ەەڭ جاڭا مازمۇندار
حالىق باقشاسى الەۋمەتتىك اۋماعى كانيكولعا كەلگەن ستۋدەنتتەردى باتىل ءۇن قاتىپ، ايقىن پوزيتسيا بىلدىرۋگە ۇيىمداستىردى
ج ك پ ورتالىق كوميتەتى،مەملەكەتتىك كەڭەس مەملەكەت مەنشىگىندەگى فينانس كاپيتالىن باسقارۋ جونىندەگى جەتەكشى پىكىردى جاريالادى
2018-جىلى 7-ايدىڭ 19-كۇنى
2018-جىلى 7-ايدىڭ 18-كۇنى
سەنى توساتىن جالعىز ادام بار، ول — شەشەڭ
2018-جىلى 7-ايدىڭ 17-كۇنى
2018-جىلى 7-ايدىڭ 16-كۇنى
2018-جىلى 7-ايدىڭ 14-كۇنى
2018-جىلى 7-ايدىڭ 12-كۇنى
قىزىل ءۇي مۇراجايىن ەكسكۋرسيالادى
حاۋىپسىزدىك قىزمەتىنە ەرەكشە ءمان بەردى
ەگىس ماشينالارىن تەكسەردى
مىڭ شيۋيىڭ تاڭقۋراي ەگىپ، كىرىسىن ارتتىردى
باعىمشىلىق تەحنيكاسىن مالشىلارعا جەتكىزدى
ايماعىمىزدا بالۋان تاڭداۋ باسەكەسى وتكىزىلدى
توك پۋنكتتە قالىپتى تەكسەرۋ جۇرگىزدى
مالشىلاردىڭ دەنساۋلىعىن تەكسەردى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماقتىق پارتكومنىڭ وزەكتى گرۋپپاسى 23-رەتكى كوللەكتيۆ ۇيرەنۋىن وتكىزدى
ەرەنقابىرعا بوكتەرىندەگى ءان قالىقتاعان اسەرلى قيمىل
نازارىمدى باس نىساناعا شوعىرلاندىرىپ، تىڭ ىسكەرلىك كورسەتەمىن
بولشەكتەۋشىلىككە قارسى تۇرۋ كۇرەسىندە باتىلدىقپەن اتويشى بولامىن
جيىن-تەرىن قىزمەتىن جاقسى جۇرگىزدى
شارۋالار ماقسارىدان مول ءونىم الدى
2018-جىلى 7-ايدىڭ 11-كۇنى
تارتىمدى ۇگىت-لەكسيا جۇرت جۇرەگىنە ۇيالادى
2018-جىلى 7-ايدىڭ 10-كۇنى
باس نىسانانى جۇزەگە اسىرۋدىڭ جويقىن كۇشىن ۇيىستىرامىن
جاڭا ءداۋىردىڭ اۋىر مىندەتىن ارقالاپ، باس نىسانانىڭ نەگىزىن بەكەمدەيمىن
وتاننىڭ تۇتاستىعىن قورعاپ، بولشەكتەۋشىلىككە قارسى تۇرۋدى ارەكەتىمدە تياناقتاندىرامىن

