ەەڭ جاڭا مازمۇندار
2019-جىلى 1-ايدىڭ 18-كۇنى 15-سان
سالت-داستۇرگە مۇراگەرلىك ەتىپ، كۇش-قۇدىرەتىن ايگىلەدى
قار-مۇز سالتاناتى . ومىرشەڭدىككە تولى شاۋەشەك
ايماقتىق پارتكومنىڭ كەڭەيتىلگەن ءماجىلىسى رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى جەلىلەس شولۋ (2)
ايماعىمىز ۋاكىلدەر ۇيىرمەسى ۇكىمەت قىزمەتىنەن باياندامانى جالعاستى تالقىلادى
اۆتونوميالى رايوندىق 13-كەزەكتى حالىق قۇرىلتايى 2-ءماجىلىسى ءتوراعالار القاسىنىڭ 3-جيىنىن وتكىزدى
اۆتونوميالى رايوندىق 13-كەزەكتى حالىق قۇرىلتايى 2-ءماجىلىسى ەكىنشى جالپى جيىنىن وتكىزدى
2019-جىلى 1-ايدىڭ 17-كۇنى 14-سان
ايماقتىق پارتكومنىڭ كەڭەيتىلگەن ءماجىلىس رۋحىن ىشكەرىلەي ۇيرەنۋدى تالاپ ەتتى
2019-جىلى 1-ايدىڭ 16-كۇنى 13-سان
ءوز ۇلەستەرىن قوسۋدى تالاپ ەتتى
ءار ۇلت حالقىنا ءبىر مايدان سالتاناتتى مادەنيەت ساۋىق كەشىن تارتۋ ەتتى
«110 كۇنىنە» قاتىستى ساۋاتتىق بىلىمدەردى ۇگىتتەدى
ءتىپتى دە نۇرلى بولاشاققا اسىعامىز
اۆتونوميالى رايوندىق 13-كەزەكتى حالىق قۇرىلتايىنىڭ 2-ماجىلىسىنە قاتىناسقان تارباعاتاي ايماعىنىڭ ۋاكىلدەر ۇيىرمەسى ۇكىمەت قىزمەتىنەن باياندامانى تالقىلادى
بيىلعى ءتۇرلى قىزمەتتى تىڭعىلىقتى دا ءونىمدى ورىستەتەتىندىكتەرىن ءبىلدىردى
اۆتونوميالى رايوندىق 13-كەزەكتى حالىق قۇرىلتايى 2-ءماجىلىسىنىڭ ءتوراعالار القاسى 2-جيىنىن وتكىزدى
ايماقتىق پارتكومنىڭ بىرلىكساپ ءبولىمى: بىرلىكساپ قىزمەتىنىڭ تاعى دا تىڭ ساتىعا كوتەرىلۋىن جەبەيىك
ايماقتىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى: ءتارتىپ تەكسەرۋ، باقىلاۋ-تەكسەرۋ قىزمەتىنىڭ جوعارى ساپالى دامۋىن ىلگەرىلەتەيىك
ايماقتىق پارتكومنىڭ ۇيىمداستىرۋ ءبولىمى: كەڭەيتىلگەن ءماجىلىس رۋحىن ويداعىداي ۇيرەنىپ، ءار سالا قىزمەتتى ناقتىلى تياناقتاندىرايىق
ايماقتىق پارتكوم ۇگىت ءبولىمى: ۇگىت قىزمەتىن ىلگەرىلەتۋدى تىڭ ورەگە كوتەرەيىك
اۆتونوميالى رايوندىق 13 - كەزەكتى حالىق قۇرىلتايىنىڭ 2 - ءماجىلىسى اشىلدى
شاۋكەت يمىن تارباعاتاي ايماعى ۋاكىلدەر ۇيىرمەسىنىڭ تالقىسىنا قاتىناستى
2019-جىلى 1-ايدىڭ 15-كۇنى 12-سان
2019-جىلى 1-ايدىڭ 14-كۇنى 11-سان
ءار ۇلت بۇقاراسىمەن بولعان سۇيىسپەنشىلىكتەرىن نىعايتتى
قاتىناس حاۋىپسىزدىگىنىڭ كومەسكى قاتەرىن الاستادى
تەگىن دەنساۋلىق تەكسەردى
تەلەگراف الدامكوستىگىنەن ساقتانۋ بىلىمدەرىن ۇگىتتەدى
جاڭا داۋىردە جاراسىمدى، ەكولوگياسى كوركەم، قونىستانۋعا جايلى تارباعاتاي قۇرۋدىڭ جاڭا پاراعىن بىرلىكتە جازايىق

كۇلمەسە دە جىپ –جىلى ونىڭ جانارى

جولدانعان ۋاقىتى : 2018/2/15 13:26:23

ارزىگۇل ابدەش قىزى
«سەن بىلمەيسىڭ عوي، -دەدى  ول ماعان، مەن قانشاما  قيىندىقتاردى كوردىم».

