ءتىلشىمىز جاڭ ياڭ حابارلايدى. 3 - اقپان كۇنى ايماق ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتۋ قىزمەتىن ىلگەرىلەتۋ ءماجىلىسىن اشتى.
ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ۋاليى، ايماقتىق ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسى قىزمەتىنە باسشىلىق ەتۋ گرۋپپاسىنىڭ باستىعى مۇقيات جارمۇحامبەت ۇلى 2018 - جىلعى ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىنا قاتىستى ءتۇيىندى قىزمەتتەر جونىندە ناقتى تالاپتاردى ورتاعا قويدى.
ماجىلىستە مىنالار تالاپ ەتىلدى: دارەجەگە ءبولىپ ەمدەۋ قىزمەتىنەن تىڭ ىلگەرىلەۋشىلىككە قول جەتكىزۋدى پارمەندى ىلگەرىلەتۋ كەرەك. ەمدەۋ باعاسىن رەتتەۋ، ەمدەۋ قامسىزداندىرۋىنان ەسەپتەن كوتەرۋ ادىسىنە رەفورما جاساۋ، ءىس ونىمدىلىگىن باعالاۋ سياقتى تاسىلدەردەن ۋنيۆەرسال پايدالانىپ، «باستاپقى ەمدەۋدى نەگىزگى ساتىدا جۇرگىزۋ، قوس باعىتتا جوتكەپ ەمدەۋ، شۇعىل اۋرۋلار مەن سوزىلمالى اۋرۋلاردى ءبولىپ ەمدەۋ، جوعارى مەن تومەن سايكەسە ارەكەتتەنۋ» سىندى دارەجەگە ءبولىپ ەمدەۋ ۇلگىسىن قۇرۋ؛ اۋدان دارەجەلى ۇكىمەت باسقارۋىنداعى شيپاحانالار مەن نەگىزگى ساتى ەمدەۋ قۇرىلىمدارى ورتاسىندا جوتكەلىپ ەمدەلۋدىڭ قولايلى جولىن اشىپ، « ءبىردى كەشىرىم ەتىپ، ءۇشتى الدىمەن ويلاستىرۋدى» اتقارىپ، قوس باعىتتا جوتكەپ ەمدەۋ ءتارتىبىن بىرتىندەپ كەمەلدەندىرۋ، سوزىلمالى اۋرۋ كەزەڭىندەگىلەر مەن ساۋىعۋ كەزەڭىندەگىلەردىڭ نەگىزگى ساتىعا قايتىپ ەمدەلۋ جولىن ىركىلىسسىزدەندىرىپ، شۇعىل اۋرۋلار مەن سوزىلمالى اۋرۋلاردى ءبولىپ ەمدەۋ جاعدايىنىڭ قالىپتاسۋىن جەبەۋ كەرەك.
«بىرىككەن ەمدەۋ تۇلعاسى» قۇرىلىسىن جاپپاي كۇشەيتۋ كەرەك. اۋدان دارەجەلى حالىق شيپاحاناسىن كوش باسى، اۋىل - قالاشىق شيپاحانالارىن دانەكەر، قىستاق دارەجەلى ەمدەۋ ورىندارىن نەگىز ەتە وتىرىپ، اۋدان كولەمىندەگى ەمدەۋ ورتاق تۇلعاسىن قۇرۋ؛ ەمدەۋ ورتاق تۇلعاسى ىشىندە « باسقارۋ، قىزمەت وتەۋ، جاۋاپكەرلىك، مۇددە» ءبىر تۇلعالاندىرىلعان باسقارۋ ۇلگىسىن قالىپتاستىرۋ؛ ەمدەۋ بىرىككەن تۇلعاسى ىشىندە شيپاگەرلەردىڭ كوپ تۇيىندە ەمدەۋ جۇرگىزۋىن باسقارۋ ءادىسى مەن ءبىر تۇتاس ەڭبەكاقى ءبولىسى ءتۇزىمىن بەلگىلەپ، الىس ارالىقتى دياگنوز قويۋ قۇرىلىسىن ىلگەرىلەتىپ، ەمدەۋ ورتاق تۇلعاسىنىڭ باسقارۋ جانە قىزمەت وتەۋ ورەسىن جوعارىلاتۋ كەرەك.