مەنىڭ شەشەم

جولدانعان ۋاقىتى : 2018/2/6 11:14:57

مو يان 
  
    1. ۇيدەگى جالعىز تەرموستى شاعىپ الدىم              
   بۇل مەنىڭ ەسىمدە قالعان وتە ەرتەدەگى ءىس بولاتىن. ءبىر كۇنى ۇيدەگى قايناعان سۋ قۇياتىن جالعىز تەرموستى الىپ، كوللەكتيۆ اسحانادان قايناعان سۋ اكەلە قويايىن دەپ بارعانمىن. قارىن قامپيىپ توياتىن زامان ەمەس، ەكى قولىم دىرىلدەپ، دارمەنىم كەتىپ ءجۇرىپ،الگى جار دەگەندەگى جالعىز تەرموس قولىمنان   ءتۇسىپ - اق كەتكەنى. سونداعى قورققانىمدى ايتساڭىزشى، ۇيگە قايتۋعا بەتىمدە،جۇرەگىمدە توزبەي، ۇيىلگەن شومەلەنىڭ اراسىنا كىرىپ تىعىلدىم،كۇن بويى سوندا بولدىم. كەش باتا شەشەمنىڭ ەركەلەتكەن اتىمدى  اتاپ ايعايلاپ ىزدەپ جۇرگەنىن قۇلاعىم شالىپ قالدى. ونسىزدا ارەڭ وتىرعانمىن نە بولسا دا كورەيىن،شەشەم ۇزاعاندا كەلىستىرىپ وتىرىپ  تاياقتىڭ استىنان الار، بولماسا سىباپ الار دەپ سىرتقا شىقتىم. شەشەم ۇرىسپادى دا ۇرمادى، قايتا باسىمنان سيپاپ، باۋىرىنا قىسىپ، كۇرسىنىپ كەتتى.
   شەشەم ماعان نەنىڭ انا مەيىرىمى ەكەنىن العاش وسىلاي ۇعىندىردى.
  
  2 .بۇل جولى شەشەم ماعان نەنىڭ كەڭپەيىلدىلىك، نەنىڭ كەشىرىمدىلىك ەكەنىن ۇيرەتتى
   مەنى قىنجىلتقان ءبىر ءىس بولاتىن.  بالا كەزىم، شەشەمە ەرىپ كوللەكتيۆ اتىزىنا ماساق تەرۋگە باراتىنمىن. ءبىر كەزدە ماساق تەرۋشىلەر تىم - تىراقاي قاشا جونەلدى، سويتسەك اتىز قورۋشى كەلگەن ەكەن. شەشەمنىڭ اياعىن بالا كۇنىندە تاڭعاندىقتان «ءشي اياق»   ەدى، قاشا الماي ۇستالىپ قالدىق. الگى ادام ەڭگەزەردەي،سىڭار ەزۋ بىرەۋ ەكەن. كورگەنسىز شەشەمنىڭ جاعىنا جانىپ جىبەرىپ، زورعا تەرگەن ماساعىمىزدى تارتىپ الدى دا، ميىعىنان كۇلىپ كەتە باردى. ەڭگەزەردەي ەركەكتىڭ زىلدى شاپالاعىنان شەشەم تەڭسەلىپ بارىپ جەر ءسۇزىپ جىعىلىپ ەزۋىنەن قىپ -قىزىل ىستىق قان سورعالاي جونەلدى. سونداعى شەشەمنىڭ ءۇمىتسىز الپەتى، مەنىڭ السىزدىگىم، سول كۇنگى قورلانعانىم ەسىمنەن دە،  كوڭىلىمنەن دە ءالى كۇنگە كەتەر  ەمەس. تالاي جىلدان كەيىن، شەشەمدى ۇرعان الگى ەركەك قاۋساعان قارا شال بولىپتى، بازاردان كورىپ قالدىم، جۇگىرىپ بارىپ كوكەسىن تانىتايىن دەپ ۇمتىلىپ ەم، شەشەم قولىمنان- تارتىپ:
   -ۇلىم - اۋ،كەزىندە مەنى ۇرعان ادام مەن بۇل قاريا ءبىر ادام ەمەس قوي، - دەپ جىبەرمەدى.
  