  «ءبىراق، ءبارىن جەڭدىڭىز، جەڭە  الدىڭىز. سوسىن دا بيىكتەر سىزگە باعىندى عوي» دەدىم مەن. «تاعدىرىڭ تايعاق بولسا دا، تىرلىكتەن  قالقام شارشاما» دەپ اندەتتى ول... اڭگىمەمىز سولاي جالعاسا بەردى.

  كەيدە جۇرتتىڭ ءبارى ءبىزدى جاقسى كورەتىندەي، قۇرمەت  تۇتاتىنداي  ويلايمىز. قۋانامىز. جۇرەگىمىز بەلگىسىز شاتتىققا شومىپ، اينالامىزعا دا ءدال سونداي  ماحابباتپەن قارايمىز، ءيا، مەيىرىمدى، ىزگىلىكتى كوپ كورگەن ادام ءارقاشان دا اينالاسىنا سولاي مەيىرباندى، جايدارى، اق كوڭىل، كىشى پەيىل بولا بىلەدى. ال جامانداردان ونى كۇتۋگە بولمايدى.

  ومىردە كەيدە، كوزىمىزدەن مۇڭ كولەڭكەسى  كورىنىپ، سۋىق ىزعار ەسىپ، قۇلاق قاريتىن دىبىستارعا، جۇرەكتى تىلگىلەگەن ازاپقا دا كەزدەسەمىز. سول ساتتە عانا، اراداي وتكىر كوزدەر مەن  تىلدەردىڭ ارالىقتى اياۋسىز كەسكىلەپ، الشاقتاتىپ جاتقانىن سەزەمىز.  

  «جاماننان كەساپات» دەگەن، تەك وندايلاردان ءوزىڭدى  اۋلاق ۇستاۋ  ارقىلى، جادىڭنان ءوشىرۋ ارقىلى عانا جانىڭ تىنىشتالىپ، جاي  تاباسىڭ عوي، اسىرەسە سەنى كورە المايتىن قىزىل كوزدەر، ءىشى تار، توبىرلارعا سەن ەڭ « جەكسۇرىن» كورىنەسىڭ. ولاردىڭ جۇرەك قازانىندا سەن جايلى ەڭ ناشار ويلار  تولىپ تۇرادى، سوسىن دا  الدا - جالدا ولارعا ءبىر ورايى كەلسە، جۇرەك قازانىنداعى سول ويلارىن وجاۋ  تىلىمەن ءبىر-اق اقتارادى. ءدال وسىنداي سەنىڭ جانىڭدى جارالاۋعا دايىن دۇشپاننان ساقتا دەگەيسىڭ؟!
 
