بىلايعى جەردە قوعام ورنىقتىلىعى مەن باياندى تىنىشتىقتى جۇزەگە اسىرۋدا تۇرتكىلىك رول اتقارادى دەپ بىلەمىز. ءبىزدىڭ قارا ءدوڭ الەۋمەتتىك اۋماعىمىزدا 14 ۇلت بار، ىنتىماعى جاراسقان، ءبىر ءۇيلى جانداي تۇرمىس كەشىرىپ كەلەدى، بۇدان كەيىندە ۇلتتار ىنتىماعىن كۇشەيتىپ، ورنىقتىلىق قىزمەتىنە كۇش سالامىن.
 
  ءدوربىلجىن اۋدانى اعىلىق جولى مەشىتىنىڭ يمامى سەرىك يمانقان ۇلى

  وبلىس باستىعى قۇرماش سىرجان ۇلى ۇكىمەت بايانداماسىن جاساعاندا قول جەتكىزگەن ناتيجەلەردى تۇراقتاندىرۋمەن بىرگە، ۇلتتار ىنتىماعى قىزمەتىن تەرەڭدەتۋ؛ ءدىن ىستەرىن زاڭ بويىنشا باسقارۋدى كۇشەيتۋ، قوعام ورنىقتىلىعى مەن باياندى تىنىشتىقتى كۇش سالا قورعاۋ، ۇلت، ءدىن قىزمەتىن تىڭعىلىقتى ىستەۋ كەرەك دەپ باسا دارىپتەدى. مەن ءبىر ءدىني قايراتكەر تۇرعىسىنان پارتيانىڭ باسشىلىعىنا تاباندى بولىپ، ۇكىمەتتىڭ ۇندەۋىنە ءۇن قوسىپ، حالىق جۇرتشىلىعىن دۇرىس جولعا باستاپ، ساياسي ۇگىت تاربيەنى كۇشەيتىپ، جۇرتشىلىققا پارتيانىڭ ابزال ساياساتتارىن جەتكىزىپ، پارتياعا، ۇكىمەتكە العىس ايتۋ تانىمدارىن جوعارىلاتىپ، پارتيانىڭ ۇلت، ءدىن ساياساتىنا تاباندى بولىپ، ۇلتتار ىنتىماعىن جەبەۋگە ءوزىمنىڭ ءبىر كىسىلىك ۇلەسىمدى قوسامىن.
 

  شيحۋ قالاسى تالدى قالاشىعىنان كەلگەن ۋاكىلءاليا دالداي قىزى


  بۇل رەتكى ءماجىلىس بۇكىل ەل كولەمىندە پارتيا 19 - قۇرىلتايىنىڭ رۋحى ىشكەرىلەي دايەكتى تياناقتاندىرىلىپ جاتقان شەشۋشى كەزەڭدە اشىلعان ءبىر رەتكى ماڭىزدى ءماجىلىس، حالىقتىڭ بولاشاق دامۋ ۇلى جوسپارىن جاسايتىن ءماجىلىس، بايانداماداعى ناقتىلى ساندى مالىمەتتەر، ناقتىلى ىستەر، قول جەتكىزگەن تابىستار بۇكىل وبلىستاعى ءار ۇلت كادر - جۇرتشىلىعىنىڭ قالتقىسىز ەڭبەك جەمىسىن ايگىلەدى. مەن ءسوزسىز قۇرىلتاي رۋحىن ءار ۇلت جۇرتشىلىعىنا جەتكىزىپ، جاۋاپكەرشىلىگىمدى شىنايى ادا ەتەمىن.