ۇكىمەت باسقارۋىنداعى شيپاحانالار رەفورماسىن جالعاستى ىلگەرىلەتۋ كەرەك. ۇكىمەت باسقارۋىنداعى شيپاحانالار اينالىمىنىڭ جاڭا مەحانيزمىن قۇرىپ، ەمدەۋدەن قىزمەت وتەۋ باعاسىن رەتتەۋ، ساپالىلاندىرۋدى، ەڭبەكاقى ءتۇزىمى رەفورماسىن، ۇكىمەت باسقارۋىنداعى شيپاحانالار ۋستاۆىن بەلگىلەۋدى، ەمدەۋ اقىسىنىڭ ۇيلەسىمسىز جوعارىلاۋىن تىزگىندەۋدى ىلگەرىلەتۋ؛ ۇكىمەت باسقارۋىنداعى شيپاحانالاردىڭ نەگىزدىك قۇرىلعى قۇرىلىسى، ءىرى تۇرپاتتى ەمدەۋ جابدىقتارىن ساتىپ الۋ، قىزمەتكەرلەر ەڭبەكاقىسىن قامتاماسىزداندىرۋ، ساياسات سيپاتتى شىعىستىڭ ورنىن تولتىرۋ، الەۋمەتتىك شۇعىل قۇتقارۋ سياقتى جاقتارداعى ۇسىنىلىمىن ۇيلەسىمدى شەشۋ تەبىنىن ارتتىرىپ، ۇكىمەت باسقارۋىنداعى شيپاحانالار رەفورماسىنىڭ ىشكەرىلەي دامۋىن ىلگەرىلەتۋ كەرەك.
نەگىزگى ساتىنىڭ ەمدەۋ قۋاتى قۇرىلىسىن جاپپاي كۇشەيتۋ كەرەك. اۋىل - قالاشىق شيپاحاناسى مەن قىستاق دارەجەلى ەمدەۋ ورىندارىن ولشەمدەندىرۋ قۇرىلىسىنىڭ تولىق قامتۋىن جۇزەگە اسىرىپ، شيپاگەرلەردىڭ وتباسىلارىنا كەلىسىم بويىنشا قىزمەت وتەۋىن كەمەلدەندىرىپ، جالپى حالىقتىڭ دەنساۋلىعىن تەكسەرۋ قىزمەتىن تىڭعىلىقتى ىستەپ، «دەنساۋلىق تەكسەرۋدەن جىلجىمالى قىزمەت وتەۋ اۆتوموبيلىن باسقارۋ ءادىسىن» جاساۋ كەرەك.
دارىندىلاردى باۋلۋ تەبىنىن ارتتىرىپ، دارىندىلاردىڭ قابىلەتىن جوعارىلاتۋ كەرەك. اۆتونوميالى رايون، ايماق دارەجەلى ءتۇيىندى ەمدەۋ سالاسىنداعى كاسىپتىك - تەحنيكالىق قىزمەتكەرلەردى ءتۇيىندى تاربيەلەۋ؛ شۇعىل قاجەتتى دارىندىلاردى بەلسەنە ۇسىنىس ەتىپ، مەديتسينا دارىندىلارى ارناۋلى قارجىسىن قۇرىپ، دارىندىلاردى باعالاۋ تۇزىمىنە جاڭالىق ەنگىزىپ، قىزمەت ورنىنداعى دارىندىلاردىڭ اتاعىن تەكسەرىپ - بەكىتۋ ءادىسىن كەمەلدەندىرۋ؛ اۋىل - قالاشىق شيپاحانالارىنىڭ، الەۋمەتتىك اۋماقتاردىڭ ەمدەۋدەن قىزمەت وتەۋ ورتالىعىنىڭ، سونداي ـ اق جاپالى، شالعاي اۋدان، قالالارداعى ەمدەۋ قۇرىلىمدارىنىڭ جوعارى دارەجەلى اتاق سالىستىرماسىن جوعارىلاتىپ، ءونىمدى شابىتتاندىرۋ مەحانيزمىن قۇرۋ كەرەك.
ماجىلىستە تولى اۋداندىق حالىق ۇكىمەتى، قوبىقسارى موڭعۇل اۆتونوميالى اۋداندىق حالىق شيپاحاناسى، ءدوربىلجىن اۋدانى جەلاعاش قالاشىعى سەنترلى شيپاحاناسى تاجىريبە تانىستىردى.
اكىمشىلىك مەكەمەسىنىڭ ورىنباسار ۋاليى الي، ايماقتىق ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسى قىزمەتىنە باسشىلىق ەتۋ گرۋپپاسىنا مۇشە ورىنداردىڭ جاۋاپتىلارى، سونداي-اق بايلانىسشى قىزمەتكەرلەرى، ايماققا توتە قاراستى ەمدەۋ قۇرىلىمدارىنىڭ ۋاكىلدەرى نەگىزگى ءماجىلىس زالىندا ماجىلىسكە قاتىناستى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»