ەەڭ جاڭا مازمۇندار
2019-جىلى 1-ايدىڭ 18-كۇنى 15-سان
سالت-داستۇرگە مۇراگەرلىك ەتىپ، كۇش-قۇدىرەتىن ايگىلەدى
قار-مۇز سالتاناتى . ومىرشەڭدىككە تولى شاۋەشەك
ايماقتىق پارتكومنىڭ كەڭەيتىلگەن ءماجىلىسى رۋحىن ۇيرەنۋ، ۇگىتتەۋ، دايەكتىلەندىرۋ جونىندەگى جەلىلەس شولۋ (2)
ايماعىمىز ۋاكىلدەر ۇيىرمەسى ۇكىمەت قىزمەتىنەن باياندامانى جالعاستى تالقىلادى
اۆتونوميالى رايوندىق 13-كەزەكتى حالىق قۇرىلتايى 2-ءماجىلىسى ءتوراعالار القاسىنىڭ 3-جيىنىن وتكىزدى
اۆتونوميالى رايوندىق 13-كەزەكتى حالىق قۇرىلتايى 2-ءماجىلىسى ەكىنشى جالپى جيىنىن وتكىزدى
2019-جىلى 1-ايدىڭ 17-كۇنى 14-سان
ايماقتىق پارتكومنىڭ كەڭەيتىلگەن ءماجىلىس رۋحىن ىشكەرىلەي ۇيرەنۋدى تالاپ ەتتى
2019-جىلى 1-ايدىڭ 16-كۇنى 13-سان
ءوز ۇلەستەرىن قوسۋدى تالاپ ەتتى
ءار ۇلت حالقىنا ءبىر مايدان سالتاناتتى مادەنيەت ساۋىق كەشىن تارتۋ ەتتى
«110 كۇنىنە» قاتىستى ساۋاتتىق بىلىمدەردى ۇگىتتەدى
ءتىپتى دە نۇرلى بولاشاققا اسىعامىز
اۆتونوميالى رايوندىق 13-كەزەكتى حالىق قۇرىلتايىنىڭ 2-ماجىلىسىنە قاتىناسقان تارباعاتاي ايماعىنىڭ ۋاكىلدەر ۇيىرمەسى ۇكىمەت قىزمەتىنەن باياندامانى تالقىلادى
بيىلعى ءتۇرلى قىزمەتتى تىڭعىلىقتى دا ءونىمدى ورىستەتەتىندىكتەرىن ءبىلدىردى
اۆتونوميالى رايوندىق 13-كەزەكتى حالىق قۇرىلتايى 2-ءماجىلىسىنىڭ ءتوراعالار القاسى 2-جيىنىن وتكىزدى
ايماقتىق پارتكومنىڭ بىرلىكساپ ءبولىمى: بىرلىكساپ قىزمەتىنىڭ تاعى دا تىڭ ساتىعا كوتەرىلۋىن جەبەيىك
ايماقتىق ءتارتىپ تەكسەرۋ كوميتەتى، باقىلاۋ-تەكسەرۋ كوميتەتى: ءتارتىپ تەكسەرۋ، باقىلاۋ-تەكسەرۋ قىزمەتىنىڭ جوعارى ساپالى دامۋىن ىلگەرىلەتەيىك
ايماقتىق پارتكومنىڭ ۇيىمداستىرۋ ءبولىمى: كەڭەيتىلگەن ءماجىلىس رۋحىن ويداعىداي ۇيرەنىپ، ءار سالا قىزمەتتى ناقتىلى تياناقتاندىرايىق
ايماقتىق پارتكوم ۇگىت ءبولىمى: ۇگىت قىزمەتىن ىلگەرىلەتۋدى تىڭ ورەگە كوتەرەيىك
اۆتونوميالى رايوندىق 13 - كەزەكتى حالىق قۇرىلتايىنىڭ 2 - ءماجىلىسى اشىلدى
شاۋكەت يمىن تارباعاتاي ايماعى ۋاكىلدەر ۇيىرمەسىنىڭ تالقىسىنا قاتىناستى
2019-جىلى 1-ايدىڭ 15-كۇنى 12-سان
2019-جىلى 1-ايدىڭ 14-كۇنى 11-سان
ءار ۇلت بۇقاراسىمەن بولعان سۇيىسپەنشىلىكتەرىن نىعايتتى
قاتىناس حاۋىپسىزدىگىنىڭ كومەسكى قاتەرىن الاستادى
تەگىن دەنساۋلىق تەكسەردى
تەلەگراف الدامكوستىگىنەن ساقتانۋ بىلىمدەرىن ۇگىتتەدى
جاڭا داۋىردە جاراسىمدى، ەكولوگياسى كوركەم، قونىستانۋعا جايلى تارباعاتاي قۇرۋدىڭ جاڭا پاراعىن بىرلىكتە جازايىق