  مۇمكىن سول دۇشپانىڭنىڭ ءوز ومىرىندە ەشقانداي قىزىعى جوق بولۋى كەرەك، سوسىن ول سەنىڭ تاعدىرىڭا قۇشتار، قىزىعادى،  قادالادى. مۇمكىن، تاعدىر ونى كوپتەگەن تۋىس - تۋعانىنان ايىرعان شىعار، تىرلىك ونى اياۋسىز جىلاتقان بولار، جوق الدە ءبىلىم قۋىپ، الىسقا سامعاپ، اياۋلى  ۇستازداردان ءبىلىم الۋ باقىتى، ءتاپ -ءتاتتى ستۋدەنتتىك ءومىر، قىزىعى مول ماحاببات باقىتى بۇيىرماعان بولار نەمەسە الدەبىر تايعاناپ كەتكەن تاعدىرلارمەن ءومىرى ءوتىپ جاتقان دا شىعار. سوسىن دا وندايلار اينالاسىنا العىستى سەزىم، ماحابباتقا تولى جانار، شۇكىرگە تولى پەيىلمەن  قاراي المايدى. ولار مۇمكىن، وزدەرى اياداي اۋىلدان اتتاپ شىعىپ تا كورمەگەن شىعار، سول اياداي قىستاقتان سامعاپ ۇشىپ، بۇگىن دە وزىڭشە ءومىر ساپارىن ورنەكتەگەن تۇستارىڭدا، ول مۇمكىن، سەنىڭ 10 جىلدىڭ الدىنداعى «ەسكى بەينەڭدى» ۇمىتا الماي جۇرگەنى نەمەسە اينالاسىنداعى بيىك تە بەدەلدى، الدەبىر ازاماتتىڭ ءسۇرىنىپ كەتكەن ءبىر قادامىنا قاراپ، تابىستى 100 قادامىن ەسكە الا الماي، « قۇلان قۇلاپ قۇدىققا، قۇلاعىنا ويناپ جاتتى قۇرباقا» دەگەندەي بولار، ءتىپتى، ءوزى جىعىلىپ جاتىپ، سەنىڭ الدەبىر ساپارىڭداعى قيسايعانىڭدى ايتىپ، ابدەن ايىزى قانا تابالاۋى مۇمكىن. ءوزىنىڭ  قانشالىقتى قۇيدا جۇرگەنى، قانشاما لاستىقتا ءومىر ءسۇرىپ جاتقانىن ويلاماستان، سەنىڭ اق كوڭىلدىلىكپەن ايتقان سىرىڭدى تونىن اينالدىرىپ تەلۋى دە مۇمكىن، مىنە وسىندايعا ءماز بولاتىن، جۇرەگى جاماندىققا تولى، كەسىرلى پەندەلەر بولادى. سەن ولاردى كەشىر، ۇمىتىپ كەت. ولاردىڭ جازاسىن تەك ءومىر ءوزى بەرەتىنىنە سەن. ولار مۇمكىن وزگەلەردىڭ قاتەلىگىنە جارماسىپ وتىرعاندا، وزدەرىنىڭ قانشاما رەت قاتەلەسكەنىن ەستەرىنە دە تۇسىرە الماس-اۋ. باسقاعا كوزدەرى  وتكىر، تىستەرى پىشاقتاي؟! راس، «ءمىن  قازۋ - مىنە، بۇل ناعىز باقتالاستىڭ مىنەزى» ەمەس پە؟! وسىنى ءبىل. 
 

  اڭگىمە جالعاسا بەردى. « جۇرتتىڭ  كوزى سوعان وتكىر» دەدى ول ماڭدايىمنان سيپاي: « مەندە ءبىر كوز جاس بار تاستى تەسەتىن، سەندە ءبىر  مەيىرىم بار باستى كەسەتىن. بۇل كەشە باستاعان ولەڭىم» دەدى جەڭىل كۇرسىنە. « سەن  باسقالارعا تىم جاۋاپكەرلىكپەن قارايسىڭ، تىم - تىم مۇقياتسىڭ، سوندىقتان دا جۇگىڭ اۋىر، جۇرەگىڭ سەكەم العىش، ارتىق دۇنيەنى ومىرىڭنەن الىپ تاستاعايسىڭ». 

  «راقىمەت تۇسىنگەنىڭىزگە» دەدىم. تاڭعالىپ، وسىنداي تۇسىنەتىن ءبىر جۇرەكتىڭ، جۇباتاتىن ءبىر جاننىڭ، جەتەلەيتىن ءبىر ۇلگىمىزدىڭ بولعانى باقىت تا. راسىندا، تۇسىنىككە جەتەر نە بار، ءاسىلى، ءبىز تەك ءبىزدى تۇسىنگەن جاندارعا ەڭ كوپ قارىزدار ەكەنبىز  عوي...

  «جۇرەگىڭدى جارالاعان ادامعا دا، الداپ كەتكەن ادامعا دا العىسىڭدى اياما» دەدى ول سالماقتى بەينەدە. «قيىنشىلىق پەن ازاپ سەنى ءتىپتى دە قايراتتانا تۇسۋگە جەبەيدى. سەن كۇيرەۋىك ەمەس، كۇرەسكەر بولا تۇسەسىڭ، بەينە، مەن سەكىلدى» دەدى ماعان تۇنجىراي قاراپ، ول كۇلمەسە دە، جانارىنان جىلىلىق ەسىپ تۇردى. ول ماعان اقىلشى، ول ماعان قامقور ادام... راس-اۋ، كۇلمەسە دە جىپ – جىلى ونىڭ جانارى...

  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»