ەەڭ جاڭا مازمۇندار
لاس سۋدى ءبىر جايلى ەتۋ زاۆودىن وزگەرتتى
حالىقتىڭ دەنساۋلىعىن تەگىن تەكسەردى
ءتۇرلى قاتىناس شىرعالاڭىنىڭ تۋىلۋىنىڭ الدىن الدى
«5+X» تاقىرىپتى پارتيا كۇنىن وتكىزدى
سۋدىڭ سارىپ بولۋىن ءونىمدى تەجەي الدى
قيىنشىلىعى بار قىستاق تۇرعىندارىنا كومەكتەستى
جەردى اينالىمعا سالۋ كىرىستىڭ ارتۋىنا تىڭ جول اشتى
ايماق نەگىزگى ساتى ۇيىمدىق قۇرىلىسى مەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنەن تاجىريبە الماستىرۋ، ىلگەرىلەتۋ ءماجىلىسىن اشتى
2018-جىلى 8-ايدىڭ 16-كۇنى 182-سان
2018-جىلى 8-ايدىڭ 15-كۇنى 181-سان
شينجياڭعا دەگەن سۇيىسپەنشىلىكتەرى تەرەڭدەي ءتۇستى
بۇرحان تاۋىنا كەلگەن ساياحاتشىلار مولايدى
ايماقتىق پارتكوم 8-رەتكى ارالاپ تەكسەرۋ قىزمەتىنە جۇمىلدىرۋ، ورنالاستىرۋ جاساۋ ءماجىلىسىن اشتى
كوكونىس ەگىپ، كىرىستەرىن ارتتى
شاپپالىقتىڭ ءشوبىن شابۋ جۇمىسى باستالدى
بۇقارانىڭ دەنە شىنىقتىرۋ بەلسەندىلىگىن جوعارىلاتتى
مول ءونىم شاتتىعى مەرەكەسى تويلاندى
جۇرت كوڭىلىنەن ورىن الىپ، بۇقارعا تاماشا اسەر قالدىردى
جارقىرايدى التىن كۇن اسپانىڭنان
جاڭا ءداۋىر جاڭا نۇر
شۋاق بولعان مەيىرى
شۋە بين شاۋەشەك قالاسىندا تەكسەرۋ-زەرتتەۋ جۇرگىزدى
مەملەكەتتىك كەڭەستىڭ زور كولەمدە باقىلاۋ-تەكسەرۋىنىڭ اۆتونوميالى رايوندىق باقىلاۋ-تەكسەرۋ گرۋپپاسى ايماعىمىزدا ناقتىلى ورىندارعا بارىپ باقىلاۋ-تەكسەرۋ جۇرگىزدى
2018-جىلى 8-ايدىڭ 14-كۇنى 180-سان
شينجياڭعا باعىتتامالى كومەكتەسۋ حالىقتى يگىلىككە كەنەلدىردى
2018-جىلى 8-ايدىڭ 13-كۇنى 179-سان
تابىسكەر ازامات تاسقىن
2018-جىلى 8-ايدىڭ 11-كۇنى 178-سان
كوپتىڭ القاۋىنا بولەنگەن قىزمەت اترەتىنىڭ باستىعى
قارامايلى-شاۋەشەك تەمىر جولى بويىنداعى توك جولدارىن كوشىرۋ-وزگەرتۋ ينجەنەرياسى 8-ايدا تولىق اياقتايدى

