مالشىلاردىڭ كوكتەمگى كوشى-قونىنا كومەكتەستى

 سۋرەتتە: كوشى- قون جاعدايىن ۇعىسۋدا.
 

    ۇسىنىس ەتىلگەن ءتىلشى تاۋلە قۇماش ۇلى حابارلايدى. شاعانتوعاي اۋدانى مال شارۋاشىلىعىن دامىتۋ تەبىنىن كۇشەيتۋ ارقىلى اۋدان ەكونوميكاسىنىڭ تەز قارقىنمەن دامۋىن جەبەپ، مالشىلاردىڭ تۇرمىس ورەسىن جاقسارتۋدى ماڭىزدى قىزمەت رەتىندە مىقتى ۇستاپ، مال شارۋاشىلىعىنا بولعان ۇسىنىلىمدى ارتتىرىپ، قۇرىلعى - قۇرىلىسىن ۇزدىكسىز كەمەلدەندىرىپ، ءار جىلى مال شارۋاشىلىعىنان مول ءونىم الىپ كەلەدى.
   
  شاعانتوعاي اۋدانى بىلتىر جىل سوڭىندا 600 نەشە مىڭ باس ءار تۇلىك مالدى قۇلىستاي جانە اۋدان قالاشىعىنا 300 كيلومەتر شالعايداعى بارلىق، مايلى قىستاۋلىعىنا، ءبىر ءبولىمىن وتىرىقتاندىرۋ ءتۇيىنى مەن ەگىنشىلىك رايوندارىنا ورنالاستىرىپ، ءبىر قىسقا جەتەرلىك جەم- ءشوپ دايىنداعاندىقتان ءتورت تۇلىك مال قىس قىرىنان امان شىقتى.
  
  شاعانتوعاي  اۋدانى بيىل كوكتەمدە قىستاۋلىقتاعى ءار تۇلىك مالدى  3 - ايدىڭ 17 - كۇنىنەن باستاپ كوكتەۋلىككە كوشىرۋدى بەلگىلەگەن بولاتىن، سودان باستاپ بارلىق، مايلى قىستاۋىنداعى 130 نەشە مىڭ باس ءار تۇلىك مال قىستاۋدان كوشىپ، 3- ايدىڭ 25 -كۇنىنە دەيىن ٪ 70 تى التىن ەمىل اسۋىنان اسىپ، ازىنا، ايرانكومگەن، تامدى، قارابۋرا، شەگىر، اتاقارا، شىباركول سياقتى  كوكتەۋلىككە جەتىپ قونىستاندى.
   
  شاعانتوعاي اۋداندىق پارتكوم مەن حالىق ۇكىمەتى بارلىق، مايلى قىستاۋلىعىنداعى مالشىلاردىڭ باس اماندىعى مەن مال - مۇلكىنىڭ اماندىعىنا كەپىلدىك ەتىپ، ءار تۇلىك مالدى شىعىنسىز كوكتەۋلىككە جەتكىزۋ ءۇشىن اۋىل، فەرمانى نەگىز ەتكەن كوشى-قونعا جەتەكشىلىك ەتۋ باسشىلىق گرۋپپاسىن قۇرىپ، كوشى- قون بارىسىندا ارىق- تۇراق مالدى تويىندىرۋعا، جەم - ءشوپ دايىنداۋعا جاۋاپتى بولىپ، شاعانتوعايدىڭ ەڭ قيىن 45 كيلومەتر كەلەتىن التىن ەمىل اسۋىنداعى قالىڭدىعى 2 مەترگە تاياۋ قاسات قاردى جوعارى اتكۇشىندىك تراكتورمەن 6 كۇن كۇرەپ جولدى  اشىپ، مالشىلارعا قولايلىلىق جاراتتى.
  
  اۋداندىق حالىق ۇكىمەتى ءىس كەڭسەسىنىڭ مەڭگەرۋشىسى باقىتبەك باس بولىپ، اۋداندىق مال شارۋاشىلىق- مال دارىگەرلىك مەكەمەسى، اۋداندىق حالىق ىستەر مەكەمەسى جانە جايىلىمدى باقىلاپ - باسقارۋ مەكەمەسى سياقتى ورىنداردىڭ قاتىستى باسشى، كادرلارىنا جەتەكشىلىك ەتىپ، قىستاۋدان كوشكەن مالشىلاردىڭ الدىنان شىعىپ، حال - جاعدايلارىن ۇعىسىپ، كوشى - قون جۇمىستارىنا كومەكتەسىپ، مالدا بولاتىن ءتۇرلى ىندەتتىڭ الدىن الۋ جونىندە كەڭەس بەرىپ، ازىق- تۇلىك تاراتىپ، كوش بايسالدى بولسىن ايتتى.
  
  التىن ەمىل اۋىلىنىڭ مالشىسى جۇماعازى ناۋان ۇلى: «مايلى قىستاۋىنان كوشكەنىمىزگە 5 كۇن بولدى، ەندى 2 كۇندە كوكتەۋلىككە جەتەمىز، ءبىزدىڭ ەڭ الاڭدايتىنىمىز التىن ەمىل كوش جولىنىڭ قاسات قارى بولاتىن، قاتىستى ورىنداعى كادرلار جولدىڭ قارىن كۇرەپ ىركىلىسسىزدەندىردى، بۇگىن باسشىلار الدىمىزدان شىعىپ، ازىق- تۇلىك جەتكىزىپ بەردى، پارتيا مەن ۇكىمەتكە كوپ راقىمەت» دەدى.
 
 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»