ۇلتتىق سپورت قيمىلدارىن وزدىردى

سۋرەتتە:  كوكپار تارتۋدا 
 

توقتاۋباي ماكەباي ۇلى حابارلايدى. 11 - اقپان كۇنى ساۋان اۋدانى بورتىنكو اۋىلىنىڭ ءجۇمادىل سايى دۋمانعا بولەندى، قىستاي اق كورپەسىن جامىلىپ جاتقان دالا ءتوسى دۇبىرگە تولىپ، اق مامىق قار ات تۇياعىمەن تۇتىلىپ، اتپال ازاماتتار كوكپار تارتىپ، تەڭگە ءىلىپ، ارۋلار مەن بوز جىگىتتەر قىز قۋار ويناپ، ۇلتتىق ءداستۇرلى ات ويىندارى ارقىلى كەلە جاتقان جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسىن ەرەكشە دۋمانمەن قارسى الدى. بۇل قيمىلدى اقجيەك قىستاعىنداعى ءبىر ءبولىم ازاماتتار مەن قىستاققا تۇسكەن كادرلار ءوز ەركىمەن اقشا شىعارىپ، قىستاق اتىندا وتكىزدى. اۋداندىق 2 - ورتا مەكتەپتەن اقجيەك قىستاعىنا تۇسكەن كادر، قىستاق كوميتەتىنىڭ ءبىرىنشى شۋجيى نۇروللا زەيىت ۇلى: «باس شۋجي شي جينپيڭ پارتيا 19 - قۇرىلتايىندا جاساعان بايانداماسىندا ‹مادەنيەت - ءبىر ەلدىڭ، ءبىر ۇلتتىڭ جانى. مادەنيەت كوركەيسە ەل كوركەيەدى، مادەنيەت كۇشەيسە ۇلت كۇشەيەدى› دەپ اتاپ كورسەتكەن بولاتىن. ءبىز پارتيا 19 -قۇرىلتايى رۋحىن ىشكەرىلەي ۇيرەنۋدى، ىشكەرىلەي ورىستەتۋ بارىسىندا ۇيرەنگەنىمىزدى امالياتپەن ۇشتاستىرۋدى كوزدەپ، وسى ءبىر مادەنيەت - دەنە تاربيە قيمىلىن ورىستەتىپ وتىرمىز»  دەدى.

  نۇربولات قۇرمانسادىق ۇلى : «ءبىز قىستاعىمىزعا كەلگەن كادرلارعا ەرەكشە ريزامىز، ولار قىستاعىمىزعا جاقسىلىقتار الا كەلدى. مىنە ىرگەمىزدەن «كينو الۋ قالاشىعى» سالىنىپ، قىستاعىمىزداعى قولى بوس ازاماتتار كاسىپتەنىپ جاتىر، بۇگىن مىنە تاماشا ۇلتتىق ات  ويىندارىن وتكىزىپ، مادەني ءومىرىمىزدى بايىتتى، ولارعا العىستان باسقا ايتارىمىز جوق» دەدى.
 

  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»