19-قۇرىلتاي رۋحىن ۇگىتتەۋ ءبىزدىڭ داڭقتى بورىشىمىز

جولدانعان ۋاقىتى : 2018/1/29 17:15:07

قىدىرقان مۇقاتاي ۇلى

  باس شۋجي شي جينپيڭ پارتيا 19 - قۇرىلتايىندا جاساعان بايانداماسىندا «سوتسياليستىك ادەبيەت - كوركەمونەر - حالىقتىڭ ادەبيەت - كوركەمونەرى، حالىقتى وزەك ەتكەن جاسامپازدىق باعىتقا،ءسوز جوق،تاباندى بولىپ، ومىرگە ىشكەرىلەي ارالاسىپ، حالىقتىڭ اراسىنا تامىر تارتىپ، زامانعا لايىق ادەبيەت - كوركەمونەر تۋىندىلارىن جاراتۋ كەرەك» دەپ  اتاپ كورسەتتى. ايماعىمىزداعى ادەبيەت-كوركەمونەرشىلەردىڭ پارتيا 19 - قۇرىلتايى رۋحىن ىشكەرىلەي ۇيرەنىپ، دايەكتى تياناقتاندىرىپ جانە ۇگىتتەۋ ءىسىن كەڭ كولەمدى ءورىس الدىرۋ ءۇشىن ءبىر ءبولىم قالامگەرلەرمەن پارتيا 19 - قۇرىلتايىنان العان اسەرىڭىزدى، وتە - موتە قۇرىلتايداعى ادەبيەت - كوركەمونەر، مادەنيەتكە قاتىستى بايىمداۋلاردان تۇيگەن ويلارىڭىزدى ايتىپ بەرسەڭىز،ءوز شىعارماشىلىعىڭىزبەن بىرلەستىرىپ، جاڭا داۋىردەگى شىعارماشىلىق وي - جوسپارىڭىز تۋرالى تىلگە تيەك ەتسەڭىز دەگەن سۇراۋ كولەمىندە سۇحبات ۇيىمداستىرعان ەدىك. وسى ساننان باستاپ وقىرماندارعا ۇسىنىپ وتىرمىز.
                                                       -رەداكسيادان

 
  باس شۋجي شي جينپيڭ: «جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى جاپپاي دوڭگەلەك داۋلەتتى قوعام ورناتۋدىڭ شەشۋشى كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى مەزگىلدە اشىلعان توتەنشە ماڭىزدى قۇرىلتاي» دەپ اتاپ كورسەتتى. سوتسياليزمنىڭ جاڭا داۋىرگە وتكەندىگىن جاريالادى. ارينە جاڭا داۋىرگە وتكەننەن كەيىن جاڭا ءداۋىردىڭ وزىنە ءتان  يدەياسى، وزىنە ءتان نازارياسى بولادى. باس شۋجي شي جينپيڭ جاڭا ءداۋىر جۇڭگوشا سوتسياليزم يدەياسىن ورتاعا الىپ شىقتى. قۇرىلتاي حالىقتى وزەك ەتىپ وتىر. حالىق ءۇشىن  ىستەۋ، حالىق ءۇشىن يگى جۇمىستار اتقارۋ، بارلىق جۇمىس حالىقتى باعىتقا الادى.

  پارتيا 19 - قۇرىلتايىندا باس شۋجي شي جينپيڭ: «سوتسياليستىك ادەبيەت - كوركەمونەر - حالىقتىڭ ادەبيەت - كوركەمونەرى، حالىقتى وزەك ەتكەن جاسامپازدىق باعىتقا، ءسوز جوق، تاباندى بولىپ، ومىرگە ىشكەرىلەي ارالاسىپ، حالىقتىڭ اراسىنا تامىر تارتىپ، زامانعا لايىق ادەبيەت - كوركەمونەر  تۋىندىلارىن جاراتۋ كەرەك. ادەبيەت - كوركەمونەر شىعارماشىلىعىن گۇلدەندىرۋدە، يدەياسى تەرەڭ بولۋدىڭ، كوركەمدىك دەڭگەيى جوعارى بولۋدىڭ، شىعارماشىلىق شەبەرلىگى كۇشتى بولۋدىڭ بىرلىگىنە تاباندى بولىپ، رەال تاقىرىپتىق تۋىندى جاراتۋدى كۇشەيتىپ، پارتيانى، وتاندى، حالىقتى، قاھارمانداردى جىرلايتىن سارا تۋىندىلار جاراتۋعا كۇش سالۋ كەرەك. ءىلىم دەموكراتياسىن، كوركەمونەر دەموكراتياسىن ساۋلەلەندىرىپ، ادەبيەت-كوركەمونەر ءتول شىعارماشىلىعى قۋاتىن جوعارىلاتىپ، ادەبيەت - كوركەمونەردە جاڭالىق اشۋدى ىلگەرىلەتۋ. ساپاعا، اۋەنگە، جاۋاپكەرشىلىككە ءمان بەرۋدى دارىپتەپ، پاسىقتىق، تۇرپايىلىق، جاعىمپازدىق جوسىندارىن تەجەۋ. ادەبيەت - كوركەمونەرشىلەر قوسىنى قۇرىلىسىن كۇشەيتىپ، ءمورالدى دا ونەرلى، ايتۋلى الىپتاردى جەتىلدىرىپ، جوعارى دەڭگەيلى تۋىندى جاراتاتىن دارىندىلار باۋلۋ» دەپ اتاپ كورسەتتى.
 
