ءتىلشىمىز ۋاڭ شۋشيا حابارلايدى. شاۋەشەك قالاسىنىڭ تۇرعىنى اۋ ۋىنبيڭ 29 - قاڭتار كۇنى: « جۇبايىم سالماقتى اۋرۋعا شالدىعىپ، شۇعىل قۇتقارۋ قاجەت بولعاندا لياۋنيڭ ولكەسىنەن كومەككە كەلگەن شيپاگەرلەر دەر كەزىندەءساتتى وپەراتسيا جاسادى، ولارعا شىنايى العىس ايتامىن» دەدى.
2017 - جىلى لياۋنيڭ ولكەسىنىڭ 2-توپتاعى « ۇيىرمە ۇلگىسىندە» شينجياڭعا كومەككە كەلگەن ەمدەۋ اترەتى عىلىم ـ تەحنيكا الماستىرۋ، دارىندىلاردى باۋلۋ سياقتى جاقتاردان قالتقىسز كومەكتەسىپ، ايماعىمىزدىڭ ەمدەۋ تەحنيكاسى مەن قىزمەت وتەۋ قۋاتىن جوعارىلاتىپ، ناۋقاستاردىڭ ءوز جەرلەرىندە ساپالى ەمدەۋدەن يگىلىكتەنۋىن قامتاماسىزداندىردى.
2017 - جىلى شىلدە ايىندا شينجياڭعا كومەككە كەلگەن شيپاگەر جۋ گاڭنىڭ باستاماشىلىعىندا ايماقتىق حالىق شيپاحاناسى رۋحاني، پسيحيكالىق اۋرۋلاردى ەمدەۋ ورتالىعى بالنيتسياسىن اشىپ، ەمدەۋ، كۇتىمدەۋ ۇيىرمەسىن قۇرىپ، رۋحاني اۋرۋعا شالدىققان ناۋقاستاردى ەمدەي باستاعان بولاتىن. سول جىلى تامىز ايىندا شىنياڭ قالالىق اننيڭ شيپاحاناسىنان شينجياڭعا كومەككە كەلگەن 4 ماماندى رۋحاني، پسيحيكالىق اۋرۋلاردى ەمدەۋ ورتالىعىنىڭ ەمدەۋ جانە كۇتىمدەۋ قىزمەتىن كۇشەيتۋگە كومەكتەسۋگە ۇسىنىس ەتەدى.
2 - توپتا « ۇيىرمە ۇلگىسىندە» شينجياڭعا كومەككە كەلگەن ەمدەۋ ماماندارىنىڭ كومەگىندە ايماقتىق شيپاحانا رۋحاني، پسيحيكالىق اۋرۋلاردى ەمدەۋ ورتالىعىن قۇرىپ، بۇل جاعىنداعى بوستىقتى تولتىردى.
شينجياڭعا كومەككە كەلگەن ماماندار رولدارىن تولىق ساۋلەلەندىرىپ، جاۋاپتى بولىپ ۇيرەتۋ، لەكسيا سويلەۋ سياقتى تاسىلدەرمەن ايماعىمىزدىڭ ەمدەۋ ىستەرىنىڭ دامۋىنا قاجەتتى دارىندىلاردى باۋلىپ بەردى.
ايماقتىق حالىق شيپاحاناسى تۋىت ءبولىمىنىڭ ورىنباسار مەڭگەرۋشىسى اينۇر: « شينجياڭعا كومەككە كەلگەن شيپاگەرلەر ەمدەۋ تەحنيكاسى جاعىنان بولسىن، الدە ەمدەۋ جابدىقتارى جاعىنان بولسىن شيپاحانامىزعا وراسان زور وزگەرىستەر اكەلىپ، كاسىپتىك ەمدەۋ قوسىنىمىزدى نىعايتىپ، ايماعىمىزداعى ءار ۇلت بۇقاراسىنا ءتىپتى دە جاقسى قىزمەت وتەۋىمىزگە قاجەتتى شارت - جاعداي جاراتتى» دەدى.
