ەرىكتى ءتىلشى لي فاڭكۇن حابارلايدى. 27 - قاڭتار كۇنىنەن 28 ـ قاڭتار كۇنىنە دەيىن ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى مۇقيات جارمۇحامبەت ۇلى تولى اۋدانى مەن ءدوربىلجىن اۋدانىنىڭ مال شارۋاشىلىق رايوندارىندا تەكسەرۋ ـ زەرتتەۋ جۇرگىزىپ، ءارقايسى اۋدان، قالا جانە قاتىستى تاراۋلاردان اۋا رايىنىڭ وزگەرىسىن قاداعالاي باقىلاپ، مال شارۋاشىلىعىندا اپاتتان ساقتانۋ، اپات شىعىنىن ازايتۋعا قاتىستى قىزمەتتەردى بەلسەنە جاقسى ىستەۋدى تالاپ ەتتى.
جاقىنعى كۇندەردەن بەرى سيبيريادان ويىسقان سۋىق اعىستىڭ ىقپالىندا ايماعىمىزدىڭ جەر ـ جەرىندە اۋا تەمپەراتۋراسى كۇرت تومەندەپ، قاقاعان سۋىق ەگىن- مال شارۋاشىلىق وندىرىسىنە بەلگىلى ىقپال جاسادى. مۇقيات جارمۇحامبەت ۇلى جانە ونىڭ ساپارلاستارى تولى اۋدانى ۇتى قالاشىعىنىڭ سارجاق قىستاعىنا، كۇپ اۋىلىنىڭ سۋىر، بۇرقۇستاي، كوكقادا قىستاقتارىنا بارىپ، نەگىزگى ساتى كادرلارىنان جانە قىستاق تۇرعىندارىنان جاعداي ۇعىسىپ، قيىنشىلىعى بار مالشىلاردان حال سۇراپ، مالشىلاردىڭ جەم ـ ءشوپ قورى مەن مالدىڭ كۇيىن كوزدەن كەشىردى.
تەكسەرۋ ـ زەرتتەۋ بارىسىندا مۇقيات جارمۇحامبەت ۇلى مىنالاردى اتاپ كورسەتتى: جاقىننان بەرگى قاقاعان سۋىق مالشىلاردىڭ ءوندىرىسى مەن تۇرمىسىنا زور ىقپال جاسادى، مال شارۋاشىلىعىندا اپاتتان ساقتانۋ، اپات شىعىنىن ازايتۋ جاعىنداعى شۇعىل جاعدايعا توتەپ بەرۋ جوباسى مەن قاتىستى قىزمەت ولشەمدەرىن كەمەلدەندىرىپ، كەزەكشىلىك پەن شۇعىل جاعدايدى ءبىر جايلى ەتۋ قىزمەتىن نىعايتىپ، اپاتتان الدىن الا حابار بەرۋ مەن اپاتتىڭ الدىن الۋ قىزمەتىن كۇشەيتىپ، اپاتتان الدىن الا حابار بەرۋ مەحانيزمىن كەمەلدەندىرىپ، مال شارۋاشىلىعىنداعى كومەسكى قاتەردى تەكسەرىپ انىقتاۋدى كۇشەيتىپ، مالشىلاردىڭ جەم-ءشوپ دايىنداۋ، ىندەتتەن ساقتانۋ سياقتى قىزمەتتەردى جاقسى ىستەۋىنە جەتەكشىلىك ەتىپ، ەگىنشى ـ مالشىلاردىڭ اپاتتان ساقتانۋ، اپاتتى ازايتۋ تانىمى مەن ءوزىن – ءوزى قۇتقارۋ، ءوزارا كومەكتەسۋ قابىلەتىن جوعارىلاتۋ كەرەك.
كوكقادا قىستاعىنىڭ زاپاس جەم ـ ءشوپ قامباسىندا مۇقيات جارمۇحامبەت ۇلى زاپاس جەم- ءشوپ مولشەرىن، قىزمەتكەرلەردى باسقارۋ، قاراجاتتىڭ اينالىمعا ءتۇسۋ جاعدايىن ەگجەي ـ تەگجەيلى ۇعىستى. ول مىنالاردى تالاپ ەتتى: ايماق، اۋدان، اۋىل، قىستاق دارەجەلى زاپاس جەم ـ ءشوپ قويمالارىنىڭ اينالىمعا ءتۇسۋىن باسقارۋدى كۇشەيتىپ، جۇرتشىلىقتىڭ تاسىپ الۋىنا قولايلى بولۋ سياقتى فاكتورلاردى تولىق ويلاستىرىپ، مالدىڭ قىستان امان وتۋىنە، مال شارۋاشىلىعىنىڭ ءۇرتىس اقاۋسىز، جەدەل دامۋىنا كەپىلدىك ەتۋ كەرەك.
28 ـ قاڭتار كۇنى كەشتە مۇقيات جارمۇحامبەت ۇلى ءدوربىلجىن اۋدانىنىڭ بۇعىتى مال شارۋاشىلىق رايون شيپاحاناسىنا بارىپ، شيپاحانانىڭ سۋ، توك ماسەلەسىن ناق مايداندا شەشىمدەپ، مال شارۋاشىلىق رايون شيپاحاناسىن باسقارۋدى كۇشەيتىپ، ەمدەۋ تەحنيكاسىن جوعارىلاتىپ، قالىڭ مالشىلاردىڭ ناۋقاس كورسەتۋىنە، ەمدەلە الۋىنا، ناۋقاستان تولىق ايىعۋىنا شىن مانىندە كەپىلدىك ەتۋدى تالاپ ەتتى.
مۇقيات جارمۇحامبەت ۇلى مال شارۋاشىلىق رايوندارىنداعى حالىق تۇرمىسى ىستەرىنىڭ دامۋىنا بارىنشا كوڭىل ءبولدى. ول قاقاعان سۋىقتا مالشىلارعا، اسىرەسە قيىنشىلىعى بار وتباسىلارىنا قامقورلىق جاساۋ تەبىنىن ارتتىرىپ، مالشىلاردىڭ تۇرمىستىق قيىنشىلىقتارىن شىن مانىندە شەشىمدەۋدى تالاپ ەتتى. تەكسەرۋ ـ زەرتتەۋ بارىسىندا مۇقيات جارمۇحامبەت ۇلى مال شارۋاشىلىق رايوندارىندا مەملەكەت ءتىلى وقۋ - اعارتۋىنىڭ جالپىلاسۋ جاعدايىن تولىق ۇعىسا كەلىپ، مەملەكەت ءتىلىن ۇيرەنۋ، تەحنيكالىق ونەرگە باۋلۋ سياقتىلاردى بار كۇشپەن ورىستەتىپ، مالشىلاردىڭ ءتىل قابىلەتى مەن كاسىپتىك قۋاتىن جوعارىلاتىپ، مال شارۋاشىلىق رايوندارىنداعى ارتىق ەڭبەككۇشتەردىڭ باسقا كاسىپكە ويىسۋىن جەبەۋدى تالاپ ەتتى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»