  شاۋەشەك قالاسى مال شارۋاشىلىق-مال دارىگەرلىك مەكەمەسىنەن قىدىرباي

  وبلىس باستىعى قۇرماش سىرجان جولداستىڭ ۇكىمەت اتىنان جاساعان قىزمەت بايانداماسىن تىڭدادىق. باياندامادا  قۇلىستاي جايىلىمى ەكولوگياسىن قالپىنا كەلتىرۋ جونىندەگى اتقارۋ سيپاتىندىق زەرتتەۋ دوكلادى مەملەكەتتىك دامۋ، رەفورما كوميتەتىنىڭ  بەكىتۋىنەن ءوتتى. جايىلىم مەن مالدىڭ تەپە - تەڭدىگىن ساقتاۋ تۇزىمىنە تاباندى بولىپ، قۇلىستاي جايىلىمىنىڭ ەكولوگياسىن قالپىنا كەلتىرۋ نىساندارىن اتقارۋ سىندى مازمۇنداردىڭ ايشىقتى ايتىلۋى بىزگە زور شابىت بەردى. باياندامانىڭ مازمۇنى تولىق، ماقسات، باعدارى انىق، كوكەيگە قونىمدى ەكەن. بايانداما وتكەن ءبىر جىلداعى ىلە قازاق اۆتونوميالى وبلىسىنىڭ ءار سالا كاسىپتىڭ جەتكەن جەتىستىكتەرىن، قولعا كەلگەن تابىستارىن قورىتىندىلادى جانە دە ىلە وبلىسىنىڭ دامۋ بولاشاعى مەن قىزمەت باعىتىنا نۇسقاۋ بەردى. باياندامادا ىلە وبلىسىنىڭ ورنىقتىلىقتى قورعاۋ، ۇلتتار ىنتىماعى، ءدىن جاراسىمدىلىعى، حالىق تۇرمىسىن جاقسارتۋ، كەدەيلىكتەن قۇتىلدىرۋ، ەكولوگيالىق ورتانى جاقسارتۋ، ەكونوميكانى دامىتۋ جاقتارىنداعى تابىستارى ايتىلىپ، جۇرتشىلىقتىڭ كوكەيىنە تەرەڭ ۇيالادى.

  شاۋەشەك قالاسى ەگىن شارۋاشىلىعىن نەگىز، مال شارۋاشىلىعىن قوسىمشا ەتەدى. شاۋەشەك قالاسىنىڭ تابيعي جايىلىم كولەمى كەڭ، بايلىعى مول، ءبىراق كوپ جىلداردان بەرى تابيعي جايىلىم  بەتالدى اشىلىپ، مال سانى ارتىپ، تۇياق كەستى بولىپ، قۇدىق كوپ قازىلىپ، جەر استى سۋى تومەندەگەندىكتەن،%70 جايىلىم ۇقساماعان دارەجەدە  ءبۇلىندى، %20  جايىلىم تۇياق كەستى بولىپ، ءشوپ ءتۇسىمى %30 مولشەرىندە تومەندەدى. مىنە وسى جاعدايدى كوزدە ۇستاعان ايماق، قالا باسشىلارى الدىن الۋ، قۇتقارۋ، قالپىنا كەلتىرۋ شارالارىن قولدانىپ، دەر كەزىندە جايىلىمدى قورۋ، جايىلىمدى تىنىقتىرۋ سياقتى جۇمىستاردى تىڭعىلىقتى ىستەپ، جايىلىمدى قالپىنا كەلتىرۋ جۇمىسىنا  كۇش سالدى. جايىلىمنان اشىلعان 95 مىڭ مۋ جەردى  قايتارىپ الىپ تىنىقتىردى؛ قۇلىستاي جايىلىمىندا بىتىراڭقى وتىرعان 305 مالشى وتباسىن 3 جىلعا ءبولىپ وتىرىقتاندىرۋ جوسپارىن الىپ، قازىرگە دەيىن 217 وتباسىن وتىرىقتاندىردى. 54 مىڭ مۋ جايىلىمعا ءتۇسىمى جوعارى جوڭىشقا ەكتى؛ 20 مىڭ مۋ جايىلىمنىڭ ارام ءشوبى وتالدى؛ 10 مىڭ مۋ جەردىڭ تابيعي جايىلىمى قالپىنا كەلدى. ءبىز بۇل جۇمىستى جالعاستى ىستەۋگە كۇش سالامىز.