ءبىز شىنايى قۇلشىنا الدىق پا

جولدانعان ۋاقىتى : 2018/3/29 13:00:57

ارزىگۇل ابدەش قىزى

  «كەرەمەت دەرلىكتەي ەڭ ۇزدىك » بولا  الماعانىڭنىڭ سەبەبىن ىزدەپ كوردىڭ بە؟

  بۇگىن ول تىم قاتال-دى. ءوزىمدى  اقتاۋعا  دا، سەبەپ ىزدەۋگە دە ۇمتىلمادىم. شىنىمەن دە كوپتەن بەرى، جۋرنالدار مەن توراپتىڭ تاپسىرعان ماقالالارىن ۋاعىندا دايىنداي الماي «قينالىپ» قالعام. ءار كۇنى وزىمە قىرىق مينۋدتىق ءتىل ۇيرەنۋ  ۋاقىتىن بەلگىلەپ، ءبىراز ۋاقىت ماشىققان ىسپەتتى بولدىم. كەيدە ۇيدەگىلەرگە: 

  _ ماعان قاداعالاۋشى بولىڭدارشى- دەيمىن جالىنا، ونىم وزىمە سەنبەگەندىكتىڭ بەلگىسى ەمەي نە؟ ءوز جوسپارىن بۇلجىتپاي اتقارا بىلەر ادام بىرەۋدىڭ قاداعالاۋىن بۇلايشا وتىنبەس بولار؟! بۇگىن تەك ءۇنسىز تىڭداپ، ويلانۋ عانا تالعامىم بولدى.

  «سەنىڭ ءبىر تانىسىڭ مەنەن بىرنەشە  كىتاپ سۇرادى» دەدى ول ماعان سىرتىن بەرە، ءوزى  تەرەزەدەن سوناۋ الىستارعا  قادالىپ تۇر. سەنبى كۇنى كىتاپتاردى الىپ، ونىڭ ۇيىنە بارعانىمدا ول شەشەسىمەن سويلەسىپ تۇرىپتى:

  _ شەشە، ماعان دا وڭاي دەيمىسىڭ،- دەدى ول جازعىرا سويلەپ،-ءوزىم  اۋىلدان الىستا، سىرتتا ءجۇرمىن. سىزدەرگە اي سايىن اقشا سالارلىق قايداعى قاۋقار، قانشاما  قينالىپ، شارشاپ جۇرگەنىمدى، قانشاما قۇلشىنىپ جۇرگەنىمدى  ءوزىم  عانا  بىلەمىن.

  ول تەلەفوندا الاڭسىز سويلەسىپ السىن دەپ سىرتقا شىعا تۇردىم، سالدەن كەيىن قايتا كىرسەم، ول الدەقاشان توراپ ويىنىنىڭ قىزىعىنا كىرىپ كەتىپتى، ءتىپتى، مەنى سەزبەي دە قالدى. تەلەفونى قاسىندا «ارقاندالىپتى». جاڭا عانا  شەشەسىنە ايتىپ تۇرعان قينالىپ، قۇلشىنىپ جۇرگەن بەينەنى بۇل ارادان ىزدەپ تە تابا المايتىندايمىن.

  ول بالانىڭ جايىن بىلەمىن عوي، قىزمەتى جەڭىل، ءار كۇنى ۋاعىمەن قىزمەتكە شىعىپ - تۇسەدى. تەك ءار كۇنگى كاسىپتىك قىزمەتىنەن باسقا  ۋاقىتتارى دەرلىك وزىنە تاۋەلدى. قالاي پايدالانام دەسەدە قىزمەتتەن تۇسكەسىن قالايدا ءتورت- بەس ساعات ۋاقىتى بار. 

«كەشە ول قىزمەتىنەن بوسادى» دەدى ول ماعان قاراي ءبىراز بۇرىلا. 

  جۇزىنە  قاراۋعا ءالى دە جاسقانىپ تۇرمىن.

  ارينە، ۇستازىمنىڭ قالاي ەڭبەكتەنەتىنىن ءبىلۋشى ەم. سوسىن دا ەڭبەگىنە قاراي بۇكىل دۇنيە  وعان جول بەرىپ تۇرعانداي  -دى. ارت  - ارتىنان بىرنەشە جيناعى جارىق كوردى. قاي مەزگىلدە سونشاما مول ەڭبەكتەر جازىپ جۇرگەنىنە  تاڭ قالام. مەكتەپتىڭ دە كوپ شارۋاسىن ءوز موينىنا العان، ىشتەي تاڭىرقاۋمەن عانا تىڭداپ وتىرمىن. ول جالعاستى ايتىپ وتىر.  

