ايەلدەردىڭ اۋقاتتانۋىنا تىڭ جول اشتى

سۋرەتتە: ونەر ۇيرەنۋشىلەر تاربيەشىنىڭ جەتەكشىلىگىندە قولونەر بۇيىمدارىن جاساۋدا.

    ۇسىنىس ەتىلگەن ءتىلشى ەرگۇل مۇقاتاي قىزى حابارلايدى. شاۋەشەك قالاسى قاراقاباق اۋىلى شيانفىڭ قىستاعىنىڭ مادەنيەت ءۇيى قىزۋ دۋمانعا بولەنىپ، 50 دەن ارتىق اپەكەلى - سىڭلىلەر ءبىر جەرگە باس قوسىپ، ءبىر جاعىنان تاربيەشىنىڭ وتكەن ساباعىن تىڭداسا، ەندى ءبىر جاعىنان توقىما بۇيىمدارىن جاساۋ باسقىشتارى مەن  توقۋ ءادىسىن  ۇيرەندى.

  كاسىپتەنۋ حالىق تۇرمىسىنا ساياتىن ەڭ ۇلكەن ءىس. شاۋەشەك قالالىق ءتارتىپ - تەكسەرۋ كوميتەتىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا  قاراقاباق اۋىلى شيانفىڭ قىستاعىندا تۇراتىن قىزمەت اترەتىندەگىلەر مەن قىستاق «ەكى كوميتەتىندەگى» كادرلار ايەلدەردىڭ كاسىپ جاراتۋلارىنا، كاسىپتەنۋىنە دەم بەرۋ نەگىزىندە، كاسىپتىك ونەرگە باۋلۋدى كەڭىنەن ەتەك الدىرىپ، مۇقيات جوبالاپ، ۇقىپتىلىقپەن ۇيىمداستىرىپ، بارلىق ادامنىڭ قاجىرلى ەڭبەگى ارقىلى وزىندىك دامۋدى جۇزەگە اسىرۋلارىنا وراي جاراتۋ ءۇشىن 20 كۇندىك كاسىپتىك ونەرگە باۋلۋ كۋرسىن اشتى.

  كۋرسقا ارنايى مامان ۇسىنىس ەتىپ، توقۋ ونەرىنىڭ نەگىزدىك ءادىسى مەن قولمەن توقىلعان ىلەتىن بۇيىمدار، اشەكەي، مونشاق قاتارلى توقىما ونەرى جونىندەگى بىلىمدەر  وتىلەتىن بولىپ، ونەر ۇيرەنۋشىلەر قىزعىندى ۇيرەنسە، تاربيەشى ەش جالىقپاستان ولارعا ءتۇرلى توقۋ ادىستەرىن ءبىر - بىرلەپ ءتۇسىندىردى، وقۋشىلاردا تۇسىنبەگەن جەرلەرىن ءوزارا سۇراپ، مۇقياتتىلىقپەن  ۇيرەندى.

  «ادەتتە مەن قولونەر بۇيىمدارىن جاساۋدى، توقىما توقۋدى ايرىقشا ۇناتامىن، الايدا ونىڭ نەگىزگى توقىلۋ ادىسىنەن حابارىم جوق ەدى، قازىر تاربيەشىنىڭ ۇيرەتۋىندە، توقىما توقۋدىڭ ادىستەرىن  يگەردىم، بوس ۋاقىتتارىمدا بۇدان كەيىن وسىنداي ادەمى بۇيىمداردى توقىپ، بازارعا اپارىپ ساتۋىما بولادى، الداعى جەردە ءبىر جاعىنان ۇيدە وتىرىپ وتباسىمداعىلارىما دا قارايلاسىپ، ەندى ءبىر جاعىنان قوسىمشا كىرىس تابۋىمادا بولاتىن بولدى» دەيدى قىستاق تۇرعىنى لي ميحۇڭ قۋانا.

  قاراقاباق اۋىلى شيانفىڭ قىستاعىنىڭ ايەلدەر جوراسى لي حۇڭيۇن: «قولونەر توقىما بۇيىمدارىنىڭ وزىندىك قۇنى تومەن، كىرىسى مول،ءبىز  ونەرگە باۋلۋ كۋرستارىن اشۋ ارقىلى ايەلدەردىڭ قولونەر توقىما بۇيىمدارىن توقۋ تەحنيكالارى مەن ورەلەرىن اناعۇرلىم جوعارىلاتىپ، كىرىس كوزىن اشىپ، ۇيدە وتىرىپ-اق كىرىستەرىن ارتتىرۋىنا كۇش سالدىق» دەدى.

  ونەرگە باۋلۋ كۋرستارىن اشۋداعى ماقسات، ايەلدەردىڭ  توقىما ونەرىن ۇيرەتۋ ارقىلى  ولارعا كاسىپتەنۋ تەحنيكاسىن يگەرتىپ، كاسىپتەنۋ ارناسىن كەڭەيتىپ، كىرىستەرىن ارتتىرۋىنا جول اشۋ.
 

  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»