  تولى اۋدانىنان كەلگەن ۋاكىل اينۇر دەمەۋقان قىزى
  
  ۇكىمەت قىزمەتىنەن جاسالعان باياندامادا بىلتىر وبلىسىمىزدىڭ كەدەيلىكتەن قۇتىلدىرۋدان قامال الۋ شايقاسىندا 530  ميلليون يۋان جۇمساۋ ارقىلى كەدەيلەردى سۇيەمەلدەۋ  نىسانىنان 601 ى اتقارىلعاندىعى؛ شاپشال سىبە اۆتونوميالى اۋدانىنىڭ،تولى اۋدانىنىڭ، شىڭگىل اۋدانىنىڭ كەدەيلىك قالپاعىن الىپ تاستاۋ مەملەكەتتىڭ باعالاپ تەكسەرىپ وتكىزىپ الۋىنان ءساتتى وتكەندىگى؛ 206 كەدەي قىستاق بەلگىلەنگەن مەرزىمدە كەدەيلىكتەن قۇتىلىپ،56 مىڭ وتباسى، 198 مىڭ كەدەي جان سانى كەدەيلىكتەن قۇتىلعاندىعى؛ «ەكىدەن قامىقتىرماۋ، ءۇشتى قامتاماسىزداندىرۋ» نىساناسى نەگىزىنەن ورىندالىپ، كەدەيلىكتەن قۇتىلعان حالىق سانى تۇراقتاندىرىلىپ ءارى بەكەمدەلىپ، جاپپاي دوڭگەلەك داۋلەتتى قوعام قۇرۋعا بەرىك نەگىز قالانعاندىعى ايتىلدى. مۇنىمەن قوسا وبلىسىمىزدىڭ ۇستەگى جىلعى كەدەيلىكتەن شىنايى قۇتىلدىرۋ، كەدەيلەردى دالمە -ءدال سۇيەمەلدەۋ تۇلعالىق جوباسى ايتىلىپ، ساياسات، قارجى، سۇيەمەلدەۋ ءادىسى جاعىنداعى قۇلشىنىستار مەن جەتەر كومبە ايقىن اتاپ كورسەتىلدى. مەملەكەتتىڭ كەدەيلەردى سۇيەمەلدەۋ قىزمەتىنەن قامال الۋ ۇندەۋىنە بەلسەنە ءۇن قوسقان تولى اۋدانىمىز جوعارىنىڭ قامقورلىق ساياساتىنىڭ دەمەۋى، كوپ بولىپ كومەكتەسۋ مەن جۇرت بولىپ جۇمىلۋدىڭ ارقاسىندا وتكەن جىلى مەملەكەتتىك كەدەي اۋدان قالپاعىن الىپ تاستادى. قولعا كەلگەن تولاعاي تابىستارعا تولىداعى ءار ۇلت حالقى ءدان ريزا ءارى ونىڭ ماۋەلى جەمىسىنەن يگىلىكتەنىپ كەلەدى.
 
  شاعانتوعاي اۋدانى جيەك  قالاشىعى ساربۇلاق قىستاعى پارتيا ياچەيكاسىنىڭ شۋجيى  ايدىن بەدەلقان ۇلى
 