  3. شەشەم قولىنداعى ءبىر شىنىعا تولمايتىن شوشىرەنى، قايىرشىنىڭ ىدىسنا قۇيىپ بەرە سالدى
   ورتا كۇز مەرەكەسى بولاتىن،ءتۇس  بولىپ قالعان، ۇيدەگىلەردىڭ بارلىعى جابىلىپ تۇسكى اسقا شوشىرە ءتۇيىپ جاتقانبىز،تىم ماردىمسىز، ۇزاعاندا ادام باسىنا ءبىر شىنىدان اينالاتىن. تاماق پىسىپ اۋىزعا ەندى الا بەرگەندە،ءبىر قايىرشى شال ەسىكتىڭ كوزىنە كەلىپ تۇرا قالدى. سودان ونىڭ كەسەسىنە جارتى كەسە قۇرعاتىلعان ءتاتتى كارتوپ جاپىراقشاسىن سالىپ ۇستاتىپ ەم،   الىمسىنباعان قايىرشى شال مىڭگىرلەپ:
   -مەن بولسام قاۋساعان اداممىن، كوزىمدى باقىرايتىپ قويىپ،وزدەرىڭ شوشىرە جەپ،ماعان بەرگەندەرىڭ مىناۋ،نە دەگەن پەيىلدەرىڭ تار ەدى،- دەپ شالەكەڭ شالا بۇلىندى.
-   كاريا، بىزدە جىلىندا ءبىر رەت عانا جەيمىز شوشىرەنى، جارىتىپ قارىندا تويمايدى، ادام باسىنا كوزدەي شىنىمەن ءبىر - ءبىر شىنى عانا. ءتاتتى كارتوپقا بولسا دا رازى بولساڭشى، جەمەسەڭ زارىڭدى جە دەدىم،جىنىم قايدان كەلدى قاراداي جۇلىنىپ،سودان شەشەم مەنى سوگە جونەلدى دە الدىنداعى جارتى شىنى شوشىرەنى شالدىڭ ىدىسىنا سالىپ بەردى.
   بۇل جولى شەشەم ماعان جاناشىرلىق دەيتىن ۇعىمدى ۇعىندىردى بىلەم.
  
  4. بالام،  شەشەڭدى جەر قىلدىڭ - اۋ
  بۇل ىسكە بولا كوپ قينالعام.  ءبىر جولى  شەشەمە ەرىپ بازارعا كوكتات العالى باردىم. ادەيى كوكتات ساتاتىن قارتتان بار- جوعى ون ءتيىندى كەم ەسەپتەپ قىمقىرىپ قالدىم دا مەكتەپكە كەتتىم. وقۋدان تاراپ ۇيگە كەلسەم، كوز جاسىن تىم سيرەك كورەتىن شەشەمنىڭ جانارىندا جاس تۇر. ءىشىم قىلىپ ەتە ءتۇستى:
   -ۇلىم - اۋ، بۇگىن شەشەڭدى جەر قىلعانىڭ قايتكەنىڭ - دەدى رەنجۋلى پىشىنمەن.
   بۇل جولى ادالدىق پەن ۇيات دەگەن ءسوزدىڭ قالاي بولارىن ناق ۇقتىم
  
  5. ول ماعان نەنىڭ قايسارلىق، نەنىڭ باس يمەۋ ەكەنىن ۇيرەتكەن ادام
  ون جاسقا شىققان شىناشاقتاي بالا كۇنىم. شەشەم وكپە اۋرۋىنا دۋشار بولىپ، ارىپ- اشۋ، اۋرۋ-سىرقاۋ  ونسىزدا كەتەۋى كەتىپ تۇرعان وتباسىمىزدى تىعىرىققا ءبىر-اق تىرەدى. مۇنداي كۇندەردەن نەنىڭ ءۇمىتىن، نەنىڭ ساۋلەسىن سۇرايسىز. سودان بالا بولسامدا  كوڭىلىمە شەشەم وزىنە       « شىعار جول» ىزدەپ جۇرمە دەگەن كۇدىك كىرە بەردى. ءار جولى ەڭبەك ىستەپ كەلگەنىمدە، تابالدىرىقتان اتتاي بەرە شەشەلەپ قويا بەرەتىنمىن.   «بارمىن» دەسە جۇرەگىم ورنىنا تۇسەتىن. ەگەر ول كىسىدەن ەش سىبىس بولماسا، جۇرەگىم اتقالاقتاپ اۋزىما تىعىلىپ، ءۇيدىڭ ءىشىن تىنتىپ شىعاتىنمىن.ءبىر جولى بارلىق ءۇيدى ارالاپ ىزدەپ تابا الماعان سوڭ، اۋلادا وتىرىپ وكىرىپ قويا بەردىم. دەسە دە وزىمشە  ودان الاڭداپ جۇرگەنىمدى تاعى بىلدىرگىم كەلمەيتىن. «شەشە »دەگەن كەرەمەت ادام عوي، وسىنىڭ ءبارىن سۇراماي- اق سەزىپ جۇرسە كەرەك:    -بالام الاڭسىز بول، مەيلى تۇرمىس قانشالىق سۇرەڭسىز بولسىن،ءدام-تۇزىم تاۋسىلماسا ءبىر كۇن بولسا دا جاساعىم كەلەدى، – دەدى.