  رۋحي جاقتان ويانباعان حالىقتا،  ءداۋىر بولگىش جەڭىس بولادى دەۋ قيىن، سوندىقتان ءبىزدىڭ پارتيامىز زاتتىق جاقتان، رۋحاني جاقتان وسى ەكى بايلىقتى ەجەلدەن مىقتى ۇستاپ كەلە جاتىر. ەندەشە اقىن - جازۋشىلار، انشىلەر، بيشىلەر، جالپى كوركەمونەرشىلەر دەگەن كىم؟ ونىڭ قوعامداعى رولى قانداي؟ پارتيا 19 - قۇرىلتايىنىڭ رۋحىن دايەكتىلەندىرۋدە اقىن - جازۋشى، كوركەمونەرشىلەردىڭ رولى قانداي؟ حالىققا نە ىستەپ بەرەدى دەگەنىمىزدە اقىن - جازۋشىلار ءبىزدىڭ قوعامعا رۋحاني كۇش قوساتىن ەرىكتى ارميا، بۇلاردىڭ ءارقايسىسىندا وزىنە ءتان كاسىبى بار، قوعامنىڭ ءار قويناۋىندا سان سالالى قىزمەت اتقارىپ جاتىر. ونەردى، كوركەم ادەبيەتتى قادىرلەپ، قاستەرلەپ، ەرىكتى تۇردە قولىنا قالام الىپ، قوعامعا ۇلەس قوسۋشىلار، ال اقىن - جازۋشىنىڭ ساراپتان وتكەن سۇبەلى شىعارمالارى قوعامدى العا باستىراتىن،ءداۋىردى ىلگەرىلەتەتىن، حالىقتى جىگەرلەندىرىپ وياتاتىن، حالىققا رۋحاني ءنار بەرەتىن، حالىقتىڭ جۇرەگىنە كۇش بەرەتىن، ىزگىلىككە باستايتىن قۇدىرەتكە يە. ادەبيەت-كوركەمونەر جۇمىسى جاپالى ءارى ازاپتى جۇمىس، ادەبيەت - كوركەمونەر تۋىندىلارىن جاراتۋ تەرەڭ ءبىلىمدى، ەلدەن ەرەك سەزگىرلىكتى قاجەت ەتەتىن تولعامدى ويدىڭ جەمىسى، اركىمنىڭ قولىنان كەلە بەرمەيتىن ءتول جاسامپازدىق. ال وسىنداي قاتپارى قالىڭ، جاپالى جۇمىسقا ءبىزدىڭ اقىن - جازۋشىلارىمىز نەگە كەلەدى دەگەنىمىزدە جۇرەگىندە ەل - جۇرتى بار، ۇلى وتانى بار، كوركەم بولاشاققا باستاعان پارتياسى بار، سوندىقتان  وتان سۇيگىشتىك رۋحپەن رۋحاني جاقتان ۇلەس قوسسام، حالقىما ورەلى ويدىڭ جەمىسىن بەرسەم، دۇنيەنى تانىتسام، تۇسىندىرسەم دەيتىن مىندەت. بورىشىن جەتە تۇيسىنەدى. سوندىقتان ولار ءار  ۋاقىتتا ءوزىنىڭ قوعامدىق مىندەتىنىڭ سىرتىندا قولىنا قالام الىپ، قان - تەر توگىپ كەلە جاتقان رۋحاني ەڭبەكشىلەر، رۋحاني جاسامپازدىق جاراتۋشىلار، سوندىقتان اقىن - جازۋشىلارعا قوعام قۇرمەت ەتىپ وتىر. اقىن - جازۋشىلار جالپى ەل قۇرۋدا، وتاندى گۇلدەندىرۋدە، پارتيانىڭ كوزدەگەن ماقسات - بورىشىن جۇزەگە اسىرۋدا، پارتيانىڭ ءۇنىن، پارتيانىڭ ابزال ساياساتىن حالىققا  جەتكىزۋدە كەم بولسا بولمايتىن ۇلى كۇش، ۇلى قوسىن.
 
