ۇسىنىس ەتىلگەن ءتىلشى حى چىڭچياڭ حابارلايدى. قىزىل شىراقتار ءىلىنىپ، داستارقان ءدامدى تاعامدارعا تولىپ، مەرەكەنىڭ مەرەيى ارتا ءتۇستى ... قوبىقسارى موڭعۇل اۆتونوميالى اۋدانى شاعانكول اۋىلى مادەني شوعىرلى قىستاعىندا قىزمەت اترەتىندەگىلەر مەن قىستاق تۇرعىندارى كوكتەم مەرەكەسىن بىرلىكتە تويلادى.
ۇعىسۋعا قاراعاندا، مادەني شوعىرلى قىستاعى دولانتى، شاعانكول، مادەني جانە تاپۋلاسان قىستاقتارىن قامتيدى ەكەن.
14-اقپان كۇنى اۋداندىق پارتكوم ۇگىت ءبولىمىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا دولانتى قىستاعىندا تۇراتىن قىزمەت اترەتىندەگىلەر قىستاق تۇرعىنى ساۋگىجاپ ءشوجاپتىڭ ۇيىنە حال سۇراي باردى. ابزال ساياساتتىڭ ارقاسىندا باعىمشىلىقپەن شۇعىلدانعان ساۋگىجاپتىڭ قولىنداعى قوي، سيىرىنىڭ سانى 70 تەن اسىپتى.
قىزمەت اترەتىنىڭ كەلەتىنىن ەستىگەن ولار ۇلتتىق كيىمدەرىن كيىپ، موڭعۇل ۇلتىنىڭ سالتىمەن قوناقتاردى قارسى الدى. كوپشىلىك ءبىر اراعا باس قوسىپ، توپتىق سۋرەتكە ءتۇسىپ، بولىپ جاتقان وزگەرىستەر مەن پارتيا 19 - قۇرىلتايىنىڭ رۋحىن اڭگىمەلەستى. ساۋگىجاپ ءشوجاپ: « قازىرگى باقىتتى تۇرمىسىمىز جاپالى ەڭبەگىمىزدىڭ جەمىسى. بيىلعى مەرەكەنى قىزمەت اترەتىندەگىلەرمەن بىرگە وتكىزگەنىمىزگە ايرىقشا قۋانىشتامىز» دەدى.
دولانتى قىستاعى پارتيا ياچەيكاسىنىڭ شۋجيى ەرلان: « قىزمەت اترەتىنىڭ باستاۋىندا ‹ساقا پارتيا مۇشەسى، ساقا كادر، ساقا ەڭبەك وزاتى، ساقا جاۋىنگەر› جانە كەدەي وتباسى قاتارلىلاردان حال سۇراپ، پارتيانىڭ ساياساتىن ۇگىتتەپ، بۇگىنگى باقىتتى تۇرمىسىمىزدى تىلگە تيەك ەتتىك. جۇرتشىلىق توتەنشە ريزالىقتارىن ءبىلدىردى» دەدى.
15 - اقپان كۇنى قىستاقتا تۇراتىن 4 قىزمەت اترەتىنىڭ 16 مۇشەسى كۇندىز جۇرتشىلىقتان حال سۇراپ، قىزمەت ورىندارىنا جاي ورالسا دا، بىرگە وتىرىپ كۇندىز جۇرتشىلىقپەن بىرگە بولعانداعى كوڭىلدى ىستەردى اڭگىمە ەتىستى.
ۇعىسۋعا قاراعاندا، تۇتاس اۋدان بويىنشا قىستاقتا تۇراتىن 83 قىزمەت اترەتىندەگى 373 كادر 76 قىستاق پەن 14 الەۋمەتتىك اۋماققا ورنالاسىپ، جۇرتشىلىقپەن اڭگىمە ءماجىلىسىن وتكىزۋ، ۇلتتار ىنتىماعى دوستىق قيمىلىن وزدىرۋ، وتباسىلارىن ارالاپ جاعداي ۇعىسۋ سياقتى فورمالارمەن ءار ۇلت جۇرتشىلىعىنا پارتيا 19 - قۇرىلتايىنىڭ رۋحىن ۇگىتتەپ، جۇرتشىلىقتىڭ ءوندىرىس - تۇرمىس بارىسىندا كەزدەسكەن قيىنشىلىقتارىن شەشىمدەپ، ءوزارا سۇيىسپەنشىلىكتەرىن ارتتىرىپ، جاڭا جىلداعى ءتۇرلى قىزمەتتى جاقسى ورىستەتۋگە بەرىك نەگىز قالاعان.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»