سابيلەرگە قالتقىسىز كومەك بەردى

سۋرەتتە: بالدىرعاندار كومەككە اتالعان كيىم - كەشەكتەردى تاپسىرىپ الۋدا.

   ۇسىنىس ەتىلگەن ءتىلشى باقىتبەك شايحى ۇلى. حابارلايدى جۋىقتا شاعانتوعاي اۋدانى جاڭاجەر اۋىلدىق ورتالىق مەكتەپتەگى ءار ۇلت وقىتۋشى - قىزمەتشىلەر جالپى قۇنى 5 مىڭ يۋاندىق مالاقاي، شارپى، قولعاپ، شاپان سياقتى 67 پار قىستىق كيىم - كەشەكتى اقسۋ ايماعىنىڭ كەلپىن اۋدانى ۇيىرشىر اۋىلدىق ورتالىق بالالار باقشاسىنداعى وتباسىندا ەرەكشە قيىنشىلىعى بار بالدىرعاندارعا كومەككە اتادى.

  جاڭاجەر اۋىلدىق ورتالىق مەكتەپتىڭ مەڭگەرۋشىسى حۋ رۇيحۋا:  «وتكەن جىلى  قىركۇيەك  ايىنداعى  وقىتۋ ماۋسىمى باستالار كەزدە مەكتەبىمىزدىڭ جاس وقىتۋشىسى جۇلدىز اۆتونوميالى رايوندىق پارتكومنىڭ ۇندەۋىنە ىرىقتى، بەلسەندى ءۇن قوسىپ، پارتيا مەن ۇكىمەتتىڭ تاپسىرماسىن، مەكتەپتىڭ ءۇمىتىن ارقالاپ، اقسۋ ايماعىنىڭ كەلپىن اۋدانى ۇيىرشىر اۋىلدىق ورتالىق بالالار باقشاسىنا ءبىر جىلدىق ۋاقىتپەن وقىتۋشىلىق ىستەۋگە باردى. جەرگىلىكتى ورىنداعى ءبىر ءبولىم تۇرعىنداردىڭ تۇرمىستىق قيىنشىلىعىنىڭ تومەن بولۋ سەبەبىنەن بالالار باقشاسىندا وقيتىن بالدىرعانداردىڭ دا قىستىق كيىم - كەشەكتەرىنىڭ تىم شىركىن – اي  ەمەستىگىن، قىزمەتتەستەرىنىڭ كوپ بولىپ كومەكتەسۋ ويىن جەتكىزدى. ‹ءبىر جاق قيىنشىلىققا ۇشىراسا، كوپ بولىپ كومەكتەسۋ رۋحىنىڭ› جەبەۋىندە ءبىز ۇيىمداسىپ ازعانتاي كوڭىلىمىزدى بىلدىردىك. جۇڭحۋاداي ۇلى شاڭىراقتاعى ءار ۇلت حالقى ءبىر ءۇيدىڭ بالاسىنداي باۋىرمال بولعاندىعى ءۇشىن  كومەككە اتالعان كيىم – كەشەك از، قاقاعان قاڭتار ايى قانشاما ىزعارلى بولعانىمەن مەيىرىمدى جانداردىڭ جۇرەگى جىلۋلىققا تولى» دەدى.

  ۇعىسۋعا قاراعاندا، ۇيىرشىر اۋىلدىق بالالار باقشاسىندا ءبىر جىلدىق ۋاقىتپەن قىزمەت وتەپ جاتقان جۇلدىز مۇعاليماعا وقۋشىلار قىستىق دەمالىسقا تاراۋ الدىندا وتباسىندا قيىنشىلىعى بارلارعا جاڭا كيىم - كەشەكتى ۇلەستىرىپ بەرىپ، ولاردىڭ قۋانىشىنا ورتاقتاسىپ، قۇرمەتكە بولەنىپتى.


 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»