  قازىر ءبىزدىڭ  ەلىمىزدەگى ادەبيەت - كوركەمونەرشىلەر جونىندەگى ساياسات وتە كەمەلدى ءارى ەڭبەك جەمىسىن شىنايى قادىرلەيتىن ۇلكەن باعىت ۇستاپ، شام جاعىپ وتىر. ارينە، ءارقانداي حالىققا مادەنيەت پەن ادەبيەت كەرەك، مادەنيەتى مەن ادەبيەتى جوق حالىق ەشقاشان العا شىعىپ كەتە المايدى. ادەبيەت - كوركەمونەرشىلەرگە قۇرمەت ەتۋ، ولارعا ءمان بەرۋ، ولاردىڭ رولىن تانۋ جونىندە پارتيامىز ۇزدىكسىز ايتىپ، قولداپ - قۋاتتاپ كەلە جاتىر. ال ءبىزدىڭ تارباعاتاي اقىن-جازۋشىلارىنا توقتالا كەتسەك، ەرىكتى ارميا رەتىندە  روماندار، ولەڭ، داستان، پوۆەستەر سىندى ءتۇرلى جانرلاردا قالام تەربەپ، ۇلكەن ەڭبەك ەتتى، وتان قۇرىلىسىنا، تارباعاتاي قۇرىلىسىنا، وزىندىك ەڭبەكتەرىن قوسىپ كەلە جاتىر. اقىن - جازۋشىلاردىڭ ازدى - كوپتى ەڭبەگىن دەر كەزىندە كورىپ، ماداقتاپ، شابىت بەرىپ وتىرۋ كەرەك. شىعارماشىلىق دەگەن وتە كۇردەلى، وتە قيىن، وتە نازىك جۇمىس.  ويتكەنى ءبىر ەلدىڭ وي - دۇنيەسىنە ىقپال جاسايتىن، حالىقتىڭ سانا - سەزىمىن، رۋحاني دۇنيەسىن، ويلاعان ويىن، ىشكى جان دۇنيەسىنىڭ سىرىن تاباتىن، ولارمەن سىرلاس بولا الاتىن سارا تۋىندىلاردىڭ جارىققا كەلۋىنە جان تانىمەن ەڭبەك ەتەتىن جاپاكەش جاندار.
 
  پارتيا 19 - قۇرىلتاي بايانداماسىندا: «ءبىرىنشى باسقىش، 2020 - جىلدان 2035 - جىلعا دەيىنگى مەزگىل، جاپپاي دوڭگەلەك داۋلەتتى قوعام ورناتىلعان نەگىزىندە تاعى 15 جىل كۇرەس جاساۋ ارقىلى سوتسياليستىك وسىزاماندانۋدى  نەگىزىنەن  جۇزەگە اسىرامىز. ەكىنشى باسقىش، 2035 - جىلدان  وسى عاسىردىڭ ورتا شەنىنە دەيىنگى  مەزگىل، بۇل باسقىشتا  وسىزاماندانۋ نەگىزىنەن جۇزەگە اسقان نەگىزدە، تاعى 15 جىل كۇرەس جۇرگىزۋ ارقىلى ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعامىز» دەپ اتاپ كورسەتتى
 
  پارتيا 19 - قۇرىلتايىندا ادامزات قوعامىنىڭ ءبىر تۇتاستىعى، ادامزاتتىڭ ورتاق تۇلعاسى جونىندە ايتىلدى. سوندىقتان بۇكىل دۇنيە نازار اۋداردى. باسقا مەملەكەتتەردە، قۇرلىقتاردا  پارتيا 19 - قۇرىلتايى رۋحىن ۇيرەندى جانە القادى، بۇل  پارتيا 19-قۇرىلتايىنىڭ جەر شارىندا ادامزاتقا جاساعان ىقپالى توتەنشە زور بولدى. جۇڭگو كوممۋنيستىك پارتياسى سارا جول ۇستانعان بىردەن - ءبىر كوشباسشى پارتيا،تۋرا پارتيا، قۇدىرەتتى پارتيا ەكەنىن الەمگە پاش ەتتى.

