ءتىلشىمىز حى لياڭ حابارلايدى. 27 - قاڭتار كۇنى ايماق باقىلاۋ ـ تەكسەرۋ كوميتەتىنىڭ ماڭدايشالىعىن اسۋ رەسمىن وتكىزدى. ايماقتىق پارتكومنىڭ ورىنباسار شۋجيى ۋاڭ گۋاڭچياڭ، ايماقتىق حالىق قۇرىلتايى قىزمەت كوميتەتى پارتگرۋپپاسىنىڭ مۇشەسى، ورىنباسار مەڭگەرۋشىسى ماينۇر جاقان قىزى قيمىلعا قاتىناستى. ايماقتىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ - تەكسەرۋ كوميتەتىنىڭ ورىنباسار مەڭگەرۋشىسى ءشارىپقان تەمىرقان ۇلى ماڭدايشالىق اسۋ رەسمىن باسقاردى. ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ جالپى كادرلارى رەسمگە قاتىناستى.
ۇعىسۋعا قاراعاندا، تارباعاتاي ايماقتىق باقىلاۋ - تەكسەرۋ كوميتەتى قۇرىلعاننان كەيىن بۇرىن ايماقتىق پروكۋراتۋرا مەكەمەسى جاۋاپتى بولاتىن پاراقورلىققا، جاۋاپكەرسىزدىككە قارسى تۇرۋ، قىزمەت قولايلىلىعىنان پايدالانىپ قىلمىس وتكىزۋدەن ساقتانۋ فۋنكتسياسىن وتكەرىپ الىپ، ايماقتاعى اكىمشىلىك ۇقىق اتقاراتىن قىزمەتكەرلەرگە قاراتىلعان باسقارۋ، باقىلاۋدى جاپپاي كۇشەيتەدى ەكەن. بۇل ايماقتىق پارتكومنىڭ پارتيا 19 - قۇرىلتايىنىڭ رۋحىن بۇلجىماستان دايەكتىلەندىرۋ، تياناقتاندىرۋداعى ناقتى شاراسى بولىپ، ايماقتىق ءتارتىپ تەكسەرۋ كوميتەتى مەن باقىلاۋ - تەكسەرۋ كوميتەتى قىزمەتىنىڭ جاڭا پاراعى اشىلعانىنان دەرەك بەرىپ، ايماعىمىزدىڭ پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋىنە، تاماشا ساياسي ەكولوگيانى ءۇرتىس بەكەمدەۋىنە بەرىك نەگىز قالادى.
ماڭدايشالىق اشۋ رەسمىندە ايماقتىق پارتكومنىڭ ورىنباسار شۋجيى ۋاڭ گۋاڭچياڭ ايماقتىق پارتكوم مەن اكىمشىلىك مەكەمەسى اتىنان ايماقتىق باقىلاۋ - تەكسەرۋ كوميتەتىنىڭ رەسمي قۇرىلعاندىعىن قۇتتىقتادى. ول مىنالاردى اتاپ كورسەتتى: مەملەكەتتىڭ باقىلاۋ - تەكسەرۋ ءتۇزىلىسى رەفورماسىن تەرەڭدەتۋدى تۇيىندەردە سىناق ەتۋ قىزمەتى - شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ «ءتورتتى جاپپاي ىلگەرىلەتۋ» ستراتەگيالىق ورنالاستىرۋى بويىنشا مەملەكەتتىڭ باقىلاۋ - تەكسەرۋ ءتۇزىمى جونىندەگى جوعارى قاتتامدىق جوباسى، جالپى جاعدايعا ساياتىن كەلەلى ساياسي رەفورما. جالپىءتارتىپ تەكسەرۋ، باقىلاۋ ـ تەكسەرۋ كادرلارى مۇنىڭ كەلەلى ءمانىن جەتە تانىپ، قىزمەت جاۋاپكەرلىگىن وتەۋدەگى بورىشتىلىق تانىمى مەن كوكەي تەستىلىك تانىمىن ارتتىرىپ، وزىندىك قۇرىلىستى جاپپاي كۇشەيتىپ، ادال، جاۋاپكەرشىلىك ارقالاي الاتىن، زاڭ ـ تارتىپكە بويسۇناتىن،كىرشىكسىز، پاك بولۋدى امالياتتا ايگىلەۋلەرى كەرەك.
ۋاڭ گۋاڭچياڭ بىلاي دەدى: «ايماقتىق باقىلاۋ - تەكسەرۋ كوميتەتىنىڭ قۇرىلۋى ـ رەفورمانى تۇيىندە سىناق ەتۋ قىزمەتىنىڭ العاشقى قادامى عانا، الداعى مىندەت ءتىپتى دە جاپالى ءارى اۋىر. ىشكەرىلەي توعىسۋدى جەدەل ىلگەرىلەتىپ، قىزمەتتى تەز ارادا سايكەستىرىپ، ءتۇرلى قىزمەتتىڭ ولشەمدى، ءونىمدى ورىستەتىلۋىنە كەپىلدىك ەتىپ، پارتيا ءبىر تۇتاس باسشىلىق ەتەتىن، تولىق قامتىعان، بەدەلدى، جوعارى ونىمدىلىككە يە باقىلاۋ جۇيەسىن شىنايى قۇرىپ، زەيىن ـ زەردە، كۇش ـ قۋاتتى شوعىرلاندىرا وتىرىپ ستيلدى دۇرىستاپ، ءىرىپ – شىرۋگە قارسى تۇرۋدىڭ جاڭا جاعدايىن جاراتۋىمىز كەرەك».
ماڭدايشالىق اسۋ رەسمىنەن كەيىن جالپى ءتارتىپ تەكسەرۋ، باقىلاۋ ـ تەكسەرۋ كادرلارى « جۇڭحۋا حالىق رەسپۋبليكاسىنىڭ نەگىزگى زاڭى الدىندا» سەرت بەردى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»