لياۋنيڭ ولكەسىنەن كومەككە كەلگەن مامانداردىڭ باستاۋىندا جۇرەك قان تامىر ىشكى اۋرۋلار ءبولىمى دە كەمەلدەنە ءتۇستى. جۇرەك قان تامىر ىشكى اۋرۋلار ءبولىمىنىڭ ورىنباسار مەڭگەرۋشىسى، ورىنباسار پروفەسسور ۋاڭ چي : «مۇندا كەلۋدەگى ماقساتىم جوعارى ساپالى ەمدەۋ قوسىنىن قۇرۋ بولعاندىقتان، داعدىلى قىزمەتتەن سىرت، شيپاگەرلەردىڭ ۇيرەنۋىنە قۋزاۋشىلىق ەتىپ، لەكسيا سويلەپ، شيپاگەرلەردىڭ تەحنيكالىق قابىلەتىن جوعارىلاتۋعا كۇش سالىپ كەلەمىن» دەدى.
جۇرەك قان تامىر ىشكى اۋرۋلارى ءبولىمىنىڭ شيپاگەرى يۋە حۋايجى : «شينجياڭعا كومەككە كەلگەن شيپاگەرلەر ناۋقاس تاريحىن جازۋ، وپەراتسيا جاساۋ سياقتى جاقتاردان ولشەمدى جەتەكشىلىك ەتىپ كەلەدى. قازىر ەمدەۋ قابىلەتىم كورنەكتى جوعارىلاپ، ءبىر قىدىرۋ كۇردەلى وپەراتسيانى جاساۋدان تىس، اۋرۋ وزگەرىسىنە دۇرىس تالداۋ جاساي الاتىن بولدىم» دەدى.
جۇرەك اۋرۋىنا شالدىققان ناۋقاس تۇرسىن عاني: «العاشىندا ۇرىمجىگە بارىپ ەمدەلمەكشى بولعانمىن، شينجياڭعا كومەككە كەلگەن شيپاگەرلەردىڭ بار ەكەنىن كورگەننەن كەيىن الاڭنان ارىلىپ، الىسقا بارۋ ويىمنان قايتتىم» دەدى.
2017 - جىلى جۇڭگو مەديتسينا ۋنيۆەرسيتەتى « مەكتەپ ارقىلى شيپاحانانى ، شيپاحانا ارقىلى ەمدەۋ بولىمدەرىن تاربيەلەۋ» سىندى جان – جاقتىلى، سترولى دالمە - ءدال كومەكتەسۋ ۇلگىسىن قولدانىپ، ەمدەۋ دارىندىلارىنىڭ « ۇيىرمە ۇلگىسىندە» شينجياڭعا كومەكتەسۋىنىڭ جاڭا ۇلگىسىن جاراتىپ، بىلتىر تۇتاس جىلدا 15 مىڭ 275 ادام رەت ناۋقاس تەكسەرىپ، 2802 رەت وپەراتسيا جاساسا، بىرلەسىپ قۇتقارۋ جۇرگىزگەن ناۋقاس سانى 1012 ادام رەتكە جەتكەن.
لياۋنيڭ ولكەسىنىڭ 2 - توپتاعى « ۇيىرمە ۇلگىسىندە» شينجياڭعا كومەككە كەلگەن ەمدەۋ اترەتىنىڭ ورىنباسار باستىعى، ايماقتىق حالىق شيپاحاناسى پارتگرۋپپاسىنىڭ شۋجيى، ورىنباسار باستىعى گو چۋانجي: « بۇل اراعا كەلۋدەگى باستى ماقساتىمىز ـ جەرلىك ورىنعا جوعارى ساپالى ەمدەۋ قوسىنىن تاربيەلەپ، ەمدەۋ، كۇتىمدەۋ جانە باسقارۋ ورەسىن جوعارىلاتىپ، تارباعاتاي حالقىن ءتىپتى دە جاقسى ەمدەۋ قىزمەت وتەۋىنەن يگىلىكتەندىرۋ» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»