  6.شەشەمنىڭ بويىنان ىزگى  نيەتتى بولۋدىڭ كوپ كۇرمەۋدى شەشەتىنىن ۇيرەندىم
   مەن تۋادا سيىقسىزداۋ ەدىم. سوعان قىستاقتاعى كورشى - قولاڭدار الىمسىنباي، سايقى - مازق ەتەتىنى از بولعانداي، مەكتەپتەگى بىرنەشە سودىردىڭ دا  وسى ءوڭ - تۇرقىم  ءۇشىن تاياققا تالاي جىققانى بار.  تاياق  جەگەن سوڭ ۇيگە كەلىپ شەشەمنىڭ باۋىرىنا تىعىلىپ جىلايتىنمىن - اۋ  كەلىپ.  وندايدا  شەشەم بايقۇس:
   -قۇلىنىم - اۋ، سەنى كىم ايتادى سيىقىسىز دەپ، كوز دەسە كوزىڭ، مۇرىن دەسە مۇرىنىڭ بار، بەس مۇشەڭ ساۋ، كەمىستىك قاي جەرىڭدە تۇر قانە؟  تەك كوڭىلىڭدە كەمدىك بولماسىن، جۇرەگىڭ تازا، ادال بولسا، قانشا كەيىپسىز بولساڭدا ادەمى كورىنەتىن بولاسىڭ،– دەيتىن.
   كەيىنتىندەپ قالاعا كەلدىم، سوندا دا قۇتىلمادىم سول مازاقتان. ءتىپتى كەيبىر اجەپتاۋىر كوزى اشىق ادامداردا تۋ سىرتىمنان پىشىرلاعانىن قويماي جۇرەتىن. سوندا شەشەمنىڭ باياعى ءسوزىن ەسىمە الىپ،  ولارعا سابىرلى مامىلە جاسادىم.
   شەشەم مىنە وسىلاي ماعان باسقالارمەن قالاي قارىم – قاتىناس جاساپ ءومىر ءسۇرۋدى ۇيرەتكەن ادام.
  
