قىزمەت اترەتىنىڭ كومەگى بۇقارانىڭ جۇرەگىندە

 سۋرەتتە: جۋ زىجۋان ىزگى جاندارعا العىس ايتۋدا.
 

  ۇسىنىس ەتىلگەن ءتىلشى ەرگۇل مۇقاتاي قىزى حابارلايدى. مۇگەدەكتەرگە قامقورلىق جاساۋ، قارايلاسىپ تۇرۋ، سونداي-اق رەفورما جاساپ، ەسىك اشۋدا قولعا كەلتىرگەن ناتيجەلەردەن ورتاق يگىلىكتەندىرۋ قوعامداعى ءاربىر ادامنىڭ جاۋاپكەرلىگى.
  
  شاۋەشەك قالالىق دامۋ جانە رەفورمالاۋ كوميتەتىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا اشىلى اۋىلى بەلتام قىستاعىنا تۇسكەن قىزمەت اترەتىندەگىلەر قىستاقتاعى وتباسىلارىن ارالاۋ بارىسىندا، كوپتەگەن قيىنشىلىعى اۋىر، مۇگەدەك وتباسىلارىن ءوز كوزدەرىمەن كورىپ، ولارعا پارتيا مەن ۇكىمەتتىڭ ءتيىمدى ساياساتتارىن ۇگىتتەپ، قولامتالى ماسەلەلەردى تۇراقتاندىرىپ، پاناسىزدارعا قورمال، السىزدەرگە سۇيەنىش بولدى.
  
  قىزمەت اترەتىندەگىلەر بەلسەندىلىكپەن قوعامداعى ىزگى نيەتتى جاندارمەن جانە شاعانتوعاي اۋدانى ۋانجي ءۇي قۇرىلىسى سەرىكتىگىنىڭ باس مەڭگەرۋشىسى شى شيڭۋىنمەن حابارلاسىپ، قىستاق تۇرعىنى جۋ زىجۋانعا باعاسى 2500 يۋاندىق ەلەكترلى دوڭگەلەكتى ورىندىق ۇسىنىپ، قوعامنىڭ مەيىرىن شىنايى سەزىندىردى.
  
  بەلتام قىستاعىنىڭ تۇرعىنى جۋ زىجۋان ەكىنشى دارەجەلى مۇگەدەك ونىڭ ءجۇرىپ-تۇرۋى وتە قولايسىز بولعاندىقتان ۇيىنەن سىرتقا شىقپايتىن ەدى. شاۋەشەك قالالىق دامۋ جانە رەفورمالاۋ كوميتەتىنەن بەلتام قىستاعىنا تۇسكەن قىزمەت اترەتىندەگى ۋاڭ دي وتباسىلارىن ارالاۋ بارىسىندا جۋ زىجۋاننىڭ ءىس جۇزىندىك جاعدايىن كورىپ،قىزمەت اترەتىندەگىلەر مەن جانە قىستاق «ەكى كوميتەتىنىڭ» مۇشەلەرىمەن  اقىلداسىپ، قىزمەت اترەتىن جىبەرگەن ورىنعا اڭىس ەتىپ، ەكى جاقتىڭ ورتاق قۇلشىنىسىنىڭ ارقاسىندا، كوپ وتپەي، شاعانتوعاي اۋدانى ۋانجي ءۇي قۇرىلىسى سەرىكتىگىنىڭ باس مەڭگەرۋشىسى شى شيڭۋىن جولداستىڭ بۇعان كومەكتەسەتىندىگىنەن حاباردار بولادى.
  
  ىزگى جانداردىڭ كومەگىندە جۋ زىجۋان بۇدان كەيىن ۇيىندە وتىرماستان وتباسىنداعىلاردىڭ اۋىرتپالىعىن جەڭىلدەتىپ، ءوزى سىرتقا شىعا الاتىن بولدى. ول ايرىقشا قۋانىپ: «شى مەڭگەرۋشى مەنىڭ  قيىنشىلىعىمدى شەشىپ، ءجۇرىپ-تۇرۋىما قولايلىلىق جاسادى. بۇدان كەيىن مەندە كوپشىلىكپەن بىرگە تۋ شىعارۋ سالتىنا قاتىناسا الاتىن بولدىم» دەدى.
  
  قىزمەت اترەتىندەگىلەردىڭ قامقورلىعى مەن قويۋ سۇيىسپەنشىلىگى ونىڭ وتباسىنداعىلارىن ەرەكشە اسەرلەندىردى. ولار زاتتىق جاقتان كومەك كورسەتىپ قانا قالماستان، ەڭ ماڭىزدىسى رۋحاني جاقتان زور مەدەۋ بەردى.
  
  قىزمەت اترەتىنىڭ مۇشەسى جياڭ نيڭ: «مۇگەدەكتەرگە قامقورلىق جاساۋ قوعامداعى ءاربىر ادامنىڭ بورىشى. ءبىز قىستاق تۇرعىندارىنىڭ كوڭىل كۇيىن ءتۇسىنىپ، ولاردىڭ جۇگىن جەڭىلدەتۋ ءۇشىن كەلگەنبىز، قىستاققا تۇسكەننەن كەيىن حالىق ءۇشىن قىزمەت وتەۋ مەحانيزمىن قۇرىپ، حالىقتىڭ بىزگە اڭىس ەتكەن ىستەرىن ءبىر-بىرلەپ تىزىمگە الىپ، شەشىم ەتىپ وتىردىق» دەدى.
  
  قىزمەت اترەتىندەگىلەردىڭ وسى رەتكى قيمىلى قوعامنىڭ ءار سالاسىنداعى كوپتەگەن ىزگى جانداردىڭ نازارىن اۋداردى. بىرنەشە كاسىپورىندار  قيىنشىلىعى اۋىر جاندارعا كومەكتەسەتىندىكتەرىن، ولاردىڭ تۇرمىستارىنا از دا بولسا وزگەرىس الا كەلىپ، قوعامنىڭ مەيىرىن شىنايى سەزىندىرەتىندىكتەرىن ءبىلدىردى. قىزمەت اترەتىندەگىلەر سۇيەمەلدەۋ قىزمەتىن ورىستەتىپ، مۇگەدەكتەرگە قارايلاسىپ، حالىق ءۇشىن قىزمەت وتەپ، كوپشىلىكتىڭ القاۋىنا يە بولدى.
 


 
  رەداكتورى: گۇلنۇر جۇماش قىزى

  تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
 
  مىسالى: «تارباعاتاي اقپارات تورابىنان الىندى»