  - الگى تانىسىڭنان ەندى نە ىستەيسىڭ دەپ سۇراپ  ەم، الدىمەن بىرنەشە جىل قۇلشىنايىن سوسىن كورەم عوي، دەدى. قاراعاندا، ونىڭ اۋزىنداعى قۇلشىنامىن دەگەن ءسوز تاماشا سىلتاۋ ءارى ءوزىن اقتاۋى عانا ىسپەتتى. راس، كەيدە « قۇلشىنۋ» دەگەن وسى ءسوز تەك ءبىر ءساندى پالتو ىسپەتتى. ادامداردىڭ جالقاۋلىق سىندى شىن كەلبەتىن جاسىرىپ تۇراتىنداي. كەڭسەمىزدەگى پراكتيكانت جىگىتتى بىلەرسىڭ، ول ءار كۇنى بارىمىزدەن ەرتە كەلەتىن، جاي قايتاتىن، ونىڭ شەڭبەرىندە  دە  ۇنەمى «تاڭعا تاياۋ ۇيگە قايتتىم، جالعاستى قىزمەتتە بولام» دەيتىن سوزدەر جازىلىپ تۇراتىن. ءبىراق ول ءار كۇنگى قىزمەت مىندەتىن دە ورىنداي المايتىن، مەڭگەرۋشى الدىڭعى جولى وعان كەشىرىممەن قارادى. ەكىنشى رەت  تاعى دا ۇندەمەدى، ارينە، ءۇشىنشى رەتكىسىن كوردىڭ، سىن ەستىدى، ءتىپتى، قولىنداعى ماتەريالدارىنىڭ قاتىستى سان -سيفرلارىن دا دۇرىس جولداي الماپتى. پراكتيكا ورايىنان دا ايرىلا جازدادى. ونى تاعى قۇلشىندى دەۋگە كەلە مە؟!  راس، ول جىگىت شىنىمەن دە ءار كۇنى كەڭسەگە ەرتە كەلەتىن، دەسەدە، باسقالار كەلىپ، قىزمەتكە كىرىسىپ كەتكەندە، ول كەڭسەدە تاڭعى اس ءىشىپ، شەڭبەرگە، بلوكقا جولداما جولداۋمەن ابىگەر بولاتىن. ال كەيبىر وقۋشىلار دا سونداي، جايشىلىقتا ءار كۇنگى ساباقتى مۇقيات پىسىقتامايدى، ەمتيحانعا تاياعاندا، بىرنەشە كۇن جانتالاسقا تۇسەدى، «قۇلشىنعان» بەينە بايقاتادى، ءبىراق، نەگىزگى ءبىر، ەكى ساباقتان تىم شىركىن-اي بولماعانىن، ءتىپتى، وتپەي قالعانىن بايقايسىڭ!؟

  -جامان قىز بىلەسىڭ بە؟-دەدى  ول،-ۇستەمە قىزمەتتە  وتىرىپ، گۇل قۇلپىرا اشىلعاندا ءبىر-اق  بايقايمىز. ەلەۋلى، ءىرى وقيعالاردىڭ ءبارى دە  ىم  - جىڭسىز  تۋىلادى. ءبىز سىبىسىن دا سەزبەي قالۋىمىز مۇمكىن. شىنايى قۇلشىنعان ادام ەشقاشان دا ونىسىن دابىرا قىلمايدى. تەك كورەر كوزگە كولگىرسيتىندەر عانا ادەيى ماقتان ءۇشىن سولاي ىستەيدى،-ءسويتتى  دە،-ايران ىشەسىڭ بە؟ الما جەيسىڭ بە؟- دەپ قويدى، اقىرىن عانا، مەن ايران ىشەيىن دەدىم. ءسويتىپ، ۇيگە قايتقالى تۇرىپ، تاعى دا ءتۇن بويى قىزمەت ىستەيتىن ونىڭ ازىعىن قالاي الىپ العانىمدى سەزبەي قالىپپىن. «مۇنىم نە بولدى،- دەدىم،-   وزىمە - ءوزىم  كۇبىرلەپ، جاي بولىپ كەتسە دە مەن قازىر ۇيگە قايتامىن. ول ءالى  تالاي ۋاقىت وتىرادى عوي. قايتا بارۋعا تاعى بولماس، مازالاپ قويام -اۋ».   

  راس-اۋ،  ءبىز كەيدە  قۇلشىنعانسىماق بولعان  ءادىس-ايلا  ارقىلى ءوزىمىزدىڭ  جالقاۋلىعىمىزدى  بۇركەمەلەگىمىز  كەلەدى.  مۇمكىن ءبىز ءمالىم ءادىس- شارالاردى، سابىر مەن  توزىمدىلىكتى، ويلانۋ مەن وزگەرۋدى قاجەت ەتەتىن شىعارمىز، ءبىراق، قالايدا، كوكەيىمىزدەگى «مەن قالايدا قۇلشىنىپ جاتىرمىن»، «مەن بار كۇشىممەن ۇزدىكسىز قۇلشىنۋدامىن» دەيتىن ساعىم قيالدان ارىلۋىمىز كەرەك.  قانە، ءبىز ءوز - وزىمىزدەن سۇراپ كورەيىكشى، ءبىز  شىنىمەن دە بار كۇشىمىزدى  سالىپ، تىنباستان قۇلشىنىپ ءجۇرمىز بە؟!   


 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.

  مىسالى: «تارباعاتاي اقپارات تورابىنان الىندى»