  7. شەشەم كىتاپ وقىپ وتىرىپ، كەيبىر جۇمىستاردى ۇمىت قالدىرعانىم ءۇشىن جازعىرىپ كورگەن جوق
   شەشەم حات تانىمايتىن، ءبىراق  وقىعان كوز قاراقتى ادامداردى اسا قۇرمەتتەيتىن. وتباسىمىز كەدەي بولعاندىقتان تۇلكى قۇرساق،ولمەستىڭ كۇنىمەن جۇرەتىنبىز. سونداي شارت- جاعدايدا وقۋ ماتەريالىن الام دەسەم قولىمدى شەشەم قاققان ەمەس، تاماعىنان جىرمىشتاپ تارتىپ ءجۇرىپ تاۋىپ بەرەتىن. وتە ەڭبەكشىل كىسى ەدى، بالالارىنىڭ جالقاۋ بولعانىن   ۇناتپايتىن. الايدا كىتاپقا اينالىپ وتىرىپ، جۇمىستى اقساتقانىما ءلام    دەمەيتىن.
   ءبىر كەزدە، بازارعا ءبىر قيساگەر كەلە قالدى. ۇنەمى بارىپ ول كىسىنىڭ جاتقا ايتاتىن قيسا -داستانىن تىڭداپ ءجۇرىپ، شەشەم تاپسىرعان جۇمىس جايىندا قالاتىن.  سودان مەنى اياماي سوكتى. ول كەزدە ەرتەك، قيسا ايتاتىندار قۋ سوزدەن قۋىرداق قۋىرىپ، ماردىمدى جۇمىس ىستەمەيدى، ودان نەنىڭ ءتالىم – تاربيەسىن الاسىڭ دەيتىن يدەيا باسىم ەدى.  كەيىن كەلە ايتقان اڭگىمەلەرىم ول كىسىنىڭ قۇلاعىنىڭ قۇرىشىن قاندىرسا كەرەك، مەن بازارعا قيسا تىڭداۋعا باراردا ەش شارۋا تاپسىرمايتىن بولدى. كەش باتا شەشەم جالعىز ماي شامنىڭ جارىعىندا تۇندەلەتىپ ەلدىڭ كيىم- كەشەگىن تىگەتىن، سول كەزدە مەن الگى وقىمىستىدان تىڭداعاندارىمدى شەشەمە ايتىپ بەرىپ ءجۇردىم، العاشىندا بۇنىمدى قوش كورمەگەنمەن، كەيىندەپ اڭگىمەمە قۇلاعىن  توسەيتىنىن بايقادىم. بۇنىم ارينە شەشەمە العىس ايتۋ جانە ەستە ساقتاۋ قابىلەتىمدى ايگىلەۋ ءۇشىن عوي.
  ءيا، وسىلاي حات تانىمايتىن، ساۋاتسىز شەشەم، مەنىڭ ۇيرەنۋىمە جول سىلتەگەن ادام ەدى.
  
  8. ارمان -مۇراتتى مەن العاش شەشەمنەن ۇعىندىم
   بالالىعىم مەن جاستىعىم اۋىلدا ءوتتى. سول كەزدە ۇيدەن ۇزاپ العاش پويەزگە وتىرىپ چيڭداۋعا باردىم. ءالى ەسىمدە اعاش زاۆودىنداعى تاۋداي   ەتىپ جيناعان اعاش ماتەريالدار اراسىنان اداسىپ كەتكەنىم بار بولاتىن. ۇيگە كەلگەن سوڭ شەشەم : چيڭداۋدان نە كوردىڭ دەگەن دە جەرگە كىرىپ كەتە جازداپ قىسىلدىم، سوندا  بار ايتقانىم:    -قالىڭ ۇيىلگەن اعاشتان باسقا تۇك كورمەدىم، - دەپ ەدىم. مىنە وسى رەتكى ساپار ماعان سىرتقى الەمدى كورسەم دەيتىن كۇشتى تولقۋدى پايدا قىلعان ەدى.
   1972- جىلى اقپاندا، ارمياعا قابىلداندىم. شەشەمنىڭ مەنەن جاسىرىپ اكەممەن باس قۇراعاندا العان بار اشەكەيىن ساتىپ، الىپ بەرگەن« جۇڭگونىڭ قىسقاشا تاريحى» اتتى ءتورت تومدى ارقالاپ، شىعىس سولتۇستىكتەگى ماحاببات پەن وشپەندىلىككە تولى اۋىلدان  اتتانىپ، شىت جاڭا ءومىرىمنىڭ بۇرىلىس كەزەڭىنە وتكەنىم  ەدى بۇل كەز.

  اۋدارعان -ماحاببات قۇدايبەرگەن قىزى

  رەداكتورى ؛ گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.                                                    

  مىسالى؛ « تارباعاتاي اقپارات تورابىنان »الىندى