  ۇكىمەت قىزمەتىنەن جاسالعان باياندامانى گرۋپپالارعا ءبولىنىپ تالقىلاعاندا، جەر - جەردەن، ءار سالادان كەلگەن حالىق قۇرىلتايى ۋاكىلدەرى ءىس جۇزىندىكتى شىعار ءتۇيىن ەتىپ، بۇقارانىڭ ءۇنىن قۇرىلتايعا جەتكىزۋ بورىشتارىن وتەۋگە قۇلشىندى. باياندامادان العان اسەرىن، ورتاعا سالار ويلارىن قاراپايىم دا ۇعىنىقتى تىلمەن نانىمدى ەتىپ ورتاعا سالدى. وبلىس باستىعى قۇرماش سىرجان  ۇلىنىڭ ۇكىمەت قىزمەتىنەن جاساعان بايانداماسىندا ەكولوگيالىق ورتا ۇزدىكسىز جاقساردى. موڭعۇلكۇرە اۋدانى مەملەكەت بويىنشا ەكولوگيالىق وركەنيەتتەن ۇلگى كورسەتەتىن، شاعانتوعاي اۋدانى اۆتونوميالى رايون بويىنشا ەكولوگيالىق وركەنيەتتەن ۇلگى كورسەتەتىن اۋدان بولدى. اۆتونوميالى رايون دارەجەلى 36 ەكولوگيالى اۋىل (قالاشىق)، 366 ەكولوگيالى قىستاق قۇرىلدى. قۇلىستاي ويپاتىنداعى 4 اۋدان (قالا) مەملەكەتتىك ءتۇيىندى ەكولوگيالى يقۋاتتى رايونىنا ەنگىزىلدى، قوبىقسارى موڭعۇل اۆتونوميالى اۋدانىندا «مەملەكەتتىك شۇرات باقشاسى» قۇرىلدى دەدى. بۇل ينجەنەريانى قولداۋ ءبىزدىڭ بورىشىمىز. ايماعىمىزدان ءار كەزەكتى قۇرىلتايعا قاتىناساتىن ءبىر ءبولىم ۋاكىلدەر جونىنەن العاندا «قۇلىستاي جايىلىم  ەكولوگياسى» ەسكىرمەيتىن تەمە ەسەپتەلەدى. ويتكەنى قۇلىستاي ويپاتىنداعى شارۋالارىمىزدىڭ ءوندىرىسى مەن تۇرمىسى مۇنىمەن بىتە قايناسقان. ال ساربۇلاق قىستاعىمىز دا وسى قۇلىستايدان ءنار الىپ وتىر.

  قۇلىستاي جايىلىمى ەلىمىزدەگى تابيعي جازىق جايىلىم بولىپ، ايماعىمىزدىڭ ەكونوميكا، قوعامدىق دامۋ، حالىق تۇرمىسى، ەكولوگيالىق ورتانى قورعاۋ جاقتارىندا ماڭىزدى رول اتقارىپ كەلەدى. قۇلىستاي جايىلىمىن قالپىنا كەلتىرۋ جانە ونى قورعاۋ ينجەنەرياسىن اتقارۋ قۇلىستاي جايىلىمىندا قونىستانىپ وتىرعان نەشە مىڭداعان مالشىلارىمىزدىڭ ءوندىرىس، تۇرمىسىنا، ەكونوميكالىق كىرىسىنە تىكەلەي قاتىستى جۇمىس، جاقسى جۇرگىزە بەرۋىمىز قاجەت.
 
  ءيا، قۇرىلتاي رۋحىنا ساي «تىنىش ىلە، ىركىلىسسىز ىلە، كوركەم ىلە، پاراساتتى ىلە، اقاۋسىز ىلە، باقىتتى ىلە» قۇرۋ سىندى كوركەم بولاشاق كارتيناسىن قۇلشىنا ىسكە اسىرىپ، قوعام ورنىقتىلىعىنداعى ۇلگىءوڭىردى، ۇلتتار ىنتىماعىنداعى ۇلگى كورسەتەتىن ءوڭىردى، سىرتقا ەسىك اشۋداعى جەتەكشى ءوڭىردى، ەكونوميكالىق دامۋداعى بەلدى ءوڭىردى، حالىق تۇرمىسىن جاقسارتۋداعى وزىق ءوڭىردى كۇش سالا قۇرىپ، «جەر ۇيىعى» - جاڭا ىلە قۇرۋ ۇلى نىساناسىن بەتكە الىپ، ارشىندى قاداممەن العا باسايىق.

  رەداكتورى: گۇلنۇر جۇماش قىزى
 
  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
 
مىسالى: «تارباعاتاي اقپارات تورابىنان» الىندى  

 
powered by IlgharCMS 3.2 www.ilghar.cn