  وسىنداي جاڭالىققا، تىڭ باستاماعا تولى جاڭا داۋىردە اقىن-جازۋشىلار  اۋىلعا، تومەنگە حالىقتىڭ اراسىنا بارىپ، جاڭا داۋىردە جازۋعا ءتيىستى، جاڭا ءداۋىر بىزدەن تالاپ ەتىپ وتىرعان تاقىرىپتارعا بارۋىمىز كەرەك. نە كوپ تاقىرىپ كوپ، ول تاقىرىپ اينالىپ كەلگەن ۋاقىتتا وتان، حالىق، پارتيانىڭ ءتيىمدى ساياساتى، دوڭگەلەك داۋلەتتى ەل قۇرۋ جونىندە ت.ب ماڭىزدى تاقىرىپتاردا قالام تەربەۋىمىز كەرەك. ءبىز جازاتىن شىعارمانىڭ ماتەريالى جەتكىلىكتى. ءبىز بارماعان تىڭ جاڭالىقتار بار. ءبىز ءداۋىر رۋحىن، قۇرىلتاي رۋحىن زەر سالا ۇيرەنىپ، قۇرىلتاي رۋحىن وزىمىزگە باسشى ەتىپ، ءوز جانىمىزعا ءسىڭىرىپ، ءوزىمىزدى - ءوزىمىز وياتىپ، قولعا قالام الاتىن بولساق جاڭا ءداۋىرىمىزدىڭ جاڭاشا بەت - بەينەسى شىعارمالارىمىزدىڭ تاۋسىلماس ارقاۋى بولادى.

  ال، ءوزىم تۋرالى، جاڭا ءداۋىردەگى شىعارماشىلىعىم تۋرالى ايتا كەتەر بولسام، پارتيا 19 - قۇرىلتايى اشىلعان كۇنى تاڭەرتەڭ ۋاقىتىندا تۇرىپ، ءۇش ساعات بويى تاپجىلماي تىڭدادىم،  ودان كەيىن «تارباعاتاي گازەتىن» الدىرىپ استىن سىزىپ وتىرىپ وقىدىم. (مەن بۇرىننان وقىعاندارىمنىڭ ەڭ ماڭىزدى دەگەن تۇيىندەرىنىڭ استىن سىزىپ  وتىراتىنمىن) مەن 19 - قۇرىلتاي بايانداماسىن بار ىنتا - پەيىلىممەن وقىپ شىعىپ قاراسام، بارلىعىنىڭ استىن سىزىپ وتىرىپپىن، ويتكەنى قۇرىلتاي بايانداماسىنىڭ جالپى تۇلا بويى ناقتىلى جۇمىس ىستەۋ، حالىققا پايدا جەتكىزۋ، قوعامعا، جالپى ادامزاتقا پايدا جەتكىزۋ، قوعامدى ىلگەرىلەتۋ، ەلىمىز حالقىنا، جۇيەدەن ايتقاندا ادامزات جاڭا داۋىرىنە جارقىن بولاشاق باعىت - باعدار كورسەتكەن دۇنيە  تاريحىنداعى كەرەمەت جاڭالىقتارعا تولى، حالىقتىڭ مۇددەسىن العى ماقسات ەتكەن قۇرىلتاي.

  پارتيا 19 - قۇرىلتايى بايانداماسىن تىڭداعان سوڭ قۇرىلتاي رۋحىنان  شابىت الىپ، تەرەڭ اسەرلەنىپ، سول كۇنى قۇرىلتايعا ارناپ تەرمە جازدىم، جازىلعان تەرمەمدى شاۋەشەك قالالىق  ويىن - ساۋىق ۇيىرمەسىندەگى ناعيما اتتى ءانشى، تەرمەشى ونەرپازىمىز اۋىل - قىستاققا ۇگىت قيمىلىن جۇرگىزۋ بارىسىندا 50 نەشە رەت ورىنداپ، حالىقتىڭ ىستىق ىقىلاسىنا بولەنىپتى. جاقىندا «وتان تۋرالى» ءان تەكسىن جازدىم، مۋزيكاسىن اسحات ابىلاحات ۇلى جازدى، «ۇلى وتان» تۋرالى ولەڭدەر، جالعاستى «جاڭا ءداۋىر جىرى» اتتى ساحنالىق شىعارما جازدىم، قازىر ساحناعا دايىنداپ جاتىر. ونداعى ماقساتىمىز  پارتيا 19 - قۇرىلتايى رۋحىن ۇگىتتەۋ، بۇل ساحنالىق شىعارمادا ءانى دە ايتىلىپ، ءبيى دە بيلەنىپ، ءداۋىر رۋحىنىڭ شىت جاڭا جارقىن بەينەسىن ارقاۋ ەتىپ، پارتيا 19 – قۇرىلتايى رۋحىن الۋان ونەرمەن ايشىقتاۋعا كونسەرت ۇيىمداستىرۋدى ويلاستىرىپ جاتىرمىز.

