قالقابەك ماحسۇتحان ۇلى، ەرسىنگۇل تىلەۋحان قىزى حابارلايدى. بەيقۇت ءۇي سالۋ حالىق بۇقاراسىن اۋقاتتاندىرۋدىڭ نەگىزى، باسپانا بۇقارانىڭ باستى قاجەتى. جۋىق جىلداردان بەرى شيحۋ قالاسى ءتۇرلى شارالاردى قولدانىپ، اۋىل- قىستاقتىڭ تۇرعىن ءۇي جۇيەسىن بەلسەنە كەمەلدەندىرىپ، بەيقۇت ءۇي سالىپ حالىقتى اۋقاتتاندىرۋ ينجەنەرياسىن تاباندىلىقپەن ىلگەرىلەتىپ، ءار ۇلت جۇرتشىلىعىن تۇرعىن ۇيمەن قامدادى.
جۋىقتا شيحۋ قالاسى باسىحۋ اۋىلىنىڭ تۇرعىنى سىمايىل مامەت 80 شارشى مەترلىك جاڭا دا تازا بەيقۇت ۇيگە كوشىپ كىردى، سىمايىل مامەت بۇرىن قارا كەرپىشتەن سالىنعان كونە ۇيدە تۇراتىن. 2017 - جىلى باسىحۋ اۋىلدىق ۇكىمەتتىڭ بەلسەنە سايكەسۋىندە،سىمايىل مامەت بەيقۇت ءۇي سالىپ حالىقتى اۋقاتتاندىرۋ ينجەنەرياسىنىڭ قوسىمشا قاراجاتىنا ءوتىنىش بەرگەن بولاتىن. پارتيا مەن ۇكىمەتتىڭ حالىققا ءتيىمدى ساياساتىنىڭ دەمەۋىندە سىمايىل مامەت جاڭا ۇيگە كوشىپ كىرىپ، قۋانىشى قويىنىنا سيمادى.
قىستاق تۇرعىنى سىمايىل مامەت: «ۇكىمەت بيىل جاڭا ءۇي سالىپ بەردى، بىزدەن ەشقانداي قاراجات جانە ەڭبەككۇش تالاپ ەتپەيدى، ۇكىمەتتىڭ بىزگە دەگەن قامقورلىعىنا، پارتيانىڭ وسىنداي ءتيىمدى ساياساتىنا راقىمەت» دەدى.
باسىحۋ اۋىلىنىڭ تۇرعىنى جاۋ دۇڭ دا وسىنداي ءتيىمدى ساياساتتان يگىلىكتەنۋشىنىڭ ءبىرى، جاۋ دۇڭ باسىحۋ اۋىلى باحاي قىستاعىنداعى كوكونىس ەگىمشىلىگىمەن شۇعىلدانىپ اۋقاتتانعان وتباسى بولاتىن. 2017 - جىلى ول بەيقۇت ءۇي سالىپ حالىقتى اۋقاتتاندىرۋ ينجەنەرياسىنىڭ قوسىمشا قاراجاتىنا ءوتىنىش ەتىپ، ءوزى ءبىر ءبولىم قاراجات شىعارىپ، 130 شارشى مەترلىك بەيقۇت ءۇي سالىپ، پارتيانىڭ ءتيىمدى ساياساتىنان يگىلىكتەنىپ، بايۋ جولىنا ءتۇسۋ سەنىمىن بەكەمدەي ءتۇستى.
ۇعىسۋعا قاراعاندا، 2018 - جىلى شيحۋ قالاسى بەيقۇت ءۇي سالىپ حالىقتى اۋقاتتاندىرۋ ينجەنەرياسىن جالعاستى تياناقتاندىرىپ، 1020 بەيقۇت ءۇي سالىپ، حالىقتى اۋقاتتاندىرۋ قوسىمشا قاراجاتىن تاراتۋ جوسپارىن جاساپ، بەيقۇت ءۇي سالىپ حالىقتى اۋقاتتاندىرۋ ينجەنەرياسىن اتقارىپ، ءار ۇلت جۇرتشىلىعىنىڭ تابىس سەزىمى مەن باقىت سەزىمىن ۇزدىكسىز جوعارىلاتۋعا كۇش سالۋدا.
شيحۋ قالالىق بەيقۇت ءۇي سالىپ حالىقتى اۋقاتتاندىرۋ كەڭسەسىنىڭ قىزمەتكەرى فىڭ لەي: «بەيقۇت ءۇي سالىپ حالىقتى اۋقاتتاندىرۋ ينجەنەرياسى 2011 -جىلدان باستاپ اتقارىلعاننان قازىرگە دەيىن، 7 جىل بولدى، 2018 - جىلى 1020 بەيقۇت ءۇي سالۋدى جوسپارلاپ،ءار ۇلت جۇرتشىلىعىن بيىلعى ءتيىمدى ساياساتتان جالعاستى يگىلىكتەندىرۋگە قۇلشىنىپ، ءتۇرلى قىزمەتتەردى تىڭعىلىقتى ىستەپ، شىنايى، ناقتىلى قىزمەت وتەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش سالامىز» دەدى.
رەداكتورى: گۇلنۇر جۇماش قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان الىندى»