  پارتيا 19 - قۇرىلتايى رۋحىن ۇگىتتەۋ ءبىزدىڭ داڭقتى بورىشىمىز، مىندەتىمىز. ادەبيەت پەن كوركەمونەر  وتانعا، حالىققا كىرشىكسىز، ادال  قىزمەت ەتۋ كەرەك. ادەبيەت ءوزى  ادەبيەت سيپاتىمەن، سۇلۋلىعىمەن، قاسيەتىمەن،وزىنە ءتان بوياۋىمەن الدىڭعى شەپكە بارۋ كەرەك. ادەبيەت تازالىقتى قاجەت ەتەدى، ادەبيەت پەن كوركەمونەر تازا بولعاندا عانا ءوز كۇشىن، ءوز قۇدىرەتىن كورسەتە الادى. مىسالى: رومان -ر ومان بولۋ كەرەك، ەشقاشاندا ەرتەك  بولماۋ  كەرەك، ولەڭ - ولەڭ بولۋى كەرەك، وبراز، ەستەتيكا، باي مازمۇنى، قاسيەتى بويىندا تۇرۋ كەرەك. ءارقانداي شىعارما ءبىر وقىعاندا ادامدار جۇرەگىندە ۇيالايتىن، ادامداردىڭ  سانا-سەزىمىن وياتاتىن، تۇيسىگىنە اسەر ەتەتىن، جىگەرلەندىرەتىن قۇدىرەتكە يە بولۋى كەرەك.

  ءبىزدىڭ قازىرگى تارباعاتاي جونىنەن الىپ ايتقاندا، تارباعاتايداعى اقىن - جازۋشىلار نەنى جازۋ كەرەك؟ ارينە حالىققا قولدانىلىپ وتىرعان ساياسات، تيىمدىلىك سونداي كەرەمەت، اقىن - جازۋشىلارىمىز قۇرىلتاي رۋحىنىڭ ەلىمىزدىڭ تۇكپىر-تۇكپىرىندە وركەن جايعانىن ءتىپتى دە جەتە ءتۇيسىنۋ  ءۇشىن الدىڭعى شەپكە، نەگىزگى ساتىعا بارىپ، ناقتىلى بولمىستى وي ەلەگىندە قورىتۋ كەرەك. مەن الدىڭعى رەتتە قاتىستى باسشىلارعا ويىمدى ايتتىم، مەن ءوزىم اۋىل - قىستاق بولسىن، قالامىزداعى ءارقايسى رايوندار بولسىن ارالاپ، قۇرىلتاي رۋحىن ۇگىتتەسەم، ويتكەنى ءبىر ۇستاز رەتىندە، اقىن - جازۋشى رەتىندە بۇل مەنىڭ داڭقتى بورىشىم. جالپى العاندا، قۇرىلتاي رۋحىن حالقىمىزدىڭ ءىس جۇزىندىك احۋالىنا بىرلەستىرە وتىرىپ، لەكسيا سويلەپ شىقسام دەدىم. مەنىڭ ايتپاقشى بولعانىم حالقىمىزدى رۋحاني جاقتان وياتۋ ءداۋىرىن باستاۋ كەرەك، رۋحاني توڭكەرىس كەرەك، رۋحاني توڭكەرىس دەپ وتىرعانىمىز قۇرىلتايدىڭ رۋحىن حالىق جۇرەگىنە ۇيالاتۋ كەرەك. قۇرىلتاي رۋحىنىڭ سارا جولىمەن  اۋقاتتانۋ، قۇرىلتاي رۋحىن بويىنا ءسىڭىرىپ ۇرپاق تاربيەلەۋ كەرەك، قازىرگى جاستارىمىز قوعامعا قانداي ۇلەس قوسۋ كەرەك، وتان وتباسىنان باستالادى. ءوزىنىڭ وتباسىنا، قوعامعا جاۋاپكەرلىكپەن قارايتىن، وتاننىڭ، حالىقتىڭ قاسيەتىن تولىق سەزىنەتىن سانالى ازاماتتار قاتارى كوبەيگەن سايىن ورتامىز ءتىپتى دە  گۇلدەنىپ،كوركەيەدى. پارتيا 19 - قۇرىلتايىنىڭ تىڭ باستاماسىنىڭ جارقىن بەينەسى، نۇرلى بولاشاقتىڭ كورىكتى كەلبەتى تۋرالى ادەبيەت - كوركەمونەر ارقىلى حالىققا ۇگىت قيمىلىن جۇرگىزىپ، ادەبيەت - كوركەمونەرشىلەرىمىز وزىنە قاتاڭ تالاپ قويىپ، وتاننىڭ، حالىقتىڭ كۇتكەن ۇمىتىنەن شىعۋ كەرەك.

  ءسوزىمنىڭ سوڭىندا وتانعا دەگەن شەكسىز ماحابباتىممەن، سۇيىسپەنشىلىگىمنەن، پارتيا 19 - قۇرىلتايى رۋحىنا، جاڭا داۋىرگە دەگەن اسا زور ريزاشىلىقتان، ىزەت - قۇرمەتتەن تۋىنداپ، باقىتتى، باياشات زامانىمىزدى ماقتانا، شاتتانا جىرلاپ، اۋەلەپ انگە اينالعان ەكى ولەڭىممەن اياقتاۋدى ءجون كورىپ وتىرمىن.
  ۇلى وتان
كۇن شىعادى اسپانىڭا ەلجىرەپ،
اققۋ جۇزگەن ايدىن - كولىڭ مولدىرەپ.
ۇلى وتان ۇلان بايتاق جەرىڭنىڭ،
ءشوبى شۇيگىن، تاستارى دا ەرجۇرەك.

كوڭىلدى ەل، كوگەرگەن جەر تاماشا،
قۇستارىڭدا ەركەلەيدى بالاشا.
بىزدە ارمان جوق، قانىمىزبەن جانىمىز،
وتان سەنىڭ كەرەگىڭە جاراسا.

 ءبار ادامدا ءبىر انا بار، ءبىر وتان،
سەندەگىنىڭ ءبارى سۇلۋ ۇناتام.
كوركەيە بەر، گۇلدەنە بەر، جاساي بەر،
تۇراعىمىز، تۇعىرىمىز ۇلى وتان.

 اتىڭدى ءان قىلىپ،
 اتادى تاڭ كۇلىپ.
 وتانى بارلاردىڭ،
 عۇمىرى ماڭگىلىك.
 جاساي بەر ۇلى وتان!

جاڭا ءداۋىر جىرى
 كۇلىمدەپ اتقانداي ءار كۇنى كۇمىس تاڭ،
ۇلى وتان كۇن بولىپ نۇرلاندىڭ شىعىستان.
دوڭگەلەك داۋلەتتى ەل قۇرىپ ىرىستى،
كەدەيلىك قىرسىعى جەرىڭنەن ىعىستى.
اشتىق ءبىز جاڭا ءبىر ءداۋىردىڭ ەسىگىن،
الەمگە تارالدى داڭقتى ەسىمىڭ.

ميلليارد ويانعان،
جاڭاشا وي-ارمان.
تاۋ-دالا كوك ورمان،
گۇلدەرگە ورانعان
مۇحيتتار، وزەندەر،
وزگەشە بويانعان.
داۋىرلە، داۋىرلە، داۋىرلە، داۋىرلە،
اسپانى اسقاق ءان.
پارتيا باستاعان،
جۇڭگوشا شىت جاڭا داۋىردە!
 
 ادامدار جۇزىنەن شاتتىقتىڭ لەبى ەستى،
 اق جۇلدىز اۋىلدار قالامەن تەڭەستى.
 قۇرىشتاي ارميا جەرىمنىڭ قورعانى،
 پارتيا حالىقتىڭ قامقورى، قورمالى.
 جورىقتا جول اشتى جاڭاشا پاراسات،
 ادامزات بىرلىگى، الەمدىك بولاشاق.
 
  عارىشپەن، قۇرلىقپەن، تەڭىزبەن سىرلاستىق،
  «ءبىر بەلدەۋ، ءبىر جولدا» دوستارمەن سيلاستىق.
  ءار تامشى سۋىمىز باقىتتىڭ بالىنداي،
 كەلەمىز بارلىق ۇلت بولىنبەي - جارىلماي.
   بىزدەگى ۇمىتتەر، تىلەكتەر، ارماندار،
   ءبارى دە ۇلى وتان، وزىڭە ارنالار.

 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»